🌺🔱അയ്യപ്പനും🕉️ശാസ്താവും🌺🔱ശാസ്താവിന്റെ എട്ടു അവതാരങ്ങളിൽ ഒന്ന് മാത്രമാണ് ശ്രീ അയ്യപ്പൻ ..

🌺🔱അയ്യപ്പനും🕉️ശാസ്താവും🌺🔱

ശാസ്താവിന്റെ എട്ടു അവതാരങ്ങളിൽ ഒന്ന് മാത്രമാണ് ശ്രീ അയ്യപ്പൻ ..

   🌺ശാസ്താവിന് എട്ടു അവതാരങ്ങളുണ്ട്

1.🌺 മഹാ ശാസ്താവ്

2.🌺ബാല ശാസ്താവ്

3.🌺കാല ശാസ്താവ്

4.🌺കിരാത ശാസ്താവ്

5.🌺സമ്മോഹന ശാസ്താവ്

6.🌺ആര്യ ശാസ്താവ്

7.🌺കല്യാണ ശാസ്താവ്

8.🌺അയ്യപ്പൻ

ശാസ്താവിന്റെ എട്ട് അവതാരങ്ങളില്‍ അയ്യപ്പന്‍ മാത്രമാണ് നൈഷ്ഠിക ബ്രഹ്മചാരി ഭാവത്തില്‍ ഉള്ളത്. അതിനാല്‍ ശബരിമലയില്‍ മാത്രം അയ്യപ്പ ദര്‍ശനത്തിന് സ്ത്രീകള്‍ക്ക് പ്രായപരിമിതി നല്‍കിയിരിക്കുന്നു. എന്നാല്‍ മറ്റ് അയ്യപ്പ ക്ഷേത്രങ്ങളില്‍ സ്ത്രീകള്‍ക്ക് എപ്പോള്‍ വേണമെങ്കിലും ദര്‍ശനം നടത്താവുന്നതാണ്. അയ്യപ്പൻ ബാലഭാവമായതിനാലാണ് ഇത് സാധ്യമാകുന്നത്.

എന്താണ് " #നൈഷ്ഠിക_ബ്രഹ്മചര്യം " ?

നൈഷ്ഠിക ബ്രഹ്മചാരിയാണ് അയ്യപ്പൻ എന്നു പറഞ്ഞല്ലോ..ആ വാക്കിന്റെ യഥാർത്ഥ അർത്ഥം ഒന്ന് അറിയാൻ ശ്രമിക്കാം..

"നൈഷ്ഠിക ബ്രഹ്മചര്യം" സംസ്കൃതപദമായതുകൊണ്ട് ഏതൊരു വാക്കിനും അര്ഥതലം ചിന്തിക്കുന്നത് ധാതുവിനെ വച്ചാകണം.

നൈഷ്ഠികശബ്ദം വരുന്നത് നിഷ്ഠാ എന്ന വാക്കിൽ നിന്നാണ്. "നിഷ്ഠാ വിദ്യതേ അസ്യേതി" എന്ന് സമാസം. നിഷ്ഠ യാതൊരുവനിലാണോ ഉള്ളത് എന്നു സാമാന്യമായി പറയാം.

ഇതുകൂടാതെ നൈഷ്ഠികത്തിന്, "നിഷ്ഠാ നാശപര്യന്തം ബ്രഹ്മചര്യേണ തിഷ്ഠതി"- ബ്രഹ്മചര്യത്തിൽ ഉള്ള കാലത്തോലം നിഷ്ഠയോടു കൂടി തുടരുക. "നിഷ്ഠായാം മരണേ വാ വിഹിതം" , മരണം വരെ അനുഷ്ഠിക്കുന്നത്. അയ്യപ്പ സ്വാമിയുടെ  ബ്രഹ്മചര്യം മരണം വരെ നിഷ്ഠയോടെ അനുഷ്ഠിച്ചതാണ് 

 ലോകത്തിൽ രണ്ടു തരത്തിലാണ് നിഷ്ഠ പറയുന്നത്, ജ്ഞാനയോഗം കൊണ്ടും കര്മ്മയോഗം കൊണ്ടും, ഇതാണ് യോഗികളും സാംഖ്യരും സ്വീകരിച്ചിരിക്കുന്നത്. "ലോകേऽസ്മിൻ ദ്വിവിധാ നിഷ്ഠാ പുരാ പ്രോക്താ മയാऽനഘ. ജ്ഞാനയോഗേന സാംഖ്യാനാം കര്മ്മയോഗെന യോഗിനാം" എന്ന പ്രമാണം കൊണ്ടുദ്ദേശിക്കുന്നത് ഇതുതന്നെ.

ഇവിടെ നിഷ്ഠാ എന്നതിന് സമാസം പറയുന്നു, "തസ്മിന്നാത്മനി ചേതനേ നിഷ്ഠാ യസ്യേതി വിഗ്രഹഃ."

അതായത് യാതൊരുവനാണോ സ്വന്തം ആത്മാവിൽ അഥവാ ചേതനയിൽ തന്നെ സ്ഥിതിചെയ്യുന്നത് അവൻ. എങ്ങിനെ സ്ഥിതിചെയ്യുന്നത് എന്നാണെങ്കിൽ നിതരാം, എല്ലായിപ്പോഴും സ്ഥിതിചെയ്യുന്നത്. അതാണ് നിഷ്ഠ.

ഈ നിഷ്ഠാ ശബ്ദത്തിന് എന്നതിന് ഒരു അര്ഥം കൂടിയുണ്ട്. നിതരാം തിഷ്ഠന്തി ഭൂതാന്യത്ര, ആധാരേ. എവിടെയാണോ ഭൂതങ്ങൾ എല്ലായിപ്പോഴും സ്ഥിതിചെയ്യുന്നത്, ആധാരമായി. ഇതാണ് നിഷ്ഠാ

 നാലു തരത്തിൽപെടുന്ന ഭൂതങ്ങളേയും, അതുപോലെ തന്നെ ബാലഗ്രഹാദികളായ സകലരുടേയും ആധാരമായി സ്ഥിതിചെയ്യുന്നതു കൊണ്ടും കൂടിയാണ് ഇവിടെ നിഷ്ഠാ ശബ്ദം പറയുന്നത് എന്നു മനസ്സിലാകും. അയ്യപ്പനെ ഭൂതനാഥനെന്നു പറയുന്നത് ഇവിടെ ഓർക്കാം..

യോഗിയുടെ അവസ്ഥയാണ് എന്നു ബ്രഹ്മ എന്ന ശബ്ദവാചിത്വം കൊണ്ടുദ്ദേശിക്കുന്നത്.

 തസ്യാഃ പന്ഥാഃ ഉപായാഃ സാ. തത്ര വ്രതിനാം യാ സ്ഥിതിഃ അവസ്ഥാനം അപരിത്യാഗഃ സാ. അതിൽ വ്രതികളുടെ യാതൊരു സ്ഥിതിയുണ്ടോ അതിനെ പരിത്യാഗം ചെയ്യാതെ ഇരിക്കുക അതാണ് ചര്യാ.

 അപ്പോൾ ചര്യാ എന്നാൽ ശാസ്ത്രോപാസനയിലൂടെ ഗുരുസവിധത്തിൽ നിന്നു പഠിച്ച ധ്യാനധാരണാദികളായ യാതൊന്നുണ്ടോ അതിനെ പരിത്യാഗം ചെയ്യാതെ ഇരിക്കുക.

ഇനി നൈഷ്ഠിക ബ്രഹ്മചര്യമെന്ന അര്ഥത്തെ ചിന്തിച്ചു നോക്കൂ.. നിഷ്ഠാ, ഭൂതങ്ങളുടെ ശരണ മൂര്ത്തിയായി, ബ്രഹ്മ, ഊര്ധ്വമായ നയനങ്ങളോടെ വ്രതികളുടെ ആചരണങ്ങളോടു കൂടി യാതൊരുവനാണോ നിരന്തരം സ്ഥിതിചെയ്യുന്നത് അവനാണ് നൈഷ്ഠിക ബ്രഹ്മചാരീ.

ഇനി ഇതെല്ലാം കൂടി ചേര്ത്തു വായിച്ചാൽ നമുക്ക് നൈഷ്ഠിക ബ്രഹ്മചാരിയായ അയ്യപ്പനെ ഭൂതനാഥനെന്നും യോഗിയെന്നുമെല്ലാം വിളിക്കുന്നതെന്തിനെന്നു മനസ്സിലാക്കാനാകും.

അയ്യപ്പസ്വാമിയുടെ ബ്രഹ്മചര്യം നൈഷ്‌ഠികമായി മരണം വരെ (ശാസ്താവിൽ വിലയം പ്രാപിക്കും വരെ ) അനുഷ്ഠിച്ചതായതു കൊണ്ടും ആ അർത്ഥത്തിൽ ശബരിമല ഭഗവാന്റെ സമാധിസ്ഥലം ആയതു കൊണ്ടും അവിടെ പോകുമ്പോൾ ആ മൂർത്തീഭാവത്തിന്റെ താല്പര്യങ്ങളെ മാനിക്കേണ്ടത്  ഓരോ ഭക്തന്റെയും ഉത്തവാദിത്തമാണ്.. എന്റെ വീട്ടിൽ എന്റെ താല്പര്യമനുസരിച്ചാണ് വിരുന്നുകാർ വരേണ്ടത് എന്ന് ഞാൻ നിഷ്കർഷിക്കുന്ന പോലെ എന്ന് മാത്രം കരുതിയാൽ മതി.... ഭഗവാൻ പൂർണമായി നൈഷ്ടിക ബ്രഹ്മചര്യം അനുഷ്ഠിച് തപസ്സു ചെയ്യുന്ന ഭാവമാണ്..