ചാത്തന്നൂരിൽ പോലിസ് രാജ് ജനം വലയുന്നു

ചാത്തന്നൂരിൽ പോലിസ് രാജ് ജനം വലയുന്നു

@ ഇരുചക്രവാഹനങ്ങളുടെ നിയമലംഘനങ്ങൾക്ക് കോവിഡ് പ്രോട്ടോകോൾ പ്രകാരം പിഴചുമത്തി പോലിസ് 

ചാത്തന്നൂർ : ഇരുചക്രവാഹനങ്ങളുടെ നിയമലംഘനങ്ങൾക്ക് കോവിഡ് പ്രോട്ടോകോൾ പ്രകാരം പിഴചുമത്തി

ചാത്തന്നൂർ  പോലിസ്. എസ് എസ് എൽ സി പരീക്ഷയെഴുതാൻ ബൈക്കിന്റെ പിറകിലിരുന്ന എത്തിയ വിദ്യാർത്ഥിയ്ക്കും അഞ്ഞൂറ് രൂപ പിഴ ചുമത്തിയതോടെ പോലിസ് പരിശോധനയ്ക്ക് എതിരെ 

നാട്ടുകാർ പരാതിയുമായി രംഗത്തെത്തി.

കഴിഞ്ഞ ദിവസം  എസ് എസ് എൽ സി പരീക്ഷയ്ക്ക് കുട്ടികളെയുംകൊണ്ട് സ്കൂളുകളിലേക്ക് പോയവർക്ക്  ചാത്തന്നൂർ പോലിസ് കോവിഡ് പ്രോട്ടോകോൾ ലംഘിച്ചതിന് അഞ്ഞൂറ് രൂപ വീതമാണ് പിഴ ചുമത്തിയത്പുറകിലിരുന്നവരും ഹെൽമെറ്റ് വയ്ക്കണമെന്ന നിയമം പാലിക്കാത്തതിനാണ് ഇവർക്ക് പിഴ കിട്ടിയത്. പൊതുവാഹനങ്ങളിൽ പോകാതെ, സ്വന്തം ബൈക്കിൽ കുട്ടിയെ സ്കൂളിലെത്തിക്കാൻ ജോലിക്കുപോലും പോകാതെ ഇറങ്ങിയവരാണ് പലരും. എന്നാൽ ഇവർക്കെല്ലാം പിഴയീടാക്കാനായി നൽകിയ രസീതിൽ കോവിഡ് മാനദണ്ഡങ്ങൾ പാലിക്കാതെ യാത്രചെയ്തതിനുള്ള പിഴയും.

500 രൂപ രാവിലെ തന്നെ പോക്കറ്റിൽനിന്ന്‌ പോയതോടെ നിസ്സഹായരായി പോകുകയായിരുന്നു പലരും. വൈകുന്നേരമായതോടെ അനാവശ്യമായി പിഴയീടാക്കുന്നുവെന്ന് പറഞ്ഞ് പോലീസുമായി ചിലർ തർക്കത്തിലായി. ഇതിനിടയിൽ ട്യൂഷനു പോയി മടങ്ങിയ കുട്ടികൾക്കും പിഴയീടാക്കിയതോടെയാണ് പോലീസുമായി രക്ഷാ

കർത്താക്കൾ വാക്ക് തർക്കം ആയത്.ചാത്തന്നൂർ താഴം തെക്ക് ശീലാന്തിമുക്കിലായിരുന്നു ഇതേച്ചൊല്ലി

പോലീസുമായി രക്ഷാകർത്താക്കൾ 

തർക്കമുണ്ടായത്. ഇതിനിടയിൽ 

ദേശീയപാതയിൽ തിരുമുക്കിലും

ശീമാട്ടിയിലും ചാത്തന്നൂർ ജംഗനീലുമെല്ലാം പരിശോധന തുടങ്ങി 

തിരക്കേറിയ സ്ഥലത്തെ പരിശോധനയും ജനത്തിന് ബുദ്ധിമുട്ടായി മാറി. പരവൂർ - ചാത്തന്നൂർ റോഡ് കൂടിച്ചേരുന്ന വളവിലാണ് പരിശോധന. ദേശീയപാതയിലേക്ക് പ്രവേശിക്കുന്ന ഇടുങ്ങിയ തിരുമുക്കിലെ വളവിൽ പരിശോധന നടത്തുന്നത് അപകടക്കെണിയായി മാറിയിരിക്കുകയാണ്.

വളവുതിരിഞ്ഞെത്തുന്ന വാഹനങ്ങളെ പോലീസ് കൈകാണിച്ച് നിർത്തുന്നതോടെ ഗതാഗതക്കുരുക്കും ഉണ്ടാകുന്നു. ദേശീയപാതയിലൂടെ വരുന്ന വാഹനങ്ങൾക്ക് ഇത് ബുദ്ധിമുട്ടായി മാറിയെന്നാണ് ആക്ഷേപം.കഴിഞ്ഞ ദിവസം രാവിലെ ഒൻപതരയോടെ തിരുമുക്ക് ജങ്ഷനിലെ മെഡിക്കൽ സ്റ്റോറിൽനിന്ന്‌ മരുന്നുവാങ്ങി പുറത്തേക്കിറങ്ങി ബൈക്കിൽ കയറിയ ആളെ ഹെൽമെറ്റെടുത്ത് വയ്ക്കുന്നതിന് മുമ്പായി പിടികൂടി പിഴയീടാക്കിയതായും പരാതിയുണ്ട്.കോവിഡ് പ്രതിരോധപ്രവർത്തനങ്ങളുടെ മറവിൽ പോലീസ് ഇരുചക്രവാഹനയാത്രികരെ വളഞ്ഞിട്ട് പിടിക്കുകയാണ്. പെറ്റിക്കേസുകൾ തികയ്ക്കാൻ ഇവരെ ബലിയാടാക്കുന്നതായാണ് നാട്ടുകാർ പറയുന്നത് പോലീസിന്റെ പരിശോധനയ്ക്ക് എതിരെ ശക്തമായ പ്രതിഷേധമാണ് ഉയരുന്നത് വനിത പോലിസ് ഉദ്യോഗസ്ഥരുടെ നേതൃത്വത്തിൽ നടക്കുന്ന ഇ പരിശോധനയിൽ യാതൊരു വിധത്തിലുള്ള മാര്യാദയും പോലീസിന്റെ ഭാഗത്ത് നിന്നും ഉണ്ടാവുന്നില്ലയെന്നുള്ള പരാതിയും ഉണ്ട്.