ശ്രീഭൂതനാഥ കഥകളി യോഗത്തിന്റെ യുവകഥകളി നടൻ ഹരിശങ്കർ

ശ്രീഭൂതനാഥ കഥകളി യോഗത്തിന്റെ യുവകഥകളി നടൻ ഹരിശങ്കർ 

കേരളത്തിന്റെ തനതു കലയായ കഥകളിയോട് പുതുതലമുറ അകന്നു നിൽക്കുന്നു എന്ന പ്രചാരണത്തിന് ചാത്തന്നൂർ ശ്രീഭൂതനാഥ കഥകളിയോഗം നല്കുന്ന മറുപടിയാണ് യുവകഥകളി നടനായ ചാത്തന്നൂർ ഹരിശങ്കർ.

ശ്രീഭൂതനാഥകഥകളിയോഗത്തിൽ പഠിച്ചു വളർന്ന കലാമണ്ഡലം ഹരിശങ്കർ ഇന്ന് കേരളത്തിൽ അറിയപ്പെടുന്ന യുവ കഥകളി നടന്മാരിൽ ഒരാളാണ്. ആറാം വയസ് മുതൽ ശ്രീഭൂതനാഥ കഥകളിയോഗത്തിൽ ആചാര്യനായ ചാത്തന്നൂർ കൊച്ചുനാരായണപിള്ളയുടെ കീഴിൽ അഭ്യസിച്ചു തുടങ്ങി പന്ത്രണ്ടാം വയസിൽ ശ്രീഭൂതനാഥ ക്ഷേത്രത്തിൽ അരങ്ങേറ്റം കുറിച്ചു സംസ്ഥാന സ്കൂൾ കലോത്സവത്തിൽ രണ്ട് തവണ ഒന്നാം സ്ഥാനം കരസ്ഥമാക്കിയ ഹരിശങ്കർ യൂണിവേഴ്സിറ്റി തലത്തിൽ മൂന്ന് തവണ എ ഗ്രേഡ്  നേടുകയും ചെയ്തു.ആർ എൽ വി കോളേജിൽ നിന്നും കഥകളി ബിരുദം നേടിയ ഹരിശങ്കർ കേരള കലാമണ്ടലത്തിൽ നിന്നും ബിരുദാനന്തര ബിരുദത്തിന് പഠിക്കുകയാണ്

 കഥകളിയിൽ  ശ്രീകൃഷ്ണവേഷത്തിൽ നിന്ന് അരങ്ങേറ്റം കുറിച്ച് പിനീട് അർജുനൻ,രൗദ്ര ഭീമൻ,വീരഭദ്രൻ, ശിവൻ, കൃഷ്ണൻ, തുടങ്ങിയ ഒട്ടനവധി വേഷങ്ങൾ കെട്ടി

എല്ലാ വേഷങ്ങളിൽ ഒരുപോലെ പ്രിയപ്പെട്ടതാണ് ഇത് വരെ 

രണ്ടായിരത്തോളം വേദികളിൽ കഥകളി അവതരിപ്പിച്ചു കഴിഞ്ഞ ഹരിശങ്കറിന് നിരവധി അംഗീകാരങ്ങളും ലഭിച്ചിട്ടുണ്ട്. ചാത്തന്നൂർ കൊച്ചു നാരായണപിള്ള, കലാമണ്ഡലം മയ്യനാട് രാജീവൻ നമ്പൂതിരി,കലാമണ്ഡലം ആദിത്യൻ,കലാമണ്ഡലം അരുൺ വാര്യർ എന്നിവർ ഗുരുക്കളാണ്.