കൺസെഷൻ തീർന്നതിന് കെ എസ് ആർ ടി സി ബസിൽ നിന്നും സ്കൂൾ വിദ്യാർത്ഥിനിയെ ഇറക്കി വിട്ടതായി പരാതി.

ചാത്തന്നൂർ : കൺസെഷൻ തീർന്നതിന് 

കെ എസ് ആർ ടി സി ബസിൽ നിന്നും സ്കൂൾ വിദ്യാർത്ഥിനിയെ ഇറക്കി വിട്ടതായി പരാതി. ഇന്നലെ ഉച്ചയ്ക്ക് 12.45ന് കൊല്ലത്ത് നിന്നും ദേശിയപാതയിലൂടെ 

പാരിപ്പള്ളി വഴി മടത്തറയ്ക്ക് പോകുന്ന കെ എസ് ആർ ടി സി ഓർഡിനറി ബസിൽ നിന്നും ചാത്തന്നൂർ ഊറാoവിളയിൽ ദേശിയപാതയോരത്ത് 

ഇറക്കിവിട്ടത്. ബസ് നിറയെ യാത്രക്കാർ ഉണ്ടായിരുന്നു ഡേറ്റ് കഴിഞ്ഞതായി അറിഞ്ഞില്ല എന്ന് കരഞ്ഞു പറഞ്ഞിട്ടും

കണ്ട്രക്ടർ അപമാനിച്ചു 

ഇറക്കി വിടുകയായിരുന്നുവെന്ന് യാത്രക്കാർ പറഞ്ഞു. തുടർന്ന് റോഡിലിറങ്ങി നിന്ന വിദ്യാർത്ഥിനി വഴിയാത്രക്കാരിയുടെ ഫോൺ വാങ്ങി മാതാവിനെ വിളിക്കുകയും തുടർന്ന് രക്ഷാകർത്താക്കൾ 

ഓട്ടോറിക്ഷയിൽ എത്തി കൂട്ടികൊണ്ട് പോകുകയായിരുന്നു.വകുപ്പ് മന്ത്രിയ്ക്കും കെ എസ് ആർ ടി സി എം. ഡിയ്ക്കും രക്ഷാകർത്താക്കൾ പരാതി നൽകി.