പോളച്ചിറ ഏലായിൽ പുഞ്ച കൃഷിയിറക്കിൻ്റെ മുന്നോടിയായുള്ള മുന്നൊരുക്കങ്ങൾ മെല്ലെ പോക്കിൽ കർഷകർ വലയുന്നു.

പോളച്ചിറ ഏലായിൽ  പുഞ്ച കൃഷിയിറക്കിൻ്റെ മുന്നോടിയായുള്ള മുന്നൊരുക്കങ്ങൾ മെല്ലെ പോക്കിൽ കർഷകർ വലയുന്നു.

ചാത്തന്നൂർ : പോളച്ചിറ ഏലായിൽ  പുഞ്ച കൃഷിയിറക്കിൻ്റെ മുന്നോടിയായുള്ള മുന്നൊരുക്കങ്ങൾ മെല്ലെ പോക്കിൽ കർഷകർ വലയുന്നു.ചിറക്കര കൃഷി ഭവന് കീഴിലുള്ള ഇ പാടശേശേഖരത്തിൽ വെള്ളം വറ്റിയ്ക്കുന്നത് വൈകുന്നതാണ് ഒരുക്കങ്ങൾ 

മെല്ലെ പോക്കിലായത്.  പഞ്ചായത്ത് അധികൃതരുടെയും എം എൽ എ യുടെയും നിസഹകരണം ആണ് പ്രധാന കാരണം. പുതിയതായി നിർമ്മാണം നടത്തിയ 

തെക്കേ പമ്പ് ഹൗസിലെ രണ്ടു പമ്പുകളും പ്രവർത്തിപ്പിക്കാൻ

നടപടിയാകാത്തതാണ് മറ്റൊരു കാരണം ഇത് മൂലം  പോളച്ചിറ ഏലായിൽ പുഞ്ചക്കൃഷിയിറക്കാൻ വൈകും. ഏലാ പ്രദേശത്തെ തെക്കേ പമ്പ് ഹൗസിൽ 50 കുതിരശക്തിയുള്ള രണ്ടു പമ്പുകളാണ് സ്ഥാപിച്ചിരിക്കുന്നത്. രണ്ടു പമ്പുകളും പ്രവർത്തിപ്പിക്കുന്നതിനായി പുതിയ ട്രാൻസ്ഫോമർവരെ സ്ഥാപിച്ചു. എന്നാൽ ഒരേ സമയം ഒരു പബ് മാത്രമാണ് പ്രവർത്തിപ്പിക്കാൻ കഴിയുന്നത്. രണ്ട് പബുകളും ഒരുമിച്ച് 

 പ്രവർത്തിപ്പിക്കാൻ മതിയായ വൈദ്യുതി ലഭ്യമാക്കാൻ ഗ്രാമപ്പഞ്ചായത്ത് അധികൃതർ തയ്യാറാകാത്തതാണ് പ്രതിസന്ധിക്ക് കാരണം.  വൈദ്യുതി ലഭ്യമാക്കുന്നതിന് പ്രവൃത്തിപൂർത്തീകരണ സർട്ടിഫിക്കറ്റ് ഹാജരാക്കി വൈദ്യുതി ബോർഡിൽ തുക അടച്ചാൽ മാത്രമേ രണ്ടാമത്തെ പമ്പ് പ്രവർത്തിപ്പിക്കാനാവശ്യമായ വൈദ്യുതി അനുവദിക്കുകയുള്ളൂ. നാൽപ്പതിനായിരത്തോളം രൂപ ഇതിനായി പഞ്ചായത്ത് അടയ്ക്കേണ്ടതുണ്ട്. ഗ്രാമപ്പഞ്ചായത്ത് അധികൃതരുടെ അനാസ്ഥമൂലം പുഞ്ചക്കൃഷിക്കായി വെള്ളം വറ്റിക്കുന്ന നടപടികൾക്ക് കാലതാമസം നേരിടുന്നതായാണ് ആക്ഷേപം. നിലവിൽ തെക്കേ പമ്പ് ഹൗസിലെ 50 കുതിരശക്തിയുടെ ഒരു പമ്പും വടക്കേ പമ്പ് ഹൗസിലെ പെട്ടിയും പറയും ഉപയോഗിച്ചാണ് വെള്ളം വറ്റിക്കുന്നത്. കഴിഞ്ഞ ഡിസംബർ ഒൻപതിന് വെള്ളം വറ്റിച്ചുതുടങ്ങിയിരുന്നു. വെള്ളം വറ്റിച്ച് നിലം ഉണങ്ങിയാൽ മാത്രമെ പുഞ്ചക്കൃഷിക്കായി മറ്റു നടപടിയിലേക്ക് കടക്കാൻ കഴിയുകയുള്ളൂ. കാലംതെറ്റി കൃഷിയിറക്കിയാൽ കൊയ്തെടുക്കാൻ കഴിയാത്ത അവസ്ഥയാകും.

പായൽ, പോള എന്നിവ  പാടശേഖരത്തിൽ തിങ്ങി കിടക്കുകയാണ്ഇവ വാരി മാറ്റണം വർഷങ്ങളായി കൃഷി ചെയ്യാത്തത് മൂലം  വലിയ അളവിൽ പായലും മാലിന്യങ്ങളും അടിഞ്ഞു കിടക്കുകയാണ്. ഇത് നീക്കം ചെയ്യണമെങ്കിൽ കർഷകർക്ക് കൂടുതൽ പണം ചെലവഴിക്കേണ്ടി വരും.  പോളയും മാലിന്യങ്ങളും നീക്കം ചെയ്താൽ വരമ്പ് കുത്ത്,  തെളിക്കൽ, പാടം ഉഴുതു മറിക്കൽ, നിരപ്പാക്കൽ  തുടങ്ങി നിരവധി കടമ്പകൾ കൂടി കടന്നങ്കിലേ വിതയിറക്ക് ആരംഭിക്കുവാൻ കഴിയു എന്നിരിക്കെ അടിയന്തിരമായി വെള്ളം വറ്റിയ്ക്കുന്നതിനായി രണ്ട് മോട്ടോറുകളും പ്രവർത്തിപ്പിക്കുന്നതിനുള്ള നടപടികൾ സ്വീകരിക്കണമെന്ന ആവശ്യം ശക്തമാണ്.