ഹൃദയാഘാതമുണ്ടായസുരക്ഷാ ജീവനക്കാരന്റെജീവൻ രക്ഷിച്ച് പള്ളിത്തോട്ടം പോലീസ്

 ഹൃദയാഘാതമുണ്ടായസുരക്ഷാ ജീവനക്കാരന്റെ

ജീവൻ രക്ഷിച്ച് പള്ളിത്തോട്ടം പോലീസ്

കൊല്ലം : ഹൃദയാഘാതമുണ്ടായി നിലത്തുവീണു കിടന്ന സുരക്ഷാ ജീവനക്കാരന്റെ ജീവൻ രക്ഷിച്ച് നൈറ്റ് പട്രോളിംഗ് നടത്തിയ രണ്ടംഗ പോലീസ് സംഘം. കൊല്ലംപള്ളിത്തോട്ടം പോലീസ് സ്റ്റേഷനിലെ പോലീസ് പെട്രോളിംഗ് ഡ്യൂട്ടിയിലുണ്ടായിരുന്ന എ എസ് ഐ എ .സി . രാജേഷ് കുമാർ, സി പി ഒ ദീപക് എന്നിവരാണ് ജീവൻ രക്ഷാപ്രവർത്തനം നടത്തിയത്.

കഴിഞ്ഞ ഞായറാഴ്ച പുലർച്ചേ ഒരു മണിയോടെ ഇവർ  പള്ളിത്തോട്ടം സ്റ്റേഷൻ പരിധിയിലെ കൊല്ലം ഡിഫോർട്ട് ഹോട്ടലിൽ ഉടമസ്ഥയിലുള്ള കടൽ ഫൈനാൻസ് എന്നസ്ഥാപനത്തിന്റെ മുന്നിലെത്തി. ബീറ്റ് ബുക്കിൽ ഒപ്പിടാനുള്ള സമയമായിരുന്നു.നല്ല മഴയുമായിരുന്നു. സുരക്ഷാ ജീവനക്കാരനെ സ്ഥിരം ഇരിക്കാറുള്ള സ്ഥാനത്ത് കണ്ടില്ല.നോക്കിയപ്പോൾ മഴയിൽ തറയിൽ വീണു കിടക്കുന്ന സുരക്ഷാ ജീവനക്കാരനെ കണ്ടു. ഉടൻ തന്നെ

പള്ളിത്തോട്ടം എസ് എച്ച് ഒ ഫയാസിനെ അറിയിച്ചു. കൊല്ലം കൺട്രോൾ റൂമിൽ അറിയിച്ച് ആംബുലൻസ് വിളിച്ചുവരുത്തി.

കുഴഞ്ഞുവീണു കിടന്നസുരക്ഷാ ജീവനക്കാരനായ മയ്യനാട് രേവതി ഹൗസിൽ രാജശേഖര (60) നെ ഉടനെതന്നെ കൊല്ലത്തെ

സ്വകാര്യാശുപത്രിയിൽ എത്തിച്ചു.

പ്രാഥമിക ചികിത്സ നടത്തി സ്കാനിംഗ് എടുത്തതിനുശേഷം മെഡിക്കൽ കോളേജിലേയ്ക്ക്

റഫർ ചെയ്ത് വിടുകയും ചെയ്തു.രാജശേഖരൻ ചികിത്സയിൽ കഴിയുകയാണ്.

സാധാരണ രണ്ടര മണിക്കാണ് പട്രോളിംഗ് സംഘം ഈ ഭാഗത്ത് എത്തേണ്ടത്. പോലീസുകാർ ഒരു മണിക്ക് എത്തിയതുകൊണ്ടാണ് രാജശേഖരന്റെ ജീവൻ രക്ഷിക്കാൻ കഴിഞ്ഞത്. സമയം വൈകിയിരുന്നെങ്കിൽ ജീവൻ തന്നെ അപകടത്തിലാകുമായിരുന്നു സിസിടി വി ദൃശ്യങ്ങൾ 

പരിശോധിച്ചപ്പോൾ

ഏഴര മണിക്ക് കുഴഞ്ഞുവീണ രാജശേഖരന്റെ ദൃശ്യങ്ങളാണ് കാണാൻ കഴിഞ്ഞത്.

 അഞ്ചു മണിക്കൂറോളം അവശനായി കിടക്കേണ്ടിവന്നു.

 രാജേഷ്കുമാറും

ദീപക്കും നൈറ്റ് ഡ്യൂട്ടി ചെയ്യുമ്പോൾ പല നല്ല കാര്യങ്ങൾ ചെയ്തിട്ടുണ്ട് രാജശേഖരന്റെ ജീവൻ രക്ഷപ്പെടുത്താൻ കഴിഞ്ഞതിൽ സന്തോഷമുണ്ടെന്ന് അവർ പറഞ്ഞു.

എ .സി .രാജേഷ് കുമാർ  സിനിമ - സീരിയൽ മേഖലയിൽ വർക്ക് ചെയ്യുന്ന ആൾ കൂടിയാണ്.പള്ളിത്തോട്ടം പോലീസ് സ്റ്റേഷനിലെ എസ് ഐ എസ് എച്ച് ഒ ഫയാസ് , മറ്റു പോലീസുകാരും  സ്ഥാപനത്തിന്റെ ഉടമയുംഅവരെ അഭിനന്ദനം അറിയിച്ചിട്ടുണ്ട്.