എം എൽ എയുടെ വാക്ക് പാഴായി വേളമാനൂർ - നെട്ടയം റോഡ് നവീകരണം മുടങ്ങി

എം എൽ എയുടെ വാക്ക് പാഴായി 

വേളമാനൂർ - നെട്ടയം റോഡ് നവീകരണം മുടങ്ങി 

@: പ്രതിക്ഷേധ സമരം ശക്തമാക്കാനൊരുങ്ങി ജനങ്ങൾ

ചാത്തന്നൂർ : എം എൽ എയുടെ വാക്ക് പാഴായി വേളമാനൂർ - നെട്ടയം റോഡ് നവീകരണ പ്രവർത്തനം പാതി വഴിയിൽ ഉപേക്ഷിച്ചു.കഴിഞ്ഞ ഏപ്രിൽ 30ന് മുൻപായി നിർമ്മാണം പൂർത്തിയാക്കുമെന്ന ജി.എസ്. ജയലാൽ എം എൽ എ വാഗ്ദാനം വെള്ളത്തിൽ വരച്ച വരയായതോടെ പ്രതിസന്ധിയിലാവുകയാണ് റോഡ് നിർമ്മാണം. ചാത്തന്നൂർ നിയോജക മണ്ഡലത്തിലെ കല്ലുവാതുക്കൽ ഗ്രാമ പഞ്ചായത്തിൽ 

ഉൾപ്പെട്ടതാണ് വേളമാനൂർ - നെട്ടയം റോഡ്. തിരുവനന്തപുരം - കൊല്ലം ജില്ലകളെ ബന്ധിപ്പിക്കുന്ന ഒരു റോഡ് കൂടിയാണിത്. ആധുനിക രീതിയിൽ ഗതാഗത യോഗ്യമാക്കുന്നതിനായി 1.25 കോടി രൂപയ്ക്കാണ് ഭരണാനുമതി ലഭിച്ചത്. കരാർ നടപടികൾ പൂർത്തിയാക്കി ഒരു വർഷത്തോളം ആയിട്ടും റോഡ് നിർമ്മാണം പൂർത്തിയാക്കാത്തതിൽ ശക്തമായ പ്രതിക്ഷേധത്തിലാണ് നാട്ടുകാർ. ഗുണമേന്മയുള്ള ഉൽപ്പന്നങ്ങൾ ഉപയോഗിക്കാത്തതിന് കരാറുകാരനെ അധികൃതർ ചോദ്യം ചെയ്യുകയും, ഗുണമേന്മയുള്ള സാധനങ്ങൾ

മാത്രമേ നിർമ്മാണത്തിനായി ഉപയോഗിക്കാവൂയെന്ന് കർശന നിർദ്ദേശം നൽകിയതുമാണ് 

കരാറുകാരൻ റോഡ് നിർമ്മാണം ഉപേക്ഷിക്കുന്ന രീതിയിലേക്ക് പോയതെന്ന് ആക്ഷേപമുണ്ട്.

റോഡ് പുനർനിർമ്മാണം ആരംഭിക്കുന്നതിനായി ജെ.സി.ബി ഉപയോഗിച്ച് റോഡ് പൂർണ്ണമായും 

ഇളക്കിയത് മൂലം ജനങ്ങൾക്ക് 

കാൽ നടയാത്ര പോലും 

ദുരിത പൂർണ്ണമായി മാറി.

നൂറ് കണക്കിന് വാഹനങ്ങൾ 

ദിനംപ്രതി കടന്നുപോകുന്ന റോഡിലെ  പൊടിപടലങ്ങൾ

സമീപത്തെ വീടുകളിലെ തമാസക്കാർക്കും ബുദ്ധിമുട്ടായി മാറി.

കുഞ്ഞുങ്ങൾ ഉൾപ്പെടെ നിരവധി പേർ ശ്വാസം മുട്ടും

ചുമയും കാരണം 

ആശുപത്രിവാസം അനുഭവിക്കുന്നു.

വിവിധ രാഷ്ട്രീയ പാർട്ടികളുടെ നേതൃത്വത്തിൽ നിരവധി സമര പരിപാടികൾ നടത്തിയെങ്കിലും 

കരാറുകാരൻ നിർമ്മാണ പ്രവർത്തനം പൂർത്തിയാക്കുവാൻ തയ്യാറായില്ല.കരാറുകാരനെതിരെ അധികൃതർ നിയമ നടപടികൾ സ്വീകരികാത്തതിലും പ്രതിഷേധം ശക്തമാണ്.കരാർ കാലാവധി മാർച്ച് 31ന് അവസാനിച്ചിരുന്നുവെങ്കിലും ഏപ്രിൽ 30ന് മുൻപായി 

 മുൻപ് റോഡ് നിർമ്മാണം പൂർത്തിയാക്കുമെന്ന് എം എൽ എ വാഗ്ദാനം നൽകുകയായിരുന്നു ഇപ്പോൾ ആ വാക്കും പാഴായതോടെ നിർത്തി വച്ചിരിക്കുന്ന റോഡ് നിർമ്മാണം ആരംഭിക്കാനോ പൂർത്തിയാക്കുവാനോ കഴിയില്ലന്നത് ജനങ്ങളിൽ ആശങ്ക ഉളവാക്കുന്നു.റോഡ് നവീകരണ പ്രവർത്തനങ്ങൾ ആരംഭിച്ചില്ലെങ്കിൽ 

ശക്തമായ സമര പരിപാടികൾ സംഘടിപ്പിക്കാനുള്ള ശ്രമത്തിലാണ് നാട്ടുകാരും വിവിധ സംഘടനകളും .

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തിയാണ് ജി.എസ് ജയലാൽ എം.എൽ.എ യുടെ ശ്രമ ഫലമായി റോഡ് നവീകരണത്തിന് തുക അനുവദിച്ചത്. വേളമാനൂർ- നെട്ടയം പ്രദേശങ്ങളെ ദേശീയ പാതയുമായി ബന്ധിപ്പിക്കുന്ന സുപ്രധാന പാതയാണിത്. റോഡിന്റെ വീതി കൂട്ടി ആധുനിക രീതിയിൽ ബി.എം & ബി.സി നിലവാരത്തിലാണ് റോഡ് നവീകരിക്കുന്നതിന് വേണ്ടിയാണ് എസ്റ്റിമേറ്റ് തയ്യാറാക്കിയത്.

@: സമര പരിപാടികൾ പുനരാരംഭിക്കും.

കോൺഗ്രസിന്റെ

വേളമാനൂർ- നെട്ടയം റോഡ് നവീകരണ പ്രവർത്തനം നിലച്ചതിൽ  പ്രതിക്ഷേധിച്ചു സമര പരിപാടികൾ പുനരാരംഭിക്കുമെന്ന്  നാട്ടുകാർ അറിയിച്ചു.റോഡ് നിർമ്മാണം ഏറ്റെടുത്തിട്ട് കരാർ വ്യവസ്ഥകൾ പാലിച്ച് നവീകരണ പ്രവർത്തനം നടത്താത്ത കരാറുകരനെതിരെ 

നിയമ നടപടികൾ സ്വീകരിക്കണമെന്നും നാട്ടുകാർ ആവശ്യപ്പെട്ടു.

ഫോട്ടോ : കാൽനട യാത്ര പോലും ദുരിത പൂർണ്ണമായി മാറിയ 

വേളമാനൂർ- നെട്ടയം റോഡ്.

ഫോട്ടോ :ജി. എസ്. ജയലാൽ എം എൽ എ യുടെ പത്രപ്രസ്താവനയുടെ കട്ടിങ്.