ദുർഗന്ധപൂരിതമാണ് എസ് എൻ കോളേജ് ജങ്ഷൻ

ദുർഗന്ധപൂരിതമാണ് എസ് എൻ കോളേജ്  ജങ്ഷൻ
കൊല്ലം : ദുർഗന്ധപൂരിതമാണ് എസ് എൻ കോളേജ്  ജങ്ഷൻ പൊട്ടി പൊളിഞ്ഞ ഓടയിലൂടെ  ഒഴുകുന്നത് കക്കൂസ് മാലിന്യമടക്കമുള്ള മലിനജലം റോഡ് സൈഡിൽ മാലിന്യകൂമ്പാരം തകർന്ന് കിടക്കുന്ന നടപ്പാത
ആയിരകണക്കിന് വിദ്യാർത്ഥികൾ ദിനവും യാത്ര ചെയ്യുന്ന ശ്രീനാരായണ കോളേജ് ജങ്ഷന്റെ അവസ്ഥയാണിത്. കൊല്ലം കോളേജ് ജങ്ഷനിൽ കോളേജിന്റെ കിഴക്ക് ഭാഗത്ത്
ദേശിയപാതയിലെ ഓടയുടെ സ്ളാബ് പൂർണ്ണമായും തകർന്ന് കാൽനട യാത്ര പോലും ദുസ്സഹമായി മാറിയിരിക്കുന്നു .ഇവിടെ ഓടയിലൂടെ ഒഴുകി വരുന്ന മാലിന്യം ഓടയിൽ കെട്ടികിടക്കുന്നത് മൂലം ഇവിടെ മൂക്ക് പൊത്താതെ നടക്കാൻ വയ്യാത്ത അവസ്ഥയിലാണ് ഒപ്പം തന്നെ പലപ്പോഴായി കൊണ്ടിട്ട മാലിന്യ കൂമ്പാരവും ഉണ്ട് ഒപ്പം കോർപ്പറേഷൻ ഇവിടെ സ്ഥാപിച്ച മാലിന്യ സംഭരണി പൊട്ടിപൊളിഞ്ഞു കിടക്കുന്നു.ദേശിയ പാതയുടെ കിഴക്ക് ഭാഗത്തെ വ്യാപാര സ്ഥാപനങ്ങളിൽ നിന്നും ഒഴുകുന്ന മാലിന്യമാണ് ഇവിടെ കെട്ടികിടക്കുന്നത്.ഇവിടെയുള്ള
പടുകൂറ്റൻ തണൽ  മരത്തിന്റെ വേരിറങ്ങി ഓട പകുതിയോളം അടഞ്ഞു കിടക്കുന്നതു മൂലം നീരൊഴുക്ക് നിലച്ചു മലിനജലം ഇവിടെ കെട്ടി കിടക്കുന്നത്. മഴയായാൽ ഓട നിറഞ്ഞു മലിന വെള്ളം റോഡിലൊഴുകി ഇവിടെ വെള്ളകെട്ടായി കാൽനട യാത്ര പോലും ദുസ്സഹമായി മാറും.പ്രദേശവാസികളും നാട്ടുകാരും നിരവധി തവണ കൗൺസിലറുടെ അടുത്തും കോർപ്പറേഷന്‌നിലും ദേശിയ പാത അതോറിറ്റി ഉദ്യോഗസ്ഥരുടെ അടുത്തും പരാതി പറഞ്ഞെങ്കിലും യാതൊരു പ്രയോജനവും ഉണ്ടായിട്ടില്ല.ഇതൊന്നും സ്വന്തം വാർഡിൽ അല്ലായെന്ന നിലാപാടിലാണ് കൗൺസിലർ എന്ന് നാട്ടുകാർ ആരോപിക്കുന്നു.അടിയന്തിരമായി മലിനജലം ഒഴുക്കി വിടുന്ന സ്ഥാപനങ്ങൾക്കെതിരെ നടപടി സ്വീകരിച്ചു കൊണ്ട് ഓട വൃത്തിയാക്കി സ്ളാബുകൾ നേരെയാക്കണമെന്നാണ് ജനങ്ങളുടെ ആവശ്യം