ചാത്തന്നൂർ: കൊല്ലം സഹകരണ സ്പിന്നിംഗ് മിൽ ഭാഗികമായി നവീകരിച്ചതിൻ്റെ ഉദ്ഘാടനം മുഖ്യമന്ത്രി പിണറായി വിജയൻ ഫെബ്രുവരി 3ന് നടത്താൻ തീരുമാനിച്ചിരിക്കുകയാണ് കേന്ദ്ര കൃഷി വകുപ്പിൻ്റെ കീഴിലുള്ള എൻ സി ഡി സി 2015 ൽ മില്ലിൻ്റെ നവീകരണത്തിനായി 57 കോടി രൂപയാണ് അനുവധിച്ചിട്ടുള്ളത് ഇതിൽ നാമ മാത്രമായ തുക ഉപയോഗിച്ചുള്ള പഴയതും പുതിയതുമായ യന്ത്രങ്ങളാണ് ഇപ്പോൾ സ്ഥാപിച്ചിട്ടുള്ളത് ഇതിൽ പതിറ്റാണ്ടുകൾ പഴക്കമുള്ള കോൺ വൈൻ്റിംഗ് മിഷ്യനുകളും പുതിയതായി സ്ഥാപിച്ചിട്ടുണ്ട് എൻ സി ഡി സി
പ്രോജക്റ്റിലുള്ള മൊത്തം യന്ത്രങ്ങൾ സ്ഥാപിക്കാതെയും മില്ലിൽ നിന്ന് പിരിഞ്ഞ തൊഴിലാളികളുടെ ഗ്രാറ്റുവിറ്റി ആനുകൂല്യങ്ങൾ നൽകാതെയും ലേ ഓഫ് കോമ്പൻസേഷൻ നൽകാതെയും തൊഴിലാളികളുടെ സ്റ്റാറ്റൂട്ടറി ആനുകൂല്യങ്ങൾ പോലും അടയ്ക്കാതെ ഉദ്ഘാടന മാമാങ്കം നടത്തുന്നത് പ്രതിഷേധാർഹമാണ് വരാൻ പോകുന്ന നിയമസഭാ തിരഞ്ഞെടുപ്പ് മുന്നിൽ കണ്ടുള്ള പ്രഹസനമായി മാത്രമേ ഈ ഉദ്ഘാടനത്തെ കാണാൻ കഴിയുകയുള്ളൂ എന്ന് ബിജെപി ചാത്തന്നൂർ നിയോജക മണ്ഡലം പ്രസിഡൻ്റ് എസ്.പ്രശാന്ത് അറിയിച്ചു.
No comments:
Post a Comment