കോവിഡ് പ്രോട്ടോകോൾ ജനങ്ങൾക്ക് യാത്ര ദുരിതം

കോവിഡ് പ്രോട്ടോകോൾ ജനങ്ങൾക്ക് യാത്ര ദുരിതം 

കൊല്ലം: കോവിഡ്പ്രോട്ടോകോൾ വന്നതോടെ ബസുകളിൽ യാത്രക്കാർക്ക് നിന്ന് പോകാൻ അനുമതിയില്ലെന്നിരിക്കെ ജനങ്ങളുടെ 

യാത്ര ദുരിതത്തിലായി.

പ്രൈവറ്റ് ബസുകൾ സർവീസ് നിർത്തുകയും ഉത്തരവാദിത്തം ഇല്ലാതെ കെ എസ് ആർ ടി സി യും സർവീസുകൾ വെട്ടികുറയ്ക്കുമ്പോൾ ദുരിതത്തിലാകുന്നത് ജനങ്ങളാണ്. കോവിഡ് പ്രോട്ടോകോൾ പ്രകാരം പോലീസ് നിയമം കടുപ്പിച്ചതോടെ സീറ്റിംഗ് കപ്പാസിറ്റിയിൽ കൂടുതൽ ആൾക്കാർ ബസിൽ പറ്റില്ലായെന്ന നിയമം വന്നതോടെ നഷ്ടങ്ങളുടെ കഥ പറഞ്ഞു കൊണ്ട് ഒരു വിഭാഗം പ്രൈവറ്റ് ബസ് മുതലാളിമാർ പ്രൈവറ്റ് ബസ് സർവീസ് നിർത്തി തുടങ്ങിയത്. അതിന് പകരം ജനങ്ങളുടെ ഉത്തരവാദിത്വം നിറവേറ്റേണ്ട കെ എസ് ആർ ടി സി നഷ്ടങ്ങളുടെ കഥ പറഞ്ഞു ജനങ്ങളെ വലയ്ക്കുകയാണ്. ജില്ലയിലെ വിവിധ 

ഡിപ്പോകളിൽ നിന്ന് ആകെയുള്ള സർവീസുകളിൽ പകുതി മാത്രമാണ് മിക്ക ദിവസങ്ങളിലും നിരത്തിലിറങ്ങുന്നത്. വരുമാനമില്ലാത്തതിന്റെ പേരിൽ 

സ്വകാര്യ ബസ് സർവീസുകൾ താത്കാലികമായി നിറുത്തിയിട്ടുണ്ട്. സീറ്റുകളിലെല്ലാം യാത്രക്കാർ ഇടംപിടിക്കുന്നതോടെ ബസുകൾ തുടർന്നുള്ള സ്റ്റോപ്പുകളിൽ ഇപ്പോൾ നിറുത്താറില്ല.ഇതുമൂലം ചെറു സ്റ്റോപ്പുകളിൽ നിൽക്കുന്ന യാത്രക്കാർ മണിക്കൂറുകളോളം കാത്തുനിൽക്കേണ്ട അവസ്ഥയാണുള്ളത്.

ഇവരിൽ ഭൂരിഭാഗവും സ്വന്തമായി വാഹനമില്ലാത്തവരാണ് കൊല്ലത്ത് തുണികടകളിലും മറ്റ് സ്ഥാപനങ്ങളിലും ജോലിക്ക് പോകുന്നവരാണ് കൂടുതൽ വലയുന്നത്. ഇവർക്ക് ഓട്ടോറിക്ഷ പോലുള്ള വാഹനങ്ങളിൽ പോകുന്നതിന് സാമ്പത്തികമായി പ്രയാസമുള്ളവരുമാണ്. ജനങ്ങൾക്ക് ജീവിക്കാൻ ജോലി ചെയ്യണം അതിന് ജോലിക്ക് പോകണം അതിന് പൊതുമേഖലയിലായാലും സ്വകാര്യ മേഖലയിലായാലും യാത്ര സൗകര്യം ഒരുക്കാൻ സർക്കാർ തയ്യാറാകണമെന്നാണ് ജനങ്ങളുടെ ആവശ്യം

@ഉത്തരവാദിത്വം ഇല്ലാതെ 

കെ എസ് ആർ ടി സി 

കെ എസ്ആർ ടി  സിയുടെ നിലവിലുള്ള സർവീസുകളുടെ കാര്യക്ഷമത കുറവായതും അറ്റകുറ്റപ്പണിക്കായി ബസുകൾ ഷെഡിൽ കയറ്റുന്നതും മൂലം പല ട്രിപ്പുകളും മുടങ്ങുന്നുണ്ട്. ഗ്രാമീണ മേഖലകളിലേക്ക് രാവിലെയും വൈകിട്ടും മാത്രമാണ് ഇപ്പോൾ സർവീസുള്ളത്.

ലോക്ക് ഡൗണിന് മുൻപ് വരെ കാര്ക്ഷമമായിരുന്ന കെ എസ് ആർ ടി സി സർവീസുകൾ വെട്ടികുറയ്ക്കുകയാണ്. 30 മുതൽ 40 വരെ ട്രിപ്പുകളുണ്ടായിരുന്നത് നിലവിൽ നാലിനും പത്തിനുമിടയിലായി ചുരുങ്ങിയിട്ടുണ്ട്. എല്ലാം കെ എസ് ആർ ടി സി യുടെ അനാസ്ഥ തന്നെയാണ്‌ എന്ന് കണക്കുകൾ വ്യക്തമാക്കുന്നു.

 ഡ്രൈവർമാരുടെ കുറവും ബസുകളുടെ കാര്യക്ഷമതയില്ലായ്മയുമാണ് സർവീസിനെ ബാധിക്കുന്നതെന്നാണ് അധികൃതരുടെ വിശദീകരണം എന്നാൽ നേരത്തെ നടത്തിയിരുന്ന സർവീസുകളിൽ ഒന്നുപോലും ലോക്ക് ഡൗണിന് ശേഷം പുനഃസ്ഥാപിക്കാത്തത് കെടുകാര്യസ്ഥതയാണെന്നാണ് യാത്രക്കാർ ആരോപിക്കുന്നത്

നിലവിലുള്ള പശ്ചാത്തല സൗകര്യത്തിൽ തന്നെ ട്രിപ്പുകൾ പുനഃക്രമീകരിച്ചും എണ്ണം കൂട്ടിയും യാത്രാക്ലേശത്തിന് പരിഹാരം കാണണമെന്നാണ് ജനങ്ങളുടെ ആവശ്യം

@ കൊട്ടാരക്കര 

കൊല്ലത്തെ പ്രധാന ഡിപ്പോയായ കൊട്ടാരക്കര ഡിപ്പോയിൽ 104സർവീസുകളാണ് മൊത്തം ഇവിടെ ഉണ്ടായിരുന്നത്.

ഇപ്പോൾ 80ഷെഡ്യുളുകൾ മാത്രമാണ് ഓപ്പറേറ്റ് ചെയ്യുന്നത് 17ഫാസ്റ്റ് പാസഞ്ചർ ബസുകളും 6 സൂപ്പർ ഫാസ്റ്റ് ബസുകളും ഉണ്ട് കൂടാതെ മൂന്ന് ഡീലക്സ് ബസുകളും ഓപ്പറേറ്റ് ചെയ്യുന്നുണ്ട് 54ഓർഡിനറി ബസുകളുമാണ്

@  കൊല്ലം ഡിപ്പോയിൽ 25 ഫാസ്റ്റ് പാസഞ്ചർ ബസുകളും ഒരു സൂപ്പർ ഫാസ്റ്റ് ബസും അടക്കം

 97 ഷെഡ്യുകൾ ഓപ്പറേറ്റ് ചെയ്തു കൊണ്ടിരുന്ന സ്ഥലത്ത് ഇപ്പോൾ 18 ഫാസ്റ്റും ഒരു സൂപ്പർ ഫാസ്റ്റും അടക്കം 60 ഷെഡ്യുളുകൾ ആണ് ഒപ്പേറേറ്റ് ചെയ്യുന്നത് ഇവിടെ സർവീസുകൾ  ഓപ്പറേറ്റ് ഡ്രൈവർമാർ ഇല്ലാത്തതാണ് കാരണമെന്ന് അതികൃതർ പറയുന്നത്.

@ ചാത്തന്നൂർ ഡിപ്പോയിൽ 7 ഫാസ്റ്റ് പാസഞ്ചർ ബസുകൾ സഹിതം  45  ഷെഡ്യുളുകൾ ഓപ്പറേറ്റ് ചെയ്തു കൊണ്ടിരുന്ന സ്ഥലത്ത് 7 ഫാസ്റ്റ് പാസഞ്ചർ ബസുകൾ ഉൾപ്പടെ ദിവസവും 34 - 35 സർവീസുകൾ ആണ് ഓപ്പറേറ്റ് ചെയ്യുന്നത്

@ കരുനാഗപ്പള്ളി  ഡിപ്പോയിൽ 77 സർവീസുകൾ ഓപ്പറേറ്റ് ചെയ്തു കൊണ്ടിരുന്ന സ്ഥലത്ത്‌ 60 സർവീസുകൾ ആണ് ഓപ്പറേറ്റ് ചെയ്യുന്നത് ഇതിൽ 12 ഫാസ്റ്റ് പാസഞ്ചറും ഒരു സൂപ്പർ ഫാസ്റ്റ് ബസുമാണ്

@ പുനലൂർ ഡിപ്പോയിൽ 22 ഫാസ്റ്റ് പാസഞ്ചർ ബസുകളും ഒരു സൂപ്പർ ഫാസ്റ്റ് ബസും അടക്കം 64 സർവീസുകൾ ആണ് ഓപ്പറേറ്റ ചെയ്തിരുന്ന സ്ഥലത്ത് 15 ഫാസ്റ്റ് പാസഞ്ചർ ബസുകളും ഒരു സൂപ്പർ ഫാസ്റ്റ് ബസും അടക്കം 40 ഷെഡ്യുളുകൾ ആണ് ഇപ്പോൾ  ഓപ്പറേറ്റ് ചെയ്യുന്നത് 24 സർവീസുകൾ വിവിധ കാര്യങ്ങൾ പറഞ്ഞു 24 സർവീസുകൾ ഇപ്പോൾ ഓപ്പറേറ്റ് ചെയ്യുന്നത് .

@ പത്തനാപുരം  ഡിപ്പോയിൽ 8 ഫാസ്റ്റ് പാസഞ്ചർ ബസുകളും രണ്ട്  സൂപ്പർ ഫാസ്റ്റ് ബസും അടക്കം 45 ഷെഡ്യുളു കൾ ഓപ്പറേറ്റ് ചെയ്തു കൊണ്ടിരുന്ന സ്ഥലത്ത് ഇപ്പോൾ   7  ഫാസ്റ്റ് പാസഞ്ചർ ബസുകളും ഒരു   സൂപ്പർ ഫാസ്റ്റ് ബസും അടക്കം  30 ഷെഡ്യുളു കൾ ആണ് ഓപ്പറേറ്റ് ചെയ്യുന്നത്.

@ കുളത്തൂപ്പുഴ ഡിപ്പോയിൽ 7 ഫാസ്റ്റ് പാസഞ്ചർ ബസുകൾ ഉൾപ്പടെ 33 ഷെഡ്യുളുകൾ ഓപ്പറേറ്റ് ചെയ്തു കൊണ്ടിരുന്ന സ്ഥലത്ത് 4 ഫാസ്റ്റ് പാസഞ്ചർ ബസുകൾ ഉൾപ്പടെ 23 ഷെഡ്യുളുകൾ ആണ്  ഓപ്പറേറ്റ് ചെയ്യുന്നത്

@ ചടയമംഗലം  ഡിപ്പോയിൽ 6  ഫാസ്റ്റ് പാസഞ്ചർ ബസുകൾ ഉൾപ്പടെ അൻപത് ഷെഡ്യുളു കൾ ഓപ്പറേറ്റ് ചെയ്തു കൊണ്ടിരുന്ന സ്ഥലത്ത് ഇപ്പോൾ അഞ്ചു  ഫാസ്റ്റ് പാസഞ്ചർ ബസുൾപ്പടെ 39 ഷെഡ്യുളുകൾ ആണ്  ഓപ്പറേറ്റ് ചെയ്യുന്നത്.
 
@ ആര്യങ്കാവ് ഡിപ്പോയിൽ 2  ഫാസ്റ്റ് പാസഞ്ചർ ബസുകൾ ഉൾപ്പടെ 16 ഷെഡ്യുളു കൾ ഓപ്പറേറ്റ് ചെയ്തിരുന്ന സ്ഥാനത്ത് ഒരു ഫാസ്റ്റ് പാസഞ്ചർ ബസുകൾ ഉൾപ്പടെ നേർപകുതി 8 എണ്ണമാണ് ഇവിടെ നിന്നും ഓപ്പറേറ്റ് ചെയ്യുന്നത്  

@ നടുവൊടിഞ്ഞ് സ്വകാര്യ ബസ് വ്യവസായം

 കിതച്ചോടുന്നതിനിടെയാണ് സ്വകാര്യ ബസ് വ്യവസായത്തിന് കനത്ത പ്രഹരമേകിയാണ്‌ വീണ്ടും കൊറോണയെത്തുന്നത്. അതോടെ സ്വകാര്യ ബസ് വ്യവസായം പൂർണമായും തകർന്നു. കൊറോണ വ്യാപനത്തിനുമുൻപ് കൊല്ലം ജില്ലയിൽ ഉണ്ടായിരുന്ന ബസുകളുടെ 

നേർപകുതി പോലും ഇപ്പോൾ ഇല്ല 

സംസ്ഥാന സർക്കാർ മാർച്ചുവരെയുള്ള നികുതി ഒഴിവാക്കിയതു കൊണ്ടുമാത്രമാണ് ഇത്രയെങ്കിലും ബസുകൾ ഓടുന്നത്. വീണ്ടും നികുതി ഏർപ്പെടുത്തിയാൽ ബാക്കിയുള്ള ബസുകളിൽ ഭൂരിഭാഗവും ഓട്ടം നിർത്തുമെന്നാണ് ഉടമകൾ പറയുന്നത്.

ഇപ്പോൾ ഓടുന്ന ബസുകൾക്ക് ഏകദേശം 5,000 രൂപയാണ് ദിവസ വരുമാനം. ഡീസൽച്ചെലവു കഴിഞ്ഞ് ബാക്കി ജീവനക്കാർക്ക് വീതിച്ചുനൽകും. മിക്കപ്പോഴും ഉടമസ്ഥന് ഒന്നും ലഭിക്കാറില്ല. അറ്റകുറ്റപ്പണി വന്നാൽ പെട്ടതുതന്നെ  ഉടമകൾ പറയുന്നു.

ദീർഘദൂര റൂട്ടുകളിൽ ഓടുന്ന ബസുകൾക്കാണ് പേരിനെങ്കിലും വരുമാനമുള്ളത്. റൂട്ടടക്കം ബസുകൾ വിൽക്കാനും കരാറടിസ്ഥാനത്തിൽ വിട്ടുനൽകാനുംവരെ ഉടമകൾ തയ്യാറാണ്. പക്ഷേ, ഏറ്റെടുക്കാൻ ആളില്ലാത്ത അവസ്ഥയാണ് എന്ന് ഇ മേഖലയിൽ ഉള്ളവർ പറയുന്നു.