അതെ, ശ്രീകൃഷ്ണൻ മല ഉയർത്തി. കൃഷ്ണൻ്റെ ജീവിതകാലത്തുതന്നെ ഇത് ജനങ്ങൾക്ക് അറിയാമായിരുന്നു. ശിശുപാലനെപ്പോലുള്ള കൃഷ്ണവിദ്വേഷികൾക്ക് പോലും അത് അംഗീകരിക്കേണ്ടി വന്നു. ശിശുപാലനെപ്പോലുള്ളവർ ഈ സംഭവത്തെക്കുറിച്ച് പരാമർശിക്കുന്നു :
ഹേ ഭീഷ്മാ! ഒരാഴ്ചയോളം ഗോവർദ്ധന പർവ്വതം ഉയർത്തിപ്പിടിച്ചതിൽ ശ്രദ്ധേയമായ ഒന്നും തന്നെയില്ലെന്നാണ് എൻ്റെ അഭിപ്രായം. അതൊരു ഉറുമ്പ് മല മാത്രമായിരുന്നു.
263 (38), ശിശുപാല വധ പർവ്വ, മഹാഭാരതം.
വിദുരനെപ്പോലെയുള്ള ഒരു ജ്ഞാനി സംഭവത്തെ പരാമർശിക്കുന്നു : കുട്ടിക്കാലത്ത്, കൃഷ്ണൻ വെറും ശിശുവായിരിക്കുമ്പോൾ, അവൻ പൂതനയെ കൊന്നു. ഭരതവംശത്തിലെ ഋഷഭമെ ! പശുക്കളെ സംരക്ഷിക്കാൻ കൃഷ്ണൻ ഗോവർദ്ധനത്തെ ഉയർത്തിപ്പിടിച്ചു.
അരിഷ്ടനേയും ധേനുകനേയും അതിശക്തനായ ചാണൂരനേയും അശ്വരാജനേയും ദുഷ്ടനായ കംസനേയും അവൻ വധിച്ചു.
791 (128), ഭഗവത്യാന പർവ്വം, മഹാഭാരതം.
കൃഷ്ണനെ വധിക്കാൻ സജീവമായി ആഗ്രഹിച്ച കംസൻ പോലും അതൊരു യഥാർത്ഥ സംഭവമായി അംഗീകരിച്ചു :
ആ ബാലൻ വാസവൻ്റെ ഉത്സവം തടഞ്ഞു, വാസവൻ്റെ ക്രോധത്തിൽ നിന്ന് കനത്തമഴ പെയ്യാൻ തുടങ്ങിയപ്പോൾ, അവൻ അതിനെ തടഞ്ഞുനിർത്തുകയും ഗോവർദ്ധന പർവ്വതം ഉയർത്തി
മഴയെ തടഞ്ഞുനിർത്തുകയും കന്നുകാലിക്കൂട്ടത്തെ അതിൻ്റെ താഴെ പാർപ്പിക്കുകയും ചെയ്തു.
അധ്യായം 65, ഹരിവംശം, മഹാഭാരതം.
==== ============= ============
ഏഴ് ദിവസം തുടർച്ചയായി ഗോവർദ്ധന പർവ്വതത്തിന് കീഴിൽ കഴിഞ്ഞ വൃന്ദാവന നിവാസികൾ എങ്ങനെയാണ് പട്ടിണി കിടക്കാതിരുന്നത് ?
ഭഗവാൻ ഗീതയിൽ പറയുന്നു:
അഹം വൈശ്വാനരോ ഭൂത്വാ
പ്രാണിനാം ദേഹം ആശ്രിതഃ
പ്രാണാപന സമായുക്തഃ
പചാമ്യന്നം ചതുർവിധം || 15: 14.
(ഞാൻ അഗ്നിയായി ഭവിച്ചിട്ട് എല്ലാ ജീവജാലങ്ങളുടെയും ശരീരത്തിനുള്ളിൽ പ്രവേശിച്ച് പ്രാണനോടും അപാനയോടും ചേർന്ന്, നാല് തരം അന്നത്തെയും ദഹിപ്പിക്കുന്നു).
തന്റെ ചെറുവിരലിൽ ഒരു പർവ്വതം ഉയർത്താൻ കൃഷ്ണന് കഴിയുമെങ്കിൽ, എത്ര ദിവസമാണെങ്കിലും തൻ്റെ ആജ്ഞയനുസരിച്ച് പർവ്വതത്തിന് കീഴിൽ അഭയം പ്രാപിച്ചവർക്ക് എല്ലാ വിധത്തിലും പൂർണ്ണ സംതൃപ്തി അനുഭവപ്പെടുമെന്ന് ഉറപ്പു വരുത്താനാണൊ ഭഗവാന് പ്രയാസം ?
No comments:
Post a Comment