ശിവഗിരിയിലെ പുണ്യഭൂമിയിൽ നിന്നുകൊണ്ടു ശ്രീനാരായണ ഗുരുദേവനേയും സനാതന ധർമത്തേയും അധിക്ഷേപിച്ച മുഖ്യമന്ത്രി പിണറായി വിജയൻ, പൊറുക്കാനാവാത്ത അപരാധമാണ് ഗുരുദേവനോടും ഹിന്ദു സമൂഹത്തോടും ചെയ്തത്.

നമസ്തെ 

ശിവഗിരിയിലെ പുണ്യഭൂമിയിൽ നിന്നുകൊണ്ടു ശ്രീനാരായണ ഗുരുദേവനേയും സനാതന ധർമത്തേയും അധിക്ഷേപിച്ച മുഖ്യമന്ത്രി പിണറായി വിജയൻ, പൊറുക്കാനാവാത്ത അപരാധമാണ് ശ്രീനാരായണ ഗുരുദേവനോടും ഹിന്ദു സമൂഹത്തോടും ചെയ്തത്. ഇത്തരം ആധ്യാത്മിക സദസ്സുകളിൽ സംസാരിക്കുമ്പോഴെങ്കിലും നിലവാരം പുലർത്താനുള്ള മാന്യതയും മര്യാദയും, സംസ്ഥാനം ഭരിക്കുന്ന സഖാവ് പിണറായി  കാണിക്കേണ്ടതായിരുന്നു. അത്തരം മര്യാദയൊന്നും തന്നിൽ നിന്നോ താൻ നയിക്കുന്ന സർക്കാരിൽ നിന്നോ പ്രതീക്ഷിക്കേണ്ടെന്ന് പിണറായിയും അദ്ദേഹത്തിൻ്റെ പാർട്ടിയും പലതവണ തെളിയിച്ചതാണെങ്കിലും ഒരു മുഖ്യമന്ത്രിയിൽ നിന്നു ജനസമൂഹം പ്രതീക്ഷിക്കുന്ന ചില കുറഞ്ഞമൂല്യങ്ങളെങ്കിലുമുണ്ടല്ലോ. അതുപോലും പാലിക്കാൻ താൻ ഒരുക്കമല്ലെന്ന പ്രഖ്യാപനമാണ് ഫലത്തിൽ ഈ പ്രസംഗം. ഹൈന്ദവ സമൂഹത്തെ ആഴത്തിൽ മുറിവേൽപിച്ച ശബരിമല പ്രശ്നവും ഗുരുവായൂരിലേയും തൃശൂർപൂരത്തിലേയും അടക്കമുള്ള ഹൈന്ദവവിരുദ്ധ നടപടികളും ഓർമപ്പെടുത്തി മുറിവിൽ കുത്തുന്ന നടപടിയായിരുന്നു ഇത്. അതിന് ശിവഗിരി തീർത്ഥാടന മഹാസമ്മേളനംപോലൊരു വേദി തെരഞ്ഞെടുത്തത് അനുചിതമായി എന്നു തോന്നാമെങ്കിലും ഔചിത്യത്തേക്കുറിച്ച് അറിയാത്തവരോട് അതൊന്നും പറഞ്ഞിട്ടു കാര്യമില്ലല്ലോ. മുഖ്യമന്ത്രിക്കസേര നൽകുന്ന അധികാരത്തെക്കുറിച്ചല്ലാതെ, അതിന്റെ മഹത്വത്തേക്കുറിച്ചു തെല്ലും ബോധം അത്തരക്കാരുടെ മനസ്സിൽ ഒരിക്കലും ഉണ്ടാകില്ല. താൻ ഭരിക്കുന്ന ജനസമൂഹത്തോടല്ല, തനിക്ക് വോട്ടുചെയ്തവരോടെങ്കിലും പ്രതിബദ്ധതയുള്ള ഒരു മുഖ്യമന്ത്രിക്കും ഇത്തരത്തിൽ തരംതാഴാനാവില്ല. സനാതത ധർമത്തേയും ഹൈന്ദവ സംസ്‌കാരത്തേയും എതിർക്കുന്നവരുടെ മാത്രം വോട്ടുകൊണ്ടല്ലല്ലോ പാർട്ടി അധികാരത്തിൽ വന്നത്.

സനാതന ധർമത്തെ വ്യാഖ്യാനിക്കാനുള്ള വിവരവും ചിന്താശക്തിയും മുഖ്യമന്ത്രി അടക്കമുള്ള സഖാക്കൾക്കൊന്നും ഇല്ലെന്ന് സാമാന്യബുദ്ധിയുള്ളവർക്കൊക്കെ അറിയാം. ആ ധർമത്തെ പഠിച്ചു മഥനം ചെയ്ത് ഉൾക്കൊണ്ട്, അതു സാധാരണക്കാർക്കു മനസ്സിലാകും വിധം വ്യാഖ്യാനിച്ചു തന്ന മഹദ് വ്യക്തിയാണ് ഗുരുദേവൻ. അതുകൊണ്ടുതന്നെ വിശ്വാസികൾ അദ്ദേഹത്തെ ഗുരുവായും ദേവനായും അവതാരപുരുഷനായും ആരാധിക്കുകയും ചെയ്യുന്നു. അജ്ഞതയിൽ പൊതിഞ്ഞ സ്വാർഥബുദ്ധികൊണ്ട് അതിനെ മറയ്ക്കാമെന്നു കരുതുന്നതു വെറും മൂഢത്വമാണ്. സനാതന ധർമത്തെ വികലമായി വ്യാഖ്യാനിച്ചാൽ അതിനെ ഇല്ലായ്മചെയ്യാമെന്നതും വ്യാമോഹം മാത്രമാണ്. സഹസ്രാബ്ദങ്ങളായി നിലനിൽക്കുന്ന സംസ്കാരത്തേയും വിശ്വാസത്തേയും മുറംകൊണ്ടുമൂടാനുള്ള വിഫലശ്രമമാണിത്. കാലം കഴുകിക്കളഞ്ഞ ചില ആചാര വൈകല്യങ്ങളെ ചൂണ്ടിക്കാട്ടി അതാണു സനാതന സംസ്കാരം എന്നു വ്യാഖ്യാനിക്കുന്നത് വിഘടിപ്പിച്ചു സ്വന്തംകാര്യം കാണാനുള്ള തന്ത്രമാണെന്നു അനുഭവത്തിലൂടെ തിരിച്ചറിഞ്ഞ ജനതയെയാണ് താൻ ഭരിക്കുന്നതെന്നു മുഖ്യമന്ത്രി ഇനിയെങ്കിലും തിരിച്ചറിയണം. സനാതന ധർമത്തെ ഉൻമൂലനം ചെയ്യണമെന്നു പ്രസംഗിച്ച ഡിഎംകെ നേതാവ് ഉദയനിധി സ്റ്റാലിൻ്റേയും ഹൈന്ദവ സംസ്കാരത്തെ തകർക്കുമെന്നു പ്രഖ്യാപിക്കുന്ന ഇസ്ലാം തീവ്രവാദികളുടേയും ഹിന്ദുത്വം വെറുക്കപ്പെടേണ്ടതാണെന്നും പൊളിറ്റിക്കൽ ഇസ്ലാമാണ് സ്വീകരിക്കപ്പെടേണ്ടതെന്നും പറയുന്ന കപട ബുദ്ധിജീവികളുടേയും ശബ്ദമാണ് പിണറായിയുടെ നാവിലൂടെയും വരുന്നത്.

സനാതന ധർമത്തെ വ്യാഖ്യാനിക്കാനുള്ള വിവരവും ചിന്താശക്തിയും മുഖ്യമന്ത്രി അടക്കമുള്ള സഖാക്കൾക്കൊന്നും ഇല്ലെന്ന് സാമാന്യബുദ്ധിയുള്ളവർക്കൊക്കെ അറിയാം. ആ ധർമത്തെ പഠിച്ചു മഥനം ചെയ്ത് ഉൾക്കൊണ്ട്, അതു സാധാരണക്കാർക്കു മനസ്സിലാകും വിധം വ്യാഖ്യാനിച്ചു തന്ന മഹദ് വ്യക്തിയാണ് ഗുരുദേവൻ. അതുകൊണ്ടുതന്നെ വിശ്വാസികൾ അദ്ദേഹത്തെ ഗുരുവായും ദേവനായും അവതാരപുരുഷനായും ആരാധിക്കുകയും ചെയ്യുന്നു. അജ്ഞതയിൽ പൊതിഞ്ഞ സ്വാർഥബുദ്ധികൊണ്ട് അതിനെ മറയ്ക്കാമെന്നു കരുതുന്നതു വെറും മൂഢത്വമാണ്. സനാതന ധർമത്തെ വികലമായി വ്യാഖ്യാനിച്ചാൽ അതിനെ ഇല്ലായ്മചെയ്യാമെന്നതും വ്യാമോഹം മാത്രമാണ്. സഹസ്രാബ്ദങ്ങളായി നിലനിൽക്കുന്ന സംസ്കാരത്തേയും വിശ്വാസത്തേയും മുറംകൊണ്ടുമൂടാനുള്ള വിഫലശ്രമമാണിത്. കാലം കഴുകിക്കളഞ്ഞ ചില ആചാര വൈകല്യങ്ങളെ ചൂണ്ടിക്കാട്ടി അതാണു സനാതന സംസ്കാരം എന്നു വ്യാഖ്യാനിക്കുന്നത് വിഘടിപ്പിച്ചു സ്വന്തംകാര്യം കാണാനുള്ള തന്ത്രമാണെന്നു അനുഭവത്തിലൂടെ തിരിച്ചറിഞ്ഞ ജനതയെയാണ് താൻ ഭരിക്കുന്നതെന്നു മുഖ്യമന്ത്രി ഇനിയെങ്കിലും തിരിച്ചറിയണം. സനാതന ധർമത്തെ ഉൻമൂലനം ചെയ്യണമെന്നു പ്രസംഗിച്ച ഡിഎംകെ നേതാവ് ഉദയനിധി സ്റ്റാലിൻ്റേയും ഹൈന്ദവ സംസ്കാരത്തെ തകർക്കുമെന്നു പ്രഖ്യാപിക്കുന്ന ഇസ്ലാം തീവ്രവാദികളുടേയും ഹിന്ദുത്വം വെറുക്കപ്പെടേണ്ടതാണെന്നും പൊളിറ്റിക്കൽ ഇസ്ലാമാണ് സ്വീകരിക്കപ്പെടേണ്ടതെന്നും പറയുന്ന കപട ബുദ്ധിജീവികളുടേയും ശബ്ദമാണ് പിണറായിയുടെ നാവിലൂടെയും വരുന്നത്.

NB:ചാത്തന്നൂർ ശ്രീഭൂതനാഥക്ഷേത്രത്തിൽ ഷർട്ട് ധരിക്കാതെയാണ്‌ ഞങ്ങൾ കയറുന്നത് അത് ഞങ്ങളുടെ ആചാരം ക്ഷേത്രങ്ങളിലെ ആചാരം തീരുമാനിക്കുന്നത് ക്ഷേത്രം തന്ത്രിയാണ്‌ അത് അവർ തീരുമാനിക്കട്ടെ നിങ്ങൾ നിങ്ങളുടെ കർമ്മം ചെയ്യുക.. ഞങ്ങൾ ഞങ്ങളുടെ സനാതന ധർമ്മം പിന്തുടരും..