പരവൂരിലെ പ്രശ്നങ്ങൾക്ക് പരിഹാരം കാണും - ബി.ബി.ഗോപകുമാർ

പരവൂരിലെ പ്രശ്നങ്ങൾക്ക് പരിഹാരം കാണും - ബി.ബി.ഗോപകുമാർ 

പരവൂർ : പരവൂരിലെ പ്രശ്നങ്ങൾക്ക് പരിഹാരം കാണുമെന്ന്ബി.ബി.ഗോപകുമാർ എം എൽ എ പറഞ്ഞു മുൻസിപ്പൽ ഏരിയയിലെ വിവിധ പ്രാദേശങ്ങൾ സന്ദർശിച്ച ശേഷം ജനങ്ങളോട് സംസാരിക്കുകയായിരുന്നു.പ്രധാന പ്രശ്നമായ ജംഗ്ഷനിലെ വെള്ളക്കെട്ടിന് പരിഹാരം കാണുമെന്നും തകർന്ന് കിടക്കുന്ന തെക്കുംഭാഗം റോഡിന്റെ  ടാറിംഗ് പണി ഉടൻ പൂർത്തീകരിക്കുമെന്നും എം എൽ എ പറഞ്ഞു. സ്ഥലം സന്ദർശിക്കുകയും പൊതുമരാമത്ത് 

 അസിസ്റ്റന്റ് എഞ്ചിനിയറുമായി നേരിട്ട് സംസാരിക്കുകയും അതിന്റെ അടിസ്ഥാനത്തിൽ വരും ദിവസങ്ങളിൽ തന്നെ ജംഗ്ഷനിൽ വെള്ളം കെട്ടുന്ന ഭാഗത്തു ഓട കെട്ടി തെക്കുംഭാഗം റോഡിലെ ഓടയിലേക്ക് ബന്ധിപ്പിക്കുന്ന രീതിയിൽ പണി പൂർത്തീകരിക്കണമെന്നും തകർന്ന് കിടക്കുന്ന തെക്കുംഭാഗം റോഡിന്റെ പണി വരും ദിവസങ്ങളിൽ തന്നെ പൂർത്തീകരിക്കണമെന്നും പൊതുമരാമത്ത് 

എ ഇയോട്  ആവശ്യപ്പെട്ടു.  തെക്കുംഭാഗം 

ഹയർ സെക്കന്ററി 

സ്കൂൾ സന്ദർശിച്ച് സ്കൂളിന്റെ രണ്ടാമത്തെ നിലയുടെ പണി ഉടൻ ആരംഭിക്കുമെന്നും ഉറപ്പ് നൽകി  സ്കൂളിന്റെ മറ്റ് വികസനങ്ങളെക്കുറിച്ച് വിലയിരുത്തുകയും ചെയ്തു. തെക്കുംഭാഗം ഗ്രൗണ്ടിന്റെ ശോചനീയാവസ്ഥയെക്കുറിച്ച് പ്രദേശത്തെ യുവാക്കളുമായി സംസാരിച്ച് കായികരംഗത്തെ പ്രശ്നങ്ങൾ 

വിലയിരുത്തുകയും ചെയ്തു. 

പരവൂർ ജംഗ്ഷനിൽ കാലാ കാലങ്ങളായി ജനങ്ങൾ അനുഭവിച്ചു വരുന്ന പ്രധാന പ്രശ്നമാണ് പരവൂർ ജംഗ്ഷനിലെ വെള്ളക്കെട്ട്. മഴ പെയ്താൽ വാഹനങ്ങൾ കടന്നു പോകുന്നതിനും യാത്രക്കാർക്ക് നടന്നു പോകുന്നതിനും വളരെ ബുദ്ധിമുട്ട് ആണ്. അടുത്തുള്ള കച്ചവട സ്ഥാപനങ്ങളും ഈ പ്രശ്നത്താൽ ബുദ്ധിമുട്ടിലാണ് ദീർഘനാളായി ജനങ്ങൾക്ക് ആവശ്യമായ

പ്രധാന പ്രശ്നങ്ങൾക്ക് ആണ് പരിഹാരം ഉണ്ടാവുമെന്നാണ് ജനങ്ങൾക്ക് ബി.ബി. ഗോപകുമാർ ഉറപ്പ് നൽകിയത്.

എം എൽ എയോടൊപ്പം ബി ജെ പി പരവൂർ മണ്ഡലം പ്രസിഡന്റ്‌ പ്രദീപ്.ജി.കുറുമണ്ടൽ, ജില്ലാ വൈസ് പ്രസിഡന്റ്‌ സുനിൽ കുമാർ, ഏരിയ പ്രസിഡന്റ്‌ രഞ്ചിത്ത്, കൗൺസിലർമാരായ സ്വർണ്ണമ്മ സുരേഷ്, രാജീവ്, അജിമോൾ എന്നിവർ ഉണ്ടായിരുന്നു.