കൊട്ടിയം :കാർ ഡ്രൈവ് ചെയ്യുന്നതിനിടെ സുവിശേഷകൻ ഹൃദയ സ്തംഭനം ഉണ്ടായി മരിച്ചു.ആലപ്പുഴ സി.ബി.വെസ്റ്റ് ബഥേൽ ഹൗസിൽ സി.ഡി.ബി. ക്ലൈവ് (62) ആണ് മരിച്ചത്.ശനിയാഴ്ച രാവിലെ പതിനൊന്നരയോടെ തൃക്കോവിൽവട്ടം തട്ടാർകോണത്ത് വച്ചാണ് ഇദ്ദേഹത്തിന് ഹൃദയസ്തംഭനം ഉണ്ടായത്.കുരീപ്പള്ളിയിലെ പള്ളിയിലേക്ക് ഒറ്റയ്ക്ക് കാർ ഓടിച്ചു പോകവെയാണ് ഹൃദയാഘാതവും തുടർന്ന് ഹൃദയസ്തംഭനവും ഉണ്ടായത്.ശാരീരിക അവശത ഉണ്ടായ ഉടൻ കാർ നിയന്ത്രണം വിട്ട് സമീപത്തെ മതിലിൽ ഇടിച്ചു നിൽക്കുകയായിരുന്നു. ഓടിക്കൂടിയ നാട്ടുകാർ ഉടൻ തന്നെ അയത്തിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. മൃതശരീരം പിന്നീട് ജില്ല ആശുപത്രിയിലേക്ക് മാറ്റി.ബന്ധുക്കൾ എത്തി മൃതദേഹം ഏറ്റുവാങ്ങി നാട്ടിലേയ്ക്ക് കൊണ്ടുപോയി.ഭാര്യ.എസ്.എസ്.സുമ (കരുവാറ്റ ഗവ.എച്ച്.ഡബ്ല്യു.എൽ.പി.സ്കൂൾ അധ്യാപിക.) മക്കൾ.മഹിമ, അഭിഷേക്. .
No comments:
Post a Comment