അധികൃതരുടെ അനാസ്ഥ പൂതക്കുളത്ത് കോവിഡ് ബാധിച്ചു രണ്ട് പേര് മരിച്ചു.

പരവൂർ: അധികൃതരുടെ അനാസ്ഥ 

പൂതക്കുളത്ത് കോവിഡ് ബാധിച്ചു

ഹോം ട്രീറ്റ്മെന്റിൽ കഴിഞ്ഞ

 രണ്ട് പേര് മരിച്ചു. പൂതക്കുളം ഇടയാടി ശ്രീനിലയത്തിൽ സജിത്ത് (40), പുത്തൻകുളം കല്ലുവിളവീട്ടിൽ സത്യദേവി(75)എന്നിവരാണ് മരിച്ചത്.

സജിത്ത് കോവിഡ് സ്ഥിതികരിച്ചതിന് ശേഷം വീട്ടിൽ ചികിത്സയിലിരിക്കെ ഇന്ന് അസുഖം കൂടിയതിനെ തുടർന്ന് ആരോഗ്യപ്രവർത്തകർ ആംബുലൻസിൽ നെടുമ്പനയിലെ ആശുപത്രിയിലേക്ക് കൊണ്ട് പോകും വഴിയാണ് മരിച്ചത്. തിങ്കളാഴ്ച കോവിഡ് സ്ഥിതീകരിച്ചതിനെ തുടർന്ന് വീട്ടിൽ ചികിത്സയിലിരിക്കെ ഇന്നലെ

രാവിലെ അസുഖം കൂടുകയും വീട്ടിൽ കിടന്ന് മരിക്കുകയായിരുന്നു.180ൽ പരം കോവിഡ് രോഗികൾ പഞ്ചായത്തിൽ ഉണ്ടായിട്ടും ചികിത്സയ്ക്കായിൽ കോവിഡ് ഫസ്റ്റ് ലൈൻ സെന്ററുകളില്ല രോഗികളെ പാർപ്പിക്കാൻ സംവിധാനമൊരുക്കിയിട്ടില്ല കലയ്‌ക്കോട് ലക്ഷംവീട് കോളനിയിൽ 6കോവിഡ് രോഗികളും ഇപ്പോഴും അവരവരുടെ വീടുകളിലാണ് കഴിയുന്നത് അത് കൊണ്ട് തന്നെ കോളനി കോവിഡ് ഭീതിയിലാണ്. പല രോഗികളും ഗുരുതരാവസ്ഥയിലായിട്ടും ആരോഗ്യപ്രവർത്തകർ തിരിഞ്ഞു നോക്കിയിട്ടില്ല എന്ന് പരാതിയുണ്ട്. പരിശോധനയും വഴിപാട് പോലെയാണ് രോഗം സ്ഥിതീകരിച്ച രോഗികളുടെ ബന്ധുക്കളെ പോലും അങ്ങോട്ട്‌ ആവശ്യപെട്ടാലും പരിശോധനയില്ല. പഞ്ചായത്ത്‌ പ്രസിഡന്റ്‌ അപകടം പറ്റി കാലൊടിഞ്ഞു വീട്ടിൽ ചികിത്സയിലാതിനാൽ പഞ്ചായത്ത്‌ കമ്മിറ്റി കൂടി തീരുമാനം എടുക്കാതെ സെക്രട്ടറി തന്നിഷ്ടപ്രകാരമാണ് തീരുമാനങ്ങൾ എടുക്കുന്നത് എന്ന് ആക്ഷേപം നിലനിൽക്കുകയാണ്. അടിയന്തിരമായി ജില്ലാ ഭരണകൂടം ഇടപെട്ട് കോവിഡ് ചികിത്സാ കേന്ദ്രങ്ങളും കോവിഡ് രോഗികളെ പാർപ്പിക്കാനും ഉള്ള സംവിധാനം ഒരുക്കണമെന്ന്നാണ് ജനങ്ങളുടെ ആവശ്യം.