അമ്മയാരെന്ന് അറിയാതെഒരു നാടിനെ കണ്ണീരിലാഴ്ത്തി കൊണ്ട് പൊന്ന് മോൻ യാത്രയായി.

ചാത്തന്നൂർ: അമ്മയാരെന്ന് അറിയാതെ

ഒരു നാടിനെ കണ്ണീരിലാഴ്ത്തി കൊണ്ട് പൊന്ന് മോൻ യാത്രയായി. കത്തിക്കാൻ കൂട്ടിയിട്ടിരുന്ന കരിയില കൂട്ടത്തിൽ നിന്നും കുഞ്ഞിനെ കൈയിൽ കിട്ടിയപ്പോൾ തന്നെ പേഴുവിള വീട്ടിലെ അമ്മമാർ പ്രാഥമികമായി ഒരു കുഞ്ഞിന് കൊടുക്കേണ്ട സ്നേഹവും ചികിത്സയും നൽകി ടൗവലിൽ പൊതിഞ്ഞാണ് 

കുഞ്ഞിനെ പോലീസിന് കൈമാറിയത്. .മെഡിക്കൽ കോളേജിലെ തീവ്രപരിചരണ വിഭാഗത്തിൽ എത്തിയത് മുതൽ ജീവൻ രക്ഷിക്കാൻ വേണ്ടി മെഡിക്കൽ കോളേജ് സൂപ്രണ്ടിന്റെ നേതൃത്വത്തിൽ ഡോക്ടർമാർ കിണഞ്ഞു പരിശ്രമം നടത്തിയെങ്കിലും ശ്വാസംമുട്ട് കൂടിയതോടെ വൈകുന്നേരം 3.30ഓടെ ഐ സി യു ആംബുലൻസിൽ 

തിരുവനന്തപുരം എസ് എ ടിയിലേക്ക് മാറ്റുകയായിരുന്നു അവിടെ തീവ്രപരിചരണവിഭാഗത്തിൽ ചികിത്സ നടക്കവേ വൈകുന്നേരം 7മണിയോടെ മരിക്കുകയായിരുന്നു.

ഇന്നലെ രാവിലെ നവജാത ശിശുവിനെ സുദർശനന്റെ പുരയിടത്തിൽ നിന്നും കണ്ടെത്തിയത് മുതൽ ആ വീട്ടിലേക്ക് നാടിന്റെ നാനാഭാഗത്ത് നിന്നും ആൾക്കാർ എത്തിതുടങ്ങിയിരുന്നു.അതോടെ കുഞ്ഞിന്റെ ജീവന് വേണ്ടി പ്രാർത്ഥനയോടെ ജനങ്ങളും ഒപ്പം ഉപേക്ഷിച്ചവർക്ക് വേണ്ടിയുള്ള തിരച്ചിലും തുടങ്ങിയിരുന്നു പഞ്ചായത്ത്‌ പ്രസിഡന്റ്‌ എസ് സുദീപയും ഗ്രാമപഞ്ചായത്ത്‌ അംഗങ്ങളും സംഭവസ്ഥലത്ത് എത്തുകയും അന്വേഷണം ആരംഭിച്ചു ആശുപത്രിയിലെ ഗർഭിണികളുടെ കണക്ക് എടുക്കുകയും ശിശുഷേമസമിതിയുമായി ബന്ധപ്പെട്ട് കുട്ടിയുടെ സംരക്ഷണചുമതലയ്ക്കായുള്ള കാര്യങ്ങൾ ചെയ്തു വരവെയാണ് രാത്രിയോടെ മരണവാർത്ത എത്തുന്നത് മരണവാർത്ത എത്തിയത് മുതൽ നാടാകെ ദുഃഖത്തിലായി കുഞ്ഞിനെ കണ്ടെത്തിയ വീട് മരണവീടിന് തുല്യമായി കണ്ണീരോടെ കുഞ്ഞിനെ ഉപേക്ഷിച്ച മാതാവിനെതീരെ ശാപവചസുകൾ ഉതിർത്ത് അമ്മമാർ കൈകൾ കൂപ്പി ഒരു കുഞ്ഞിനും ഇ ഗതി വരുത്തരതെ എന്ന് പ്രാർത്ഥിക്കുകയാണ്. ഒപ്പം തന്നെ കുഞ്ഞിനെ സ്വീകരിക്കാൻ ശിശു സംരഷണ കേന്ദ്രമായ തണൽ ഒരുങ്ങിയിരുന്നു

 പല കാരണങ്ങളാൽ അനാഥരാകുന്ന കുട്ടികളെ പരിപാലിക്കുന്നതിനും ദത്തു നൽകി അവരെ സനാഥരാക്കുന്നതിനും  ജില്ലയിൽ ആരംഭിച്ചതാണ് തണൽ- കുട്ടികളുടെ അഭയകേന്ദ്രം. ഒൻപത് മാസം മുതൽ അഞ്ചു വയസുവരെയുള്ള 13 കുട്ടികളാണ്  ഇവിടെയുള്ളത്. ഇവരെ പരിപാലിക്കുന്നതിനായി അഞ്ച് അമ്മമാരും, രണ്ടു നഴ്‌സുമാരുമുണ്ട്. മാനേജർ, രണ്ട് സെക്യൂരിറ്റി സ്റ്റാഫ് എന്നിവരും തണൽ അഭയ കേന്ദ്രത്തിൽ പ്രവർത്തിക്കുന്നു.  കുട്ടികളുമായി ബന്ധപ്പെട്ട  പ്രശ്‌നങ്ങൾ വിളിച്ചറിയിച്ചു  പരിഹാരം കണ്ടെത്താനും കഴിയുന്നുണ്ട്.  സമിതിയുടെ അമ്മത്തൊട്ടിൽ പുത്തൻ സാങ്കേതിക മികവോടെ പ്രവർത്തിക്കുന്നുണ്ട്. ദത്തെടുക്കൽ രംഗത്ത് ഹോസ്റ്റൽ കെയർ, സ്‌പോൺസർ എ ചൈൽഡ് എന്നിവ പ്രോത്സാഹിപ്പിക്കാനുള്ള നടപടികളും നടന്നുവരുന്നു. ഈ സംവിധാനമെല്ലാം സർക്കാർ തലത്തിൽ ഉള്ളപ്പോൾ ആണ് കുഞ്ഞുങ്ങളെ ഉപേഷിക്കുന്നത് .