വരെയുള്ള ഭാഗത്തെ ദേശീയപാതയുടെ നിർമ്മാണപ്രവർത്തനം അവസാനഘട്ടത്തിൽ.
ഈ ഭാഗങ്ങളിൽ ഏകദേശം 80 ശതമാനംപണികളും പൂർത്തിയായി കഴിഞ്ഞു.
ജില്ലയിൽ തന്നെ അതിവേഗത്തിൽ നിർമ്മാണം പൂർത്തിയായ ഭാഗങ്ങളും നിലവിൽ ഇവിടെ തന്നെയാണ്. ഇതിൽ ഏറ്റവും പ്രധാനമാണ് വർഷങ്ങൾ പഴക്കമുള്ള ഇത്തിക്കര
പാലത്തിൻ്റെ പകരം മറ്റൊരു പാലം ഉയരുന്നത്. അതിവേഗത്തിലാണ് ഇവിടെ പാലത്തിൻ്റെ നിർമ്മാണപ്രവർത്തനം പൂർത്തിയായത്. നിലവിലുള്ള പാലം പൊളിക്കാതെയാണ് പുതിയ പാലത്തിന്റെ നിർമ്മാണം പൂർത്തിയായത്. ഫെബ്രുവരിയിൽ നിർമ്മാണം പൂർത്തിയാക്കുന്നതിനാണ് കരാർ കമ്പനിയുടെ നീക്കം.പാരിപ്പള്ളി ഭാഗത്ത് 80% നിർമ്മാണ പ്രവൃത്തികൾ പൂർത്തിയായി കഴിഞ്ഞു ചാത്തന്നൂർ ഭാഗത്ത് 90% പൂർത്തിയായി അവസാന ഘട്ടത്തിലേക്ക് നീങ്ങുന്നു. മേവറം മുതൽ കൊട്ടിയം വരെ 70% പൂർത്തിയായി
സർവ്വീസ് റോഡുകളുടെ നിർമ്മാണവും പൂർത്തിയായി വാഹനങ്ങൾ കടത്തിവിട്ട് തുടങ്ങി.
അടിപ്പാതകൾ തുറന്നു മേൽപ്പാലങ്ങളിലൂടെ വാഹനങ്ങൾ ഓടി തുടങ്ങി
ഓട നിർമ്മാണം, യൂട്ടിലിറ്റി കോറിഡോർ എന്നിവയുടെ നിർമ്മാണങ്ങൾ പലയിടത്തും വിവിധ ഘട്ടങ്ങളിലാണ്.ആഞ്ച് മീറ്റർ വീതിയിലാണ് സർവീസ് റോഡുകൾ. ഇതിനോട് ചേർന്നാണ് 1.5 മീറ്റർ വീതിയിൽ ഓടയും 0.5 മീറ്റർ വീതിയിൽ യൂട്ടിലിറ്റി കോറിഡോറും ഓടയുടെ മുകളിൽ ടൈൽ പാകി നടപ്പാതയാക്കും. സർവ്വീസ് റോഡുകളുടെ നിർമ്മാണം പലയിടത്തും പൂർത്തീകരിക്കാത്തതിനാൽ ഉണ്ടാവുന്ന ബാദ്ധിമുട്ടുകൾ ഉണ്ടെങ്കിലും ഉടൻ പരിഹരിക്കും അത്യാധുനിക രീതിയിലാണ് ഇരുവശത്തുമുള്ള സർവ്വീസ് റോഡുകളുടെ ആദ്യഘട്ട നിർമ്മാണം കോൺക്രീറ്റ് ചെയ്യുക എന്നതാണ് . രണ്ടു പാളികളായാണ് കോൺക്രീറ്റ് ചെയ്യേണ്ടത്.അതിന് മുകളിൽ റബർ മിശ്രിതകോട്ടിങ് നടത്തും. തുടർന്നാണ് ടാറിങ് .ഇന്ത്യൻ റോഡ്സ് കോൺഗ്രസ് മാനദണ്ഡം അനുസരിച്ചുള്ള ഗുണനിലവാരത്തിലാണ് നിർമ്മാണം. വൈദ്യുതി തൂൺ, കുടിവെള്ള പൈപ്പ് ലൈൻ എന്നിവയ്ക്കുള്ളതാണ് യൂട്ടിലിറ്റി കോറിഡോർ.വൺവേ നീതിയിലാണ് ഗതാഗതം ക്രമീകരിക്കേണ്ടത്. കലുങ്കുകളുടെ നിർമ്മാണവും പൂർത്തിയായി വരുന്നു. ജല അതോറിറ്റിയുടെ അനാസ്ഥ മൂലം കുടിവെള്ള പൈപ്പ് ലൈൻ പുനക്രമീകരണം
വൈകുകയാണ്. ടെലിഫോൺ കേബിൾ, ൈ വൈദ്യുതി സർവീസ് ലൈനുകളുടെ നിർമ്മാണവും പൂർത്തിയാക്കാനുണ്ട്. ദേശീയപാത 66 ആറുവരിപ്പാതയാക്കുന്നതിൻ്റെ ഭാഗമായി ഏറെ നാളുകളായി നാട്ടുകാർ അനുഭവിക്കുന്ന ദുരിതത്തിന് അറുതിയാകുമെന്ന പ്രതീക്ഷയിലാണ് ജനങ്ങൾ.
@ റോഡ് മുറിച്ചു കടക്കാൻ സംവിധാനം വേണം
ദേശീയപാത പൂർണ്ണമായും പ്രവർത്തനസജ്ജമാകുമ്പോൾ നിരവധി ചോദ്യങ്ങൾ ഇപ്പോഴും ഉയരുന്നുണ്ട്. വേണ്ട രീതിയിൽ റോഡ് മുറിച്ചു കടക്കാൻ സംവിധാനം ഇല്ലാതാകുന്നുവെന്നതാണ് പ്രധാനപരാതി. അണ്ടർപാസും ഓവർ ബ്രിഡ്ജുമുള്ള സ്ഥലങ്ങളിൽ മാത്രമേ ജനങ്ങൾക്ക് ഇത്തരത്തിൽ പാത മറികടക്കാൻ സാധിക്കൂ ഇത് ഈ ഭാഗങ്ങളിൽ ജനങ്ങൾക്ക് വലിയ ബുദ്ധിമുട്ട് നൽകും. പല ഭാഗങ്ങളും രണ്ട് അറ്റത്തായി മാറും. ഇത്തരം പ്രശ്നങ്ങൾ ഉയർത്തുന്ന ആശങ്കകൾ കൂടി പരിഹരിച്ചാൽ പൊതുജനങ്ങൾക്ക് ഹൈവേ നിർമ്മാണം കൂടുതൽ സൗകര്യമാകും.
