തീരദേശറോഡിൽ പോലീസിന്റെ വേട്ടയാടൽ

കൊല്ലം:  ജനങ്ങളെ വേട്ടയാടുന്ന പോലീസിന്റെ ഒരു മുഖം കാണണമെങ്കിൽ കൊല്ലത്തെ തീരദേശറോഡിൽ എത്തണം.

 കൊച്ചുപിലാംമൂട് പാലം മുതൽ പള്ളിത്തോട്ടം വരെയും, കല്ലുപാലം മുതൽ ലക്ഷ്മിനടവരെയും ഒന്ന് പോയി നോക്കണം. ഇവിടേക്ക് 

വരുമ്പോൾ സൂക്ഷിക്കുക പൊലീസ് ഇവിടെ നിരന്ന് നിൽക്കുകയാണ്. കള്ളന്മാരെ പിടിക്കാനെന്ന് കരുതിയെങ്കിൽ തെറ്റി. പാവം യാത്രക്കാരെ നടുറോഡിൽ വട്ടം ചുറ്റിച്ച് അപകടത്തിലേക്ക് തള്ളിയിടാനാണ് ഇവിടെ പോലിസ് നിരന്ന് നിൽക്കുന്നത്.

കഴിഞ്ഞ രണ്ട് ദിവസം മുൻപ് വരെ സാധാരണ പോലിസ് പരിശോധനയാണെങ്കിൽ കൊറോണ പ്രോട്ടോകോൾ വന്നതോടെ പകൽ കൊള്ളയായി മാറി.

ഹെൽമറ്റ് ഉണ്ടായാലും ഇല്ലെങ്കിലും വണ്ടി നിർത്തിക്കും പിന്നെ ഏമാൻ ചുവന്ന കണ്ണുരുട്ടി ഒരു നോട്ടം. ആ നോട്ടം കാണുമ്പോഴേ ബൈക്ക് യാത്രക്കാരന്റെ ബാലൻസ് തെറ്റിയത് തന്നെ. വീഴാതിരിക്കുന്നെങ്കിൽ അത് ആ യാത്രക്കാരന്റെ ഭാഗ്യം കൊണ്ട് മാത്രം. ഇരുചക്രവാഹനക്കാരെ മാത്രമല്ല, കാറിൽ യാത്ര ചെയ്യുന്നവരെയും കൊറോണ പ്രോട്ടോകോൾ പ്രകാരം നടന്ന് പോകുന്നവരെ പോലും വെറുതെ വിടില്ല. വേഗത കുറച്ച് വാഹനം ഓടിച്ച് വരുന്നവരെ സീറ്റ് ബെൽറ്റിന്റെ പേരിൽ മറ്റൊരു വേട്ടയാടൽ. ഇത് ഇവിടെ പതിവ് കാഴ്ച. കുടുംബവുമായി എത്തുന്നവർക്ക് നേരെയും പൊലീസിന്റെ പരാക്രമം ഉണ്ടാകും

നടന്ന പോകുന്ന ജനങ്ങളിൽ മാസ്ക് നേരെ വയ്ക്കാഞ്ഞതിന് സ്ത്രീകൾ ആണെങ്കിൽ പോലും  

പെറ്റി ഉറപ്പ്. ബീച്ചിൽ വരുന്നവരെയും 

മത്സ്യ തൊഴിലാളികളെയും അവരുടെ

കുടുംബങ്ങളുമാണ് 

അധികവും ഇതിലേ യാത്ര ചെയ്യുന്നത്.അത് കൊണ്ട് തന്നെ പാവങ്ങളെയാണ് കൂടുതലും ഇവർ വേട്ടയാടുന്നത്. ബീച്ച് റോഡിൽ നിന്നും 

കൊച്ചുപിലാംമൂട് പാലം വളഞ്ഞ് തിരിഞ്ഞാണ് ബീച്ചിലെത്താൻ. അങ്ങനെ വളയുമ്പോഴാണ് പൊലീസ് മുന്നിൽ നിൽക്കുന്നത് കാണുന്നത്.

വണ്ടി പെട്ടെന്ന് നിർത്തുമ്പോൾ പുറകിൽ നിന്നും മുന്നിൽ നിന്നും എത്തുന്ന വാഹനങ്ങൾ അപകടത്തിന്റെ മറ്റൊരു മുഖമായി മാറുകയാണ്. നേരേ പോകുന്നത് അപകടത്തിന്റെ മുഖത്തിലേക്ക്. വീണില്ലെങ്കിൽ ഭാഗ്യം. വീണാൽ നേരെ  ഐ സി യു വിലേക്ക്.

പറയത്തക്ക  തിരക്കില്ലാത്ത ഇ തീരദേശ റോഡിലും  കൊച്ചുപിലാംമൂട്ടിലും എന്തിനാ ഇത്രയും പൊലീസ്. ചുമ്മാ യാത്രക്കാരെ വിരട്ടാൻ. അത് പൊലീസിന്റെയൊരു പതിവ് രീതിയാണല്ലോ. വരുന്ന വാഹനങ്ങളുടെ വലുപ്പം നോക്കും. വലിയ വാഹനമാണെങ്കിൽ പൊലീസ് ഒന്നും കണ്ടില്ലെന്ന് നടിക്കും. അല്ലാത്ത വാഹനമാണെങ്കിലോ കൈയടുത്തോരു പൊക്ക്. അതോടെ തീർന്നു യാത്രക്കാരന്റെ ഗതി.

കഴിഞ്ഞ ദിവസം ഇതിലെ വന്ന ഒരു കാൽനടയാത്രക്കാരന്റെ നേരെയും പൊലീസ് പതിവ് ശൈലി ആവർത്തിച്ചു. യാത്രക്കാരൻ അപകടത്തിൽപ്പെടാത്തത് ഭാഗ്യം കൊണ്ടു മാത്രം.

ട്രാഫിക് തെറ്റിച്ച് വണ്ടി ഓടിക്കുന്നവരെ പിടിക്കാനെന്ന മട്ടിലാണ് നിൽപ്പ്. പിടിക്കുന്നതോ പാവം യാത്രക്കാരെ. വണ്ടി തെറ്റിച്ച് ഓടിക്കുന്നവർ അവരുടെ പാട്ടിന് പോവുകയും ചെയ്യുന്നു. എന്ത് ചോദിച്ചാലും സിറ്റി പൊലീസ് കമ്മിഷണറുടെ നിർദ്ദേശമനുസരിച്ച് പ്രവർത്തിക്കുന്നുവെന്നാണ് പൊലീസ് പറയുന്നത്. സിറ്റി പൊലീസ് കമ്മിഷണർ ഇതൊന്നും അറിയുന്നതുമില്ല. അനധികൃതമായി വാഹന പരിശോധനയ്ക്ക് ഇരയാകുന്നവർ സിറ്റി പൊലീസിനെ പഴിച്ചിട്ടാണ് പോകുന്നത്.

കൊച്ചുപിലാംമൂട്ടിൽ വാഹന പരിശോധനയുടെ പേരിൽ തെറിച്ച് വീണത് കഴിഞ്ഞമൂന്ന് മാസത്തിനിടയിൽ എഴുപതോളം പേരാണ് എന്ന് നാട്ടുകാർ പറയുന്നു . ഇതിൽ കൂടുതലും  ഇരുചക്രവാനത്തിൽ വന്നവരാണ്.

അടുത്തിടെ ഒരു മത്സ്യ തൊഴിലാളി 

ഭാര്യയും മക്കളുമായി വരുമ്പോഴായിരുന്നു പൊലീസിന്റെയൊരു തടഞ്ഞു നിർത്തൽ. പെട്ടെന്ന് ബൈക്ക് നിർത്തിയതോടെ പുറകിൽ വന്ന കാർ ബൈക്കിലിടിക്കുകയായിരുന്നു. ഇത് അപകടത്തിന്റെ മറ്റൊരു മുഖം. ഇങ്ങനെയെത്രയെത്ര മുഖങ്ങൾ. അപകടത്തിൽപ്പെട്ടവർ മൂക്കും കുത്തി വീഴുമ്പോൾ ഒന്നും കണ്ടില്ല രാമനാരായണ എന്ന മട്ടിൽ പൊലീസ് അടുത്ത വാഹനത്തിന് കൈകാണിക്കുകയാണ്. ഇതാണ് കൊച്ചുപിലാംമൂട്ടിലെ പതിവ് സീൻ.

പൊലീസ്  ഇങ്ങനെ നിരന്ന് തുടങ്ങിയതോടെ ബീച്ചിലേക്ക് വരന്നുവരുടെ എണ്ണം കുറഞ്ഞു. എന്തിനാ വെറുതേ പൊലീസിന്റെ കണ്ണിൽപ്പെടുന്നത്. വെറുതേ വീട്ടിലിരുന്നാൽ പോരേ എന്ന ചിന്തയായി. ഫലമോ ബീച്ചിൽ  തിരക്കില്ല. തീരദേശ റോഡ് വഴി ആൾക്കാരുടെ വരവ് കുറഞ്ഞു. കോവിഡ് പ്രോട്ടോകോൾ വന്നതോടെ ജനങ്ങളെ കൊള്ളയടിക്കാൻ തുടങ്ങിയിരിക്കുകയാണ് പോലിസ് ഇ വേട്ടയാടി പിടിക്കുന്ന പള്ളിത്തോട്ടം പോലീസിന്റെ പകൽ കൊള്ളക്ക്പ രിഹാരം ഉണ്ടാക്കണമെന്ന്നാണ് ജനങ്ങളുടെ ആവശ്യം.