ചാത്തന്നൂർ : ചാത്തന്നൂർ ഐ സി ഡി എസിന്റെ നേതൃത്വത്തിൽ ' പോഷൺ മാ 2023 ' ന്റെ ഭാഗമായി വിളർച്ചയിൽ നിന്നും വളർച്ചയിലേക്ക് എന്ന വിവാ ക്യാമ്പയിൻ ചാത്തന്നൂർ സർക്കാർ വൊക്കേഷണൽ ഹയർ സെക്കന്ററി സ്കൂളിൽ സംഘടിപ്പിച്ചു. ക്യാമ്പയിൻ ഗ്രാമ പഞ്ചായത്ത്‌ പ്രസിഡന്റ്‌ ടി. ദിജു ഉദ്ഘാടനം ചെയ്തു. ചാത്തന്നൂർ ജി വി എച് എസ് എസ് പ്രഥമാധ്യാപിക
എൽ. കമലമ്മ അമ്മ മുഖ്യപ്രഭാഷണം നടത്തി. സി ഡി പി ഒ ജ്യോതി. ജെ അധ്യക്ഷത വഹിച്ചു. എൻ എം എം കോ ഓർഡിനേറ്റർ വരുൺ, സെക്ടർ ലീഡർ നജീമ ബീവി എന്നിവർ സംസാരിച്ചു. ഡോ. അഞ്ജിത കൃഷ്ണൻ ബോധവൽക്കരണ ക്ലാസ്സ്‌ എടുത്തു. ഐ സി ഡി എസ് സൂപ്പർവൈസർ എസ്. ആർ. ഷീബ സ്വാഗതവും ബേബി ടീച്ചർ നന്ദിയും പറഞ്ഞു. ക്യാമ്പയിനിന്റെ ഭാഗമായി അനീമിയ സ്ക്രീനിംഗ് ടെസ്റ്റ്‌, പ്രദർശനം എന്നിവയും സംഘടിപ്പിച്ചു.
ഫോട്ടോ: ഐ സി ഡി എസ് ആഭിമുഖ്യത്തിൽ ചാത്തന്നൂർ ഗവണ്മെന്റ് വൊക്കേഷണൽ ഹയർ സെക്കന്ററി സ്കൂളിൽ സംഘടിപ്പിച്ച വിവാ ക്യാമ്പയിൻ പഞ്ചായത്ത്‌ പ്രസിഡന്റ്‌ ടി. ദിജു ഉദ്ഘാടനം ചെയ്യുന്നു
No comments:
Post a Comment