അലങ്കാരപ്രിയനായ ശ്രീമഹാവിഷ്ണു കണ്oത്തില്‍ ധരിച്ചിരിക്കുന്ന രത്നമാണ് കൌസ്തുഭംപണ്ട് പാല്‍ക്കടല്‍ കടഞ്ഞപ്പോള്‍ ഉയര്ന്നുവന്നതായിരുന്നു ഈ രത്നം...
ശ്രീമഹാവിഷ്ണുവിന്റെ നെഞ്ചിലുള്ള ഒരു അടയാളമാണ് ശ്രീവത്സം ....ഭൃഗുമഹര്‍ഷി ഒരിക്കല്‍ കോപിഷ്ടനായി ശ്രീമഹാവിഷ്ണുവിന്റെ നെഞ്ചില്‍ ചവിട്ടിയപ്പോള്‍ ഉണ്ടായ അടയാളമാണിത്..പ്രകൃതിയെ മുഴുവനും സ്വീകരിച് ശ്രീമഹാവിഷ്ണു ശ്രീവത്സത്തിന്റെ രൂപത്തില്‍ വിളങ്ങുന്നു...
ശ്രീ മഹാവിഷ്ണു ധരിക്കുന്ന മാലയാണ് വൈജയന്തി..അഞ്ചുരത്നങ്ങള്‍ ഒരുമിച്ച് ചേര്‍ത്ത് നിര്‍മ്മിച്ചിട്ടുള്ള ഈ മലയ്ക്ക് 'വനമാല ' എന്നും പേരുണ്ട്...പഞ്ചതന്‍മാത്രകളും പഞ്ചഭൂതങ്ങളും ഇതില്‍ അടങ്ങിയിരിക്കുന്നു...
പാഞ്ചജന്യമാണ് ശ്രീമഹാ വിഷ്ണുവിന്റെ ശംഖ്..പഞ്ചഭൂതങ്ങളുടെ കാരണമായ താമസാഹന്കാരത്തെ പാഞ്ചജന്യം എന്നാ ശംഖിന്റെ രൂപത്തില്‍ ഭഗവാന്‍ ധരിക്കുന്നു...ഭഗവാന്റെ വില്ലിന്റെ പേര് ശാര്‍ങ്ങ്‌ഗമെന്നാണ്..വൈഷ്ണവചാപം എന്ന പേരിലും ഇത് അറിയപ്പെടുന്നു...ഇന്ദ്രിയങ്ങളുടെ രാജസാഹന്കാരത്തെ ഈ ചാപത്തിന്റെ രൂപത്തില്‍ ഭഗവാന്‍ ധരിക്കുന്നു..
മനസ്സിന്റെ സാത്വികാരത്തിന്റെ രൂപമാണ് ശ്രീമഹാ വിഷ്ണുവിന്റെ തൃക്കയില്‍ തിരിയുന്ന സുദര്‍ശനചക്രം...ശത്രുസംഹാരത്തിനായി ഭഗവാന്‍ ഈ ആയുധം ഉപയോഗിക്കുന്നു...എന്നാൽ, തന്റെ ഭക്തോത്തമനായ അമ്ബരീഷനുവേണ്ടി ദുര്‍വ്വാസാവിനെ ഒരു പാഠം പഠിപ്പിക്കാനായി ഈ ആയുധം ഉപയോഗിച്ചിട്ടുണ്ട് , പണ്ട് സൂര്യനെ കടഞ്ഞുകിട്ടിയ തേജസ്സിനാല്‍ വിശ്വകര്‍മ്മാവ്‌ നിര്‍മ്മിച്ചു ശ്രീമഹാവിഷ്ണുവിന് നല്‍കിയതാണ് സുദര്‍ശനചക്രം.സുദര്‍ശനചക്രം ദുഷ്ടന്മാര്‍ക്ക് ഭയാനകവും ,ശിഷ്ടന്മാര്‍ക്ക് 'സു 'ദര്‍ശനവുമാണ്(മംഗളദര്‍ശനമാണ്)...
കര്‍മ്മേന്ദ്രിയങ്ങളും ജ്ഞാനെന്ദ്രിയങ്ങളും ശ്രീമഹാ വിഷ്ണുവിന് അസ്ത്രങ്ങളാണ് , ശ്രീ മഹാവിഷ്ണുവിന്റെ വാളാണ് നന്ദകം ..
സുഗ്രീവന്‍ ,മേഘപുഷ്പന്‍ ,വലാഹലന്‍,ശൈബ്യന്‍ എന്നീ നാല് കുതിരകളെ പൂട്ടിയ തേരിലാണ് ശ്രീ മഹാവിഷ്ണുവിന്റെ സഞ്ചാരം.ദാരുകനാണ് ശ്രീമഹാവിഷ്ണുവിന്റെ സാരഥി.കശ്യപപുത്രനായ ശ്രീ ഗരുഡന്‍ ആണ് അദ്ദേഹത്തിന്റെ വാഹനം.ശ്രീമഹാവിഷ്ണുവിന്റെ നാല് തൃക്കൈകളിലും ശംഖ് , ചക്രം,ഗദ ,പങ്കജം ഇവ ധരിച്ചിരിക്കുന്നു.
മഹത്വത്തെ ഭഗവാന്‍ കൌമോദകി എന്ന ഗദയുടെ രൂപത്തില്‍ ധരിക്കുന്നു...
വിദ്യയും അവിദ്യയും സത്തും അസത്തും ഭഗവാനില്‍ തന്നെ സ്ഥിതി ചെയ്യുന്നു...പുരുഷന്മാരില്‍ വെച്ച് പരനും ത്രിഗുണാത്മകമായ പ്രകൃതിയും നാലുപാദത്തോടുകൂടിയ ഓംകാരമന്ത്രവും ഭഗവാന്‍ ശ്രീമഹാവിഷ്ണുതന്നെയാകുന്നു...കാലവും കാലത്തെ ഹനിക്കുന്നവനും കാലത്തെ സംവത്സരങ്ങളായും ഋതുക്കളായും
അയനങ്ങളായും തരംതിരിക്കുന്നതും ഭഗവാന്‍ മഹാ വിഷ്ണു തന്നെ...
നാലുവേദങ്ങളും വേദാംഗങ്ങളും പുരാണങ്ങളും ഇതിഹാസങ്ങളും സംഗീതശാസ്ത്രവും സര്‍വ്വശാസ്ത്രങ്ങളും ശബ്ദബ്രഹ്മസ്വരൂപിയായ ഭഗവാന്‍ ശ്രീമഹാവിഷ്ണുവിന്റെ ശരീരമാകുന്നു...പഞ്ചതന്‍മാത്രകളും പഞ്ചഭൂതങ്ങളും മനസ്സും ഇന്ദ്രിയങ്ങളും എല്ലാംതന്നെ ശ്രീമഹാ വിഷ്ണുവാകുന്നു...
ഇങ്ങനെയുള്ള ഭഗവാന്‍ ശ്രീ മഹാവിഷ്ണു പാലാഴിയില്‍ അനേകം ആടയാഭരണങ്ങളോടും ആയുധങ്ങളോടും കൂടി ശ്രീ ആദിശേഷന്റെ മുകളില്‍ ശയിക്കുന്നു🌸
No comments:
Post a Comment