പാർലമെന്റ് തിരഞ്ഞെടുപ്പ് കഴിഞ്ഞതോടെ ചിറക്കരയിൽ ആരോപണപ്രത്യാരോപണങ്ങളുമായി ഇരുവിഭാഗവും രംഗതെത്തി.

ചാത്തന്നൂർ : പാർലമെന്റ് തിരഞ്ഞെടുപ്പ് കഴിഞ്ഞതോടെ ചിറക്കരയിൽ ആരോപണപ്രത്യാരോപണങ്ങളുമായി ഇരുവിഭാഗവും രംഗതെത്തി.ചിറക്കര പഞ്ചായത്ത്‌ പ്രസിഡന്റ്‌ തിരഞ്ഞെടുപ്പിനെ തുടർന്ന് സിപിഎം ചിറക്കര ലോക്കൽ കമ്മിറ്റിയിൽ ഉണ്ടായ വിഭാഗിയത പാർലമെന്റ് തിരഞ്ഞെടുപ്പിനെയും ബാധിച്ചതായി ഇടതു നേതൃത്വം വിലയിരുത്തുന്നു.

തിരഞ്ഞെടപ്പ് പ്രവർത്തനത്തിൽ നിന്നും പാർട്ടി മെമ്പർമാരിൽ വലിയൊരു വിഭാഗം മാറി നിന്നതും പാർട്ടി കുടുംബങ്ങൾ വോട്ടെടുപ്പിൽ നിന്നും വിട്ട് നിന്നതും സമയബന്ധിതമായി 

ഇടതുപക്ഷ യുവജന കൺവെൻഷനും

ബൂത്ത് തല കൺവെൻഷനുകളും 

ചേരാൻ കഴിയാത്തതും ആരോപണമുന്നയിച്ചു കൊണ്ട് വിമതപക്ഷം രംഗത്ത് വന്നതാണ് പാർട്ടി നേതൃത്വത്തിന് തലവേദനയായിരിക്കുന്നത്.

കൊല്ലം ലോക്സഭാ മണ്ഡലത്തിൽ ഇടതുപക്ഷം അഭിമാന പോരാട്ടത്തിന് ഇറങ്ങുമ്പോൾ ഒരു വലിയ വിഭാഗം വിട്ട് നിന്നവർക്കെതിരെ ശക്തമായ നടപടി വേണമെന്ന ആവശ്യമാണ് ശക്തമാകുന്നത്. കൊല്ലം ലോക്സഭാ മണ്ഡലത്തിൽ എൽ ഡി വൈ എഫ് 

കൺവെൻഷൻ ചേരാത്ത എകകമ്മിറ്റിയും ചിറക്കര മേഖലയിലാണ്. ഡി വൈ എഫ് ഐയും എ ഐ വൈ എഫും മാത്രമാണ് ഇവിടെയുള്ളത് എ ഐ വൈ എഫിൽ നാമമാത്രമായ പ്രവർത്തകർ മാത്രമാണ് ഉള്ളത് ഡി വൈ എഫ് യിലെ വിഭാഗിയതയാണ് ഇതിന് തടസമായത്.

യുവജനങ്ങളുടെ 

മേഖലാ കൺവെൻഷൻ കൂടാത്തത് മൂലം ബൂത്ത് കൺവെൻഷനുക്കും ചേർന്നില്ല. ഇത് ബൂത്തുകളിലെ യുവജന സ്ക്വാഡ് പ്രവർത്തനത്തെയും ബാധിച്ചതായി ഇരുവിഭാഗവും പരസ്പരം ആരോപിക്കുന്നു.ചിറക്കരയിൽ നിന്ന് ഡി വൈ എഫ് ഐയ്ക്ക് 

ജില്ലാകമ്മിറ്റിയംഗം എസ് എഫ് ഐ 

ഏരിയ പ്രസിഡൻ്റ് ചെറുതും വലുതുമായ ഒരു ഡസൻ നേതാക്കൾ ഉണ്ടായിട്ടും 

 കൺവെൻഷൻ വിളിച്ച് ചേർക്കാൻ കഴിയാത്തതും ഇതിനെ തുടർന്ന് ഡി വൈ എഫ് ഐയുടെ വാട്സ്ആപ്പ് ഗ്രൂപ്പുകളിൽ ഉണ്ടായ തെറിവിളിയും സിപിഎം ഏരിയ നേതൃത്വം ഗൗരവമായാണ് കാണുന്നത്.വരും ദിനങ്ങളിൽ സിപിഎം ഏരിയ നേത്രത്വം ഡി വൈ എഫ് ഐ നേതൃത്വയോഗം വിളിച്ചു കൂട്ടി ശക്തമായ നടപടികളുമായി മുന്നോട്ട് പോകും.