കടലിൽ കടുത്ത ചൂട്മത്സ്യക്ഷാമം രൂക്ഷം

കടലിൽ കടുത്ത ചൂട്മത്സ്യക്ഷാമം രൂക്ഷം 

കൊല്ലം: കടലിൽ ചൂട് കനത്തതോടെ കടലിൽ മത്സ്യക്ഷാമം രൂക്ഷമായി ഒപ്പം വിപണിയിൽ വിലയും വർദ്ധിച്ചു. ജില്ലയിൽ മത്സ്യക്ഷാമം രൂക്ഷമായതോടെ അന്യസംസ്ഥാനങ്ങളിൽ നിന്നും ഇറക്കുമതിയും കൂടി വകുപ്പ് തല പരിശോധനയും ഇല്ലാതായി. അതോടെ പഴകിയ മത്സ്യങ്ങൾ വിപണിയിൽ എത്തിതുടങ്ങി ലോക്ക് ഡൌൺ കാലഘട്ടത്തിൽ ഉണ്ടായിരുന്ന പോലീസിന്റെയും ആരോഗ്യവകുപ്പിന്റെയും പരിശോധന ഇപ്പോൾ നടക്കുന്നില്ല എന്ന് മാത്രമല്ല അന്യസംസ്ഥാന മത്സ്യങ്ങളുടെ വരവിനെ പോത്സാഹിപ്പിക്കുകയാണ് എന്നും കച്ചവടക്കാർ പറയുന്നു കൂടാതെ  മത്സ്യത്തിന്റെ ലഭ്യത കുറഞ്ഞതോടെ മത്സ്യഫെഡും അന്യസംസ്ഥാനങ്ങളിൽനിന്ന് മത്സ്യം  ഇറക്കുമതി ചെയ്യുകയാണ്. ചൂട് കൂടിയതോടെ  മത്സ്യങ്ങൾ ജലോപരിതല ഭാഗത്തേക്ക് വരുന്നില്ലെന്നാണ് മത്സ്യത്തൊഴിലാളികൾ പറയുന്നത്. മത്സ്യം ആഴത്തിലേക്ക് പോയി.

യന്ത്രവൽക്കൃത ബോട്ടുകളുടെ അമിതമായ മത്സ്യബന്ധനവും ക്ഷാമം രൂക്ഷമാകാൻ കാരണമായെന്ന് അവർ പറയുന്നു. മീൻ അച്ചാർ ഉൾപ്പെടെയുള്ള ഭക്ഷ്യവിഭവങ്ങളുടെ നിർമ്മാണത്തിനായാണ് മത്സ്യഫെഡ് മറ്റു സംസ്ഥാനങ്ങളിൽ നിന്ന് മത്സ്യം ഇറക്കുമതി ചെയ്യുന്നത്.

മത്സ്യക്ഷാമം രൂക്ഷമായതോടെ വിപണിയിൽ മാസങ്ങൾ പഴക്കമുള്ള മത്സ്യങ്ങളും കൂടുതലായി എത്തിതുടങ്ങി.

മനുഷ്യ ശരീരത്തിന് ദോഷകരമായ രാസവസ്തുക്കൾ ചേർത്താണ് മത്സ്യങ്ങൾ കേട് കൂടാതെ

കൂടുതൽ കാലം പരിപാലിക്കുന്നത്. തമിഴ്നാട്, കർണ്ണാടക, ആന്ത്രപ്രാദേശ് 

 ഗുജറാത്ത് എന്നിവടങ്ങളിൽ നിന്നുമാണ് ഇത്തരം മത്സ്യങ്ങൾ കേരള വിപണിയിലേക്ക് എത്തിച്ചേരുന്നത്. ഇവ തടയാൻ നിലവിൽ യാതൊരു മാർഗവും അധികൃതർ സ്വീകരിച്ചിട്ടില്ല. ലോക്ക് ഡൌൺ സമയത്ത് പോലിസ് ശക്തമായ നടപടികൾ സ്വീകരിച്ചുവെങ്കിലും ഇപ്പോൾ അവരും മറ്റ് തിരക്കിലേക്ക് മാറിയതോടെ പഴകിയ മത്സ്യങ്ങളുടെ വരവ് കൂടി വിപണി അന്യസംസ്ഥാന മത്സ്യങ്ങൾ കൈയ്യടക്കുകയും ചെയ്തുവെന്ന് കച്ചവടക്കാർ പറയുന്നു. കൂടാതെ മത്‍സ്യബന്ധന മേഖലയിൽ സർക്കാർ കൊണ്ട് വന്ന നിയമങ്ങളും തിരിച്ചടിയാകുന്നു. കൂടാതെ 

ക്ഷാമം മൂലം കപ്പൽ ചാലുകൾ കടന്നാണ് ഇപ്പോൾ തൊഴിലാളികൾ മത്സ്യബന്ധനം നടത്തുന്നത്. മത്സ്യബന്ധനത്തിനുള്ള ചെലവും വർദ്ധിച്ചത് മേഖലയ്ക്ക് കൂനിൻമേൽ കുരുവായി. വല, എൻജിൻ, മണ്ണെണ്ണ തുടങ്ങിയവയുടെ വിലയും കൂടി ഡീസലിന് റോഡ് ടാക്സ് ഒഴിവാക്കി നൽകണമെന്ന ആവശ്യത്തോട് സംസ്ഥാന സർക്കാർ മുഖം തിരിഞ്ഞു നിൽക്കുകയാണ് ഇതെല്ലാം കൊണ്ട് തന്നെ മത്സ്യo സാധാരണക്കാരന് കഴിക്കാനാകാത്ത വിധം വില ഉയരുകയാണ് ഒപ്പം അന്യസംസ്ഥാനത്ത് നിന്നും പഴകിയ മത്സ്യങ്ങളുടെ വരവും വർദ്ധിച്ചു.