കോർപ്പറേഷൻ റോഡരികിൽ സ്ഥാപിച്ചിട്ടുള്ള മിനി എം.സി.എഫിൽ മാലിന്യങ്ങൾ കുന്നുകൂടിയിട്ടും അധികൃതർ കണ്ട മട്ടില്ല.

കൊട്ടിയം : കോർപ്പറേഷൻ റോഡരികിൽ സ്ഥാപിച്ചിട്ടുള്ള മിനി എം.സി.എഫിൽ മാലിന്യങ്ങൾ കുന്നുകൂടിയിട്ടും അധികൃതർ കണ്ട മട്ടില്ല. ഇത് സ്ഥാപിച്ചിരിക്കുന്നതിനടുത്തുള്ള വീടുകളിലെ രോഗികളടക്കമുള്ളവർ ദുർഗന്ധവും, പ്രാണികളെയും കൊണ്ട് വീർപ്പുമുട്ടുകയാണ്. ദേശീയ പാതയിൽ പഴയാറ്റിൻകുഴിക്കടുത്ത് വിമലഹൃദയ സ്കൂൾ ജംഗ്ഷനിലാണ് റോഡരികിലായി മിനി എം.സി.എഫ് വച്ചിട്ടുള്ളത്. ഇതിൽ നിറയെ മാലിന്യങ്ങൾ നിറച്ച ചാക്കുകളാണ്. വഴിയാത്രക്കാർ ഇതിനടുത്തായാണ് മാലിന്യങ്ങൾ തള്ളുന്നത്.എം-സി.എഫിന് ചുറ്റും മാലിന്യങ്ങൾ കുന്നുകൂടിയതോടെ കഴിഞ്ഞ കുറെ ദിവസം മുമ്പ് നാട്ടുകാർ മാലിന്യങ്ങൾ കുഴിച്ചുമൂടിയിരുന്നു.എം.സി.എഫിൽ നിറഞ്ഞിരിക്കുന്ന മാലിന്യങ്ങൾ അടിയന്തിരമായി നീക്കം ചെയ്യണമെന്ന ആവശ്യവുമായി പ്രദേശത്തെ റസിഡൻ്റ്സ് അസോസിയേഷനുകളും രംഗത്തെത്തിയിട്ടുണ്ട്.  

ചിത്രം: എം.സി.എഫിൽ നിറഞ്ഞിരിക്കുന്ന മാലിന്യങ്ങൾ