#ശിവാഷ്ടകം🙏🙏
പ്രഭും പ്രാണനാഥം വിഭും വിശ്വനാഥം ജഗന്നാഥനാഥം സദാനന്ദഭാജാം
ഭവദ്ഭവ്യഭൂതേശ്വരം ഭൂതനാഥം ശിവം ശങ്കരം ശംഭുമീശാനമീഡേ
ഗളേ രുണ്ഡമാലം തനൌ സർപ്പജാലം മഹാകാലകാലം ഗണേശാദിപാലം
ജടാജൂട ഗംഗോത്തരങ്ഗൈർവിശാലം ശിവം ശങ്കരം ശംഭുമീശാനമീഡേ
മുദാമാകരം മണ്ഡനം മണ്ഡയന്തം മഹാമണ്ഡലം ഭസ്മഭൂഷാധരം തം
അനാദിഹ്യപാരം മഹാമോഹമാരം ശിവം ശങ്കരം ശംഭുമീശാനമീഡേ
തടാധോ നിവാസം മഹാട്ടാട്ടഹാസം മഹാപാപനാശം സദാസുപ്രകാശം
ഗിരീശം ഗണേശം സുരേശം മഹേശം സുരേശം ശിവം ശങ്കരം ശംഭുമീശാനമീഡേ
ഗിരീന്ദ്രാത്മജാസംഗ്രഹീതാർദ്ധദേഹം ഗിരൌ സംസ്ഥിതം സർവദാപത്ര ഗേഹം
പരബ്രഹ്മബ്രഹ്മാദിഭിർ വന്ധ്യമാനം ശിവം ശങ്കരം ശംഭുമീശാനമീഡേ
കപാലം ത്രിശൂലം കരാഭ്യാം ദധാനം പദാംഭോജ നമ്രായ കാമം ദദാനം
ബലീവർദ്ധമാനം സുരാണാം പ്രധാനം ശിവം ശങ്കരം ശംഭുമീശാനമീഡേ
ശരച്ചന്ദ്രഗാത്രം ഗണാനന്ദ പാത്രം ത്രിനേത്രം പവിത്രം ധനേശസ്യ മിത്രം
അപർണാകളത്രം സദാ സച്ചരിത്രം ശിവം ശങ്കരം ശംഭുമീശാനമീഡേ
ഹരം സർപ്പഹാരം ചിതാ ഭൂവിഹാരം ഭവം വേദസാരം സദാ നിർവികാരം
ശ്മശാനേ വസന്തം മനോജം ദഹന്തം ശിവം ശങ്കരം ശംഭുമീശാനമീഡേ
സ്വയം യഃ പ്രഭാതേ നരശ്ശൂലപാണേ പഠേത് സ്തോത്രരത്നം ത്വിഹപ്രാപ്യരത്നം
സുപുത്രം സുധാന്യം സുമിത്രം കളത്രം വിചിത്രൈസ്സമാരാധ്യ മോക്ഷം പ്രയാതി
ഓം നമഃശ്ശിവായ..
No comments:
Post a Comment