ഇത്തിക്കരയാറിന്റെ ബണ്ട് തകർത്ത് സർക്കാർ ഭൂമി കൈയേറാൻ ഭൂമാഫിയ നിർമ്മാണ പ്രവർത്തനങ്ങൾ തടഞ്ഞു നാട്ടുകാർ.

ഇത്തിക്കരയാറിന്റെ ബണ്ട് തകർത്ത് സർക്കാർ ഭൂമി കൈയേറാൻ ഭൂമാഫിയ 

നിർമ്മാണ പ്രവർത്തനങ്ങൾ തടഞ്ഞു നാട്ടുകാർ. 

ചാത്തന്നൂർ: ഇത്തിക്കരയാറിന്റെ ബണ്ട് തകർത്ത് സർക്കാർ ഭൂമി കൈയേറാൻ ഭൂമാഫിയ 

നിർമ്മാണ പ്രവർത്തനങ്ങൾ തടഞ്ഞു നാട്ടുകാർ. ചാത്തന്നൂർ പഞ്ചായത്തിലെ ഞവരൂർ വാർഡിലാണ്  ആറിനോട് ചേർന്ന വസ്തുവിനോട് ചേർന്നുള്ള ഇത്തിക്കരയാറിന്റെ സംരക്ഷണ ഭിത്തി തകർത്ത് കൊണ്ട്  ആറിനോട് ചേർന്നുള്ള സർക്കാർ ഭൂമി കൈയേറി കബി വേലി കെട്ടി ലോറിയടക്കമുള്ള വാഹനങ്ങൾ 

പോകുന്ന രീതിയിൽ വസ്തു ഇടിച്ചു താഴ്ത്തി റോഡ് വെട്ടുകയും ചെയ്തത്. നിർമ്മാണ പ്രവർത്തി നടക്കുന്നതിൽ സംശയം തോന്നിയ നാട്ടുകാർ നിർമ്മാണ പ്രവർത്തുകൾ 

തടഞ്ഞ് ഗ്രാമപഞ്ചായത്ത് വില്ലേജ് അധികാരികളെ വിളിച്ചു വരുത്തി നിർമ്മാണ പ്രവർത്തികൾ നിർത്തി വയ്പ്പിച്ചത്. സംരക്ഷണഭിത്തി ഇടിച്ചു നിരത്തി ലോറി പോകുന്ന രീതിയിൽ ആക്കുകയും സർക്കാർ ഭൂമിയിൽ കബി വേലി കെട്ടുകയും ചെയ്തതതായി കണ്ടെത്തിയതോടെ വില്ലേജ് അധികാരികൾ സ്ഥലതെത്തി പുരയിടം പൂർവ്വ സ്ഥിതിയിലാക്കാൻ ഉത്തരവിടുകയായിരുന്നു.

 

@ തകർത്തത്   വെള്ളപ്പൊക്കം തടയുന്നതിനുള്ള ബണ്ട് 

ഇത്തിക്കരയാറ്റിന്റെ തീരത്തിന്റെ സംരക്ഷണത്തിനായി വർഷങ്ങൾക്ക് മുൻപ് സർക്കാർ നിർമ്മിച്ച സംരക്ഷണഭിത്തിയാണ് തകർത്തത്. മഴകാലത്ത് മലവെള്ളപാച്ചലിൽ നിന്നും ആറ്റിന്റെ തീരം സംരക്ഷിക്കുന്നതിനായി അൻപതോളം വർഷങ്ങൾക്ക് മുൻപ് സർക്കാർ ആറിന്റെ അതിർത്തി തിരിച്ച്  ആറിന്റെ തീരം മണ്ണിട്ട് ഉയർത്തി  കെട്ടിയ സംരക്ഷണഭിത്തിയാണ് ആരുടെയും അനുവാദം വാങ്ങാതെ സർക്കാർ ഇട്ടിട്ടുള്ള സർവ്വേ കല്ല് പോലും അവഗണിച്ച് കൊണ്ട് ഫാം നിർമ്മിക്കുന്നതിന് വേണ്ടി ആറിന്റെ തീരം ഇടിച്ച് താഴ്ത്തി റോഡ് നിർമ്മിക്കുകയും പരിസ്ഥിതി ലോല പ്രദേശത്ത് നിർമ്മാണ പ്രവർത്തികൾ നടത്തുകയും ചെയ്തത്. അടിയന്തിരമായി നിർമ്മാണ പ്രവർത്തികൾ നടത്തി ആറ്റിന്റെ തീരം പൂർവ സ്ഥിതിയാക്കിയില്ലെങ്കിൽ ചെറിയ മഴ പെയ്താൽ പോലും വെള്ളം ഉയർന്ന് കുറുങ്ങൽ ഏലായിലും പരിസര പ്രദേശത്തും കൃഷി ചെയ്യാൻ പറ്റാത്ത സാഹചര്യം ഉണ്ടാവും ഒപ്പം തന്നെ വീടുകളിൽ വെള്ളം കയറുമെന്നും നാട്ടുകാർ പറഞ്ഞു..