പരവൂർ: പൂതക്കുളത്ത് കൊവിഡിനെതിരെയുള്ള പോരാട്ടത്തിൽ മുൻ നിരയിലാണ് സേവാഭാരതി.കോവിഡിന്റെ ഒന്നാം വരവിൽ തന്നെ പൂതക്കുളം സേവാഭാരതി രംഗത്തുണ്ടായിരുന്നു.അത് കൊണ്ട് തന്നെ കൊവിഡിന്റെ രണ്ടാം വരവിൽ ജനങ്ങൾക്ക് ആശ്രയമായി മാറിയ സേവാഭാരതിയുടെ പൂതക്കുളത്തെ ഹെല്പ് ഡെസ്ക് രണ്ടാം വരവിൽ ശക്തമായ പ്രവർത്തനങ്ങളുമായി മുന്നോട്ട്പോകുകയായിരുന്നു.കൊവിഡിന്റെ രണ്ടാം വരവിൽ സർക്കാർ സംവിധാനങ്ങൾ ഉണരും മുൻപേ സേവാഭാരതി സജീവമായി രംഗതെത്തി. സ്വന്തം സുരക്ഷ പോലും അവഗണിച്ചു കൊണ്ട് നൂറ് കണക്കിന് സേവാഭാരതി പ്രവർത്തകർ സേവാപ്രവർത്തനത്തിൽ എത്തി പൂതക്കുളം പഞ്ചായത്തിന്റെ എല്ലാ വാർഡുകളിലും ഹെല്പ്ഡെസ്ക് തുറന്ന് കൊണ്ട് പ്രവർത്തനം ആരംഭിച്ചു വാർഡ്‌ തല പ്രവർത്തനങ്ങൾ ഏകോപിച്ചു കൊണ്ട് പൂതക്കുളം ജങ്ഷനിൽ പഞ്ചായത്ത്‌ തല ഹെല്പ് ഡെസ്കും തുറന്ന് പ്രവർത്തനം ആരംഭിച്ചു.രോഗികളുടെ വിവരം അറിയാൻ സർക്കാർ സംവിധാനങ്ങൾ പോലും സേവാഭാരതിയുടെ പ്രവർത്തകരെയും മറ്റും ആശ്രയിച്ചപ്പോൾ സിപിഎം നേതൃത്വം കൊടുക്കുന്ന ഭരണസമിതി പഞ്ചായത്ത്‌ സെക്രട്ടറിയെയും പോലീസിനെയും ഉപയോഗിച്ച് സേവാഭാരതിയുടെ ഹെല്പ് ഡെസ്കുകൾക്ക് താഴിട്ട് പൂട്ടാൻ ഭത്വ ഇറക്കിയപ്പോൾ അതിനെയും അതിജീവിച്ചു കൊണ്ട് ആംബുലൻസ് സർവീസ് ഉൾപ്പെടെ എല്ലാവിധ സൗകര്യങ്ങളോടും കൂടിയാണ് ഇപ്പോൾ സേവഭാരതിയുടെ പൂതക്കുളത്തെ കൊവിഡ് കെയർ കേന്ദ്രം പ്രവർത്തിക്കുന്നത്. നിരവധി പേർക്കാണ് ഇവിടെ നിന്ന് സേവനം ലഭ്യമാകുന്നത്. കോവിഡ് ബാധിച്ച കുടുംബങ്ങൾക്ക് മൂന്നു നേരവും ഭക്ഷണമെത്തിക്കുകയും. ആശുപത്രിയിൽ കൊണ്ട് പോകുന്നതും എല്ലാവിധ ചികിത്സയ്ക്കും സഹായമെത്തിക്കുന്നത് സേവാഭാരതിയാണ്. ഇവിടെ കോവിഡ് ബാധിച്ചു മരിച്ചവരുടെ മൃതദേഹം സംസ്കാരം നടത്തിയതും സേവാഭാരതിയാണ്.പരിവാർ പ്രസ്ഥാന മുഴുവൻ പ്രവർത്തകരെ എകോപിപ്പിച്ചു കൊണ്ടാണ് ഇവിടെ പ്രവർത്തനം നടക്കുന്നത്.ബി ജെ പിയുടെ മൂന്ന് ഗ്രാമപഞ്ചായത്ത്‌ അംഗങ്ങളായ സതീഷ് അപ്പു മാങ്കൂട്ടം, മഞ്ജുഷ സത്യപാലൻ, രാഖി എന്നിവർ പൂർണ്ണ പിന്തുണ നൽകി ഇവർക്ക് ഒപ്പം ഉണ്ട്. കോവിഡ് ബാധിച്ച കുടുംബങ്ങൾക്കും ലോക്ക് ഡൗണിൽ ദുരിതമനുഭവിക്കുന്നവർക്കും താങ്ങായും തണലായും സേവാഭാരതി ഉള്ളത് കൊണ്ട് തന്നെ ഇവരുടെ വാർഡുകളിൽ കൊറോണ വ്യാപനം തടയാനായി ഒപ്പം തന്നെ ബിജെപി ജില്ലാ കമ്മിറ്റി അംഗം പുത്തൻകുളം അനിൽകുമാർ,ബിജെപി പഞ്ചായത്ത്‌ സമിതി പ്രസിഡന്റ്‌ സുജിത്, സെക്രട്ടറി ഷിലോക്ക്, മഹിളാമോർച്ച നിയോജക മണ്ഡലം ജനറൽ സെക്രട്ടറി ശ്രീജ പഞ്ചായത്ത്‌ സമിതി പ്രസിഡന്റ്‌ഷൈമ,യുവമോർച്ച പഞ്ചായത്ത്‌ സമിതി പ്രസിഡന്റ്‌ വേക്കുളം രാമൻ എന്നിവരും സജീവമായുണ്ട്.
No comments:
Post a Comment