പൂതക്കുളം പഞ്ചായത്തിലെ കലയ്‌ക്കോട് പാറവിള പട്ടികജാതി കോളനി ഇപ്പോഴും അടിസ്ഥാന വികസനത്തിൽ അകലെ.

പരവൂർ : പൂതക്കുളം പഞ്ചായത്തിലെ  കലയ്‌ക്കോട് പാറവിള  പട്ടികജാതി കോളനി ഇപ്പോഴും അടിസ്ഥാന വികസനത്തിൽ അകലെ. പഞ്ചായത്തിലെ  വാർഡിലെ കോളനി . 58 പട്ടികജാതി കുടുംബങ്ങൾ ഉൾപ്പെടെ 63 കുടുംബങ്ങൾ താമസിക്കുന്ന ഇവിടെ യാത്രാക്ലേശം ഉൾപ്പെടെ പ്രശ്‌നങ്ങൾ ഒട്ടേറെയാണ്. പൂർത്തിയാകാത്ത കുടിവെള്ള പദ്ധതികൾ തകർന്ന് വീഴാറായ വീടുകൾ പൊട്ടിപൊളിഞ്ഞ റോഡുകളുമാണ് ഇവിടെയുള്ളത്. കാലപഴക്കം ചെന്ന വീടുകളുടെ അറ്റകുറ്റ പണികൾക്ക് ഫണ്ട് അനുവദിക്കാതെ  വർഷങ്ങളായി പാറവിള കോളനിയെ അവഗണിക്കുന്ന സമീപനമാണ് സർക്കാർ സംവിധാനത്തിന്റെയും മാറി മാറി പഞ്ചായത്ത്‌ ഭരിക്കുന്ന ഇടതുമുന്നണിയുടെയും.

@ കുടിവെള്ളപദ്ധതികൾ നോക്ക്കുത്തി 

ലക്ഷകണക്കിന് രൂപ ചിലവഴിച്ചു കൊണ്ട് നടപ്പാക്കിയ കടിവെള്ള പദ്ധതിയും, കോളനിയിലെ തെരുവുവിളക്ക് പദ്ധതിയും പാതിവഴിയിലാണ്. ശുദ്ധജല പദ്ധതി നടപ്പിലാക്കിയിട്ട് വർഷങ്ങളായി എങ്കിലും കുടിവെള്ള സംഭരണിയുടെ പ്ലമ്പിoഗ് ജോലികൾ ചെയ്യാത്തത് മൂലം ഇപ്പോഴും നോക്ക് കുത്തിയായി നിൽക്കുന്നു. ഇതുവരെയും ഒരു വീട്ടിലും ശുദ്ധജലം എത്തിക്കാൻ സാധിച്ചില്ല.കുടിവെള്ളത്തിനായി കുഴിച്ച കുഴൽകിണറും സോളാർ പാനലും കാട് കയറി നശിച്ചു കഴിഞ്ഞു. ആകപ്പാടെ ആശ്രയമായുള്ളത് ഒരു പൊതു കിണർ മാത്രമാണ്.

@ സുരക്ഷിതമല്ലാത്ത വീടുകൾ 

വർഷങ്ങൾക്ക് മുൻപ് നിർമ്മാണപ്രവർത്തനം നടത്തിയ 

വീടുകൾ മിക്കവയും സുരക്ഷിതമല്ല. ബലക്ഷയം സംഭവിച്ച വീടുകൾ പൊളിച്ചു നീക്കി പുതിയവ നിർമിക്കണമെന്ന ആവശ്യം ശക്തമാണ്.

വിവിധ പദ്ധതികൾ പ്രയോജനപ്പെടുത്തി ചില വീടുകൾ കോൺക്രീറ്റ് ചെയ്തെങ്കിലും അവയ്ക്കു മെച്ചപ്പെട്ട

ജനലുകൾ, വാതിലുകൾ എന്നിവ ഇല്ല. 

വീടുകളിൽ വൈദ്യുതി ഉണ്ടെങ്കിലും സുരക്ഷിതമായ വയറിങ് ജോലികൾ ചെയ്തിട്ടില്ല. കോളനി സ്ഥിതി ചെയ്യുന്ന പ്രദേശത്തിനു ചുറ്റിലും മതിൽ, റോഡ്

 നവീകരണം, വഴിവിളക്ക് സ്ഥാപിക്കൽ എന്നിവ നടപ്പാക്കണമെന്ന ആവശ്യത്തിന് വർഷങ്ങളുടെ പഴക്കമുണ്ട്.

.

@ 2010 ൽ  ബ്ലോക്ക് പഞ്ചായത്ത്‌ 

നിർമിച്ച കമ്യൂണിറ്റി ഹാൾ സംരക്ഷണം ഇല്ലാത്ത അവസ്ഥയിലാണ് . ഇതു പഞ്ചായത്തിനു കൈമാറി . അറ്റകുറ്റപ്പണി നടത്തണമെന്ന ആവശ്യത്തിനോട് ബ്ലോക്ക് പഞ്ചായത്ത്‌ അധികൃതർ മുഖം തിരിക്കുകയാണ്. പട്ടികജാതി വകുപ്പ് നിർമ്മിച്ച വിഞ്ജാൻവാടിയും സംരക്ഷണമില്ലാതെ നശിക്കുകയാണ്.

@ യാത്രാക്ലേശം പരിഹരിക്കാൻ കെഎസ്ആർടിസി ബസ് അനുവദിക്കണമെന്ന ആവശ്യത്തോട് വർഷങ്ങളായി മുഖം തിരിഞ്ഞ് നിൽക്കുകയാണ് ജനപ്രതിനിധികളും സർക്കാർ സംവിധാനവും പൊതുഗതാഗതത്തിന് നിരവധി നിവേദനങ്ങളാണ് സർക്കാരിനും ജനപ്രതിനിധികൾക്കും നൽകിയിട്ടുള്ളത്.

ഫോട്ടോ: പൊളിഞ്ഞു വീഴാറായ വീടുകൾ 

ഫോട്ടോ : നോക്ക് കുത്തിയായ ജല സംഭരണി 

ഫോട്ടോ :കുഴൽകിണറും സോളാർ പാനലും പമ്പ് ഹൗസും കാട് മൂടി നശിക്കുന്നു.