ചാത്തന്നൂർ: കല്ലുവാതുക്കൽ ഗ്രാമ പഞ്ചായത്ത്
വികസന സെമിനാർ പാരിപ്പള്ളി കമ്മ്യൂണിറ്റി ഹാളിൽ വച്ച് ഇത്തിക്കര ബ്ലോക്ക് പഞ്ചായത്ത് പ്രസിഡൻ്റ് എൻ.സദാനന്ദൻ പിള്ള ഉത്ഘാടനം ചെയ്തു. ഗ്രാമ പഞ്ചായത്ത് പ്രസിഡൻറ് എസ്.സുദീപ അധ്യക്ഷത വഹിച്ചു തുടർന്ന് വികസന കാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ രജിതകുമാരി കരട് പദ്ധതി അവതരണം നടത്തി കരട് പദ്ധതിയിൻമേലുള്ള ചർച്ചയിൽ
നാടിൻ്റെ സമഗ്രവികസനമാണ് ലക്ഷ്യമെന്ന് പ്രഖ്യാപിച്ചു കൊണ്ടുള്ള കല്ലുവാതുക്കൽ പഞ്ചായത്തിൻ്റെ വികസന സെമിനാർ പതിവിൽ നിന്നും വിത്യാസമായി ജനപങ്കാളിത്തം കൊണ്ട് ശ്രദ്ധേയമായി.
2021-2022 വർഷത്തെ പദ്ധതി രൂപീകരണത്തിനുള്ള സെമിനാറിൽ ഒട്ടനവധി വികസന പ്രവർത്തനങ്ങളാണ് ജനങ്ങൾ മുന്നോട്ട് വച്ചത്. സമസ്ത മേഖലയുടെയും വികസനമാണ് ജനങ്ങൾ മുന്നോട്ട് വച്ചത്. കായിക രംഗത്ത് കല്ലുവാതുക്കലിൻ്റെ പ്രതാപം വീണ്ടെടുക്കണം എന്ന് തുടങ്ങി വിദ്യഭ്യാസ ആരോഗ്യ രംഗത്തുൾപ്പടെ സമഗ്രമായ മാറ്റം ഉണ്ടാവണം കല്ലുവാതുക്കൽ പാരിപ്പള്ളി ടൗൺ വികസനം ടൂറിസം മേഖലയടക്കം വികസനമെത്തേണ്ട സ്ഥലങ്ങൾ ജനങ്ങൾ ചൂണ്ടി കാണിച്ചു കൊണ്ട് നടന്ന ചർച്ചയുടെ അവസാനം
അന്തിമ പദ്ധതി അവതരണം പഞ്ചായത്ത് സെക്രട്ടറി ബിജു ശിവദാസനും നടത്തി. ജില്ലാ പഞ്ചായത്ത് അംഗം എ.ആശാ ദേവി, ബ്ലോക്ക് പഞ്ചായത്ത് വൈസ് പ്രസിഡൻ്റ് സരിത പ്രതാപ്, ബ്ലോക്ക് പഞ്ചായത്ത് അംഗം എസ്.ആർ. രോഹിണി, ആരോഗ്യ സ്റ്റാസ്റ്റിംഗ് കമ്മിറ്റി ചെയർമാൻ ബൈജു ലക് ഷമൺ, ക്ഷേമകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ എൻ.ശാന്തിനി
എന്നിവർ ആശംസകൾ അർപ്പിച്ചു. വൈസ് പ്രസിഡൻ്റ് എസ്.സത്യപാലൻ സ്വാഗതവും ആസൂത്രണ സമിതി ഉപാദ്ധ്യക്ഷൻ ഡോ.പി.രാജശേഖരൻ നന്ദിയും പറഞ്ഞു.
ഫോട്ടോ : വികസന സെമിനാർ ബ്ലോക്ക് പഞ്ചായത്ത് പ്രസിഡൻ്റ് എൻ.സദാനന്ദൻ പിള്ള ഉത്ഘാടനം ചെയ്യുന്നു.
No comments:
Post a Comment