തഴുത്തലയിൽ കരുതലോടെ ജനങ്ങൾ
കൊട്ടിയം: പോലിസും ഉദ്യോഗസ്ഥരും
കെ - റെയിൽ കല്ലിടീൽ ഉപേക്ഷിച്ചു
ഇന്നലെ മടങ്ങിയെങ്കിലും കരുതലോടെയാണ് തഴുത്തലയിലെ ജനങ്ങൾ ഓരോ നിമിഷവും തള്ളി നീക്കുന്നത്. എപ്പോൾ വേണമെങ്കിലും മഞ്ഞകുറ്റിയുമായി പോലീസും ഉദ്യോഗസ്ഥരും എത്തുമെന്ന് ഇവർ കണക്ക് കൂട്ടുന്നു. സ്ത്രികൾ അടക്കമുള്ളവർ ചേർന്ന് ജാഗ്രത സമിതികൾ രൂപീകരിച്ചു കൊണ്ട് ശക്തമായ സമരമുറകൾ ആസൂത്രണം ചെയ്യുകയാണ് ഇവിടെ.
രാക്ഷ്ട്രീയ പാർട്ടികളുടെ നേതാക്കളുടെ ഫോണുകളിലേക്കും മറ്റും സ്ത്രീകളുടെ നിരന്തരമുള്ള ഫോൺ വിളിയാണ് പലരും പരിഭ്രാന്തിയിലാണ് എന്ന് ബിജെപി പ്രവർത്തകർ പറയുന്നു. കിടപ്പാടം നഷ്ടപ്പെടുന്ന ഭീതിയിൽ പലരും മാനസിക സംഘർഷത്തിലാണ് ആത്മഹത്യ ചെയ്യും എന്ന് പറയുന്നത് വെറും വാക്കല്ല എന്ന് അവരുമായി നിരന്തരം ബന്ധപ്പെടുന്ന സാമൂഹ്യ രാക്ഷ്ട്രീയ പ്രവർത്തകർ പറയുന്നു.
കെ- റെയിൽ പദ്ധതിയ്ക്ക് വേണ്ടി ഒരു തരി മണ്ണ് പോലും വിട്ട് കൊടുക്കാൻ ഇവിടുള്ളവർ തയ്യാറല്ല. പദ്ധതി പ്രദേശത്ത് കുടിയിറക്കുന്നവർ മാത്രമല്ല അവരുടെ ബന്ധുക്കളും നാട്ടുകാരും ഒന്നടങ്കം സമരത്തിന് പിന്തുണയുമായി ഇ വീടുകളിൽ എത്തുകയാണ്. പല വീടുകളും മരണവീടുകൾക്ക് സമാനമായി മാറിയെന്ന് നാട്ടുകാർ പറയുന്നു. വരും ദിവസങ്ങളിൽ ശക്തമായ സമരമുഖം തുറന്ന് കൊണ്ട് ജനകീയ പ്രതിരോധത്തിന് ഒരുങ്ങുകയാണ് ഇവർ പിന്തുണയുമായി രാക്ഷ്ട്രീയ പാർട്ടി പ്രവർത്തകരും നാട്ടുകാരും എത്തുന്നതോടെ കെ-റെയിൽ വിരുദ്ധ സമരം കൂടുതൽ ശക്തമാകും.
No comments:
Post a Comment