ചാത്തന്നൂർ : എൻ.എസ്.എസ് ജനറൽ സെക്രട്ടറിക്കെതിരെ കെ.ബി ഗണേഷ് കുമാർ നടത്തിയ ആരോപണങ്ങൾ അപക്വവും,വസ്തുതകൾക്ക് നിരക്കാത്തതുമാണെന്ന് എൻ എസ് എസ് ചാത്തന്നൂർ താലൂക്ക് യൂണിയൻ പ്രസിഡന്റ് ബി. ഐ ശ്രീനാഗേഷ് പറഞ്ഞു.
ജനാധിപത്യപരമായി തിരഞ്ഞെടുക്കപ്പെട്ട നായക സഭയിൽ അംഗമായിരുന്നപ്പോൾ ജനറൽ സെക്രട്ടറിയെ അനുകൂലിച്ച് സംസാരിക്കുകയും, സ്വന്തം പ്രവർത്തി മൂലം എൻ എസ് എസ് ൽ നിന്നും പുറത്തായപ്പോൾ അദ്ദേഹത്തിനെതിരെ ആരോപണങ്ങൾ ഉന്നയിക്കുകയും ചെയ്യുന്നത് യുക്തിക്ക് നിരക്കാത്തതാണ്. അഭിവന്ദ്യ ആചാര്യൻ മന്നത്ത് പത്മനാഭൻ പടുത്തുയർത്തിയ ധീരമായ പ്രസ്ഥാന ത്തിന് നേതൃത്വം നൽകുന്ന എൻ.എസ്.എസ് ജനറൽ സെക്രട്ടറിക്കെതിരെ അധിക്ഷേപങ്ങൾ തുടർന്നാൽ തെരുവിലിറങ്ങി പ്രതിഷേധിക്കാനും മടിക്കില്ലെന്നും ബി. ഐ. ശ്രീനാഗേഷ് പറഞ്ഞു. എൻ എസ് എസിൽ നിന്നും പുറത്ത് പോയവർക്ക് ഒപ്പം നിന്ന് ഗണേഷ്കുമാർ നടത്തുന്ന
ആരോപണങ്ങൾക്ക് എതിരെ ചാത്തന്നൂർ എൻ.എസ്.എസ് താലൂക്ക് യൂണിയൻ ശക്തമായ പ്രതിഷേധം രേഖപ്പെടുത്തി.എല്ലാ യൂണിയനിലും പത്മമാ കഫേ തുടങ്ങുമെന്ന ജനറൽ സെക്രട്ടറിയുടെ പ്രസ്താവന ചാത്തന്നൂർ എൻ.എസ്.എസ് താലൂക്ക് യൂണിയൻ സ്വാഗതം ചെയ്തു. താലൂക്ക് യൂണിയൻ പ്രസിഡന്റ ബി ഐ ശ്രീനാഗേഷിന്റെ അധ്യക്ഷതയിൽ കൂടിയ യോഗം എൻ.എസ്.എസ് ജനറൽ സെക്രട്ടറിയുടെ നിലപാടുകൾക്കും പ്രവർത്തനങ്ങൾക്കും ഐക്യദാർഢ്യം പ്രഖ്യാപിച്ചു.
No comments:
Post a Comment