Tuesday, 7 August 2018

വോട്ടിംഗ് യന്ത്രത്തെ ഭയക്കുന്ന മദാമ്മ കോൺഗ്രസുo വാലാട്ടികളും

അ​ടുത്ത് തന്നെ നടക്കാൻ പോകുന്ന    ലോ​ക്‌​സ​ഭാ തി​ര​ഞ്ഞെ​ടു​പ്പിൽ വോ​ട്ടിം​ഗ് യ​ന്ത്ര​ങ്ങൾ​ക്കു പ​ക​രം പ​ഴയ ബാ​ല​റ്റ് സ​മ്പ്ര​ദാ​യം സ്വീ​ക​രി​ക്ക​ണ​മെ​ന്ന ആ​വ​ശ്യ​വു​മാ​യി കോൺ​ഗ്ര​സ് ഉൾ​പ്പെ​ടെ പ​തി​നേ​ഴു പ്ര​തി​പ​ക്ഷ പാർ​ട്ടി​ക​ളു​ടെ നേ​താ​ക്കൾ  ഇ​ല​ക്‌​ഷൻ ക​മ്മി​ഷ​നെ സമീപിചിരിക്കുന്നു.

അ​ത്യ​ധി​കം  വി​ചി​ത്ര​മാണ്  മദാമ്മ കോൺഗ്രസ്‌ അടക്കമുള്ള
പ്ര​തി​പ​ക്ഷ പാർ​ട്ടി​ക​ളു​ടെ ആ​വ​ശ്യ​മെ​ന്ന് സാ​മാ​ന്യ​ബു​ദ്ധി​യു​ള്ള​വർ​ക്കെ​ല്ലാം അ​റി​യാം. വോ​ട്ടിം​ഗ് യ​ന്ത്ര​ങ്ങ​ളു​ടെ സ്ഥാ​ന​ത്ത് ബാ​ല​റ്റ് പേ​പ്പർ വ​ന്നാൽ തി​ര​ഞ്ഞെ​ടു​പ്പിൽ ത​ങ്ങൾ​ക്ക് അ​നാ​യാസ വി​ജ​യം നേ​ടാ​നാ​കു​മെ​ന്നാ​ണോ ഇ​വർ ക​രു​തു​ന്ന​തെ​ന്ന​റി​യി​ല്ല. 2014​-​ലെ പൊ​തു​തി​ര​ഞ്ഞെ​ടു​പ്പി​ലും പി​ന്നീ​ട് ന​ട​ന്ന പല നി​യ​മ​സ​ഭാ തി​ര​ഞ്ഞെ​ടു​പ്പു​ക​ളി​ലും ബി.​ജെ.​പി നേ​ട്ടം കൊ​യ്ത​ത് വോ​ട്ടിം​ഗ് യ​ന്ത്ര​ത്തിൽ കൃ​ത്രി​മ​ങ്ങൾ ന​ട​ത്തി​യാ​ണെ​ന്ന പ്ര​തി​പ​ക്ഷ​ത്തി​ന്റെ ആ​രോ​പ​ണം നി​ല​നിൽ​ക്കു​ക​യാ​ണ്. ആ​രോ​പ​ണം തെ​ളി​യി​ക്കാ​നു​ള്ള ധാർ​മ്മിക ബാ​ദ്ധ്യത അ​വർ ഏ​റ്റെ​ടു​ത്ത​തു​മി​ല്ല.
വോ​ട്ടിം​ഗ് യ​ന്ത്ര​ത്തി​ന്റെ വി​ശ്വാ​സ്യത ബോ​ദ്ധ്യ​പ്പെ​ടു​ത്താൻ തി​ര​ഞ്ഞെ​ടു​പ്പു ക​മ്മി​ഷൻ ഈ രം​ഗ​ത്തെ വി​ദ​ഗ്ദ്ധ​രു​ടെ സ​ഹാ​യ​ത്തോ​ടെ പ​രീ​ക്ഷ​ണ​ങ്ങൾ ന​ട​ത്തി​യ​താ​ണ്.
അം​ഗീ​കൃത രാ​ഷ്ട്രീയ ക​ക്ഷി​ക​ളു​ടെ പ്ര​തി​നി​ധി​കൾ​ക്ക് ഇ​തി​ലേ​ക്കു ക്ഷ​ണ​വും ല​ഭി​ച്ചി​രു​ന്നു.
എ​ന്നാൽ പേ​രു നൽ​കിയ പാർ​ട്ടി​ക​ളു​ടെ പ്ര​തി​നി​ധി​കൾ പോ​ലും പ​രീ​ക്ഷ​ണ​ദി​ന​ത്തിൽ ഹാ​ജ​രാ​യി​ല്ല. ഇ​തി​നു​ശേ​ഷ​മാ​ണ് തി​ര​ഞ്ഞെ​ടു​പ്പി​ന് കൂ​ടു​തൽ വി​ശ്വാ​സ്യ​ത​യും സു​താ​ര്യ​ത​യും ഉ​റ​പ്പു​വ​രു​ത്താൻ ല​ക്ഷ്യ​മി​ട്ട് വോ​ട്ടിം​ഗ് യ​ന്ത്ര​ത്തോ​ടൊ​പ്പം വി.​വി.പാ​റ്റ് സം​വി​ധാ​നം കൂ​ടി ഏർ​പ്പെ​ടു​ത്താ​മെ​ന്ന് തി​ര​ഞ്ഞെ​ടു​പ്പു ക​മ്മി​ഷൻ നിർ​ദ്ദേ​ശം വ​ച്ച​ത്. കേ​ന്ദ്ര സർ​ക്കാർ ഇ​ത് അം​ഗീ​ക​രി​ക്കു​ക​യും ഇ​തി​നാ​യി മൂ​വാ​യി​ര​ത്തി​ല​ധി​കം കോ​ടി രൂപ അ​നു​വ​ദി​ക്കു​ക​യും ചെ​യ്തു. ഏ​തു സ്ഥാ​നാർ​ത്ഥി​ക്കാ​ണ് വോ​ട്ടു ചെ​യ്ത​തെ​ന്ന് ത​ത്സ​മ​യം ത​ന്നെ രേ​ഖ​പ്പെ​ടു​ത്തി വോ​ട്ട​റെ ബോ​ദ്ധ്യ​പ്പെ​ടു​ത്താ​നു​ള്ള യ​ന്ത്ര​സം​വി​ധാ​ന​മാ​ണി​ത്.
തി​ര​ഞ്ഞെ​ടു​പ്പു​ക​ളിൽ ജ​ന​വി​ധി അ​ട്ടി​മ​റി​ക്കാൻ പ​ഴു​തു​കൾ ഉ​ണ്ടാ​കു​മെ​ങ്കി​ലും വോ​ട്ടിം​ഗ് യ​ന്ത്ര​ങ്ങൾ​ക്കെ​തി​രെ സ​മീ​പ​കാ​ലം വ​രെ അ​ത്ത​ര​ത്തി​ലു​ള്ള ആ​രോ​പ​ണ​ങ്ങൾ കാ​ര്യ​മാ​യി ഉ​യർ​ന്നി​രു​ന്നി​ല്ല. ബി.​ജെ.​പി​യു​ടെ വ​ലിയ മു​ന്നേ​റ്റ​മാ​ണ് പ്ര​തി​പ​ക്ഷ പാർ​ട്ടി​ക​ളിൽ സം​ശ​യം ജ​നി​പ്പി​ച്ച​ത്. എ​ന്നാൽ വോ​ട്ടിം​ഗ് യ​ന്ത്ര​ങ്ങ​ളെ സം​ശ​യ​ത്തോ​ടെ നോ​ക്കു​മ്പോ​ഴും പ്ര​തി​പ​ക്ഷ സ്ഥാ​നാർ​ത്ഥി​ക​ളും കൂ​ട്ട​ത്തിൽ വി​ജ​യി​ച്ചു​വ​രു​ന്നു​ണ്ടെ​ന്നു​ള്ള വ​സ്തുത അ​വർ സൗ​ക​ര്യ​പൂർ​വം വി​സ്മ​രി​ക്കു​ന്നു. ബാ​ല​റ്റി​ലേ​ക്കു മ​ട​ങ്ങ​ണ​മെ​ന്ന് ആ​ദ്യം ആ​വ​ശ്യ​പ്പെ​ട്ട​വ​രു​ടെ കൂ​ട്ട​ത്തി​ലു​ള്ള എ.​എ.​പി ഡൽ​ഹി നി​യ​മ​സ​ഭാ തി​ര​ഞ്ഞെ​ടു​പ്പിൽ എ​ഴു​പ​തിൽ അ​റു​പ​ത്തേ​ഴു സീ​റ്റി​ലും ജ​യി​ച്ച് പു​തിയ ച​രി​ത്ര​മെ​ഴു​തി​യെ​ന്നോർ​ക്ക​ണം. പ​ഞ്ചാ​ബ് നി​യ​മ​സ​ഭാ തി​ര​ഞ്ഞെ​ടു​പ്പിൽ കോൺ​ഗ്ര​സാ​ണ് ഭൂ​രി​പ​ക്ഷം നേ​ടി​യ​ത്. സ​മീ​പ​കാ​ല​ത്തു ന​ട​ന്ന പല ലോ​ക്‌​സ​ഭാ ഉ​പ​തി​ര​ഞ്ഞെ​ടു​പ്പു​ക​ളി​ലും കോൺ​ഗ്ര​സി​നും മ​റ്റു പ്ര​തി​പ​ക്ഷ ക​ക്ഷി​കൾ​ക്കും നേ​ട്ട​മു​ണ്ടാ​യി. അ​പ്പോ​ഴൊ​ന്നും വോ​ട്ടിം​ഗ് യ​ന്ത്ര​ത്തി​ന്റെ നി​ഷ്‌​പ​ക്ഷ​ത​യിൽ പാർ​ട്ടി നേ​താ​ക്കൾ​ക്ക് ഒ​രു സം​ശ​യ​വു​മു​ണ്ടാ​യി​ല്ല. കേ​ര​ള​ത്തിൽ ഇ​ട​തു​മു​ന്ന​ണി ഗം​ഭീര ഭൂ​രി​പ​ക്ഷ​ത്തോ​ടെ അ​ധി​കാ​ര​ത്തി​ലേ​റിയ തി​ര​ഞ്ഞെ​ടു​പ്പി​ലും വോ​ട്ടിം​ഗ് യ​ന്ത്ര​ങ്ങൾ പ്ര​തി​സ്ഥാ​ന​ത്താ​യി​ല്ല. തോൽ​വി ഏ​റ്റു​വാ​ങ്ങേ​ണ്ടി​വ​രു​മ്പോൾ യ​ന്ത്ര​ത്തെ പ​ഴി​ക്കു​ന്ന​ത് നി​രർ​ത്ഥ​ക​മാ​ണെ​ന്ന് അ​റി​ഞ്ഞു​കൊ​ണ്ടു​ത​ന്നെ​യാ​ണ് പ​രി​ഹാ​സ്യ​മായ ഇ​ത്ത​രം നി​ല​പാ​ടു​കൾ.

പ്ര​തി​യോ​ഗി​ക​ളെ കാ​യി​ക​മാ​യി പോ​ലും അ​ടി​ച്ച​മർ​ത്തു​ന്ന​തിൽ മു​ന്നിൽ നിൽ​ക്കു​ന്ന തൃ​ണ​മൂൽ നേ​താ​വ് മ​മ​താ ബാ​നർ​ജി​യാ​ണ് വോ​ട്ടിം​ഗ് യ​ന്ത്ര​ത്തി​നെ​തി​രെ പു​തിയ പോർ​മു​ഖം തു​റ​ക്കാ​നു​ള്ള പ്ര​തി​പ​ക്ഷ കൂ​ട്ടാ​യ്മ​യ്ക്ക് നേ​തൃ​ത്വം നൽ​കു​ന്ന​തെ​ന്ന​ത് ര​സാ​വ​ഹ​മാ​ണ്.
ബം​ഗാ​ളിൽ അ​ടു​ത്തി​ടെ ന​ട​ന്ന ത​ദ്ദേശ സ്ഥാ​പ​ന​ങ്ങ​ളി​ലേ​ക്കു​ള്ള തി​ര​ഞ്ഞെ​ടു​പ്പിൽ ആ​യി​ര​ക്ക​ണ​ക്കി​നു സീ​റ്റു​ക​ളിൽ തൃ​ണ​മൂൽ സ്ഥാ​നാർ​ത്ഥി​കൾ എ​തി​രി​ല്ലാ​തെ തി​ര​ഞ്ഞെ​ടു​ക്ക​പ്പെ​ട്ട​ത് എ​തിർ​ക​ക്ഷി​ക​ളിൽ​പ്പെ​ട്ട​വ​രെ പ​ത്രിക നൽ​കാൻ പോ​ലും മ​മ​ത​യു​ടെ പാർ​ട്ടി​ക്കാർ അ​നു​വ​ദി​ക്കാ​തി​രു​ന്ന​തു​കൊ​ണ്ടാ​ണ്. മു​പ്പ​ത്തി​നാ​ലു​വർ​ഷം തു​ടർ​ച്ച​യാ​യി ബം​ഗാൾ ഭ​രി​ച്ച സി.​പി.​എം തൃ​ണ​മൂൽ പ്ര​വർ​ത്ത​കർ അ​ഴി​ച്ചു​വി​ട്ട വ്യാ​പ​ക​മായ അ​ക്ര​മ​ങ്ങ​ളിൽ പേ​ടി​ച്ചു ക​ഴി​യേ​ണ്ട സ്ഥി​തി​യി​ലാ​ണ്. ബൂ​ത്ത് പി​ടി​ത്ത​വും പ്ര​തി​യോ​ഗി​ക​ളു​ടെ നേർ​ക്കു​ള്ള കൈ​യേ​റ്റ​വു​മൊ​ക്കെ​യാ​ണ് ബം​ഗാ​ളി​ലെ ഇ​പ്പോ​ഴ​ത്തെ തി​ര​ഞ്ഞെ​ടു​പ്പു വി​ശേ​ഷ​ങ്ങൾ.
ഡി​ജി​റ്റൽ യു​ഗ​ത്തി​ന്റെ അ​ന​ന്ത​സാ​ദ്ധ്യ​ത​ക​ളും സൗ​ക​ര്യ​ങ്ങ​ളും ആ​വോ​ളം അ​നു​ഭ​വി​ക്കെ ത​ന്നെ വോ​ട്ടിം​ഗ് യ​ന്ത്ര​ത്തോ​ടു​ള്ള അ​പ്രീ​തി​ക്കും ക​ടു​ത്ത എ​തിർ​പ്പി​നും യു​ക്തി​ഭ​ദ്ര​മായ കാ​ര​ണ​ങ്ങ​ളു​ണ്ടെ​ങ്കിൽ ജ​ന​ങ്ങ​ളെ അ​തു ബോ​ദ്ധ്യ​പ്പെ​ടു​ത്തു​ക​യാ​ണു വേ​ണ്ട​ത്. അ​ല്ലാ​തെ അ​ടി​സ്ഥാ​ന​മി​ല്ലാ​ത്ത ആ​രോ​പ​ണ​ങ്ങ​ളു​മാ​യി വ​ന്ന് ചി​ന്ത​ക്കു​ഴ​പ്പം സൃ​ഷ്ടി​ക്കു​ക​യ​ല്ല വേ​ണ്ട​ത്. തി​രി​മ​റി​കൾ വ്യാ​പ​ക​മായ തോ​തിൽ ന​ട​ത്താൻ വേ​ണ്ടി​യാ​ണ് വോ​ട്ടിം​ഗ് യ​ന്ത്ര​ങ്ങൾ ഉ​പ​യോ​ഗി​ക്കു​ന്ന​തെ​ന്ന ആ​ക്ഷേ​പം വ​സ്തു​നി​ഷ്ഠ​മാ​യി പ്ര​തി​പ​ക്ഷ​ങ്ങൾ​ക്ക് ഇ​തു​വ​രെ തെ​ളി​യി​ക്കാൻ ക​ഴി​ഞ്ഞി​ട്ടി​ല്ല. ഇ​തി​നാ​യി തി​ര​ഞ്ഞെ​ടു​പ്പു ക​മ്മി​ഷൻ നൽ​കിയ അ​വ​സ​രം ഉ​പ​യോ​ഗ​പ്പെ​ടു​ത്താ​തെ മാ​റി​നി​ന്നി​ട്ട് ഇ​പ്പോൾ യന്ത്ര​ത്തെ വി​ശ്വ​സി​ക്കാ​നാ​വി​ല്ലെ​ന്നു പ​റ​ഞ്ഞ് മു​ഖം തി​രി​ക്കു​ന്ന​ത് രാ​ഷ്ട്രീയ അ​ല്പ​ത്ത​ര​മാ​ണ്. പ​തി​റ്റാ​ണ്ടു​കൾ​ക്കു മുൻ​പ് രാ​ജ്യ​ത്ത് ആ​ദ്യ​മാ​യി വോ​ട്ടിംഗ് യ​ന്ത്ര​ങ്ങൾ ഉ​പ​യോ​ഗി​ച്ച​ത് കേ​ര​ള​ത്തി​ലെ പ​റ​വൂർ നി​യ​മ​സ​ഭാ മണ്ഡ​ല​ത്തി​ലാ​ണ്. തി​ക​ച്ചും പു​തിയ സം​വി​ധാ​ന​മെ​ന്ന നി​ല​യ്ക്ക് ഒ​ട്ടേ​റെ സം​ശ​യ​ങ്ങ​ളും പ​രാ​തി​ക​ളും അ​ന്നു​ണ്ടാ​യി. വോ​ട്ടിം​ഗ് യ​ന്ത്ര​ങ്ങൾ കോ​ട​തി​യി​ലും ക​യ​റി. യ​ന്ത്ര​ത്തി​ന്റെ വി​ശ്വാ​സ്യ​ത​യും പ്ര​വർ​ത്തന മി​ക​വും ആ​ധി​കാ​രി​ക​ത​യും സം​ശ​യ​ലേ​ശ​മെ​ന്യേ തെ​ളി​യി​ക്ക​പ്പെ​ടു​ക​യും ചെ​യ്തു. എൺ​പ​തു കോ​ടി​യോ​ളം വോ​ട്ടർ​മാ​രു​ള്ള രാ​ജ്യ​ത്ത് വോ​ട്ടെ​ടു​പ്പി​ന് യ​ന്ത്ര​ങ്ങൾ ഉ​പ​യോ​ഗി​ച്ചാ​ലു​ള്ള നേ​ട്ട​ങ്ങ​ളെ​ക്കു​റി​ച്ച് പ്ര​ത്യേ​കി​ച്ച് എ​ടു​ത്തു​കാ​ട്ടേ​ണ്ട​തി​ല്ല. ലോ​ക​മൊ​ട്ടാ​കെ സ്വീ​കാ​ര്യ​മായ ഒ​രു യ​ന്ത്ര​സം​വി​ധാ​നം ഇ​ന്ത്യ​യി​ലെ പ്ര​തി​പ​ക്ഷ​ങ്ങൾ​ക്ക് അ​സ്വീ​കാ​ര്യ​മാ​കു​ന്ന​ത് വി​ചി​ത്രം ത​ന്നെ​യാ​ണ്. യ​ന്ത്ര​ത്തിൽ കൃ​ത്രി​മ​ങ്ങൾ ന​ട​ത്തി വോ​ട്ട് ഭ​ര​ണ​ക​ക്ഷി​ക്ക് അ​നു​കൂ​ല​മാ​ക്കി മാ​റ്റു​മെ​ന്നു​ള്ള ആ​ശ​ങ്ക​യി​ലൂ​ടെ പ്ര​തി​പ​ക്ഷം പ​ങ്കു​വ​യ്ക്കു​ന്ന​ത് സ്വ​ന്തം ദൗർ​ബ​ല്യ​ങ്ങ​ളാ​ണ്. തി​ര​ഞ്ഞെ​ടു​പ്പിൽ പി​ന്ത​ള്ള​പ്പെ​ട്ട​ത് ജ​ന​ങ്ങൾ കൈ​വി​ട്ട​തു കൊ​ണ്ടാ​ണെ​ന്ന് മ​ന​സി​ലാ​ക്കാൻ മ​ടി​ക്കു​ന്ന​താ​ണ് ബാ​ലിശ ആ​രോ​പ​ണ​ങ്ങ​ളു​മാ​യി വ​രാൻ അ​വ​രെ പ്രേ​രി​പ്പി​ക്കു​ന്ന​ത്. ഇ​ന്ത്യ​യി​ലെ തി​ര​ഞ്ഞെ​ടു​പ്പു​ക​ളു​ടെ വി​ശു​ദ്ധി​യും സു​താ​ര്യ​ത​യും വി​ശ്വാ​സ്യ​ത​യും അ​ന്തർ​ദ്ദേ​ശീയ ത​ല​ത്തിൽ പ​ര​ക്കെ അം​ഗീ​ക​രി​ക്ക​പ്പെ​ട്ടി​ട്ടു​ള്ള​താ​ണ്. സൂ​ക്ഷ്മ​മാ​യി പ​രി​ശോ​ധി​ച്ചാൽ ബാ​ല​റ്റ് സ​മ്പ്ര​ദാ​യ​ത്തി​ലാ​ണ് കൃ​ത്രി​മ​ങ്ങൾ ന​ട​ത്താൻ കൂ​ടു​തൽ സൗ​ക​ര്യ​മെ​ന്നു കാ​ണാം. പ​തി​റ്റാ​ണ്ടു​കൾ​ക്കു മുൻ​പ് പല ഉ​ത്ത​രേ​ന്ത്യൻ സം​സ്ഥാ​ന​ങ്ങ​ളി​ലും തി​ര​ഞ്ഞെ​ടു​പ്പു​ക​ളു​ടെ വി​ധി നിർ​ണ​യി​ക്കു​ന്ന​തിൽ മാ​ഫി​യാ സം​ഘ​ങ്ങൾ​ക്ക് വ​ലിയ പ​ങ്കു​ണ്ടാ​യി​രു​ന്നു. തി​ര​ഞ്ഞെ​ടു​പ്പു ക​മ്മി​ഷൻ അ​തി​ന്റെ അ​ധി​കാ​ര​ങ്ങൾ ശ​ക്ത​മാ​യി പു​റ​ത്തെ​ടു​ത്ത​തോ​ടെ​യാ​ണ് ആ നി​ല​യ്ക്ക് മാ​റ്റം വ​ന്ന​ത്. ബൂ​ത്തു​പി​ടി​ത്ത​വും ബാ​ല​റ്റ് ത​ട്ടി​യെ​ടു​ക്ക​ലും പു​റ​ത്തു​വ​ച്ച് വോ​ട്ടു​കു​ത്തി അ​ക​ത്തു പോ​യി പെ​ട്ടി​യി​ലി​ടു​ന്ന​തും മ​റ്റും നി​ല​ച്ച​ത് വോ​ട്ടിം​ഗ് യ​ന്ത്ര​ങ്ങ​ളു​ടെ വ​ര​വോ​ടെ​യ​ണ്. അ​ത്ത​രം കാ​ടൻ സ​മ്പ്ര​ദാ​യ​ത്തി​ലേ​ക്കു മ​ട​ങ്ങാൻ ആ​ഗ്ര​ഹി​ക്കു​ന്ന​വർ യ​ഥാർ​ത്ഥ​ത്തിൽ സാ​ങ്കേ​തിക വി​ദ്യ​യെ​യാ​ണ് വെ​ല്ലു​വി​ളി​ക്കു​ന്ന​ത്. ഇ​ത്ത​ര​ത്തിൽ പോ​യാൽ വോ​ട്ടിം​ഗ് യ​ന്ത്ര​ങ്ങ​ളെ മാ​ത്ര​മ​ല്ല, ശ​രീ​ര​ത്തി​ന്റെ ഭാ​ഗ​മാ​യി​ക്ക​ഴി​ഞ്ഞ സ്മാർ​ട്ട് ഫോ​ണി​നെ​യും എ.​ടി.​എം യ​ന്ത്ര​ത്തെ​യും മ​റ്റു ഓൺ​ലൈൻ സം​വി​ധാ​ന​ങ്ങ​ളെ​യു​മെ​ല്ലാം ഇ​വർ ത​ള്ളി​പ്പ​റ​ഞ്ഞേ​ക്കും. ന​ഷ്ട​പ്പെ​ട്ട ജ​ന​പി​ന്തുണ തി​രി​ച്ചു​പി​ടി​ക്കാ​നു​ള്ള വ​ഴി​കൾ നോ​ക്കാ​തെ വോ​ട്ടിം​ഗ് യ​ന്ത്ര​ത്തെ ക​ള്ള​നാ​ക്കി നി​റു​ത്തി തി​ര​ഞ്ഞെ​ടു​പ്പിൽ നേ​ട്ട​മു​ണ്ടാ​ക്കാ​മെ​ന്നു ക​രു​തു​ന്ന​ത് ശു​ദ്ധ ഭോ​ഷ്ക്കാ​ണ്.
 

No comments:

Post a Comment