ഇത് പ്രകൃതി ദുരന്തമല്ല... മനുഷ്യ നിർമ്മിത കൂട്ടക്കൊല

" ഇത് പ്രകൃതി ദുരന്തമല്ല... മനുഷ്യ നിർമ്മിത കൂട്ടക്കൊല..."

വെള്ളാപ്പള്ളി നടേശൻ
( എസ്.എന്‍.ഡി.പി യോഗം ജനറല്‍ സെക്രട്ടറി )

ഇൻ​ഡ്യ​യി​ലെ മ​റ്റു സം​സ്ഥാ​ന​ങ്ങ​ളിൽ നി​ന്നും വ്യ​ത്യ​സ്ത​മാ​യി താ​ര​ത​മ്യേന ദു​ര​ന്ത സാ​ധ്യ​ത​കൾ ഏ​റ്റ​വും കു​റ​ഞ്ഞ പ്ര​ദേ​ശ​മാ​ണ് ന​മ്മു​ടെ കൊ​ച്ചു​കേ​ര​ളം. കാ​ര​ണം പ്ര​കൃ​തി അ​തി​മ​നോ​ഹ​ര​മാ​യും ശാ​സ്ത്രീ​യ​മാ​യും ഘ​ട​നാ​പ​ര​മാ​യും രൂ​പ​പ്പെ​ടു​ത്തി​യി​രി​ക്കു​ന്ന ഭൂ​പ്ര​ദേ​ശ​മാ​ണ് കേ​ര​ളം. മ​ല​നാ​ടും ഇ​ട​നാ​ടും തീ​ര​പ്ര​ദേ​ശ​വും രൂ​പ​ഭം​ഗി​കൊ​ണ്ടും ഭൂ​മി​യു​ടെ ഘ​ട​നാ​പ​ര​മായ വ്യ​ത്യ​സ്ത​ത​യി​ലും മ​നു​ഷ്യ​സം​സ്‌​ക്കാ​ര​ത്തി​ന്റെ വ്യ​ത്യ​സ്ത​ത​യി​ലും ഓ​രോ പ്ര​ദേ​ശ​വും വൈ​വി​ദ്ധ്യ​ങ്ങ​ളു​ടെ ക​ല​വ​റ​യാ​ണ്. കൃ​ഷി​യും, വ്യ​വ​സാ​യ​വും, ആ​ചാ​ര​ങ്ങ​ളും അ​നു​ഷ്ഠാ​ന​ങ്ങ​ളും പോ​ലും ഭൂ​പ്ര​കൃ​തി​യു​മാ​യി ഇ​ഴു​കി​ചേർ​ന്നി​രു​ന്നു. ആ​രാ​ധ​നാ​ല​യ​ങ്ങ​ളും ആ​രാ​ധന ക്ര​മ​വും പോ​ലും പ്ര​കൃ​തി​യു​ടെ വി​ചി​ന്ത​ന​ത്തി​ന് വി​ധേ​യ​മാ​യി​രു​ന്നു. അ​തു​കൊ​ണ്ടാ​ണ് '​'​കേ​ര​ള​ത്തെ ദൈ​വ​ത്തി​ന്റെ സ്വ​ന്തം നാ​ട്'' എ​ന്ന് ലോ​കം ത​ന്നെ വി​ശേ​ഷി​പ്പി​ച്ചി​രി​ക്കു​ന്ന​ത്. 1888​-ൽ പ​ര​ബ്ര​ഹ്മ​സ്വ​രൂ​പ​നായ ഭ​ഗ​വാൻ ശ്രീ​നാ​രാ​യണ ഗു​രു​ദേ​വൻ അ​രു​വി​പ്പു​റ​ത്ത് ശി​വ​പ്ര​തി​ഷ്ഠ ന​ട​ത്തി​ക്കൊ​ണ്ട് അ​വി​ടെ കു​റി​ച്ചി​ട്ട​തും പ്ര​കൃ​തി സ്‌​നേ​ഹ​ത്തി​ന്റെ ഉ​ദാ​ത്ത​സം​സ്‌കാര​മാ​ണ്.

'' ജാ​തി ഭേ​ദം മ​ത​ദ്വേ​ഷം
ഏ​തു​മി​ല്ലാ​തെ സർ​വരും
സോ​ദ​ര​ത്വേന വാ​ഴു​ന്ന
മാ​തൃ​കാ സ്ഥാ​ന​മാ​ണി​ത​''

ഗു​രു ഇ​വി​ടെ ദർ​ശി​ച്ച​തും ഭൂ​മി​യി​ലെ സർവജീ​വ​ജാ​ല​ങ്ങൾ​ക്കും അ​വ​യു​ടെ ജീ​വിത സാ​ഹ​ച​ര്യ​ങ്ങൾ​ക്ക​നു​സ​രി​ച്ചു​ള്ള പ്ര​കൃ​തി വി​ഭ​വ​ങ്ങ​ളു​ടെ ശാ​സ്ത്രീയ വി​ത​ര​ണ​ത്തെ​ക്കു​റി​ച്ചാ​ണ്. മ​നു​ഷ്യ​നാ​യാ​ലും മ​റ്റ് ജീ​വ​ജാ​ല​ങ്ങ​ളാ​യാ​ലും, ഓ​രോ​ന്നി​നും ജ​നി​ക്കു​വാ​നും വ​ള​രു​വാ​നും ജീ​വി​ക്കു​വാ​നും ഉ​ത​കു​ന്ന ത​ര​ത്തി​ലു​ള്ള ഒ​രു ഘ​ട​നാ സം​വി​ധാ​ന​മാ​ണ് പ്ര​കൃ​തി ന​മു​ക്ക് രൂ​പ​പ്പെ​ടു​ത്തി​യി​രി​ക്കു​ന്ന​ത്. അ​തു​കൊ​ണ്ട് ത​ന്നെ​യാ​ണ് മ​റ്റു സ്ഥ​ല​ങ്ങ​ളിൽ നി​ന്ന് വ്യ​ത്യ​സ്ത​മാ​യി ന​മു​ക്ക് പ്ര​കൃ​തി​ദു​ര​ന്ത​ങ്ങ​ളെ അ​ധി​കം നേ​രി​ടേ​ണ്ടി വ​ന്നി​ട്ടി​ല്ലാ​ത്ത​തും. എ​ന്നാൽ ഇ​പ്പോൾ ഓ​രോ മ​ഴ​ക്കാ​ല​ത്തും നാം പ​ല​ത​ര​ത്തി​ലു​ള്ള ദു​ര​ന്ത​ങ്ങ​ളെ നേ​രി​ടേ​ണ്ടി​വ​രു​ന്നു. തൻ​മൂ​ലം നി​ര​വ​ധി പേർ മ​ര​ണ​പ്പെ​ടു​ന്നു. നി​ര​വ​ധി പേ​രെ കാ​ണാ​താ​വു​ന്നു. ആ​യി​ര​ക്ക​ണ​ക്കി​ന് ആൾ​ക്കാർ​ക്ക് കി​ട​പ്പാ​ടം ന​ഷ്ട​പ്പെ​ടു​ന്നു. കൃ​ഷി​ഭൂ​മി ന​ശി​ക്കു​ന്നു. അ​ങ്ങ​നെ അ​ടി​ക്ക​ടി ദു​ര​ന്ത​ങ്ങൾ ഉ​ണ്ടാ​കു​ന്നു. യ​ഥാർ​ത്ഥ​ത്തിൽ ഇ​ത് പ്ര​കൃ​തി​ദു​ര​ന്ത​മാ​ണോ? അ​തോ മ​നു​ഷ്യ​നിർ​മ്മിത ദു​ര​ന്ത​മോ ?

പ്ര​കൃ​തി​ജ​ന്യ​മാ​യി അ​ധി​കം അ​പ​ക​ട​ങ്ങ​ളി​ല്ലാ​ത്ത കേ​ര​ള​ത്തിൽ മ​നു​ഷ്യൻ കാ​ടി​നേ​യും നാ​ടി​നേ​യും ന​ട​വ​ഴി​യേ​യും മ​ല​നി​ര​ക​ളേ​യും അ​റി​യാ​തെ ന​ട​ത്തു​ന്ന അ​ധി​നി​വേ​ശ​മാ​ണ് ഇ​പ്പോൾ ഉ​ണ്ടാ​കു​ന്ന ദു​ര​ന്ത​ങ്ങ​ളു​ടെ പ്ര​ധാ​ന​കാ​ര​ണം. ഒ​പ്പം ത​ന്നെ കാ​ലാ​വ​സ്ഥാ വ്യ​തി​യാ​നം അ​തി​ന്റെ പ്ര​ഹ​ര​ശേ​ഷി വർ​ദ്ധി​പ്പി​ക്കു​വാൻ കാ​ര​ണ​മാ​വു​ക​യും ചെ​യ്യു​ന്നു. ന​മു​ക്ക് അ​പ​രി​ചി​ത​മായ വൻ ദു​ര​ന്ത​ങ്ങൾ ഇ​നി​യും ന​മ്മെ കാ​ത്തി​രി​പ്പു​ണ്ടാ​വാം. അ​ത് കൊ​ടും കാ​റ്റാ​യും പേ​മാ​രി​യാ​യും വ​രൾ​ച്ച​യാ​യും കാ​ട്ടു​തീ​യാ​യു​മൊ​ക്കെ ന​മു​ക്ക് പ്ര​തീ​ക്ഷി​ക്കാം.

വ​യ​നാ​ട് ജി​ല്ല​യി​ലെ ക​ട്ടി​പ്പാ​റ​യി​ലെ ഉ​രുൾ​പ്പൊ​ട്ട​ലോ​ടെ​യാ​ണ് ഈ വർ​ഷ​ത്തെ മ​ഴ​ക്കാല ദു​ര​ന്ത​ത്തി​ന് ആ​രം​ഭം കു​റി​ച്ചി​രി​ക്കു​ന്ന​ത്. മ​ല​നി​ര​ക​ളു​ടെ പാ​രി​സ്ഥി​തിക സ്വ​ഭാ​വം ദുർ​ബ​ല​പ്പെ​ടു​ത്തി​യ​തു​മൂ​ലം നി​ര​വ​ധി​പേ​രു​ടെ ജീ​വൻ എ​ടു​ത്തു​കൊ​ണ്ട് ഉ​രുൾ​പ്പൊ​ട്ടൽ ന​ട​ത്തിയ സം​ഹാ​ര​താ​ണ്ഡ​വം ന​മ്മു​ടെ നാ​ടി​നു​ണ്ടാ​ക്കിയ ആ​ഘാ​തം ചെ​റു​ത​ല്ല. ഇ​പ്പോൾ ഓ​രോ വർ​ഷ​വും ന​മ്മു​ടെ സം​സ്ഥാ​ന​ത്തു​ണ്ടാ​കു​ന്ന ദു​ര​ന്ത​ങ്ങ​ളിൽ നി​ന്നു എ​ന്തെ​ങ്കി​ലും പ​ഠി​ക്കു​വാൻ ന​മു​ക്ക് ക​ഴി​യു​ന്നു​ണ്ടോ​?. വർ​ഷാ​വർ​ഷ​ങ്ങ​ളിൽ നാം നേ​രി​ട്ടു​കൊ​ണ്ടി​രി​ക്കു​ന്ന ദു​ര​ന്ത​ങ്ങ​ളിൽ നി​ന്ന് ന​മ്മു​ടെ പൊ​തു​സ​മൂ​ഹ​മോ രാ​ഷ്ട്രീയ സം​വി​ധാ​ന​മോ സർ​ക്കാ​രോ എ​ന്തെ​ങ്കി​ലും ക്രി​യാ​ത്മ​ക​മായ പ​രി​ഹാ​ര​ങ്ങൾ ക​ണ്ടെ​ത്തു​ന്നു​ണ്ടോ​?. ര​ണ്ടു​ദി​വ​സം തു​ടർ​ച്ച​യാ​യി മ​ഴ​പെ​യ്താൽ ഉ​രുൾ​പൊ​ട്ട​ലും മ​ണ്ണി​ടി​ച്ചി​ലും. അ​തൊ​ന്നു ക​ട​ന്നു​ക​യ​റി​ക്ക​ഴി​ഞ്ഞ് ഒ​രാ​ഴ്ച വെ​യിൽ ശ​ക്ത​മാ​യി​ക്ക​ഴി​ഞ്ഞാൽ അ​തി​രൂ​ക്ഷ​മായ വ​രൾ​ച്ച​യും ജല ദൗർ​ല​ഭ്യ​വും. ഇ​ത് പ്ര​കൃ​തി​യാൽ ഉ​ണ്ടാ​യ​ത​ല്ല മ​നു​ഷ്യ​ന്റെ അ​ത്യാർ​ത്തി​മൂ​ലം സം​ഭ​വി​ക്കു​ന്ന​താ​ണ്. ഈ ഭൂ​മി​യി​ലെ എ​ല്ലാ ജീ​വ​ജാ​ല​ങ്ങൾ​ക്കും അ​വ​യു​ടെ ആ​വാ​സ​വ്യ​വ​സ്ഥ അ​നു​സ​രി​ച്ച് ജീ​വി​ക്കു​വാ​നു​ള്ള സ​മ്പൽ​സ​മൃ​ദ്ധ​മായ ന​മ്മു​ടെ ഭൂ​മി ഇ​ന്ന് മ​നു​ഷ്യ​ന​ട​ക്ക​മു​ള്ള സ​മ​സ്ത ജീ​വ​ജാ​ല​ങ്ങ​ളു​ടേ​യും സു​ര​ക്ഷ ചോ​ദ്യം ചെ​യ്യു​ന്ന ഒ​രു ഭൂ​പ്ര​ദേ​ശ​മാ​യി മാ​റി​യി​രി​ക്കു​ന്നു. ക​ട്ടി​പ്പാ​റ​യി​ലും ക​രി​ഞ്ചോല മ​ല​യി​ലും താ​മ​ര​ശ്ശേ​രി ചു​ര​ത്തി​ലും അ​തു​പോ​ലെ മ​റ്റി​ട​ങ്ങ​ളി​ലു​മു​ണ്ടാ​യ​ത് ഒരിക്ക​ലും പ്രകൃ​തി ദു​ര​ന്ത​മ​ല്ല. മ​റി​ച്ച് മ​നു​ഷ്യ നിർ​മ്മിത കൂ​ട്ട​ക്കു​രു​തി ത​ന്നെ​യാ​ണ്. ഈ കൂ​ട്ട​ക്കു​രു​തി​യെ​ക്കു​റി​ച്ച് ചർ​ച്ച ചെ​യ്യു​മ്പോൾ ഭ​ര​ണ​കൂ​ട​വും രാ​ഷ്ട്രീയ നേ​തൃ​ത്വ​വും ചില മ​ത​സം​ഘ​ട​ന​ക​ളു​മൊ​ക്കെ ത​ന്നെ പ്ര​തി​ക്കൂ​ട്ടി​ലാ​ണ്.

കേ​ര​ള​സം​സ്ഥാ​നം രൂ​പീ​കൃ​ത​മാ​യ​തു​മു​തൽ തു​ട​ങ്ങി​യ​താ​ണ് കു​ടി​യേ​റ്റ​വും വ​നം കൈ​യേ​റ്റ​വും. പ​ശ്ചി​മ​ഘ​ട്ട​ത്തി​ലെ മ​ല​ഞ്ച​രി​വു​ക​ളാ​ക​മാ​നം ആ​ദി​വാ​സി​ക​ളേ​യും പ​ട്ടി​ണി​പ്പാ​വ​ങ്ങ​ളേ​യും പ​ണാ​ധി​പ​ത്യ​ത്തി​ന്റേ​യും മ​താ​ധിപ​ത്യ​ത്തി​ന്റേ​യും മ​സ്സിൽ പ​വർ ഉ​പ​യോ​ഗി​ച്ച് നാ​ടു​ക​ട​ത്തി, അ​ന​ധി​കൃത ക​രി​ങ്കൽ ഖ​ന​ന​വും മ​റ്റും നിർ​ബാ​ധം തു​ട​രു​ന്നു. കു​രി​ശു കൃ​ഷി​യി​ലൂ​ടെ തു​ട​ങ്ങി ഒ​ടു​വിൽ റി​സോർ​ട്ട് വ​രെ​യെ​ത്തു​ന്ന അ​ന​ധി​കൃത കൈയേ​റ്റം ഇ​ന്നും നിർ​ബാ​ധം തു​ട​രു​ക​യാ​ണ്. അ​ധി​കാ​ര​ത്തി​ന്റേ​യും പ​ണ​ത്തി​ന്റേ​യും ബ​ല​ത്തിൽ മ​ല​നി​ര​ക​ളു​ടേ​യും കു​ന്നിൻ ച​രി​വു​ക​ളു​ടേ​യും നെ​ഞ്ചു തു​ര​ന്ന് ത​ട​യ​ണ​കെ​ട്ടി ടൂ​റി​സ​ത്തി​ന്റെ വി​ക​സ​ന​ത്തി​ന് പു​ത്തൻ പ​രി​ഭാഷ ന​ട​ത്തു​ന്ന​വർ ഈ ദു​ര​ന്ത​ത്തി​ലെ പ്ര​ധാന പ്ര​തി​ക​ളാ​ണ്. അ​ന​ധി​കൃത ക​രി​ങ്കൽ ഖ​ന​നം ന​ട​ത്തി ഇ​നി​യും മ​രി​ക്കാ​ത്ത ഭൂ​മി​യു​ടെ ആ​സ​ന്ന മൃ​ത്യു​വി​ന് ആ​ക്കം കൂ​ട്ടു​ന്ന​വ​രും ഈ ദു​ര​ന്ത​ത്തി​ന്റെ പാ​പം പേ​റി​നിൽ​ക്കു​ന്ന​വ​രാ​ണ്. കു​രി​ശു കൃ​ഷി​യിൽ തു​ട​ങ്ങി വ​നം കൈയേറി മ​ത​ത്തി​ന്റെ പേ​രിൽ കോൺ​ക്രീ​റ്റ് സൗ​ധ​ങ്ങൾ നിർ​മ്മി​ച്ച​വ​രും ഇ​തി​ന് ഇ​ത്ത​ര​വാ​ദി​ക​ളാ​ണ്. ഓ​രോ ത​ല​മു​റ​യ്ക്കും വേ​ണ്ടി പ്ര​കൃ​തി ക​രു​തി വച്ച​തൊ​ക്കെ​യും പ്ര​കൃ​തി നി​യ​മ​ങ്ങ​ളു​ടെ എ​ല്ലാ സീ​മ​ക​ളും അ​തി​ലം​ഘി​ച്ച് വ​രും ത​ല​മു​റ​യു​ടെ സർവനാ​ശ​ത്തി​ന് കാ​ര​ണ​മാ​കു​ന്ന ഈ സം​വി​ധാ​ന​ത്തി​ന് അ​രു​നിൽ​ക്കു​ന്ന രാ​ഷ്ട്രീയ നേ​തൃ​ത്വ​വും ഭ​ര​ണ​കൂ​ട​വും മാ​പ്പ് അർ​ഹി​ക്കാ​ത്ത കു​റ്റ​കൃ​ത്യ​മാ​ണ് ന​ട​ത്തി​വ​രു​ന്ന​ത്.

ഇ​തി​ന് ഒ​രു അ​വ​സാ​നം ഉ​ണ്ടാ​വ​ണം. ഇ​ച്ഛാ​ശ​ക്തി​യു​ള്ള ഒ​രു സർ​ക്കാ​രാ​ണ് ഇ​പ്പോൾ ഇ​വി​ടെ ഭ​ര​ണം ന​ട​ത്തു​ന്ന​ത്. ആ സർ​ക്കാ​രി​ന്റെ തണ​ലിൽ നി​ന്നു​കൊ​ണ്ട് ഇ​ത്ത​ര​ത്തി​ലു​ള്ള കൊടും​ക്രൂ​ര​ത​യ്ക്ക് സം​ര​ക്ഷ​ണം ഉ​ണ്ടാ​ക​രു​ത്, ധൈ​ര്യ​മു​ണ്ടാ​ക​രു​ത്. ഇ​ത്ത​ര​ക്കാ​രെ നി​ല​യ്ക്കു നിറുത്തു​വാ​നു​ള്ള കർ​മ്മ​പ​ദ്ധ​തി​കൾ ആ​വി​ഷ്‌കരി​ച്ച് ന​ട​പ്പി​ലാ​ക്കു​ന്ന​തി​നു​ള്ള ന​ട​പ​ടി​ക​ളാ​ണ് ഉ​ടൻ ഉ​ണ്ടാ​കേ​ണ്ട​ത്. അ​ല്ലാ​തെ കാ​ലാ​കാ​ല​ങ്ങ​ളിൽ ദു​ര​ന്ത​മു​ണ്ടാ​കു​മ്പോൾ പാ​വ​പ്പെ​ട്ട​വ​ന്റെ പ​ണ​മെ​ടു​ത്ത് ദു​ര​ന്ത​ത്തി​നി​ര​യാ​യ​വർ​ക്ക് വി​ത​ര​ണം ചെ​യ്യു​വാൻ മാ​ത്ര​മാ​യി ഒ​രു വി​ല്ലേ​ജ് ഓ​ഫീ​സ​റു​ടെ നി​ല​യി​ലേ​ക്ക് സർ​ക്കാർ ത​രം താ​ഴ​രു​ത്. ശ​ക്ത​മായ ന​ട​പ​ടി ഉ​ണ്ടാ​വ​ണം. അ​ത് ഭ​ര​ണ​പ​ക്ഷ​മാ​യാ​ലും, പ്ര​തി​പ​ക്ഷ​മാ​യാ​ലും. ഏ​ത് പ​ക്ഷ​മാ​യാ​ലും മു​ഖ്യ​മ​ന്ത്രി​യു​ടെ ശ​ക്ത​മായ ചി​റ​കി​ന​ടി​യിൽ സു​ര​ക്ഷി​ത​മാ​വേ​ണ്ട​ത് ഇ​വി​ടു​ത്തെ ബ​ഹു​ഭൂ​രി​പ​ക്ഷം വ​രു​ന്ന അ​ടി​സ്ഥാന ജ​ന​വി​ഭാ​ഗ​ങ്ങ​ളാ​ണ്. അ​ല്ലാ​തെ നാ​ടി​ന്റെ നെ​ഞ്ച​കം ത​കർ​ക്കു​ന്ന അ​ധി​കാ​ര​ത്തി​ലു​ള്ള സ​മ്പ​ന്ന വർ​ഗ്ഗ​മാ​ക​രു​ത്. അ​ത് ജ​ന​ങ്ങൾ​ക്ക് ബോ​ദ്ധ്യം ​വ​രി​ക​യും കൂ​ടി ചെ​യ്താൽ മാ​ത്ര​മേ എല്ലാം ശ​രി​യാ​കൂ...

( യോഗനാദം എഡിറ്റോറിയൽ ജൂലായ് 1-15 ലക്കം )