ക്ഷേത്രവളപ്പിൽ കെട്ടിയിരുന്ന കുതിരയ്ക്ക് നേേരേ ആക്രമണം.
കാറിലെത്തിയ സംഘമാണ് മിണ്ടാപ്രാണിയെ ക്രുരമായി മർദിച്ചത്.
കൊട്ടിയം :ക്ഷേത്ര പരിസരത്ത് കെട്ടിയിരിക്കുകയായിരുന്ന കുതിരയെ ഒരു സംഘം യുവാക്കൾ ക്രൂരമായി മർദ്ദിച്ചു. കാറിലെത്തിയ സംഘമാണ് മിണ്ടാപ്രാണിയോട് ഈ ക്രൂരത കാട്ടിയത്. കഴിഞ്ഞ ദിവസമായിരുന്നു സംഭവം അയത്തിൽ തെക്കേ കാവ് ക്ഷേത്ര പരിസരത്ത് കെട്ടിയിരുന്ന പള്ളിമുക്ക് സ്വദേശി ഷാനവാസിൻ്റെ കുതിരയ്ക്കു നേരേയാണ് ആക്രമണം നടന്നത്. കുതിരയെ ക്രൂരമായി ആക്രമിക്കുന്നതിൻ്റെ സി.സി ടി.വി ദൃശ്യങ്ങൾ ലഭിച്ചിട്ടുണ്ട് കുതിരയുടെ പുറത്തും മുഖത്തും കാലിലും കൈയ്യിലും മർദ്ദനമേറ്റിട്ടുണ്ട്. നാലര വയസ്സുള്ളപെൺ കുതിര ഗർഭിണിയാണ് 'അതിക്രൂരമായ മർദ്ദനമാണ് കുതിരക്കേറ്റിട്ടുള്ളത്. കുതിരയെ അഴിക്കുന്നതിനായി ഉടമ എത്തിയപ്പോഴാണ് വേദനകൊണ്ട് പുളയുന്ന നിലയിൽ കുതിരയെ കണ്ടത്. ഇതേ തുടർന്നന്നാണ് നിരീക്ഷണ ക്യാമറ പരിശോധിച്ചത്. സി. സി. ടി. വി ദൃശ്യങ്ങൾ സഹിതം പൊലീസിനും എസ് പി. സി. എ. യ്ക്കും മൃഗസംരക്ഷണ വകുപ്പിനും പരാതി നൽകിയിട്ടുണ്ട്. സംഭവത്തെക്കുറിച്ച് ഇരവിപുരം പൊലീസ് അന്വേഷണം ആരംഭിച്ചിട്ടുണ്ട്. മിണ്ടാപ്രാണിക്കു നേരേ ക്രൂരത കാട്ടിയവരെ പിടികൂടണെമെന്ന ആവശ്യമാണ് ഉയരുന്നത്. പരിക്കേറ്റ കുതിരയെ ജില്ലാ വെറ്റിനറി ആശുപത്രിയിൽ എത്തിച്ച് ചികിത്സ നൽകിവരുകയാണ് എസ്പിസിഎ അധികൃതരും പോലീസിൽ പരാതി നൽകിയിട്ടുണ്ട്
ചിത്രം:പരിക്കേറ്റ കുതിര
കുതിരയെ ആക്രമിക്കുന്നതിന്റെ സിസിടിവി ദൃശ്യം
.
No comments:
Post a Comment