ദേശീയപാതയിൽകല്ലുവാതുക്കൽ മേൽപാലത്തിൽ പിക്അപ് വാനുകൾ കൂട്ടിയിടിച്ചു നാല് പേർക്ക് പരിക്ക്.

ചാത്തന്നൂർ : ദേശീയപാതയിൽ

കല്ലുവാതുക്കൽ മേൽപാലത്തിൽ പിക്അപ് വാനുകൾ കൂട്ടിയിടിച്ചു നാല് പേർക്ക് പരിക്ക്. ചാത്തന്നൂർ കോഷ്ണകാവ് സ്വദേശികളായ സ്മിജു (36),സുധീഷ് (24),രാഹുൽ (21),രാജേഷ് (25)എന്നിവർക്കാണ് പരിക്കേറ്റത്. ഇന്നലെ ഉച്ചയ്ക്ക് ഒന്നരയോടെ കൊല്ലം-തിരുവനന്തപുരം ദേശീയപാതയിൽ

കല്ലുവാതുക്കലിലെ ഉയരപാതയിൽ വച്ചാണ് അപകടം ഉണ്ടായത് തിരുവനന്തപുരം ഭാഗത്ത് നിന്നും കൊല്ലത്തേക്കുള്ള വൺ വേയിൽ ഇരുഭാഗത്ത് നിന്നും വന്ന വാഹനങ്ങൾ കൂട്ടിയിടിക്കുകയായിരുന്നു.തുടർന്ന് നാട്ടുകാർ ഓടികൂടി പരിക്കേറ്റവരെ ആശുപത്രിയിലേക്ക് മാറ്റി റോഡിൽ നിന്നും വാഹനങ്ങൾ മാറ്റി പാരിപ്പള്ളി പോലിസ് കേസെടുത്തു