സ്ഥാനാര്ഥി നിര്ണ്ണയം പ്രതിസന്ധിയില്
ചാത്തന്നൂര്: ചാത്തന്നൂരില് ഇടത് മുന്നണിയില് സ്ഥാനാര്ഥി നിര്ണ്ണയം പ്രതിസന്ധിയിലായി വാര്ഡ് വിഭജനം പോലും ഇതുവരെ പൂര്ത്തിയാവാതെ കടുത്ത പ്രതിസന്ധിയിലായതോടെ ജില്ലാ നേതൃത്വത്തിന് മുന്നിലേക്ക് വീട്ടിരിക്കുക യാണ് ഏരിയ നേതൃത്വം. ചാത്തന്നൂർ സർവീസ് സഹകരണ ബാങ്കിലെ
മൂന്ന് സ്റ്റാഫുകൾ ലീവ് എടുത്തു തിരഞ്ഞെടുപ്പിൽ മത്സരിക്കാൻ ഒരുങ്ങുന്നതിനെതിരെയും പാർട്ടി യ്ക്കുള്ളിൽ പ്രശ്നം സന്ഗീർണ്ണ മാക്കിയിട്ടുണ്ട്. സ്ഥാനാര്ഥി നിര്ണ്ണയത്തില് സിപിഎം ലോക്കല് കമ്മിറ്റി നേതൃത്വം ബ്രാഞ്ച് നേതാക്കളുടെ അഭിപ്രായം ചോദിക്കാതെ സ്ഥാനാര്ഥി നിര്ണ്ണയം നടത്തിയത്തിനെതിരെ യുള്ള
കലാപകൊടി ഉയര്ന്നിരിക്കുന്നതിന് പിന്നാലെയാണ് സിപിഎം നേതൃത്വത്തിന് ഉണ്ടായിരിക്കുന്ന സ്ഥാനാർഥി പ്രതിസന്ധി.
ചാത്തന്നൂര് പഞ്ചായത്തില് പുതിയതായി രൂപം കൊണ്ട ബ്ലോക്ക് വാര്ഡിനെ ചൊല്ലി സിപിഎം -സിപിഐ തര്ക്കം നിലനില്ക്കുമ്പോള് തന്നെ സിപിഐ മത്സരിക്കുന്ന കാരംകോട് വാര്ഡില് സിപിഎം പ്രവര്ത്തകന് റിബല് സ്ഥാനാര്ഥിയായി അരങ്ങിലെത്തി പ്രചരണം തുടങ്ങി.
ഇടത് ശക്തി കേന്ദ്രമായ കോട്ടവാതുക്കല് വാര്ഡില് നിലവിലുള്ള സിപിഐയുടെ ഗ്രാമപഞ്ചായത്ത് അംഗത്തിന്റെ ഭര്ത്താവ് സിപിഐ റിബല് സ്ഥാനാര്ഥിയായി പത്രിക സമര്പ്പിക്കാന് ഒരുങ്ങുമ്പോള് സിപിഎമ്മിന്റെ കുത്തക വാര്ഡായ ഞാവരൂര് വാര്ഡില് സ്ഥാനാര്ഥി നിര്ണ്ണയത്തില് കലാപകൊടി ഉയര്ത്തി ഒരുവിഭാഗം ഡിവൈഎഫ്ഐ-സിപിഎം നേതാക്കള് രംഗത്തെത്തിയത് സിപിഎമ്മിനെ പ്രതിസന്ധിയിലാക്കുന്നു. സിപിഎം സീറ്റിങ് സീറ്റായ കോയിപ്പാട് വാര്ഡില് നിലവിലുള്ള പഞ്ചായത്ത് വൈസ് പ്രസിഡന്റ് മഹേശ്വരിയ്ക്കെതിരെ സിപിഎം പ്രവര്ത്തകര്തന്നെ രംഗത്ത് എത്തിയതും പാർട്ടി നേതൃത്വത്തിനെ വെല്ലുവിളിച്ചു കൊണ്ട് പലയിടത്തും ഉയരുന്ന പ്രതിഷേധനങ്ങളും സിപിഎമ്മിനെ പ്രതിസന്ധിയിൽ ആക്കുബോൾ തിരഞ്ഞെടുപ്പിന് മുൻപ് തന്നെ സ്ഥാനാർഥികളെ ഇറക്കി കളംനിറയുന്ന ഇടതുപക്ഷ കക്ഷികൾ ഇപ്പോൾ സ്ഥാനാർഥി നിർണ്ണയം പോലും ചെയ്യാൻ പറ്റാതെ കടുത്ത പ്രതിസന്ധിയിലാണ്.
No comments:
Post a Comment