സുദീപയുടെ നേതൃത്വത്തിൽ പഞ്ചായത്ത്‌ അംഗങ്ങൾ ഗാന്ധിഭവൻ സന്ദർശിച്ചു 

ചാത്തന്നൂർ : കല്ലുവാതുക്കൽ ഗ്രാമപ്പഞ്ചായത്തിൽ അധികാരമേറ്റെടുത്ത ഭരണസമിതി അംഗങ്ങൾ വേളമാനൂർ ഗാന്ധിഭവൻ സ്നേഹാശ്രമം സന്ദർശിച്ചു.

ഗ്രാമപ്പഞ്ചായത്ത് പ്രസിഡന്റ് എസ്.സുദീപ, വൈസ് പ്രസിഡന്റ് എസ്.സത്യപാലൻ എന്നിവരുടെ നേതൃത്വത്തിലാണ് സ്നേഹാശ്രമത്തിൽ എത്തിയത്.ഗ്രാമപ്പഞ്ചായത്ത്‌ അംഗങ്ങളായ ആർ.മുരളീധരൻ, രഞ്ജിത്ത്, അല്ലി അജി, ബൈജു ലക്ഷ്മണൻ, ബ്ലോക്ക് പഞ്ചായത്ത്‌ അംഗം രോഹിണി, ഗ്രാമപ്പഞ്ചായത്ത്‌ മുൻ അംഗം ആർ.മുരളീധരൻ നായർ എന്നിവരും ഒപ്പമുണ്ടായിരുന്നു.

സ്നേഹാശ്രമം ചെയർമാൻ ബി.പ്രേമാനന്ദ്, സെക്രട്ടറി പത്മാലയം ആർ.രാധാകൃഷ്ണൻ, വൈസ് ചെയർമാൻ തിരുവോണം രാമചന്ദ്രൻ പിള്ള, മാനേജർ ബി.സുനിൽകുമാർ, ആലപ്പാട്ട് ശശിധരൻ എന്നിവർ അംഗങ്ങളെ പൊന്നാടയണിയിച്ച് ആദരിച്ചു.

ഫോട്ടോ: കല്ലുവാതുക്കൽ ഗ്രാമപ്പഞ്ചായത്ത് പ്രസിഡന്റ് എസ്.സുദീപയും അംഗങ്ങളും വേളമാനൂർ ഗാന്ധിഭവൻ സ്നേഹാശ്രമത്തിലെ അന്തേവാസികൾക്കൊപ്പം