പഞ്ചായത്ത് സെക്രട്ടറി ഖനനത്തിനുള്ള അനുമതി നൽകിയ സ്ഥലത്തുനിന്നാണ് പാസ് ഇല്ലാതെ മണ്ണ് കടത്തിയ ലോറി പട്രോളിംഗിനിടെ പാരിപ്പള്ളി പോലിസ്
പിടികൂടിയത്. ചിറക്കരത്താഴം ഭാഗത്ത് പഞ്ചായത്ത് സ്ഥലം പരിശോധിക്കാതെ അഞ്ചു ലോഡ് മണ്ണ് എടുക്കുന്നതിന്
കൊടുത്ത സ്ഥലത്തെത്തി പോലിസ്
പരിശോധിച്ചതിൽ പഞ്ചായത്ത് പാസ് അനുവദിച്ച അളവിൽ കൂടുതൽ മണ്ണ് സ്ഥലത്തുനിന്നും കടത്തിയിട്ടുള്ളതായി ബോധ്യപ്പെട്ടതിനെ തുടർന്ന് മണ്ണ് മാന്താനായി ഉപയോഗിച്ച ജെ സി ബി യും പൊലീസ് പിടിച്ചെടുത്തു. അനധികൃതമായി കടത്തിയ മണ്ണിന്റെ അളവ് നിശ്ചയിക്കുന്നതിന് റവന്യൂ വകുപ്പിന് റിപ്പോർട്ട് നൽകുമെന്നും റോയൽറ്റിയുടെ അഞ്ച് ഇരട്ടി തുക പിഴ അടപ്പിക്കുന്നതിനുള്ള നടപടികൾ സ്വീകരിക്കുമെന്നും എസ്.ഐ പറഞ്ഞു. പിടിച്ചെടുത്ത യന്ത്രങ്ങൾ കളക്ടർക്ക് കൈമാറി. പാരിപ്പള്ളി പോലിസ് കേസെടുത്തു.
ഫോട്ടോ :പോലിസ് പിടിച്ചെടുത്ത ജെ സി ബിയും ടിപ്പർ ലോറിയും
No comments:
Post a Comment