കൊല്ലം: ജനജീവിതം ദുസ്സഹമാക്കിഇടത് വലത് തൊഴിലാളി യൂണിയനുകള്‍ ആഹ്വാനം ചെയ്ത പണിമുടക്ക്. മൂന്ന് ദിവസത്തോളം നീണ്ടു നിന്ന പ്രൈവറ്റ് ബസ് സമരത്തിൽ കുടുങ്ങി കിടന്ന ജനങ്ങളെ പൂർണ്ണമായും തകർത്തു കൊണ്ട് പൂർണ്ണമായും പൊതുഗതാഗതം തടസപ്പെടുത്തി കൊണ്ട് കടകൾ നിർബന്ധിച്ചു അടച്ചു കൊണ്ട് നടത്തിയ പണിമുടക്ക് ജനജീവിതം ദുസഹമാക്കി മാറ്റി.ഹോട്ടലുകൾ തുറക്കാത്തത് മൂലം ഹോട്ടൽ ഭക്ഷണം ആശ്രയിച്ചു ജീവിക്കുന്നവർ പട്ടിണിയിലായി. വഴിയോരത്ത് ജീവിക്കുന്നവർ ആഹാരമില്ലാതെ വലഞ്ഞു. കൊവിഡാനന്തരം കരകയറി വന്ന കച്ചവടമേഖലയെ പണിമുടക്ക് വീണ്ടും തകർക്കുമെന്ന് കച്ചവടക്കാർ പറഞ്ഞു. ഗ്രാമീണ മേഖലയിൽ ചെറു കടകൾ തുറന്ന് പ്രവർത്തിച്ചുപ്പോൾ പ്രധാന ജംഗഷനുകളിൽ ഇടത് വലത് മുന്നണിയുടെ നേതാക്കൾ എത്തി കടകൾ നിർബന്ധിച്ചു അടപ്പിക്കുകയായിരുന്നു. രാവിലെ തന്നെ വാണിജ്യ വ്യാപാര സ്ഥാപനങ്ങൾ തുറക്കാൻ വ്യാപരികൾ തയ്യാറായിട്ടും സംരക്ഷണം നൽകാൻ പോലിസ് തയ്യാറാകാതെ വന്നതോടെ കച്ചവടക്കാർ പിൻവാങ്ങി. പ്രൈവറ്റ് വാഹനങ്ങൾ ധാരാളമായി നിരത്തിലിറങ്ങിയെങ്കിലും സംയുക്ത ട്രേഡ് യൂണിയന്‍ പ്രവര്‍ത്തകര്‍ നിരത്തിലിറങ്ങിയ വാഹനങ്ങള്‍ തടഞ്ഞു പലയിടത്തും വാക്ക് തർക്കങ്ങളിലും നീങ്ങിയെങ്കിലും പോലിസ് ഇടപെട്ട് ഒഴിവാക്കുകയായിരുന്നു. ചെറുതും വലുതുമായ വ്യവസായ സ്ഥാപനങ്ങൾ ഒന്നും തന്നെ പ്രവർത്തിച്ചില്ല കയർ കശുവണ്ടി മേഖലയിലെ ഫാക്ടറികൾ അടഞ്ഞു കിടന്നപ്പോൾ കൈത്തറി മേഖലയിൽ സഹകരണ സംഘങ്ങളിൽ ഭരണസമിതി തന്നെ അവധി കൊടുക്കുകയായിരുന്നു. വീടുകളിൽ തറികൾ പ്രവർത്തിച്ചു. കൈത്തറി മേഖലയിലെ പ്രമുഖ വ്യവസായ സ്ഥാപനമായ കൊല്ലം സഹകരണ സ്പിന്നിംഗ് മിൽ പൂർണ്ണമായും അടഞ്ഞു കിടന്നു സർക്കാർ ഓഫിസുകളിലും ബാങ്ക്കളിലും ജോലിക്കാർ എത്തിയെങ്കിലും സമരാനുകൂലികള്‍ ജീവനക്കാരുടെ വാഹനം തടയുകയായിരുന്നു. ഇത് മൂലം സര്‍ക്കാര്‍ ഓഫീസുകളുടെയും ബാങ്കുകളുടെയും പ്രവര്‍ത്തനവും താളംതെറ്റി ട്രഷറികള്‍ തുറന്ന് പ്രവര്‍ത്തിച്ചു. സ്വകാര്യ ബാങ്ക് ജീവനക്കാർ വീടുകളിൽ ഇരുന്ന് ജോലി ചെയ്തു. റെയില്‍വേയിൽ ഭൂരിപക്ഷം തൊഴിലാളികളും ജോലിക്ക് എത്തി.റെയിൽവേയിൽ വിവിധ ജോലികൾ സുഗമമായി നടന്നു കെ എസ് ഇ ബി യിൽ തൊഴിലാളികള്‍ പണിമുടക്കില്‍ പങ്കെടുത്തതോടെ ഓഫിസുകൾ അടഞ്ഞു കിടന്നു. പലയിടത്തും വൈദ്യുതി മുടങ്ങി പുന:സ്ഥാപിക്കാൻ തൊഴിലാളികൾ എത്തിയില്ല. കെഎസ്ആര്‍ടിസിയിൽ തൊഴിലാളികൾ ജോലിക്ക് എത്തിയെങ്കിലും സര്‍വീസ് നടത്താൻ അധികൃതർ തയ്യാറായില്ല.പണിമുടക്കുന്ന തൊഴിലാളികളുടെ പേരിൽ ഇടത് വലത് മുന്നണി പ്രവർത്തകർ പ്രകടനം നടത്തി. പലയിടത്തും പ്രകടനമായെത്തി കടകൾ അടപ്പിക്കുകയായിരുന്നു ഇത് സംഘർഷത്തിനും വഴി തെളിച്ചു. ഭരണമുന്നണി തന്നെ ഹർത്താലിന് നേത്രത്വം നൽകിയതോടെ കൊല്ലത്ത്‌ ഹര്‍ത്താലിന് സമാനമായ സാഹചര്യമാണ് ഉണ്ടാകുന്നത്. ഇതോടെ ഇന്നും ജനജീവിതം ദുരിതത്തിലാകും.
@ പെട്രോൾ പമ്പുകൾ രാവിലെ വരെ തുറന്നിരുന്നുവെങ്കിലും രാവിലെ സിപിഎം പ്രവർത്തകർ എത്തി അടപ്പിക്കുകയായിരുന്നു.പെട്രോൾ പമ്പുകൾ അടച്ചത് മൂലം പ്രൈവറ്റ് വാഹനങ്ങൾ പെട്രോൾ തീർന്ന് വഴിയിൽ കിടന്നു. പാരിപ്പള്ളി എഴിപ്പുറത്ത് ഐ ഒ സി പ്ലാന്റിന് സമീപമുള്ള പെട്രോൾ പമ്പ് തുറന്ന് പ്രവർത്തിച്ചു.
ഫോട്ടോ:പാരിപ്പള്ളി എഴിപ്പുറത്ത് ഐ ഒ സി പ്ലാന്റിന് സമീപമുള്ള പെട്രോൾ പമ്പ് പ്രവർത്തിക്കുന്നു.
ഫോട്ടോ: ഗ്രാമപ്രദേശങ്ങളിൽ ചെറുകടകൾ തുറന്നിരിക്കുന്നു.
ഫോട്ടോ::ദേശിയപാതയോരത്ത് വൈ lകുന്നേരം തുറന്ന തട്ട് കടകളിലെ തിരക്ക്.
No comments:
Post a Comment