ജീവിത യാത്രയിൽ കൂട്ടായി സുബിനുണ്ട്
കൊട്ടിയം:സുമംഗലിയാകണമെന്ന
സുനിതയുടെ സ്വപ്നംസാക്ഷാത്കരിക്കപ്പെട്ടു
മയ്യനാട് എസ് എസ് സമിതി അഭയ കേന്ദ്രത്തിലെ അംഗമായിരുന്നസുനിതയെ കേരളപുരം ഇടവട്ടം സ്വദേശിയായ സുബിൻ എസ് എസ് സമിതി അങ്കണത്തിൽ വച്ച് താലി ചാർത്തിയതോടെയാണ് സുനിത സുമംഗലിയായി പുതുജീവിതത്തിലേക്ക് കടന്നത് കഴിഞ്ഞ രണ്ടു പതിറ്റാണ്ടിലേറെയായി മയ്യനാട് എസ് എസ് സമിതി അഭയ കേന്ദ്രത്തിന്റെ മകളായി കഴിഞ്ഞുവന്നിരുന്ന സുനിതയുടെ വിവാഹം നടത്തണമെന്ന എസ് എസ് സമിതിമാനേജിംഗ് ട്രസ്റ്റി ഫ്രാൻസിസ് സേവ്യറുടെ ആഗ്രഹവും കൂടിയാണ് ഇതോടെ സഫലമായത്.എസ് എസ് സമിതിയിൽ സേവനത്തിനായി എത്തിയിരുന്ന ഒരു നഴ്സിന്റെ ഇടപെടലിലൂടെയാണ് കണ്ടെത്താനായത് കുരീ പള്ളിയിലെ ഒരു സ്വകാര്യ നഴ്സിംഗ് ഹോമിലെസുരക്ഷാ ജീവനക്കാരൻ ആയ സുബിനോട് പരിചയക്കാരിയായ നഴ്സ് സുനിതയെ കുറിച്ചുള്ള വിവരങ്ങൾ പറയുകയുകയായിരുന്നു. തുടർന്ന് സുബിനും മാതാവുംഎസ് എസ് സമിതിയിൽ എത്തി സുനിതയെ കാണുകയും വിവാഹത്തിന് സമ്മതമാണെന്ന് മാനേജിങ് ട്രസ്റ്റി ഫ്രാൻസിസ് സേവ്യറെ അറിയിക്കുകയും ആയിരുന്നു.ഞായറാഴ്ച ഉച്ചയ്ക്ക് 12:30 ക്ക് ശേഷം ഉള്ള മുഹൂർത്തത്തിൽ എസ് എസ് സമിതി അങ്കണത്തിൽ വച്ച് സുനിതയെ സുബിൻ താലി ചാർത്തി ജീവിതസഖിയാക്കി മാറ്റുകയായിരുന്നു. ചടങ്ങിൽ പങ്കെടുത്തവർക്കെല്ലാം വിഭവ സമൃദ്ധമായ സദ്യയും ഒരുക്കിയിരുന്നു.വധുവിനാവശ്യമായ വിവാഹ വസ്ത്രങ്ങളും സ്വർണാഭരണങ്ങളും തുടർ ജീവിതത്തിനായി തയ്യൽ മെഷീനും ഭർത്താവിൻറെ വീട്ടിലെത്തുമ്പോൾഅവർക്ക് നൽകാനായി ഫ്രിഡ്ജും മാനേജിങ് ട്രസ്റ്റി ഫ്രാൻസിസ് സേവ്യറുടെ നേതൃത്വത്തിൽ നൽകിയിരുന്നു കഴിഞ്ഞ രണ്ടു പതിറ്റാണ്ട് മുമ്പാണ് മുൻസിപ്പൽ കൗൺസിലർ ആയിരുന്ന പരേതനായ മാർട്ടിൻ ഗോമസിൻ്റെനേതൃത്വത്തിൽ സുനിതയെ എസ് എസ് സമിതിയിൽ എത്തിച്ചത് കൊല്ലം വടക്കുംഭാഗം പള്ളിക്കട സ്വദേശിയായ സുനിത പിതാവിൻറെ മരണശേഷം മാതാവിനോടൊപ്പം ആയിരുന്നു താമസം അർബുദ ബാധിതയായിമാതാവ് ആശുപത്രിയിൽ ആയതോടെ ഒറ്റപ്പെട്ട സുനിതയെ കൗൺസിലർ ഇടപെട്ട് സമിതിയിൽ എത്തിക്കുകയായിരുന്നു. അന്നുമുതൽസുനിതയുടെ വീട് എസ് എസ് സമിതിയായിരുന്നു. സമിതി അംഗമായിരുന്ന എല്ലാവർക്കും പ്രിയപ്പെട്ടവൾ ആയിരുന്നസുനിതയെ വരനോടൊപ്പം യാത്രയാക്കുവാൻ സമിതി അംഗങ്ങൾ ഒന്നടങ്കം എത്തിയിരുന്നു ചടങ്ങിൽ പങ്കെടുക്കുവാൻ സുബിന്റെ മാതാവ് സുശീലയുംസഹോദരൻ വിപിനും എത്തിയിരുന്നു പിതാവിൻറെ സ്ഥാനത്ത് നിന്നുകൊണ്ട് ഫ്രാൻസിസ് സേവിയർ ചടങ്ങുകൾക്ക് നേതൃത്വം നൽകി ചടങ്ങുകൾക്ക് നേതൃത്വം നൽകി.
ചിത്രം: സുനിതയും സുബിനും എസ്.എസ്. സമിതി മാനേജിംഗ് ട്രസ്റ്റി ഫ്രാൻസിസ് സേവ്യർ, സുബിൻ്റെ മാതാവ് സുശീല,സഹോദരൻ വിപിൻ എന്നിവർക്കൊപ്പം
No comments:
Post a Comment