അഴിമതിയുടെ നേർകാഴ്ചയുമായി ജയലാലിന്റെ സമഗ്രം ചാത്തന്നൂർ

 

@ അടിസ്ഥാനസൗകര്യമെന്നപേരിൽ

നടന്നത് അഴിമതിയുടെ വികസനമാണെന്ന് നാട്ടുകാർ

ചാത്തന്നൂർ: അഴിമതിയുടെ നേർകാഴ്ചയുമായി ജയലാലിന്റെ "സമഗ്രം ചാത്തന്നൂർ" എന്ന വികസനപത്രിക പുറത്തിറക്കി.

1500കോടി രൂപയുടെ വികസനപ്രവർത്തനങ്ങൾ നിയോജകമണ്ഡലത്തിൽ നടപ്പിലാക്കിയെന്ന് അവകാശപ്പെടുന്ന നേർകാഴ്ചയിൽ പകുതിയിലധികവും കേന്ദ്രസർക്കാരിന്റെ പദ്ധതികളാണ്. സമഗ്രവിദ്യാഭ്യാസ വികസനപദ്ധതികളിൽ കൂടുതൽ സ്കൂളിനും അടിസ്ഥാന വികസന സൗകര്യങ്ങളുടെ പേരിലാണ് ഫണ്ട് അനുവദിച്ചിരിക്കുന്നത് പല സ്കൂളുകളിലും നിർമ്മാണപ്രവർത്തനങ്ങൾ നടന്നിട്ടില്ലായെന്ന് പി ടി എ സാക്ഷ്യപ്പെടുത്തുന്നു. പൂയപ്പള്ളി സർക്കാർ എൽ പി എസിന് പത്ത് ലാപ്ടോപ്പ് നൽകിയതിന് തുക മൂന്ന് ലക്ഷമാണ് ഒരു ലാപ്ടോപ്പിന് 15000രൂപയാണ് വിലയെന്നിരിക്കെ നഗ്നമായ അഴിമതി നടന്നുവെന്ന് ഇവർ സാക്ഷ്യപ്പെടുത്തുന്നു.

ആരോഗ്യമേഖലയിൽ 

നെടുങ്ങോലം തലൂക്ക് ആശുപത്രിയിൽ നടത്തിയെന്ന് പറയുന്ന വികസനപ്രവർത്തനങ്ങൾ എല്ലാം തന്നെ പേപ്പറിൽ മാത്രമാണ് എന്ന് ആരോഗ്യവകുപ്പ് ഉദ്യോഗസ്ഥർ തന്നെ സാക്ഷ്യപ്പെടുത്തുന്നു. ഇ എസ് ഐ കോർപ്പറേഷൻ നിർമ്മാണപ്രവർത്തനങ്ങൾ പൂർത്തിയാക്കി കേരള സർക്കാരിന് കൈമാറിയ പാരിപ്പള്ളി. മെഡിക്കൽ കോളേജിന്റെ പിതൃത്വവും ഏറ്റെടുത്ത് മെഡിക്കൽ കോളേജിന്റെ പടവും വച്ചാണ് ജി.എസ്. ജയലാൽ നേർകാഴ്ചയായി അവതരിപ്പിച്ചിരിക്കുന്നത്.822കൊടിയുടെ വികസനപ്രവർത്തനങ്ങളാണ് ഇവിടെ നടന്നത് എന്ന് ജയലാൽ പറയുമ്പോൾ മെഡിക്കൽ കോളേജ് അധികൃതർ ഞെട്ടിതരിച്ചു ഇരിക്കുകയാണ്‌ ഏഴ് കോടി രൂപയുടെ കേരഗ്രാമം പദ്ധതിയിൽപെട്ട ആയിരംതെങ്‌ പദ്ധതി 

പോളച്ചിറ ഏലായിൽ വെള്ളത്തിൽ ഒലിച്ചു പോയത് ജയലാൽ അറിഞ്ഞിട്ടേയില്ല കേരഗ്രാമം പദ്ധതിയുടെ പേരിൽ നഗ്നമായ അഴിമതിയാണ് നടന്നത് എന്ന് വിവരാവകാശരേഖകൾ സാക്ഷ്യപ്പെടുത്തുന്നു.കാർഷിക മേഖലയിൽ ഏലാകളുടെ അടിസ്ഥാനവികസനത്തിനായി നൽകിയ തുകകൾ ലക്ഷകണക്കിന് ആണ് പക്ഷെ എവിടെയാണ് നടപ്പാക്കിയത് എന്ന് ചോദിച്ചാൽ കർഷകർ കൈമലർത്തും.ചിറക്കര പഞ്ചായത്തിൽ നടപ്പാക്കിയ അഴിമതിയുടെ കൈയൊപ്പ് ചാർത്തിയ പദ്ധതികൾ എല്ലാം നേട്ടങ്ങളാക്കി അവതരിപ്പിച്ചിട്ടുണ്ട്. കാർഷിക മേഖലയിൽ നടന്നതും നടക്കാതെ പോയതും 

ഉത്ഘാടനം ചെയ്തിട്ടും നടക്കാതെ പോയതുമായ പദ്ധതികളെല്ലാം തന്നെ അവതരിപ്പിച്ചിട്ടുണ്ട്. കേന്ദ്രസർക്കാരിന്റെ ജൽ ജീവൻ പദ്ധതിയും, വീടുകളുടെ സമ്പൂർണ്ണ വൈദ്യുതികരണവും കാർഷിക മേഖലയിലെ പദ്ധതികൾ എല്ലാം തന്നെ ജയലാൽ സ്വന്തമാക്കിയപ്പോൾ കൊല്ലം സഹകരണ സ്പിന്നിംഗ് മില്ലിൽ നടത്തിയ നവീകരണപ്രവർത്തനങ്ങൾ ജയലാൽ മറന്നു. റോഡ് സൈടുകളിൽ വിവിധ സ്ഥലങ്ങളിൽ നിർമ്മിച്ച വെയ്റ്റിങ് ഷെഡുകൾക്ക് നാല് ലക്ഷം, ഏഴ് ലക്ഷം, അഞ്ചു ലക്ഷം, ആറു എന്നിങ്ങനെയാണ് അനുവദിച്ച തുകകൾ കെ. എസ് ആർ ടി സി യുടെ ഡിപ്പോ വികസനത്തിന് കോടിയുടെ കണക്ക് ജയലാൽ പറയുമ്പോൾ തൊട്ടടുത്ത് തന്നെ ചാത്തന്നൂർ പ്രൈവറ്റ് ബസ് സ്റ്റാന്റ് അഴിമതിയുടെ സ്മാരകമായി നിൽക്കുന്നു. ഇനിയും പണിപൂർത്തിയാകാത്ത കാപെക്സ് ജംഗക്ഷൻ - പാലമുക്ക് റോഡിന്റെ നിർമ്മാണ. പ്രവർത്തനങ്ങൾ പൂർത്തിയായത് 4.57ലക്ഷം രൂപയ്ക്ക് ആണ് എന്ന് ജയലാൽ പറയുമ്പോൾ ടാറിങ് അല്ലാതെ മറ്റൊന്നും നടന്നിട്ടില്ല എന്ന് വിവരവകാശ രേഖകൾ പറയുന്നു റോഡ് നിർമ്മാണവുമായി നടന്ന നിർമ്മാണപ്രവർത്തനങ്ങളിൽ എല്ലാം അഴിമതിയുടെ കൈയൊപ്പ് ചാർത്തിയെന്ന് ജയലാലിന്റെ നേർകാഴ്ചയെന്ന വികസനപത്രിക തന്നെ സാക്ഷ്യപ്പെടുത്തുമ്പോൾ ജയലാലിന്റെ അഴിമതിയുടെ നേർകാഴ്ച കണ്ട് അന്തംവിട്ടിരിക്കുകയാണ്‌ ജനങ്ങൾ. ഒരു വികസനപത്രികയിൽ തന്നെ ഇരുപുറങ്ങളുള്ള ഏഴ് പേജ് കളർ പേജുകളുള്ള പത്രികയാണ്‌ രംഗത്ത് ഇറക്കിയിട്ടുള്ളത്.എൽ ഡി എഫ് തിരഞ്ഞെടുപ്പ് കമ്മിറ്റിയ്ക്ക് വേണ്ടി പ്രസിഡന്റ്‌ കെ. സേതുമാധവനും സെക്രട്ടറി ജി. ലാലുവുമാണ് 

നേർകാഴ്ചയായി ഇറക്കിയിട്ടുള്ളത്. അഴിമതിയുടെ കൈയൊപ്പ് ചാർത്തിയ ഇ നേർകാഴ്ച ഇടത് മുന്നണിയ്ക്ക് തിരിച്ചടിയാകുകയാണ്.