കുറുങ്ങൽ ഏല നികത്താനുള്ള നീക്കം തടഞ്‌ ഡി വൈ എഫ് ഐ

കുറുങ്ങൽ ഏല നികത്താനുള്ള നീക്കം തടഞ്‌ ഡി വൈ എഫ് ഐ 

ചാത്തന്നൂർ : ചാത്തന്നൂർ പഞ്ചായത്തിലെ നെല്ലറയായ കുറുങ്ങൽ ഏല നികത്താനുള്ള നീക്കം തടഞ്ഞ്

ഡി വൈ എഫ് ഐ. പരിസ്ഥിതി ലോല പ്രദേശമായ കുറുങ്ങൽ ഏലയുടെ പടിഞ്ഞാറ് ഭാഗത്തുള്ള 

ഏല റോഡിന് സമീപമുള്ള പ്രദേശം അടുത്തിടെ കർഷകരിൽ നിന്നും വാങ്ങിയവരണ് വയൽ നികത്താനായി ബുധനാഴ്ച്ച രാത്രിയിൽ  ടിപ്പർ ലോറികളിൽ 

മണ്ണ് എത്തിച്ചു നികത്താൻ ഒരുങ്ങിയത് 

സമീപ വയലുകളിലേക്കുള്ള 

പുറമ്പോക്കിലൂടെ ഒഴുകുന്ന 

നീർച്ചാലുകളും ഏല തോടിന്റെയും മുകളിലൂടെ മണ്ണിട്ട് നികത്തി തുടങ്ങിയതോടെ നാട്ടുകാരും ഡി വൈ എഫ് ഐ പ്രവർത്തകരും എത്തി തടയുകയായിരുന്നു തുടർന്ന് പോലീസും കൃഷി വകുപ്പ് അധികൃതരും പഞ്ചായത്ത്‌

വില്ലേജ് അധികൃതരും എത്തി മേൽ നടപടികൾ സ്വീകരിച്ചു. ജില്ലയിലെ തന്നെ പ്രധാന ഏലകളിൽ ഒന്നാണ് കുറുങ്ങൽ 

കർഷകസമിതിയുടെ നേതൃത്വത്തിൽ കൃത്യമായ കൃഷി നടക്കുന്ന ഇവിടെ അടുത്തിടെ കർഷകരിൽ നിന്നും ഭൂമി വാങ്ങിയവർ ആണ് നെൽവയൽ നികത്താനുള്ള നീക്കവുമായി രംഗത്തുള്ളത് ഇതിനെതിരെ നിരവധി പരാതികളാണ് 

കർഷകരും നാട്ടുകാരും അധികാരികൾക്ക് നൽകിയിട്ടുള്ളത് ഇതിനിടയിലാണ് നെൽവയൽ നികത്താനുള്ള നീക്കവുമായി ഒരു സംഘം രംഗതെത്തിയത് നെൽവയൽ നികത്താനുള്ള നീക്കത്തിനെതിരെ ശക്തമായ സമരം ഉണ്ടാവുമെന്ന് സിപിഎം ഡി വൈ എഫ് ഐ നേതാക്കൾ പറഞ്ഞു.

സിപിഎം ചാത്തന്നൂർ എൽ സി സെക്രട്ടറി ദിജു. ടി, ഡി വൈ എഫ് ഐ ബ്ലോക്ക്‌ സെക്രട്ടറി അനീഷ് ചാത്തന്നൂർ ലോക്കൽ കമ്മിറ്റി അംഗം റോബിൻ,സനൽ,അഭിലാഷ് എന്നിവർ നേതൃത്വം നൽകി.

ഫോട്ടോ :ഏല നികത്തുന്നത്തിനായി മണ്ണ് ഇട്ടിരിക്കുന്നു