വേ​ണ്ടി വ​ന്നാൽ ഫ്ലൈ​റ്റെ​ടു​ത്തും പ​റ​ന്നെ​ത്താൻ ത​ക്ക കാ​യി​ക​ബ​ല​മു​ള്ള ദേ​ഹി​യാ​ണ് ക​ണ്ണ​ന്താ​നം മ​ന്ത്രി. മ​രു​ത്വാ​മല പൊ​ക്കി​യെ​ടു​ത്ത ഹ​നു​മാൻ ക​ഴി​ഞ്ഞാൽ അ​ങ്ങ​നെ​യൊ​രു മല പൊ​ക്കി​യെ​ടു​ക്കാ​നും വേ​ണ്ടി വ​ന്നാൽ ത​ള്ളി​മ​റി​ച്ചി​ടാ​നും ത​ക്ക കാ​യി​ക​ബ​ല​മു​ള്ള ഒ​രേ​യൊ​രാൾ ക​ണ്ണ​ന്താ​നം​ജി മാ​ത്ര​മാ​ണെ​ന്ന് തി​രി​ച്ച​റി​ഞ്ഞ​ത് ന.​മോ.​ജി ആ​യി​രു​ന്നു. ആ​രും ക​ണ്ടെ​ത്താ​ത്ത​ത് ക​ണ്ടെ​ത്താൻ മി​ടു​ക്കു​ള്ള പാർ​ട്ടീ​സ് ആ​യ​ത് കൊ​ണ്ട് ന.​മോ.​ജി അ​ത് ക​ണ്ടെ​ത്തി. അ​മി​ട് ഷാ ജി​യോ​ട് പോ​ലും പ​റ​യാ​തെ ര​ഹ​സ്യം ഉ​ള്ളി​ലൊ​തു​ക്കി എ​ത്ര​നാൾ ത​ള്ളി​നീ​ക്കും? ഒ​രു ദുർ​ബ​ല​മാ​ത്ര​യിൽ അ​മി​ട് ഷാ​ജി​യോ​ട് ന.​മോ.​ജി​ക്ക് അ​ങ്ങ​നെ ഉ​ള്ളം തു​റ​ക്കേ​ണ്ടി വ​ന്നു. അ​മി​ട് അ​ണ്ണൻ ച​ട്ടം കെ​ട്ടി​യാ​ണ് ഫ്ലൈ​റ്റെ​ടു​ത്ത് ഉ​ടൻ പ​റ​ന്നെ​ത്താൻ ക​ണ്ണ​ന്താ​നം​ജി​യോ​ട് ന.​മോ.​ജി അ​ഭ്യർ​ത്ഥി​ച്ച​ത്.
ന.​മോ.​ജി​യു​ടെ അ​ഭ്യർ​ത്ഥന കേ​ട്ട​ത് പാ​തി, കേൾ​ക്കാ​ത്ത​ത് പാ​തി ഏ​റ്റ​വും ക​നം കൂ​ടിയ ഫ്ലൈ​റ്റ് ത​ന്നെ ഒ​പ്പി​ച്ചെ​ടു​ത്താ​ണ് പ​ഹ​യൻ പ​റ​ന്ന് ഇ​ന്ദ്ര​പു​രി​യി​ലെ​ത്തി​യ​ത്. പ​റ​ന്നു​ള്ള ആ വ​ര​വ് ക​ണ്ട് അ​മി​ട് ഷാ​ജി​ക്ക് പോ​ലും അ​മ്പ​ത് സെ​ക്കൻ​ഡ് നേ​ര​ത്തേ​ക്ക് ശ്വാ​സം നി​ല​ച്ചു​പോ​യെ​ന്നാ​ണ് കേൾ​വി. കാ​ക്ക​കൾ ക​ര​ച്ചിൽ നി​റു​ത്തി. കു​യി​ലു​കൾ കൂ​കി​യി​ല്ല. ന.​മോ.​ജി​ക്ക് തൃ​പ്തി​യാ​യി! ബ​ലേ​ഭേ​ഷ് എ​ന്നാ​ണ് ആ പ​റ​ക്ക​ലി​നെ ന.​മോ.​ജി അ​ന്ന് വി​ശേ​ഷി​പ്പി​ച്ച​ത്. മ​ഹാ​സാ​ധു പി​ണ​റാ​യി സ​ഖാ​വ് പോ​ലും പാ​ല​ട, പ​രി​പ്പ് പ്ര​ഥ​മ​നാ​ദി​കൾ കൊ​ണ്ട് ക​ണ്ണ​ന്താ​നം​ജി​ക്ക് സ​ദ്യ വി​ള​മ്പി​ക്കൊ​ടു​ത്ത​ത് ഈ തി​ണ്ണ​മി​ടു​ക്ക് ക​ണ്ട് അ​മ്പ​ര​ന്നി​ട്ടാ​യി​രു​ന്നു പോ​ലും!
കാ​ല​മ​ങ്ങ​നെ ക​ട​ന്ന് പോ​ക​വേ, കീ​ഴാ​റ്റൂർ വ​യ​ലി​ന് മീ​തേ ക​ണ്ണ​ന്താ​നം​മ​ന്ത്രി ഒ​രു നാൾ ഫ്ലൈ​റ്റെ​ടു​ക്കാ​തെ പ​റ​ക്കു​ന്ന​നേ​ര​ത്ത് ആ കാ​ഴ്ച കാ​ണു​ക​യു​ണ്ടാ​യി. പൂ​ജ​നീയ കൃ​ഷ്ണ​ദാ​സ് ജി​യും മാ​ന​നീയ മു​ര​ളീ​ധർ​ജി​യും ഒ​രു​മി​ച്ച് കൈ​കോർ​ത്ത് കീ​ഴാ​റ്റൂർ​വ​യ​ലിൽ തി​രു​വാ​തി​ര​ക്ക​ളി​ക്ക് കോ​പ്പ് കൂ​ട്ടു​ന്നു. '​വ​ല​യിൽ വീണ കി​ളി​ക​ളാ​ണ് നാം, ചി​റ​കൊ​ടി​ഞ്ഞൊ​രി​ണ​ക​ളാ​ണ് നാം, വ​ഴി​വി​ള​ക്ക് ക​ണ്ണ് ചി​മ്മു​മീ, വ​ഴി​യി​ലെ​ന്ത് ന​മ്മൾ പാ​ട​ണം' എ​ന്ന വ​രി​കൾ അ​വർ മൂ​ളു​ന്നു​ണ്ടാ​യി​രു​ന്നു. കൃ​ഷ്ണ​ദാ​സ്ജി- മു​ര​ളീ​ധർ​ജി കൈ​കോർ​ക്കൽ ക​ണ്ടി​ട്ട് കീ​ഴാ​റ്റൂർ​വ​യ​ലി​ന് മു​ക​ളിൽ കാ​ക്ക മ​ലർ​ന്ന് പ​റ​ന്നെ​ന്നും ഇ​ല്ലെ​ന്നും വർ​ത്ത​മാ​ന​മു​ണ്ട്.
കീ​ഴാ​റ്റൂ​രിൽ വ​യ​ലായ വ​യ​ലെ​ല്ലാം നി​ക​ത്തി​യെ​ടു​ക്കാൻ പെ​ടാ​പ്പാ​ടാ​കു​മെ​ന്ന​തി​നാൽ ഒ​രു മേ​ല്പാ​ല​മാ​യാ​ലോ എ​ന്ന് പ​ണ്ട് സ​ന്ദേ​ഹി​ച്ച​തി​ന് പി​ണ​റാ​യി സ​ഖാ​വി​നെ​യും സു​ധാ​ക​ര​ക​വി​യെ​യും മൂ​ക്ക് വി​റ​പ്പി​ച്ച് പേ​ടി​പ്പി​ച്ച​ത് ഗ​ഡ്ക​രി മ​ന്ത്രി​യാ​യി​രു​ന്നു. എ​ന്നാ​പ്പി​ന്നെ, വ​യ​ലെ​ങ്കിൽ വ​യ​ലെ​ന്ന മ​ട്ടിൽ ബൈ​പ്പാ​സി​ന് പി​ണ​റാ​യി​സ​ഖാ​വ് കോ​പ്പ് കൂ​ട്ടി. വി​ക​സ​ന​മെ​ന്ന് കേ​ട്ടാൽ തി​ള​യ്ക്ക​ണം ചോര ഞ​ര​മ്പു​ക​ളി​ലെ​ന്ന പ്ര​മാ​ണ​വു​മാ​യി ജീ​വി​ക്കു​ന്ന ആ മ​ഹാ​സാ​ധു​വിൽ ഗ​ഡ്ക​രി​മ​ന്ത്രി സം​പ്രീ​ത​നാ​യി. ദേ​ശീ​യ​പാത ഏ​തു​വ​ഴി​യേ എ​ന്ന് ഗ​ഡ്ക​രി​മ​ന്ത്രി​യു​ടെ ശി​ങ്കി​ടി​കൾ തീ​രു​മാ​നി​ച്ച​ത് ക​ണ്ണ​ന്താ​നം​ജി​യു​ടെ കു​ഴ​പ്പ​മ​ല്ല. കൃ​ഷ്ണ​ദാ​സ്ജി- മു​ര​ളീ​ധർ​ജി​യാ​ദി​ക​ളു​ടെ കു​ഴ​പ്പ​വു​മ​ല്ല. എ​ന്തി​നേ​റെ പ​റ​യു​ന്നു സു​രേ​ന്ദ്രൻ​ജി​യു​ടെ കു​ഴ​പ്പം പോ​ലു​മ​ല്ല. അ​തു​കൊ​ണ്ട് മാ​ത്ര​മാ​ണ് ക​ണ്ണ​ന്താ​നം​ജി കു​റേ കി​ളി​ക​ളു​മാ​യി ഗ​ഡ്ക​രി​ജി​യെ ക​ണ്ട​ത്.
ത​ളി​പ്പ​റ​മ്പിൽ നാ​ല് കി​ളി​യെ പി​ടി​ക്കാൻ കീ​ഴാ​റ്റൂ​രിൽ നി​ന്ന് ചു​ട്ട കോ​ഴി​യെ പ​റ​പ്പി​ക്കാ​നും ത​യാ​റാ​യി​രു​ന്നു ഗ​ഡ്ക​രി​മ​ന്ത്രി. അ​തി​ന് മ​ഹാ​സാ​ധു പി​ണ​റാ​യി സ​ഖാ​വ് തി​ര്വോ​ന്ത​ര​ത്തി​രു​ന്ന് ഭ​രി​ക്കു​ന്നു​ണ്ടോ​യെ​ന്നൊ​ന്നും നോ​ക്കേ​ണ്ട​തി​ല്ല. അ​ത് നോ​ക്കി​യാ​ലാ​ണ് കു​ഴ​പ്പം. ഫെ​ഡ​റൽ​പ​നി വൈ​റ​സ്, നി​പ്പ വൈ​റ​സി​നേ​ക്കാൾ മാ​ര​ക​മാ​ണെ​ന്ന് ന.​മോ.​ജി പ​റ​ഞ്ഞ​റി​ഞ്ഞ് ഗ​ഡ്ക​രി​ജി മ​ന​സ്സി​ലാ​ക്കി​യി​ട്ടു​ണ്ട്. അ​തു​കൊ​ണ്ട് പ​ര​മാ​വ​ധി പ​ക​രാ​തെ നോ​ക്ക​ണം. അ​ത് ന.​മോ.​ജി മ​ന​സ്സിൽ ക​ണ്ട​ത് ഗ​ഡ്ക​രി​ജി മാ​ന​ത്ത് ക​ണ്ട​ത് പോ​ലെ​യെ​ന്ന് നി​രൂ​പി​ക്കേ​ണ്ട​തി​ല്ല. ലോ​ക്‌​സ​ഭാ തി​ര​ഞ്ഞെ​ടു​പ്പൊ​ക്കെ​യാ​വു​മ്പോൾ ബൈ​പ്പാ​സി​നും വേ​ണ്ടേ ഒ​രി​ത്, യേ​ത്!
​
ഉ​ണ്ടോ​ണ്ടി​രി​ക്കും നേ​ര​ത്താ​ണ് ധീ​ര​വീര സു​ധീര ഗാ​ന്ധി​ക്ക് പ​ല​പ്പോ​ഴും ഉൾ​വി​ളി​ക​ളു​ണ്ടാ​കു​ന്ന​ത്. '​അ​യ്യോ, ഗാ​ന്ധീ പോ​വ​ല്ലേ, അ​യ്യോ ഗാ​ന്ധീ പോ​വ​ല്ലേ' എ​ന്ന് അ​ന്നേ​രം ഹർ​ത്താൽ​ഗാ​ന്ധി ഹ​സൻ​സാ​യ്‌​വ് തൊ​ട്ട് ചെ​ന്നി​ത്തല ഗാ​ന്ധി വ​രെ ക​ര​ഞ്ഞ് വി​ളി​ച്ചാ​ലും കു​ലു​ങ്ങാ​ത്ത ദേ​ഹ​മാ​യി​രി​ക്കും സു​ധീ​ര​ഗാ​ന്ധി.
ആ​ദർ​ശം ആ​ട്ടിൻ​പാ​ലിൽ ചാ​ലി​ച്ച് നാ​ല് നേ​ര​വും സേ​വി​ക്കു​ന്ന ദേ​ഹി​യാ​ണ്. ര​ഘു​പ​തി രാ​ഘവ പാ​ടി​യാ​ണ് ഉ​ണ​രാ​റ്. ഉ​ണർ​ന്ന പാ​ടേ പ​ച്ച​വെ​ള്ളം ച​വ​ച്ച​ര​ച്ച് കു​ടി​ക്കും. കു​ളി ജ​പാ​ദി​കൾ​ക്ക് ശേ​ഷം ചർ​ക്ക​യി​ലി​രു​ന്ന് നൂൽ​നൂ​ല്പാ​ണ്. അ​തും ക​ഴി​ഞ്ഞു​ള്ള ആ​ദർശ പാ​ലിൻ​സേ​വ​യോ​ടെ​യാ​കും ചി​ല​പ്പോ​ഴെ​ല്ലാം ഉൾ​വി​ളി​ക​ളു​ണ്ടാ​കു​ന്ന​ത്. ആ നി​മി​ഷം ത​ല​യ്ക്ക് മീ​തേ ഒ​രു പ്ര​ത്യേക പ്ര​കാ​ശം ജ്വ​ലി​ച്ച് ക​ത്തു​ന്ന​ത് ക​ണ്ട​വ​രു​ണ്ട​ത്രെ.
അ​ങ്ങ​നെ​യു​ണ്ടാ​യൊ​രുൾ​വി​ളി​യി​ലാ​ണ് സു​ധീ​ര​ഗാ​ന്ധി കെ.​പി.​സി.​സി അ​ദ്ധ്യ​ക്ഷ​പ​ദം ത്യ​ജി​ച്ച് വ​ന​വാ​സ​ത്തി​ന് തു​നി​ഞ്ഞ​ത്. വ​ന​വാ​സ​ത്തി​ന് പ​റ്റിയ വ​ന​ങ്ങൾ ക​മ്മി​യാ​യ​ത് കാ​ര​ണം ന​ട​ന്നി​ല്ല. ക​രി​ങ്ങോ​ഴ​യ്ക്കൽ മാ​ണി മാ​ണി​ക്ക് രാ​ജ്യ​സ​ഭാ​സീ​റ്റ് ദാ​നം ചെ​യ്യു​ന്ന ച​ട​ങ്ങു​ണ്ടായ നേ​ര​ത്ത് ആ​കാ​ശ​ത്ത് ഒ​ര​ശ​രീ​രി മു​ഴ​ങ്ങു​ക​യു​ണ്ടാ​യി. സു​ധീ​ര​ഗാ​ന്ധി എ​ന്തോ ത്യ​ജി​ക്കാ​നൊ​രു​ങ്ങു​ന്നു​വെ​ന്നാ​യി​രു​ന്നു അ​ശ​രീ​രി. മ​ഹാ​രാ​ജാ​വി​ന്റെ തൃ​പ്പ​ടി​ദാ​ന​ത്തി​ന് ശേ​ഷ​മു​ണ്ടായ ഏ​റ്റ​വും മ​ഹ​ത്തായ ദാ​ന​മാ​യി​രു​ന്നു മാ​ണി മ​കൻ ജോ​മോ​നു​ള്ള രാ​ജ്യ​സ​ഭാ സീ​റ്റ്ദാ​ന​മെ​ന്ന് ച​രി​ത്ര​കാ​ര​ന്മാർ വി​ല​യി​രു​ത്തി​യി​ട്ടു​ണ്ട്. ആ​ദർ​ശ​ഗാ​ന്ധി സു​ധീർ​ജി​യെ സം​ബ​ന്ധി​ച്ച് ഇ​തൊ​ക്കെ​യെ​ന്ത് ദാ​നം! അ​ങ്ങ​നെ​യാ​ണ് സു​ധീ​ര​ഗാ​ന്ധി മൂ​ന്നാം സ്വാ​ത​ന്ത്ര്യ​സ​മ​ര​ത്തി​ന് കോ​പ്പ് കൂ​ട്ടി​യ​ത്. സീ​റ്റും പോ​യി, ക​ര​മ​ന​യാ​റ്റി​ലൂ​ടെ വെ​ള്ള​വു​മൊ​രു​പാ​ട് ഒ​ഴു​കി​പ്പോ​യി എ​ന്നി​രു​ന്നാ​ലും സു​ധീ​ര​ഗാ​ന്ധി​ക്ക് ഉൾ​വി​ളി​യു​ണ്ടാ​യാൽ പ​റ​ഞ്ഞി​ട്ട് കാ​ര്യ​മി​ല്ല. അ​ങ്ങ​നെ​യാ​ണ് യു.​ഡി.​എ​ഫ് ഉ​ന്ന​താ​ധി​കാ​ര​സ​മി​തി​യിൽ നി​ന്നു​ള്ള രാ​ജി. രാ​ജി​യും ഒ​രു രാ​ഷ്ട്രീ​യ​പ്ര​വർ​ത്ത​ന​മാ​ണ​ല്ലോ!