മലിനജലത്തിൽ മുങ്ങി കോയിപ്പാട് രണ്ടാലും ജംഗഷനിലെ വീടുകൾ.

ചാത്തന്നൂർ : മലിനജലത്തിൽ മുങ്ങി കോയിപ്പാട് രണ്ടാലും ജംഗഷനിലെ വീടുകൾ. ചാത്തന്നൂർ -കൊട്ടാരക്കര റോഡിൽ  കുത്തനെയുള്ള ഇറക്കമായ കോയിപ്പാട് സ്കൂളിന് മുന്നിൽ നിന്നും കോയിപ്പാട് രണ്ടാലും മുക്കിലേക്കുള്ള 

 ഓടകൾ പൂർണ്ണമായും അടഞ്ഞു കിടക്കുന്നത് മൂലം മലിനജലം റോഡിലൂടെ ഒഴുകി  താഴ്ന്ന പ്രദേശമായ 

കോയിപ്പാട് രണ്ടാലും ജംഗഷനിൽ എത്തി   അടുത്തുള്ള വീടുകളിലും കടകളിലും കയറി ജനങ്ങൾക്ക് വീടിന്റെ പുറത്തിറങ്ങാൻ വയ്യാത്ത അവസ്ഥയായി മാറുന്നു. ഇത്തിക്കരയാറ്റിലേക്ക് പോകേണ്ട ഓട 

വീടുകളിൽ നിന്നും മറ്റും കൊണ്ടിടുന്ന പ്ലാസ്റ്റിക് മാലിന്യം മറ്റും 

 ഓടയിൽ തള്ളുന്നതാണ് കാരണം ഓടകൾ മണ്ണ് വീണ് മൂടിയിട്ട് വർഷങ്ങളായി ഓട വൃത്തിയാക്കി

വെള്ളമൊഴുക്ക് സുഗമമാക്കണമെന്ന് കാണിച്ചു കൊണ്ട്  പഞ്ചായത്ത്‌ അധികാരികൾക്ക് പലതവണ പരാതികൾ നൽകിയിട്ടുള്ളതാണ് എന്നിട്ടും ഇത് തടയാൻ ഒരു നടപടിയും എടുത്തിട്ടില്ല എന്ന് നാട്ടുകാർ ആരോപിക്കുന്നു. മഴപെയ്താൽ ഇവിടെയുള്ള വീടുകളിൽ 

മുട്ടിനൊപ്പം ചെളി വെള്ളവും മാലിന്യവും 

അടിഞ്ഞു കൂടി ദുരിതമനുഭവിക്കുകയാണ് പ്രദേശവാസികൾ. കഴിഞ്ഞ. ദിവസം നാട്ടുകാർ സംഘടിച്ചു  കൂലിക്ക് ആളിനെ നിർത്തി വൃത്തിയാക്കിയിരുന്നു ഇന്നലെ രാത്രി പെയ്ത മഴയിൽ മാലിന്യം അടിഞ്ഞു കൂടി വീടിന്റെ വെളിയിൽ ആൾക്കാർ ഇറങ്ങാൻ പറ്റാത്ത അവസ്ഥയിലായതോടെ കടുത്ത പ്രതിക്ഷേധത്തിലാണ് നാട്ടുകാർ 

ഓടകൾ വൃത്തിയാക്കി വെള്ളമൊഴുക്ക്

സുഗമമാക്കി ജനങ്ങളുടെ ദുരിതത്തിന് 

 പരിഹാരം കാണണമെന്നാണ് നാട്ടുകാരുടെ ആവശ്യം.

ഫോട്ടോ :ഇന്നലെ നാട്ടുകാർ ഓട വൃത്തിയാക്കിയപ്പോൾ ഓടയിൽ അടിഞ്ഞു കൂടി കിടന്ന മാലിന്യം.