സംഘട്ടനത്തിനിടെപോലീസ് ജീപ്പ്തകർത്ത നാല് പേർ അറസ്റ്റിൽ

സംഘട്ടനത്തിനിടെപോലീസ് ജീപ്പ്

തകർത്ത നാല് പേർ അറസ്റ്റിൽ

ചാത്തന്നൂർ: പോലീസിന് നേരെ കല്ലേറ് നടത്തുകയും പോലീസ് ജീപ്പ് എറിഞ്ഞ് തകർക്കുകയും ചെയ്ത നാല്‌ പേരെ പാരിപ്പള്ളി പോലീസ് അറസ്റ്റ് ചെയ്തു. പാളയംകുന്ന് മുത്താന അനിൽ നിവാസിൽ ആദർശ് (23),കോവൂർ ആശാരി വിളാകം വീട്ടിൽ പ്രണവ് (23), വേങ്ങോട് സജിൻ നിവാസിൽ സജിൻ (23), കോവൂർ അൻസ് നിവാസിൽ അൻസ് (24) എന്നിവരാണ് പിടിയിലായത്. കോടതിയിൽ ഹാജരാക്കിയ ഇവരെ കോടതി റിമാന്റ് ചെയ്തു. സംഭവവുമായി ബന്ധപ്പെട്ട് കണ്ടാലറിയാവുന്ന 10 പേർക്കെതിരെ കൂടി പോലീസ് കേസ്സെടുത്തിട്ടുണ്ട്.

ക്രിസ്തുമസ് തലേന്ന് രാത്രി പതിനൊന്നു മണിയോടെയാണ് പോലീസിന് നേരെ കല്ലേറ് നടത്തുകയും പോലീസ് ജീപ്പ് തകർക്കുകയും ചെയ്തത്. പാരിപ്പള്ളി എഴിപ്പുറം എസ് എൻ ഡി പി ശാഖയുടെ ഗുരുമന്ദിരത്തിന്റെ വാർഷികാഘോഷ ചടങ്ങിനിടെയായിരുന്നു സംഭവങ്ങൾ. ഗാനമേള നടന്നുകൊണ്ടിരിക്കുമ്പോൾ അറസ്റ്റിലായവരും സംഘവും ചേർന്ന് പ്രശ്നങ്ങളുണ്ടാക്കി. അത് വിലക്കാൻ എത്തിയ സംഘാടകരുമായി വാക്കേറ്റം ഉണ്ടാവുകയും പിന്നീട് സംഘട്ടനവുമായി മാറുകയായിരുന്നു. തുടർന്ന് 

നാട്ടുകാർ   പോലീസിനെ വിവരമറിയിക്കുകയായിരുന്നു.തുടർന്ന് 

സ്ഥലതെത്തിയ പാരിപ്പള്ളി പോലീസിന് നേരെ ശക്തമായ കല്ലേറുണ്ടായി. പോലീസ്ജീപ്പിന്റെ ഗ്ലാസുകളും മറ്റും തകർക്കുകയും ചെയ്തു. തുടർന്ന് പാരിപ്പള്ളി ഇൻസ്പെക്ടർ അൽ - ജബ്ബാറിന്റെ നേതൃത്വത്തിൽ കൂടുതൽ പോലീസ് സ്ഥലത്തെത്തി. പ്രതികളെ അറസ്റ്റ് ചെയ്യുകയായിരുന്നു. ഇതിനിടയിൽ ചിലർ ഓടി രക്ഷപ്പെട്ടു. പാളയം കുന്നിലും പരിസര നിവാസികളുമായ പിടിയിലായവർ ഗാനമേള കേല്ക്കാൻ എത്തിയതാണെന്ന് പറയുന്നു. ഇവർ മദ്യപിച്ചിട്ടാണ് ബഹളവും സംഘട്ടനവുമുണ്ടാക്കിയതും പോലീസിന് നേരെ ആക്രമണം നടത്തിയതെന്നും പാരിപ്പള്ളി പോലിസ് പറഞ്ഞു.