കർഷക കൂട്ടായ്മയിലൂടെ രാജ്യത്തിന്റെ കാർഷിക മേഖല സ്വയംപര്യാപ്തയിലെത്തണം - കേന്ദ്രമന്ത്രി വി.മുരളീധരൻ

കർഷക കൂട്ടായ്മയിലൂടെ രാജ്യത്തിന്റെ കാർഷിക മേഖല സ്വയംപര്യാപ്തയിലെത്തണം - കേന്ദ്രമന്ത്രി വി.മുരളീധരൻ

ചാത്തന്നൂർ:കർഷക കൂട്ടായ്മയിലൂടെ രാജ്യത്തിന്റെ കാർഷിക മേഖല സ്വയംപര്യാപ്തയിലെത്തണമെന്ന് 

കേന്ദ്ര വിദേശകാര്യ പാർലമെന്ററികാര്യ മന്ത്രി വി. മുരളീധരൻ പറഞ്ഞു.

ദേശിoഗനാട് ഫാർമർ പ്രൊഡ്യുസിംഗ് കമ്പനി ഉത്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.

കൊവിഡ് പ്രതിരോധകാലഘട്ടത്തിൽ പ്രധാനമന്ത്രിയുടെ സ്വാശ്രയ ഭാരതം (ആത്മനിർഭർ ഭാരത്‌ )

ആഹ്വാനപ്രകാരം രൂപം കൊണ്ട 

കർഷക കൂട്ടായ്മയായ

ഫാർമർ പ്രൊഡ്യുസിംഗ് കമ്പനികൾ കർഷകർക്ക് താങ്ങായി മാറികൊണ്ട് രാജ്യത്തിന്റെ കാർഷിക പുരോഗതിക്ക്‌ നിർണ്ണായക പങ്ക് വഹിക്കുമെന്ന് അദ്ദേഹം പറഞ്ഞു കർഷകനും കാർഷിക മേഖലയും നമ്മുടെ രാജ്യത്തിന്റെ അടിത്തറയാണ് അത് ബലപ്പെടുത്താൻ  ഫാർമർ പ്രൊഡ്യുസിംഗ് കമ്പനികളിലൂടെ കഴിയട്ടെയെന്ന് അദ്ദേഹം പറഞ്ഞു.

എൻ. കെ പ്രേമചന്ദ്രൻ. എം. പി ഷെയർസർട്ടിഫിക്കറ്റുകൾ വിതരണം ചെയ്തു.കമ്പനി ചെയർമാൻ എസ്. വി അനിത്ത്കുമാർ അധ്യക്ഷത വഹിച്ചു.

സിസ്സാ ജനറൽ സെക്രട്ടറി ഡോ. സി. സുരേഷ്കുമാർ പദ്ധതി വിശദീകരണം നടത്തി,

ഗ്രാമപഞ്ചായത്ത്‌ അംഗം ലീലാമ്മചാക്കോ ഇൻപുട്ട് സെന്റർ ഉത്ഘാടനം ചെയ്തു, യു ഡി എഫ് ജില്ലാ കൺവീനർ അഡ്വരാജേന്ദ്രപ്രസാദ് കസ്റ്റo കെയർ സെന്റർ ഉത്ഘാടനം ചെയ്തു.

കല്ലുവാതുക്കൽ ഗ്രാമപഞ്ചായത്ത്‌ പ്രസിഡന്റ്‌ എസ്. സുദീപ, സിസ്സാ ജില്ലാ കോ. ഓർഡിനേറ്റർ അഡ്വ.ആർ. എസ്. പ്രശാന്ത്,

അഗ്രികൾച്ചർ ഓഫിസർ മനോജ്‌ ലൂക്കോസ്,

ബിജെപി ജില്ലാ സെക്രട്ടറി എസ്. പ്രശാന്ത്, ഡി. സി സി ജനറൽ സെക്രട്ടറി സുഭാഷ് പുളിക്കൽ എന്നിവർ സംസാരിച്ചു.

ഡയറക്ടർ ബോർഡ് അംഗം ജയകുമാർ. ആർ സ്വാഗതവും സി ഇ ഒ. ടി.ആർ. രാഗേഷ് നന്ദിയും പറഞ്ഞു.

കെ എസ് ആർ ടി സി

 കാലത്ത് കേരളത്തിലെ പൊതു സമൂഹത്തിന് ഒരു താല്പര്യവുമില്ലാത്ത സർക്കാർ ജീവനക്കാരായിരുന്നു കെ എസ് ആർ.ടി.സി. ജീവനക്കാർ എന്തിനും ഏതിനും ജനങ്ങളുടെ മേൽ കുതിര കയറുന്ന സ്വഭാവം അക്കൂട്ടരിലും വ്യാപകമായിരുന്നു. യാത്രക്കാരായ ജനങ്ങൾ അന്നം നൽകുന്നവരാണ് എന്ന വിചാരമില്ലാതെ കോർപ്പറേഷനു വണ്ടികളും കുടുംബ സ്വത്തോ പതിച്ചു കിട്ടിയ സാമ്രാജ്യമോ എന്ന നിലയിലായിരുന്നു കെ.എസ്. ആർ ടി സിയിലെ ഉദ്യോഗസ്ഥ ദുഷ്പ്രഭുത്വം. കാലി സീറ്റുകൾ ഉണ്ടെങ്കിലും യാത്രക്കാരെ വണ്ടിയിൽ കയറ്റാ തിരിക്കുക, സ്റ്റോപ്പുകളിൽ വണ്ടി നിർത്താതെ ജനത്തെ ഓടിച്ചു രസിക്കുക തുടങ്ങിയ വിനോദങ്ങളിൽ അഭിരമിക്കുനവർ ചെ സംഖ്യ ഒന്നു മായിരുന്നില്ല കോർപ്പറേഷനിൽ ആരെങ്കിലും അതിനൊക്കെ എതിരെ വിരൽ ചൂണ്ടുകയും ശബ്ദമുയർത്തുകയും ചെയ്താൽ യൂണിയനുകളുടെ കാടൻ പിന്തുണയോടെ ജനത്തെ കൈകാര്യം ചെയ്യാനും അക്കൂട്ടർക്ക് തെല്ലും മടിയുമുണ്ടായിരുന്നില്ല.

ഇങ്ങനെ ട്രേഡ് യൂണിയൻ ഗുണ്ടായിസവും, അഹന്തയും കട്ടുമുടിയ്ക്കലും എല്ലാം കൊണ്ടു മുടിഞ്ഞു വെണ്ണീറായ തറവാടാണ് കെ. എസ്. ആർ.ടി.സി. എന്ന വെള്ളാന കോർപറേഷനെ തുലച്ച ക്രീമിനൽ സ്വഭാവമുള്ള ജീവനക്കാരുടെ ദുഷ് ചെയ്തികളുടെ ഫലമനുഭവിക്കുകയാണ് ജീവനക്കാരുടെ പുതു തലമുറ, ജോലി ചെയ്താൽ ശമ്പളമില്ല. ഓണത്തിനും വിഷുവിനും പട്ടിണി. ഡീസൽ വാങ്ങാൻ പോലും കാശില്ല. തിരുവോണത്തിന് കെ.എസ്. ആർ.ടി.സി. ജീവ നക്കാർക്ക് പട്ടിണിയോണമായിരുന്നിട്ടും പൊതു സമൂഹത്തിന് വലിയ നൊമ്പരമെന്നും തോന്നാതിരുന്നത് തീർച്ചയായും മുൻ കാലങ്ങളിൽ ഇവരിൽ നിന്നും ഉണ്ടായിട്ടുള്ള ദുരനുഭവങ്ങൾ മൂലമാണ്. കോർപറേഷൻ ജീവനക്കാരോട് പൊതുജനത്തിന് വലിയ അനുകമ്പയൊന്നുമില്ല എന്ന ബോധ്യം സംസ്ഥാന സർക്കാരിനുമുണ്ട്. അതുകൊണ്ടു കൂടിയാണ് സർക്കാർ തങ്ങളുടെ ആവശ്യങ്ങൾക്കു നേരെ ബധിരകർണ്ണ നിലപാട് സ്വീകരിക്കുന്നതെന്ന് ജീവനക്കാരിലെ പുതുതലമുറ എങ്കിലും മനസ്സിലാക്കേണ്ടതുണ്ട്. കെ.എസ്. ആർ.ടി സി. ജീവനക്കാരോട് എന്തെ ങ്കിലും ആഭിമുഖ്യം ആരെങ്കിലും കാട്ടിയിട്ടുണ്ട്. എങ്കിൽ അത് മാധ്യമങ്ങളാണ്. ഞങ്ങൾ തന്നെ ജീവനക്കാരുടെ പക്ഷത്തു നിന്ന് ആറോ ഏഴോ മുഖപ്രസംഗങ്ങൾ എഴുതിയിട്ടുണ്ട്. ഇത്തരം മാധ്യമ ഇടപെടലുകളിലൂടെ ജനത്തിന് ചെറിയൊരു അനുകമ്പയൊക്കെ ഉണ്ടായി വന്നിട്ടുമുണ്ട്. എന്നാൽ അതൊക്കെ തകിടം മറിക്കുന്ന തരത്തിലെ ഗുണ്ടായിസമാണ് ഇന്നലെ കാട്ടാക്കട യിൽ നടന്നത്. കൺസഷൻ ടിക്കറ്റ് പുതുക്കാൻ വന്ന മകൾക്ക് ഒപ്പം ഉണ്ടായിരുന്ന പിതാവിനെ

എന്തിന്റെ പേരിലായാലും മുറിക്കുള്ളിലേക്ക് വലിച്ചിഴച്ചു കൊണ്ടുപോയി മർദ്ദിക്കാൻ അവിടുത്തെ ജീവനക്കാർ ആരാണ്? ഗുണ്ടകളോ ? ഇവരുടെ പിതാമഹന്മാർ പിതൃസ്വത്തായി പതിച്ചു കൊടുത്തതാണോ എന്തു തെമ്മാടിത്തവും കാട്ടാൻ കെ.എസ്. ആർ.ടി. സി ഈ പൊതു മേഖലാ സ്ഥാപനത്തെ മുച്ചൂടും മുടിച്ച് അന്തക വിത്തുകളായ ഗുണ്ടകളിൽ കുറെപ്പേർ ഇനിയും കോർപ്പറേഷനിൽ ബാക്കിയുണ്ട് എന്നതിന് ഇതി ലേറെ തെളിവുകൾ വേണ്ടതില്ല. കോടതിയുടെ കർശനമായ ഉത്തരവുകളെ തുടർന്ന് സർക്കാർ കുറച്ചു പണം ശമ്പളമായി നൽകിയതു

കൊണ്ട് കഴിച്ച ആഹാരം എല്ലിനിടയിൽ കയറി കുത്താൻ തുടങ്ങിയ സാമൂഹ്യ വിരുദ്ധർ കെ.എസ്. ആർ.ടി.സിയിൽ ഇനിയും ബാക്കിയുണ്ട് എങ്കിൽ അത്തരം തെമ്മാടികളെ അടിച്ചു പുറത്തുകളയേണ്ടത് മാനേജ്മെന്റോ സർക്കാരോ ആണെന്ന് ഞങ്ങൾ പറയില്ല. കഷ്ടപ്പെട്ട് പരീക്ഷ എഴുതി തൊഴിൽ നേടിയ, മാന്യമായി പെരുമാറുന്ന, അർപ്പണബുദ്ധിയോടെ ജോലി ചെയ്യുന്ന പുതിയ ജീവനക്കാരാണ് അത്ചെയ്യേണ്ടത്. ഇത്തരം അസുര വിത്തുകളെ വളരാൻ വിട്ടാൽ അത് തങ്ങളുടെ കഞ്ഞി കുടി മുട്ടിയ്ക്കും എന്ന് നല്ലവരായ ജീവനക്കാർ തിരിച്ചറിയണം.

തന്റെ കൺമുന്നിൽ പിതാവിനെ ചവിട്ടിക്കൂട്ടുന്നതു കണ്ട രേഷ്മ എന്ന ആ വിദ്യാർത്ഥിനിക്ക് ഇന്നലെ പരീക്ഷ എഴുതാൻ കഴിഞ്ഞില്ല. തന്റെ പിതാവിനെ തല്ലരുത് എന്ന അവളുടെ നിലവിളിക്കു പോലും ചെവി കൊടുക്കാതിരുന്ന ഗുണ്ടകളെ ഇനി പാർപ്പിക്കേണ്ടത് സെൻട്രൽ ജയിലിലാണ് എന്ന് സംസ്ഥാന സർക്കാരും തിരുമാനമെടുക്കണം. ഗുണ്ടകളായ കോർപ്പറേ ഷൻ ജീവനക്കാർക്കു നേരേ ഇന്നലെ വേഷ എന്ന കൊച്ചു പെൺകുട്ടി ചൂണ്ടിയ വിരൽ ഒറ്റയ്ക്കാണ് എന്ന് കരുതരുത്. ലക്ഷങ്ങൾ ഒപ്പം ചേരാനുണ്ട്. ആ ചൂണ്ടു വിരലുകളുടെ പ്രഹരശേഷിയെ അതിജീവിക്കാൻ കോർപ്പ റേഷനു കഴിയില്ല എന്ന ബോധ്യം മുഴുവൻ ജീവനക്കാർക്കും നിശ്ചയമായും ഓർമ്മയിലുണ്ടായിരിക്കണം.

തമിഴ്‌നാട്ടില്‍ നിന്ന് കുട്ടിയെ തട്ടിക്കൊണ്ടുവന്ന യുവാവ് വീട്ടില്‍ മരിച്ചനിലയില്‍

തമിഴ്‌നാട്ടില്‍ നിന്ന് കുട്ടിയെ തട്ടിക്കൊണ്ടുവന്ന യുവാവ് വീട്ടില്‍ മരിച്ചനിലയില്‍

പരവൂർ : തമിഴ്നാട്ടിൽനിന്നും കുട്ടിയെ തട്ടിക്കൊണ്ടുവന്ന യുവാവിനെ വീട്ടിൽ തൂങ്ങിമരിച്ച നിലയിൽ കണ്ടെത്തി.

പൂതക്കുളം വേപ്പിൻമൂട്  ബി.ആർ.ഭവനത്തിൽ രാകേഷിനെയാണ് ഇന്നലെ രാവിലെ വീടിനു മുകളില്‍ തൂങ്ങി മരിച്ച നിലയില്‍ കാണുന്നത്

തമിഴ്നാട്ടിലെ തിരുപ്പൂരിൽ നിന്നും കുട്ടിയെ കടത്തിക്കൊണ്ടു വന്ന കേസിൽ ഇയാളെ തിരുപ്പൂർ പൊലീസിന്റെ നിർദ്ദേശാനുസരണം പരവൂർ പൊലീസ് തിരച്ചിൽ നടത്തുന്നതിനിടയിലാണ് രാകേഷിനെ മരിച്ച നിലയിൽ കണ്ടെത്തുന്നത്.

ഇയാൾ തട്ടിക്കൊണ്ടുവന്ന കുട്ടിയെ തമിഴ്നാട് പോലീസെത്തി തിരികെ കൊണ്ടുപോയി.

കേരളത്തിലും തമിഴ്നാട്ടിലും കെട്ടിടനിർമാണ ജോലികൾ കരാറെടുത്ത് നടത്തുന്നയാളാണ് രാകേഷ്, തമിഴ്നാട്ടിലെ തിരുപ്പൂരിലും ഇയാൾ ജോലി ചെയ്തിരുന്നു. ഇതുമായി ബന്ധപ്പെട്ട ചില സാമ്പത്തിക തർക്കങ്ങളുടെ പേരിലാണ് തിരുപ്പൂർ സ്വദേശിയായ 14 കാരനെ ഇയാൾ തട്ടിക്കൊണ്ടുവന്നതെന്നാണ് വിവരം.

വെള്ളിയാഴ്ച വൈകിട്ടാണ് രാകേഷ് കുട്ടിയുമായി കൊല്ലത്ത് എത്തിയത്. തുടർന്ന് വീടിന് പിറകിലെ ഷെഡ്ഡിൽ കുട്ടിയെ കെട്ടിയിടുകയായിരുന്നു. അതിനിടെ, തിരുപ്പൂർ പോലീസ് രാകേഷിനായി അന്വേഷണം ആരംഭിക്കുകയും വിവരം കൊല്ലം പരവൂർ പോലീസിനെ അറിയിക്കുകയും ചെയ്തു. ഇതനുസരിച്ച് കഴിഞ്ഞദിവസം രാത്രി പരവൂർ പോലീസ് രാകേഷിന്റെ വീട്ടിലെത്തിയെങ്കിലും കുട്ടിയെ കണ്ടെത്താനായില്ല.

മണിക്കൂറുകൾക്ക് ശേഷം ശനിയാഴ്ച പുലർച്ചെയോടെ രാകേഷിന്റെ വീടിന് സമീപത്തെ ബസ് സ്റ്റോപ്പിൽനിന്നാണ് കുട്ടിയെ കണ്ടെത്തിയത്. കുട്ടി ബസ് സ്റ്റോപ്പിൽ ഇരിക്കുന്നത് കണ്ട നാട്ടുകാർ വിവരം തിരക്കിയതോടെയാണ് തന്നെ തട്ടിക്കൊണ്ടുവന്നതാണെന്ന് 14-കാരൻ വെളിപ്പെടുത്തിയത്.  ഇതോടെ നാട്ടുകാർ പോലീസിനെ വിവരം അറിയിച്ചു. തുടർന്ന് പോലീസെത്തി രാകേഷിന്റെ വീട്ടിൽ പരിശോധന നടത്തിയപ്പോളാണ് ഇയാളെ തൂങ്ങിമരിച്ച നിലയിൽ കണ്ടത്.

തട്ടിക്കൊണ്ടുവന്നു എന്നു പറയപ്പെടുന്ന കുട്ടിയുടെ പിതാവുമായി സാമ്പത്തിക ഇടപാടുകൾ ഉണ്ടായിരുന്നു. ഇത് തിരികെ കിട്ടാൻ പലവിധ ശ്രമങ്ങൾ നടത്തിയിട്ടും വിജയിക്കാത്തതിനെ തുടർന്ന് കുട്ടിയെ തട്ടിക്കൊണ്ട് വന്നതാണെന്നാണ് പോലിസ് പറയുന്നത്.

അതിനിടെ, തിരുപ്പൂരിൽ നിന്നെത്തിയ ഒരു എ.എസ്.ഐ.യും കോൺസ്റ്റബിളും കൊല്ലത്തുനിന്ന് കുട്ടിയെ തിരികെകൊണ്ടുപോയി. സംഭവത്തിൽ

വിശദമായ അന്വേഷണം

നടത്തിവരികയാണെന്ന് പരവൂർ പോലീസും അറിയിച്ചു.പൊലീസും വിരലടയാള വിദഗ്ദ്ധരും സ്ഥലത്തെത്തി ഇൻക്വസ്റ്റ് പൂർത്തിയാക്കി മൃതദേഹം പോസ്റ്റ്മോർട്ടത്തിനായി കൊല്ലം മെഡിക്കൽ കോളജ് ആശുപത്രിയിലേക്ക് മാറ്റി.

ഫോട്ടോ: രാകേഷ് 

             

ശ്രീമതി_പിച്ചമ്മാൾ

#ശ്രീമതി_പിച്ചമ്മാൾ..

#ഗുരുദേവന്_ആദ്യം_ഓലക്കുടിൽ

#കെട്ടിനൽകിയത്_ഇവരാണ്

ഗുരുദേവ തൃപ്പാദങ്ങൾ അരുവിപ്പുറം തപസ്സുകാലത്ത് ... കേട്ടറിഞ്ഞ് തേടിച്ചെന്നു കണ്ട നെയ്യാറ്റിൻകര PWD ഓവർസിയറായിരുന്ന S കുമാരപിള്ളയുടെ സഹധർമ്മിണിയാണ് പിച്ചമ്മാൾ.

 ഗുരുദേവന് ആദ്യം ഓലക്കുടിൽ കെട്ടിനൽകിയത് ഇവരാണ്...ഭൈരവൻശാന്തിയെ ഗുരുദേവൻ അരുവിപ്പുറത്തേക്ക് കൂട്ടിക്കൊണ്ടുവന്നപ്പോൾ ഇവരുടെ വീട്ടിലാണ് താമസിപ്പിച്ചത്. ഗുരുവിന് സമയമറിഞ്ഞ് ആഹാരവും കൊടുത്തയച്ചിരുന്നു.

  രോഗമുക്തി, സന്താനലബ്ധി,വിദ്യായോഗം, ഉദ്യോഗലബ്ധി,ബാധ മുക്തി, തുടങ്ങിയ കാര്യങ്ങളിൽ സ്വന്തം കുടുംബത്തും

നാട്ടിലും ഉണ്ടായ ഗുരുദേവാനുഗ്രഹങ്ങൾക്കെല്ലാം ഇവർ

നേർസാക്ഷികളായിരുന്നു.

  ഗുരുവിന്റെ അത്തരം അത്ഭുതകഥകളുടെ കലവറയായിരുന്നു അവർ. അവരുടെ വർണ്ണനകൾ കേൾക്കുമ്പോൾ നേരിട്ടനുഭവിച്ചതുപോലെ ശ്രോതാക്കൾക്ക് തോന്നിയിരുന്നു. നിറകണ്ണുകളോടെയാണ് കുമാരനാശാനടക്കമുള്ളവർ അതുകേട്ടിരുന്നത്. അതൊന്നും ആരും കുറിച്ചു വയ്ക്കാതിരുന്നത്

വലിയ നഷ്ടമായി...

 രണ്ടു മക്കളുണ്ടായതിനു ശേഷം ഗുരുദേവൻ നൽകിയ പ്രസാദത്താൽ 13 വർഷത്തിനുശേഷം ഒരു പെൺകുഞ്ഞു

പിറന്നു- #നാരായണി!

ഒരിക്കൽ തിരുവനന്തപുരത്തുവച്ച് ഗുരുദേവാജ്ഞയാൽ വിളിച്ച സ്ത്രീ സമാജത്തിൽ അദ്ധ്യക്ഷയാകേണ്ടിയിരുന്ന

ആൾ വരാതിരുന്നപ്പോൾ ഗുരുകൽപ്പനയനുസരിച്ച് പിച്ചമ്മാളാണ് അദ്ധ്യക്ഷയായത്.

 അന്നു കുട്ടിയായിരുന്ന നാരായണിയെ നോക്കി തൃപ്പാദങ്ങൾ ഇങ്ങനെ കല്പിച്ചു...ഇവൾ വളരുമ്പോൾ ഇങ്ങനെയുള്ള കാര്യങ്ങൾ നോക്കിക്കൊള്ളുമെന്ന് ...

അവർ വളർന്നപ്പോൾ പൊതുപ്രവർത്തകയും10 വർഷത്തോളം നിയമസഭാമെമ്പറായിരിക്കയും ചെയ്തു.

ശാരദാ മഠത്തിന്റെ രജതജൂബിലിക്ക് നടത്തിയ സ്ത്രീ സമാജത്തിൽ അദ്ധ്യതവഹിച്ചത് നാരായണിയായിരുന്നു...

1915-ൽ കുമാരപിള്ള അന്തരിച്ച ശേഷം, 1917-ൽ കന്നുംപറയിൽവച്ച് പിച്ചമ്മാൾ ഗുരുദേവനിൽ നിന്ന് മന്ത്രോപദേശം

നേടി ഗൃഹസ്ഥശിഷ്യയായി.

1104 കന്നി 5-ന് തിരുവനന്തപുരത്തായിരുന്ന പിച്ചമ്മാൾക്ക് ഗുരുദേവനെ കാണണമെന്ന് ഉൾവിളി തോന്നുകയും ശിവഗിരിയിലെത്തിയപ്പോഴേക്കും ഗുരുദേവൻ മഹാസമാധി അടയുകയും ചെയ്തിരുന്നു.

  അവർ ഗുരുവിനെ നമസ്കരിച്ചതു കണ്ടു നിന്നവർക്ക് രോമാഞ്ചമനുഭവപ്പെട്ടു! സമാധിയിരുത്തൽ ചടങ്ങുകളിലെല്ലാം അവർ പങ്കാളിയായി.

  പിച്ചമ്മാളിന്റെ സഹോദരീപുത്രനായ ഡോ.G.0. പാലിന്റെ ദന്താശുപത്രി ഗുരുദേവന്റെ പല്ല് ക്ലീൻ ചെയ്താണ് തുടങ്ങിയത്.പിന്നീട് ഗുരുവിന്റെ ഇളകിയ ഒരു പല്ലെടുത്തതും പാൽതന്നെ. അദ്ദേഹം സൂക്ഷിച്ചു വച്ച ആ പല്ലാണ് മുംബൈ

ഗുരുമന്ദിരത്തിൽ ദിവ്യമായി

സൂക്ഷിച്ചിരിക്കുന്നത്.

1945-ഡിസം.15-ന്

പിച്ചമ്മാൾ അന്തരിച്ചു.

ഭക്തോത്തമയ്ക്ക് ഗുരുവംശി ദുബായുടെ #പ്രണാമം...

കടപ്പാട്:

സ്വാമി ഗുരുപ്രകാശം

ജന്മഭൂമി വാർഷിക വരിസംഖ്യ ചേർക്കുന്നതിന് തുടക്കമായി

ജന്മഭൂമി വാർഷിക വരിസംഖ്യ ചേർക്കുന്നതിന് തുടക്കമായി 

ചാത്തന്നൂർ: ജന്മഭൂമി വാർഷിക വരിസംഖ്യയിൽ ദേശിoഗനാട് ഫാർമർ പ്രൊഡ്യുസിoഗ്‌ കമ്പനിയുടെ ഡയറക്ടർ ബോർഡ് അംഗങ്ങൾ വരിക്കാരായി.

ദേശിoഗനാട് കാര്യാലയത്തിൽ നടന്ന ചടങ്ങിൽ രാക്ഷ്ട്രീയ സ്വയം സേവക സംഘം പ്രാന്തിയ സഹ വ്യവസ്‌ഥ പ്രമുഖ് രാജൻകരൂർ കമ്പനി ചെയർമാൻ എസ്. വി. അനിത്തിനെയും ഡയറക്ടർ ബോർഡ് അംഗങ്ങളെയും അംഗങ്ങളാക്കി. സേവഭാരതി ചാത്തന്നൂർ പഞ്ചായത്ത്‌ സമിതി പ്രസിഡന്റ്‌ മധുകുമാർ അധ്യക്ഷതവഹിച്ചു.

ഫോട്ടോ: ജന്മഭൂമി വാർഷിക വരിസംഖ്യയിൽ ദേശിoഗനാട് ഫാർമർ പ്രൊഡ്യുസിoഗ്‌ കമ്പനിയുടെ ചെയർമാൻ എസ്. വി. അനിത്തിനെ രാക്ഷ്ട്രീയ സ്വയം സേവക സംഘം പ്രാന്തിയ സഹ വ്യവസ്‌ഥ പ്രമുഖ് രാജൻകരൂർ അംഗമാക്കുന്നു.

ജനജീവിതം താറുമാറാക്കി രാഹുൽ വരവ്

ജനജീവിതം താറുമാറാക്കി രാഹുൽ വരവ്

കൊല്ലം : കോൺഗ്രസ്‌ നേതാവ് രാഹുൽഗാന്ധി നയിക്കുന്ന ഭാരതീയ ജോഡോയാത്രയിൽ ജനജീവിതം താറുമാറായി കൊല്ലം - തിരുവനന്തപുരം ദേശീയപാത പൂർണ്ണമായും അനുബന്ധ റോഡുകൾ ഭാഗികമായും അടച്ചു പൂട്ടിയുള്ള യാത്രയിൽ ജനജീവിതം താറുമാറായി. ദേശീയപാതയിലൂടെയുള്ള കെ എസ് ആർ ടി സി ബസുകൾ നാമമാത്രമായി പ്രൈവറ്റ് ബസുകൾ സർവീസുകൾ വെട്ടികുറച്ചു വിദ്യാഭ്യാസ സ്ഥാപനങ്ങൾ തുറന്നുവെങ്കിലും വിദ്യാർത്ഥികൾ എത്തിയില്ല. രാവിലെ 7ന് ജില്ലാ അതിർത്തിയിൽ ആരംഭിച്ച ജാഥ ചാത്തന്നൂർ ജെ എസ് എം ജംഗഷന് സമീപമുള്ള ആഡിറ്റോറിയത്തിൽ പത്ത് മണിയോടെ എത്തി തുടർന്ന് വാഹനങ്ങൾ കൊണ്ട് ദേശീയപാത നിറഞ്ഞതോടെ ആംബുലൻസുകൾ അടക്കമുള്ള മെഡിക്കൽ സർവീസ്സുകൾ പോലും പോലിസ് വഴിതിരിച്ചു വിട്ടു. പഴുതടച്ച സുരക്ഷയെന്ന് പറഞ്ഞു കൊണ്ട് പോലിസ് സംവിധാനം പൂർണ്ണമായും ജോഡോ യാത്രയ്ക്ക് സുരക്ഷയൊരുക്കിയപ്പോൾ ജില്ലയിലെ പോലിസ് സംവിധാനം താറുമാറായി.

@ ആഡിറ്റോറിയം രാഹുലും സംഘവും കൈയ്യടക്കിയപ്പോൾ ജാഥയായി വന്ന കോൺഗ്രസ്‌ പ്രവർത്തകർ പന്തലിൽ അഭയം തേടി സുരക്ഷയ്ക്ക് വന്ന പോലിസ് ഉദ്യോഗസ്ഥരും ദൃശ്യപത്രമാധ്യമ പ്രവർത്തകരും വഴിയാധാരമായി. പോലിസ് ഉദ്യോഗസ്ഥർ റോഡ് സൈഡിലെ വീടുകളിൽ അഭയം തേടി മൂന്ന് മണിക്കൂർ യാത്ര കഴിഞ്ഞു ആറു മണിക്കൂർ റസ്റ്റ്‌ എന്ന പതിവ് പോളിസിയിൽ രാഹുൽഗാന്ധി മാറിയപ്പോൾ അണികളും സെക്യുരിറ്റി ഉദ്യോഗസ്ഥരും പോലിസ് സംവിധാനവും എല്ലാം വലഞ്ഞു.

@ അടുക്കും ചിട്ടയും ഇല്ലാതെ മുന്നിൽ രാഹുൽഗാന്ധിയും രാഹുലിനെ കേന്ദ്രീകരിച്ചു നേതാക്കളും അണികളും നീങ്ങിയതോടെ രാഹുൽഗാന്ധിയ്ക്ക് ചുറ്റും അണിനിരന്ന നേതാക്കളുടെ കൂട്ടമായി ജോഡോയാത്ര മാറി.

കോൺഗ്രസ്‌ പ്രവർത്തകരുടെ ഒരു കൂട്ടമായി ജാഥ മാറി നടക്കാൻ അണികളും ഇല്ല കാണാൻ കാഴ്ചക്കാരും ഇല്ലാതായതോടെ 

 ജോഡോയാത്ര പ്രാദേശികമായി യാതൊരു ചലനവും ഉണ്ടാക്കാൻ കഴിയാതെയായി എന്ന് അണികൾ വിലപിക്കുകയാണ്.

പരിശോധന വഴിപാടായി വ്യാജ കവര്‍ പാല്‍ സുലഭം

പരിശോധന വഴിപാടായി വ്യാജ കവര്‍ പാല്‍ സുലഭം

കൊല്ലം: ഓണതിരക്കിൽ ഉദ്യോഗസ്ഥ പരിശോധന വഴിപാടായി 

വിപണിയിൽ ഗുരുതര ആരോഗ്യപ്രശ്നങ്ങള്‍ സൃഷ്ടിക്കുന്ന വ്യാജ കവര്‍ പാലുകള്‍ സുലഭമായി. കഴിഞ്ഞ ഒരു മാസമായി ഓണവിപണിയിൽ ലക്ഷകണക്കിന് ലിറ്റർ പാലാണ് കൊല്ലം ജില്ലയിൽ മാത്രം ഒഴുക്കിയത് എന്ന് മലയാളികളായ ഡ്രൈവർമാർ പറയുന്നു. വിവിധ പേരുകളിൽ ഫാം ഹൗസ്, പാല്‍ സംഭരണ കേന്ദ്രം തുടങ്ങി ഉറവിടത്തെ സംബന്ധിച്ച് ഒരു സൂചനയുമില്ലാതെയാണ് പാല്‍ കവറുകള്‍ വിപണിയിലെത്തുന്നത്. ഇവയുടെ ഗുണനിലവാരം പരിശോധിക്കാന്‍ ആരോഗ്യവകുപ്പോ അനുബന്ധ അധികൃതരോ ഇതുവരെ തയ്യാറായിട്ടില്ല. തമിഴ് നാട്ടിൽ  നിന്നാണ് 

 പ്രധാനമായും കേരളത്തിലേക്ക് കവര്‍ പാല്‍ ഒഴുകുന്നത്. കൊല്ലം ചെങ്കോട്ട വഴിയും നെയ്യാറ്റിൻകര വഴിയും 

 സംസ്ഥാനത്ത് എത്തുന്ന പാല്‍വണ്ടികള്‍ ഒരുവിധ പരിശോധനയും നേരിടാതെയാണ് കടന്ന് വരുന്നത്. രാസവസ്തുക്കളില്‍ പാല്‍പ്പൊടി കലക്കിയാണ്  കവര്‍പാൽ എത്തുന്നത്. പാലിന്റെ ഗുണനിലവാരവും ഉല്‍പ്പാദനരീതിയും മുമ്പും മാധ്യമങ്ങള്‍ നിരവധിതവണ പുറത്തുകൊണ്ടുവന്നതാണ്. ആ സാഹചര്യത്തില്‍ പരിശോധന നടത്തുകയും നിരോധനം ഏര്‍പ്പെടുത്തുകയും ചെയ്തതല്ലാതെ തുടര്‍നടപടികളൊന്നുമുണ്ടായില്ല.

അതിർത്തി ഗ്രാമപ്രദേശങ്ങളിലാണ് ഇത്തരം വ്യാജന്മാരുടെ വിപണനം കൊഴുക്കുന്നത്. പുലര്‍ച്ചെ തുറക്കുന്ന കടകളിലാണ് ഈ പാല്‍ കൂടുതലും ഉപയോഗിക്കുന്നത്. സംഭരണകേന്ദ്രത്തില്‍നിന്നോ മില്‍മപോലുള്ള അംഗീകൃത ഏജന്‍സികളില്‍ നിന്നോ പാല്‍ വാങ്ങാന്‍ കഴിയാത്ത സാഹചര്യമാണ് ഇത്തരം മാഫിയകള്‍ മുതലാക്കുന്നത്. കൃത്രിമ പാലിന്റെ ഉല്‍പ്പാദനവും വിപണനവും ഉടന്‍ തടഞ്ഞില്ലെങ്കില്‍ ഒരു വലിയ വിഭാഗം ജനം ഗുരുതര ആരോഗ്യപ്രശ്നങ്ങള്‍ക്ക് ഇരകളാകേണ്ടിവരും.

@ കൃത്രിമ പാൽ നിർമ്മാണം ഇങ്ങനെ

വീടുകളിൽ ഉത്പാദിപ്പിക്കുന്ന നാടൻ പാലിനെ അപേക്ഷിച്ച് വ്യാജന് കൂടുതൽ കട്ടിയുണ്ടാകും എന്നതാണ് പ്രിയമേറാൻ പ്രധാന കാരണം. വ്യാജപാൽ നിർമ്മാണത്തിനായി ഷാമ്പൂ, റിഫെെൻ ഓയിൽ, ഗ്ലൂക്കോസ്, ആട്ടമാവ്, മിൽക്ക് പൗഡർ, സോഡാപ്പൊടി, ഏലക്കായ് തുടങ്ങിയ ചേരുവകൾ ചേർത്താണ് വ്യാജപാലിന്റെ നിർമ്മാണം. കുറഞ്ഞ വിലയ്ക്ക് ലഭിക്കുന്ന പാൽപ്പൊടിയും വെെറ്റ്നറും വെളളവും ചേർത്ത് കൃത്രിമ പാൽ നിർമ്മിക്കാൻ കഴിയുമെന്നും പറയുന്നു. ഇത്തരത്തിൽ നിർമ്മിക്കുന്ന വ്യാജപാൽ നോ‌ർത്ത് ഇന്ത്യൻ പലഹാരങ്ങളിൽ ഗണ്യമായി ഉപയോഗിക്കുന്നതായി പറയുന്നു.

 പിടിമുറുക്കി 'വ്യാജൻ"

പശുക്കളെ പരിപാലിക്കുന്നതിനുളള ചിലവേറിയതും ഗുരുതരമായ രോഗങ്ങൾ പിടിപെടുന്നതുമാണ് കർഷകർ പ്രധാനമായും ഈ മേഖല ഉപേക്ഷിക്കാൻ കാരണം. കൂടാതെ കാലി കർഷകർ വൻകിട കുത്തകകളുടെ ചൂക്ഷണത്തിന് വിധേയമാകുന്നതും നാട്ടിൻപുറങ്ങളിലെ ജീവിത നിലവാരം ഉയർന്നതും അവർ മറ്റ് ലാഭകരമായ തൊഴിൽ തേടിയുളള പ്രയാണത്തിനിടയിൽ കാലി വളർത്തൽ ഉപേക്ഷിക്കേണ്ടി വന്നതുമാണ് ഈ മേഖലയെ വ്യാജൻ കീഴ്പ്പെടുത്താൻ കാരണമായത്.

അയ്യങ്കാളിയുടെ ജന്മദിനാഘോഷം

ചാത്തന്നൂർ : അവശവിഭാഗങ്ങളുടെ പടനായകൻ അയ്യങ്കാളിയുടെ ഓർമകളിൽ നിറഞ്ഞ് ചാത്തന്നൂർ 

കെ പി എം എസ് ചാത്തന്നൂർ താലൂക്ക് യൂണിയന്റെ ആഭിമുഖ്യത്തിൽ അയ്യങ്കാളിയുടെ ജന്മദിനം  വിവിധ പരിപാടികളോടെ ആഘോഷിച്ചു. കെപിഎംഎസ് ശാഖാ കേന്ദ്രങ്ങളിലും സഭാംഗങ്ങളുടെ വീടുകളിലും പതാക ഉയർത്തി വൈകുന്നേരം അഞ്ചു മണിയോടെ തിരുമുക്കിൽ നിന്നും ആരംഭിച്ച അവിട്ടം ദിനഘോഷയാത്ര ചാത്തന്നൂർ അവസാനിച്ചു. തുടർന്ന് നടന്ന പൊതുസമ്മേളനം ജി. എസ്. ജയലാൽ എം എൽ എ ഉത്ഘാടനം ചെയ്തു. കെപിഎംഎസ്

സംസ്ഥാന കമ്മിറ്റി അംഗം എൽ. രാജൻ സഭസന്ദേശം നൽകി,യൂണിയൻ പ്രസിഡന്റ്‌ ആർ. പ്രകാശ് അധ്യക്ഷത വഹിച്ചു. ഗ്രാമപഞ്ചായത്ത്‌ പ്രസിഡന്റുമാരായ ടി. രാജു, ഷീലബിനു, പ്രശസ്ത കവി കെ. ജി. രാജു, പ്ലാക്കാട് ടങ്കു എന്നിവർ സംസാരിച്ചു.

യൂണിയൻ സെക്രട്ടറി ആർ. രാധാകൃഷ്ണൻ സ്വാഗതവും സൂരജ്. എ നന്ദിയും പറഞ്ഞു.

ഫോട്ടോ: മഹാത്മാ അയ്യൻകാളി ജയന്തിയുടെ ഭാഗമായി കെ പി എം എസ് ചാത്തന്നൂർ യൂണിയൻന്റെ നേതൃത്വത്തിൽ ചാത്തന്നൂരിൽ നടത്തിയ അയ്യൻകാളി ദിനാഘോഷത്തിന്റെ ഭാഗമായി നടന്ന ഘോഷയാത്ര.

ഫോട്ടോ:കെ പി എം എസ് ഘോഷയാത്രയിൽ പഞ്ചമിയുടെ കൈ പിടിച്ചു പോകുന്ന അയ്യൻകാളിയുടെ ഫ്ലോട്ട് 

ശ്രീ നാരായണ ഗുരുദേവ തൃപ്പാദങ്ങളുടെ 168 മത് തിരു അവതാരദിനം

ശ്രീ നാരായണ ഗുരുദേവ  തൃപ്പാദങ്ങളുടെ 168 മത്  തിരു അവതാരദിനം 

ശ്രീനാരായണ ഗുരുദേവന്റെ പരിപാവനമായ ജീവിതം കേരളത്തിന്റെ നവോത്ഥാന ചരിത്രമാണ്‌. ഒരു കാലഘട്ടത്തെയും ഒരു ജനതയെയും അറിവിന്റെ പ്രകാശപൂരിതമായ വഴിയിലേക്ക്‌ നയിക്കുകയായിരുന്നു ഗുരു തന്റെ ജീവിതത്തിലൂടെ  ചെയ്തത്.

നവോത്ഥാനത്തിന്റെ ദൂരക്കാഴ്ചയായി വിശ്വമാനവികതയുടെ മഹാസിദ്ധാന്തം ആവിഷ്കരിച്ച ഗുരുദേവൻ അറിവിന്റെ ആഴങ്ങളിലൂടെ  സൃഷ്ടിച്ച സാമൂഹ്യവിപ്ലവമാണ്‌ പില്‍ക്കാലത്ത്‌ കേരളത്തിലുണ്ടായ എല്ലാ പുരോഗമന പ്രസ്ഥാനങ്ങളുടെയും അടിസ്ഥാനശില.

ദേഹത്യാഗത്തോട്‌ കൂടി സാധാരണ മനുഷ്യരുടെ ജീവിതം അവസാനിപ്പിക്കുകയും മഹാപുരുഷന്മാരുടെ ജീവിതം ആരംഭിക്കുകയും ചെയ്യുന്നു എന്ന മഹര്‍ഷി അരവിന്ദന്റെ വാക്കുകള്‍ ഗുരുദേവനെ സംബന്ധിച്ച്‌ ശരിയാണന്ന്‌ വര്‍ത്തമാനകാലം സാക്ഷ്യപ്പെടുത്തുന്നു.

സ്സശരീരൻ ആയിരുന്നപ്പോഴും മഹാസമാധിയായതിന്‌ ശേഷവും ശ്രീ നാരായണ ഗുരുവിനെ പോലെ ഇത്രയേറെ ആരാധനക്കും പഠനത്തിനും പാത്രമായ മറ്റൊരു മഹദ്‌ വ്യക്തി ലോകത്തില്‍ തന്നെ അപൂര്‍വ്വമായിരിക്കും. കര്‍മ്മനിരതനായ ജ്ഞാനി എന്നാണ്‌ ഒരു പാശ്ചാത്യ ചിന്തകന്‍ അദ്ദേഹത്തെ വിശേഷിപ്പിച്ചത്‌. സാമൂഹികമായ അസന്തുലിതാവസ്ഥ ദൈവനിന്ദയായി ഗുരുദേവന്‍ കാണുകയും അതിനെതിരെ സ്നേഹത്തിന്റെയും സമന്വയത്തിന്റെയും പാതയിലൂടെ പട നയിക്കുകയുമായിരുന്നു.

ആരാധനാ സ്വാതന്ത്ര്യം നിഷേധിക്കപ്പെട്ടവര്‍ക്ക്‌ ക്ഷേത്രങ്ങളുണ്ടാക്കി ദൈവത്തെ തിരിച്ചുനല്‍കി. വിദ്യ നിഷേധിക്കപ്പെട്ടവര്‍ക്ക്‌ വേണ്ടി വിദ്യാലയങ്ങളാരംഭിച്ചു. വഴി നടക്കുവാനുള്ള പൗരസ്വാതന്ത്ര്യം ഉള്‍പ്പെടെ മനുഷ്യന്റെ മൗലികമായ അവകാശങ്ങള്‍ ഗുരു അവര്‍ക്ക്‌ ലഭ്യമാക്കി. കേരളത്തിന്റെ സാമൂഹ്യചരിത്രം മാറ്റിയെഴുതിയ ഒരു മഹാസംഭവമായിരുന്നു 1888ല്‍ അരുവിപ്പുറത്ത്‌ നടന്ന ശിവപ്രതിഷ്ഠ. നിലവിലുള്ള പൗരോഹിത്യ മേധാവിത്വത്തെ ധിക്കരിക്കുന്നരതോടൊപ്പം  കര്‍മ്മത്തിലൂടെ ബ്രാഹ്മണ്യം നേടാമെന്ന്‌ വെളിപ്പെടുത്തുകയായിരുന്നു ഗുരു.

ഗുരുവിന്റെ കൃതികള്‍, തത്വദര്‍ശനം, വെളിപാടുകള്‍, വിശദീകരണങ്ങള്‍, ഫലിത രൂപേണയുളള ഉപദേശങ്ങള്‍, നിര്‍ദ്ദേശങ്ങള്‍, എഴുതാപ്പുറങ്ങളായ മുഖകമലത്തില്‍ വിരിഞ്ഞ സന്ദേശങ്ങള്‍ ഇവയൊക്കെയാണ്  ശ്രീ നാരായണ ഗുരുദേവൻ  തന്റെ ദാര്‍ശനിക സത്യങ്ങള്‍ നമ്മെ ബോധ്യപ്പെടുത്തുവാൻ  തെരഞ്ഞെടുത്ത വഴികൾ .

ശ്രീ നാരായണ ഗുരുദേവൻ അവതാരം  പൂണ്ടു 168 വർഷങ്ങൾ  പിന്നിടുമ്പോഴും  ആനയെ കണ്ട  അന്ധരെ പോലെ ഗുരുദേവ  ദർശനത്തെ  വ്യാഖ്യാനിക്കുന്ന കാഴ്ചയാണ് നാം  ഇന്നും കണ്ടുകൊണ്ടിരിക്കുന്നത്. അതിനു മാറ്റം  ഉണ്ടാക്കാൻ ശ്രമിക്കുക  എന്നതാണ് ഓരോ ഗുരുദേവ ജയന്തി  ആഘോഷത്തിലൂടെയും നാം  ചെയ്യേണ്ടത്. അതിനുള്ള  മാർഗ്ഗം കണ്ടെത്തി നമുക്ക് ഗുരുവിന്റെ പാതയിലൂടെ  നമുക്ക് മുന്നേറാം.

ഏവർക്കും ഹൃദയം നിറഞ്ഞ  ഗുരുദേവ ജയന്തി  ആശംസകൾ.

എസ് എൻ വി സമാജത്തിന്റെ ചതയദിനാഘോഷം

എസ് എൻ വി സമാജത്തിന്റെ ചതയദിനാഘോഷം

പരവൂർ : എസ് എൻ വി സമാജത്തിന്റെ ആഭിമുഖ്യത്തിൽ നടന്ന ചതയദിനാഘോഷം  എസ് എൻ കോളേജ് മുൻ പ്രിൻസിപ്പൽ ഡോ. ജി. ജയസേനൻ ഉത്ഘാടനം ചെയ്തു. സമാജം പ്രസിഡന്റ്‌ സാജൻ അധ്യക്ഷത വഹിച്ചു.മുൻസിപ്പൽ കൗൺസിലർ രഞ്ജിത്ത്, സുവർണ്ണൻ പരവൂർ,എസ്. പ്രീത, മനീഷഭദ്രൻ, ജി. ശശിധരപണിക്കർ, കെ. ചിത്രാo ഗദൻ എന്നിവർ സംസാരിച്ചു വിദ്യാഭ്യാസ രംഗത്ത് മികച്ച വിജയം നേടിയ വിദ്യാർത്ഥികളെ യോഗത്തിൽ അനുമോദിച്ചു.

ഫോട്ടോ: എസ് എൻ വി സമാജത്തിന്റെ ചതയദിനാഘോഷം എസ് എൻ കോളേജ് മുൻ പ്രിൻസിപ്പൽ ഡോ. ജി. ജയസേനൻ ഉത്ഘാടനം ചെയ്യുന്നു.

ഗുരുനിന്ദയരുതെ... എല്ലാവർക്കും ചതയദിനാശംസകൾ

നമസ്തെ...

കാരംകോട് ശ്രീനാരായണ ഗുരുമന്ദിരം.. അടുത്ത വർഷം ഇ ഗുരുമന്ദിരം കാണില്ല.. പുതിയ സ്ഥലത്തേക്ക് മാറ്റി സ്ഥാപിക്കുമോ എന്നറിയില്ല... ഗുരുമന്ദിരകമ്മിറ്റിയും വെറും റബ്ബർ സ്റ്റാബ് കമ്മിറ്റി ആണ് യൂണിയൻ അസിസ്റ്റന്റ് സെക്രട്ടറിയുടെ...താളത്തിൽ തുള്ളുന്ന കമ്മിറ്റിയാണ്.. എല്ലാം രഹസ്യമാണ്... നാളിതുവരെ പൊതുജന സമക്ഷം ഒരു കണക്കും അവതരിപ്പിച്ചതായി അറിയില്ല...ഒരു പൊതുയോഗം വിളിക്കാൻ പോലും ഇവർക്ക് കഴിഞ്ഞിട്ടില്ല...ചോദിച്ചാൽ പറയും അത് ശാഖയുമായി ബന്ധമില്ല.. എന്ന്.. ഇക്കുറി കൊവിഡിന് ശേഷം വരുന്ന ചതയാഘോഷം ആണ്.. അത് ഇക്കുറി ഇല്ല.. യൂണിയൻ ഭരിക്കുന്ന രണ്ടoഗ ഊളകമ്മിറ്റിയ്ക്ക് ചതയം ദിനത്തിൽ ആഘോഷം നടത്താൻ പറ്റില്ല... ഭൂമി കുംഭകോണത്തിന്റെ കണക്കുകൾ ചോദിക്കും.. ഗുരുസ്വാമിയെ വിറ്റ കണക്കുകൾ ചോദിക്കും... യൂണിയനിൽ അസിസ്റ്റന്റ് ഊളയും സാരഥിയും ബ്രോക്കർ കാക്കയും ചേർന്ന് നടത്തിയ കണക്കിലെ കളികൾ ചോദിക്കും...അത് കൊണ്ട് ചതയാഘോഷം ക്യാൻസൽ ചെയ്തു...രാക്ഷ്ട്രീയക്കാരെ പരിപാടിയ്ക്ക് വിളിക്കില്ല എന്ന യൂണിയൻ നിലപാട് മാറ്റി തരം പോലെ ജാതിയും മതവും പറയുന്ന പ്രേമചന്ദ്രൻ. എം പിയെ ആനയിക്കുന്നു... (നിലപാടുകൾ മാറ്റുന്നത് തന്തയെ മാറ്റുന്നതിന് തുല്യമാണ് എന്ന് ഇ കമ്മിറ്റിക്കാർക്ക് ഒന്ന് പറഞ്ഞു കൊടുക്കുമോ)പ്രേമചന്ദ്രൻ രാക്ഷ്ട്രീയക്കാരൻ ആണ്...യു ഡി എഫിന്റെ പ്രതിനിധി.. ശരി അത് അവിടെ നിൽക്കട്ടെ...

@ ഒരാഴ്ച മുൻപ് വരിഞ്ഞത്ത് ശ്രീനാരായണ ഭക്ത മരിച്ചു... മഞ്ഞ പട്ടിടാൻ അവിടെഎത്തിയ കാരംകോട് ശാഖ പ്രസിഡന്റ്‌ കൂട്ടാക്കിയില്ല.. സെക്രട്ടറി വന്നതും ഇല്ല... മരണം അറിഞ്ഞില്ല എന്ന ന്യായവുമായി കമ്മ്യുണിസ്റ്റ് ഭക്തനായ സെക്രട്ടറിയും നടയ്ക്കൽ അച്ചിവീട്ടിൽ സ്ഥിരമായി താമസിക്കുന്ന യൂണിയന്റെ 

അസിസ്റ്റന്റ് ഊളയെ വിളിച്ചു പരാതി പറഞ്ഞപ്പോൾ അതിന്റെ കാര്യമില്ല എന്ന. മറുപടി ഫോൺ വഴി എത്തി...കാരണം ഗുരുദേവനെ വിൽക്കുന്ന പരിപാടിയാണ് ഇവനൊക്കെ.. റബ്ബർ സ്റ്റാമ്പ് കമ്മിറ്റിയാണ്.. കാരംകോട് ശാഖകമ്മിറ്റി... കാരംകോട് ശാഖയിൽ നിന്നും പിരിഞ്ഞുപോയ കണ്ണേറ്റ ശാഖ ചുരുങ്ങിയ നാൾ കൊണ്ട് ഉയരങ്ങളിൽ എത്തി...അതും അവിടെ നിൽക്കട്ടെ...കമ്മ്യുണിസ്റ്റ്കാരൻ എന്നും കമ്മ്യുണിസ്റ്റ് ആണ് ഗുരുസ്വാമിയെ അവർക്ക് ഉൾകൊള്ളാൻ കഴിയില്ല...മാത്രവുമല്ല.

പെന്തകോസ്ത് സഭക്കാർക്ക് ആളിനെ കൂട്ടികൊടുക്കുന്ന പരിപാടിയും ശാഖ ഭാരവാഹികൾക്ക് ഉണ്ട് അത് കാരംകോട് ശാഖ ഭാരവാഹികൾക്ക് ആണ്...അതാണ് കാര്യം...ഗുരുനിന്ദ അരുതെ എന്ന് പറയുബോഴും... അത് തന്നെ ആവർത്തിക്കുന്ന ഇവരെ എന്ത് വിളിക്കണം.. ഏവർക്കും ചതയദിന ആശംസകൾ..

NB:ചാത്തന്നൂർ യൂണിയൻ ഉണ്ടായ കാലം മുതൽ ഞാൻ മാധ്യമ രംഗത്ത് ഉണ്ട് ആദ്യം  ജന്മഭൂമിയിൽ.. അന്ന് മുതൽ ഇന്ന് വരെ എന്റെ പത്രത്തിൽ ഒരു വാർത്ത പോലും എഴുതാതിരിന്നിട്ടില്ല. ചതയം സപ്ലിമെന്റ് എല്ലാ ചതയത്തിലും ഒരു കമ്മീഷനും വാങ്ങാതെ എന്റെ പത്രത്തിൽ ഇറക്കിയിട്ടുണ്ട് യുണിയനിലെ രണ്ട് പേരെ ഭൂമി കുംഭകോണത്തിന്റെ പേരിൽ വിമർശിച്ചതിന്റെ പേരിൽ ഇപ്പോൾ വാർത്തകൾ തരില്ല പരിപാടികൾ അറിയിക്കില്ല... വിമർശനം പാടില്ല.....അതാണ്‌ നയം...@പറയാനുള്ളത് പറഞ്ഞാണ് ശീലം... ഇ മുകളിൽ വിമർശിച്ചതിലും എന്റെ അടുത്ത ബന്ധുക്കൾ ഉണ്ട്.. വിമർശനം ഉൾകൊള്ളാൻ തയ്യാറാകണം... എല്ലാവരെയും ഒന്നായി കാണണം.. അതാണ് ഗുരുസ്വാമി പറഞ്ഞിട്ടുള്ളതും... ഒരു ജാതി ഒരു മതം ഒരു ദൈവം മനുഷ്യന്. എല്ലാവർക്കും ഗുരുജയന്തി ആശംസകൾ..അരുൺസതീശൻ ചാത്തന്നൂർ

വിനയത്തോടെ പുൽക്കൊടി ആയി നിന്ന് ശുദ്ധമനസ്സിൽ വിശപ്പടക്കാൻ കഴിഞ്ഞാൽ അതും പുണ്യം തന്നെ... എല്ലാവർക്കും ഈശ്വര അനുഗ്രഹത്തോടെയുള്ള നല്ല ദിനം ആശംസിക്കുന്നു...ഏവർക്കും നന്മകൾ നേരുന്നു....ഓം നമഃ ശിവായ...

സത്യവും ധർമ്മവും നന്മയും സ്നേഹവും കൈമുതലായുള്ള വ്യക്തിത്വങ്ങൾക്ക്  കലികാലാധിഷ്ഠിതമായ ഇന്നത്തെ കാലത്ത് ഒരുപാട് പ്രതിബന്ധങ്ങൾ  തരണം ചെയ്യേണ്ടതുണ്ട്...

  ഈശ്വരൻ ആഗ്രഹിക്കുന്നത് നന്മയുള്ള മനസിൻ്റെ സന്തോഷമാണ്...

  ആ സന്തോഷം നുകരാൻ ഈശ്വരാനുഗ്രഹം കൂടിയേ തീരൂ...

       നേരെ നിൽക്കുന്ന വന്മരം ആദ്യം മുറിക്ക പ്പെടും...

  കാറ്റിന് വൻമരത്തെ പിഴുതെറിയാൻ സാധിക്കും  ...

   ആഴത്തിൽ വേരോടിയ വന്മരത്തെ  ..തണൽ നൽകിയാലും പക്ഷി ജാലങ്ങൾക്ക് ആശ്രയമായാലും   ..

    ചിലർ കാണുന്നത് ഭവനത്തിന് ആഢമ്പരമായി ഉപയോഗിക്കാൻ ഉള്ള ഫർണിച്ചർ നിർമ്മിക്കാനും...

   ചിലർ ചിന്തിക്കുന്നത്  ഇത് കാറ്റടിച്ചു വീണാൽ സമീപ സ്ഥലത്ത് ഉണ്ടാകുന്ന നാശവും ..

   അതുപോലെയാണ് സത്യ ധർമ്മത്തിൽ ചരിക്കുന്ന വ്യക്തികളെ നെഗറ്റീവ് ചിന്താഗതിക്കാർ കാണുന്നത്..

  അതായത്  ഈശ്വര വിശ്വാസത്തിൽ സത്യവും ധർമ്മവും നന്മയും സ്നേഹവും കൈമുതലായുള്ള വ്യക്തികൾ ഏവരാലും ബഹുമാനിക്കപ്പെടും...അത് സഹിക്കാൻ പ്രശംസകൾക്ക് വേണ്ടി ആളാകുന്ന ചില ജന്മങ്ങൾക്ക്  എന്തിലും ഏതിലും നെഗറ്റീവ് ആയ കാര്യം മാത്രം കാണുന്നവർക്ക് സാധിക്കില്ല....

ഇക്കൂട്ടർ നാളെ തൻ്റെ പ്രവർത്തനങ്ങൾ ചോദ്യം ചെയ്തേക്കാം 

  എന്ന ചിന്തയാണ്  വന്മരമായിരിക്കുന്ന വ്യക്തികൾക്ക് പ്രതിസന്ധി സൃഷ്ടിക്കുന്നത്...

       അദൃശ്യമായ ഈശ്വര ദിവ്യോർജത്തിൻ്റെ പ്രഭാ വലയത്താൽ മറ്റുള്ളവരിലേക്ക് ..സ്നേഹവും ശാന്തി സമാധാനവും   തണലായി പകരാൻ  ഈശ്വര അനുഗ്രഹത്തോടെ വന്മരമായിരിക്കുന്ന ഇവർക്ക്   സാധിക്കും...

 എന്നാലും ഇവർ ആഗ്രഹിക്കുന്നത് മരത്തിനു ചുവട്ടിൽ പുൽക്കൊടി ആകാനാണ്...

   അതാണ് വിനയം..

 പുൽക്കൊടിക്ക് കൊടുങ്കാറ്റിനെ ഭയക്കേണ്ടതില്ല...

   വീഴ്ചയുടെ ആഘാതം താങ്ങേണ്ടതില്ല...

        ഈശ്വര അനുഗ്രഹത്താൽ സർവ്വ സത് ഗുണവും നിറഞ്ഞ ഒരു വ്യക്തിയുടെ ബാഹ്യ രൂപം വന്മരമായിരുന്നാലും  മനസ്സ് പുൽക്കൊടിക്ക് തുല്യം ലാഘവത്വമുള്ളതാണ്...

  അവനു ഒരു കൊടുങ്കാറ്റിനെയും പ്രളയാന്തകാരത്തെയും ഭയക്കേണ്ടതില്ല...

  എന്ത് തന്നെ ഭവിച്ചാലും  നിമിഷ നേരം കൊണ്ട് ഉയിർത്തെണിക്കാൻ വിനയമാകുന്ന പുൽക്കൊടിക്ക് സാധിക്കും...

  അതാണ് ഈശ്വരൻ നൽകുന്ന അനുഗ്രഹം..

            ഉയരങ്ങളിലേക്ക് പോകും തോറും വീഴ്ചയുടെ ആഘാതം അതി കഠിനമായിരിക്കും.....

     ഈശ്വരനുഗ്രഹം ഉണ്ടെങ്കിലേ  നിലനിൽപ്പുള്ളൂ....

   സത്യ ധർമ്മത്തിൽ  പരിശ്രമിച്ച് നേടിയത് മാത്രമേ  ഈശ്വര അനുഗ്രഹത്താൽ അനുഭവയോഗ്യമാകൂ....

      വിനയത്തോടെ പുൽക്കൊടി ആയി നിന്ന്  

  ശുദ്ധമനസ്സിൽ  വിശപ്പടക്കാൻ കഴിഞ്ഞാൽ അതും പുണ്യം തന്നെ...

   എല്ലാവർക്കും ഈശ്വര അനുഗ്രഹത്തോടെയുള്ള നല്ല ദിനം ആശംസിക്കുന്നു...ഏവർക്കും നന്മകൾ നേരുന്നു....ഓം നമഃ ശിവായ...

എല്ലാവരെയും ഈശ്വരൻ അനുഗ്രഹിക്കട്ടെ..എല്ലാവർക്കും നന്മകൾ നേരുന്നു....ഓം നമഃ ശിവായ...

മനുഷ്യ ജീവിതം പലവിധ വിശ്വാസങ്ങൾ നിറഞ്ഞതാണ്...

ഈശ്വരനിൽ ഉള്ള വിശ്വാസവും ആചാരങ്ങളും പല വിധമാണ്...

ഈശ്വരൻ ഇല്ല എന്നുള്ള വിശ്വാസത്തിൽ ജീവിക്കുന്നവരും ഏറെയാണ്..

ഇവർക്ക് ഈശ്വരനിൽ മാത്രമല്ല ഒന്നിലും വിശ്വാസം ഉണ്ടായിരിക്കില്ല...

   സ്വയം സ്വയത്തിലും വിശ്വാസം ഉണ്ടാകില്ല..അപരനെയും വിശ്വസിക്കില്ല..താൻ മാത്രമാണ് ശരി എന്ന് ജയിക്കാൻ വേണ്ടി വാദിക്കുമെങ്കിലും അത് തെറ്റാണോ എന്ന് മനസ്സിൽ ഇക്കൂട്ടർക്ക് സംശയം ഉണ്ടാകും..

      ഈശ്വരനിൽ വിശ്വസിക്കുന്നു എന്നുള്ളത്  നാം സത്യ ധർമ്മത്തിൽ വിശ്വസിക്കുന്നു.. തെറ്റ് കുറ്റങ്ങൾ വരാതെ ജീവിക്കുന്നു..ആചാരാനുഷ്ഠാനങ്ങൾ പിന്തുടരുന്നത് പോലും തെറ്റ് ഉൾക്കൊള്ളാതെ ജീവിക്കുക എന്നുള്ളതിന് തന്നെയാണ്..

     അതാണ് ഈശ്വരനിൽ വിശ്വാസം എന്നുള്ളത് കൊണ്ട് ഉദ്ദേശിക്കുന്നത്..മനസ് ശുദ്ധമാകുന്നതിന് വേണ്ടി തന്നെയാണ് ഈശ്വര വിശ്വാസം...

 മനസിൽ ഈശ്വരൻ ഇല്ല  എങ്കിലും സ്നേഹവും നന്മയും കാരുണ്യവും സത്യവും ധർമ്മവും മനസ്സിൽ ഉണ്ടെങ്കിലോ  അവിടെ ഈശ്വരൻ വസിക്കുന്നു...അത് തന്നെയാണ് ഈശ്വര ഭാവം..അവർ ഈശ്വര എന്ന് വിളിച്ചില്ലങ്കിലും  ഈശ്വരീയ ഗുണങ്ങൾ ഉള്ളത് കൊണ്ട് തന്നെ ആ അദൃശ്യ ശക്തിയുടെ അനുഗ്രഹം അവർക്ക് ഉണ്ട്..

      എന്നാൽ ചിലരുണ്ട് ഈശ്വരൻ ഇല്ല എന്നുള്ളത് തെളിയിക്കാൻ വേണ്ടി വെല്ലുവിളിച്ച് നടക്കുന്ന ആസുരിക ജൻമം പൂണ്ടവർ..

   ഈശ്വര വിശ്വാസത്തിൽ ജീവിക്കുന്നവരെ പോലും പുച്ഛത്തോടെ കാണുന്നവർ...

   ഒരു ആരാധനാലയത്തിലും പോകാതെ  നിരീശ്വര വാദം ഉന്നയിച്ച് കവല പ്രസംഗം ചെയ്യുന്നവർ...

    നല്ല ശക്തിക്ക് എതിരായി ഒരു ദുഷ്ട ശക്തി  ഉണ്ടാകണമല്ലോ..

 എന്നാലല്ലേ നല്ല ശക്തിയുടെ പ്രഭാവം അറിയാൻ സാധിക്കൂ..

     ദുഃഖം അനുഭവിച്ചാൽ അല്ലേ സുഖത്തിൻ്റെ മൂല്യം അറിയൂ...

      .ഈശ്വര വിശ്വാസം..ഈശ്വരീയ ഗുണങ്ങൾ ഒട്ടും തന്നെ ഇല്ലാത്തവരുടെ മനസ്സ് പാപത്തിൻ്റെ മരുഭൂമിയായി മാറും...

 അവിടെ ജീവിതത്തിൻ്റെ ഒരു സമയം വരുമ്പോൾ ഉഷ്ണക്കാറ്റ് മാത്രം വീശും..

  ചുട്ടുപൊള്ളുന്ന മണൽ തരികൾ പോലെ മനസ്സ് അന്യരിൽ നിന്നും ദയയുടെ ദാഹനീരിനായി കേഴും.,.

   മാനം നോക്കി ഈശ്വരാ എന്ന് വിളിച്ച് വിലപിക്കും...

    താൻ ചെയ്ത പാപങ്ങൾ ഓരോന്നായി മനസ്സിലൂടെ കടന്നു പോകും...

   ഈശ്വരൻ കനിയാതെ ദയയുടെ ഒരു തുള്ളി ജലം പോലും ലഭിക്കില്ല...

   അഥവാ ലഭിച്ചാൽ തന്നെ  അനുഭവിക്കാൻ യോഗം ഉണ്ടാകില്ല....

    ഇന്ന് നാം ചെയ്തു കൂട്ടുന്നത് നാളേക്ക് നമുക്കുള്ള കർമ്മഫലത്തിൻ്റെ നിക്ഷേപം തന്നെയാണ്....

   പലിശയോടെ നമുക്ക് തന്നെ മടക്കി കിട്ടും...

  മറ്റാർക്കും അതിനു അർഹത ഇല്ല..

 നമ്മുടെ കർമ്മത്തിൻ്റെ അവകാശി നാം തന്നെയാണ്...

 ഫലവും നാം തന്നെ സ്വീകരിക്കണം..

       ദേഹം ഇല്ലാതെ ആകുന്നതോടെ കർമ്മം ഇല്ലാതെ ആകും എങ്കിലും കർമ്മ ഫലം ആത്മാവിനെ പിന്തുടരും..വരും ജന്മങ്ങളിൽ തുടർന്ന് അനുഭവിക്കേണ്ടി വരികയും ചെയ്യും...

    നമുക്ക് ലഭിച്ച ജീവിതമെന്ന ഈ നിമിഷം നാം നന്മ ചെയ്തില്ല എങ്കിലും ദ്രോഹം ചെയ്യാതെ ചിന്തിക്കാതെ ഇരിക്കുക...

      ഈശ്വരനിൽ സ്മരണ ഉണ്ടായിരിക്കുക...

അപ്പൊൾ നമ്മിൽ നിന്നും ദുഷിച്ച ചിന്തകള് അകലും...

   സത് കർമ്മങ്ങളും സത് ചിന്തകളും മനസിൽ വിരിയും...

  ആ പുഷ്പം വരും ജന്മങ്ങളിലും സുഗന്ധം പരത്തും... 

      എല്ലാവരെയും ഈശ്വരൻ അനുഗ്രഹിക്കട്ടെ..എല്ലാവർക്കും നന്മകൾ നേരുന്നു....ഓം നമഃ ശിവായ...

എല്ലാവർക്കും എന്റെ ഓണം ആശംസകൾ

🙏നമസ്തെ 🙏

രണ്ടു വർഷക്കാലത്തെ അടച്ചു പൂട്ടലിനു ശേഷം നമ്മൾ ചാത്തന്നൂർക്കാർ മനം നിറഞ്ഞ് വീണ്ടും ഇന്നു തിരുവോണമുണ്ണുകയാണ്. വീടിന്നുള്ളിൽ തന്നെ സ്വയം ബന്ദികളാക്കപ്പെട്ട രണ്ടു വർഷങ്ങളോട് കണക്കു പറഞ്ഞ് വർദ്ധിത വീര്യത്തിൽ നാടൊട്ടുക്കും ഓണാഘോഷത്തിന്റെ ആർപ്പുവിളികളും ഉന്മാദവും നിറയുകയാണ്. തോൽക്കാൻ മനസ്സില്ലാത്ത എന്റെ നാടിന്റെ ഉയിർത്തെഴുന്നേൽപ്പു കൂടിയായാണ് ഇക്കുറി ഓണം കടന്നു വരുന്നത്.

യഥാർത്ഥത്തിൽ നമ്മുടെ ജീവിതങ്ങളിലേക്ക് കണ്ണീർ പടർന്നത് കൊറോണാക്കാലത്തിനുമപ്പുറത്തു നിന്നാണ്. 2018 ലെ കൊടും പ്രളയം. 99 ലെ വെള്ളപ്പൊക്കം എന്നു കേട്ടു കേഴ്വി മാത്രമുണ്ടായിരുന്ന ഇന്നത്തെ തലമുറ തങ്ങളുടെ തലയ്ക്കും പുരയ്ക്കും മുകളിലേക്ക് ആർത്തലച്ചു വന്ന പ്രളയ ജലത്തിനു മുന്നിൽ പകച്ചു നിന്നു. ഒരുപാടു ജീവിതങ്ങൾ ബലിയായി നൽകേണ്ടി വന്നു. അതിനു പിന്നീടു വന്ന കർക്കിടകവും ഓണവുമെല്ലാം പ്രകൃതി ദുരന്തങ്ങളുടെ കണ്ണീരോണക്കാലമാണ് മലയാളത്തിനു സമ്മാനിച്ചത്. ഇക്കുറി തിരുവോണത്തിനൊ രുങ്ങുമ്പോഴും അറബിക്കടലിനു മുകളിലെ ചക്രവാത ചുഴിയും ന്യൂനമർദ്ദവും മേഘ വിസ്ഫോടനവുമൊക്കെ ഭീഷണിയായി നമ്മുടെ മുകളിൽ തന്നെയുണ്ട്. തിരുമു റിയാതെ പെയ്യുന്ന തിരുവാതിര മാത്രമല്ല. കൃത്യമായി സെറ്റു ചെയ്തതുപോലെ വന്നു കൊണ്ടിരുന്ന ഋതു ഭേദങ്ങളുമെല്ലാം കേരളത്തിനു നഷ്ടമായിരിക്കുന്നു. പരമ്പരാഗതമായി മലനാടിന് ഉണ്ടായിരുന്ന സ്വസ്ഥ മായ കാലാവസ്ഥയ്ക്ക് മാറ്റം വന്നിരിക്കുന്നു എന്നത് നമ്മൾ ഇനിയും ഗൗരവത്തോടെ തിരിച്ചറിഞ്ഞിട്ടില്ല. ഒരു നിശ്ചയവുമില്ല ഒന്നിനും എന്നതു പോലെ നമ്മുടെ ഇക്കോ സിസ്റ്റത്തിനും ബയോസ്ഫിയറിനും മാറ്റം വന്നിട്ടും, നമ്മൾ മാത്രം മാറാതെ മലയിടിച്ചു നിരത്തലും നദികളെ കുത്തിത്തുരക്കലും കോൺക്രീറ്റ് കാടുകളുടെ നിർമ്മാണവും കെ. റെയിൽ സ്വപ്നങ്ങളും ഒക്കെയായി ഭൂതകാലത്തിന്റെ ഉട്ടോപ്യൻ വികസന ലക്ഷ്യങ്ങൾ അയവിറക്കി നീങ്ങുന്നു. മാറുന്ന കാലത്തിനൊത്ത് പരിണമിക്കാത്ത എല്ലാ ജീവജാലങ്ങളും കുറ്റിയറ്റു പോയതാണ് ഭൂമിയുടെ ചരിത്രമെന്നതു മറന്ന് ജീവിക്കുന്ന ഒരേയൊരു മനുഷ്യ സമൂഹം ഒരു പക്ഷേ

നമ്മൾ മാത്രമായിരിക്കാം. ഇക്കുറി ഓണമുണ്ണുമ്പോൾ നമുക്ക് ഓർമ്മിക്കാതി രിക്കാൻ കഴിയാത്ത രണ്ടു വിഷയങ്ങളങ്കിലും സജീവ മായുണ്ട്. പേയ് നായക്കും ദുരന്ത വാക്സിനേഷനും

പേയ് നായക്കും ദൂരത്ത വാക്സിനേഷനും ഇരയായ അഭിരാമി എന്ന കുഞ്ഞുമോളുടെ ഓമന മുഖ മാണത്. ഇന്നുച്ചയ്ക്ക് ഇലയിട്ട് അച്ഛനമ്മമാരോടൊപ്പം ഓണമുണ്ണണ്ടിയിരുന്ന ഒരു പൊന്നുമോളായിരുന്നു അവൾ. അവളുടെ ജീവനെടുത്ത് 72 മണിക്കൂറുകൾ കഴിഞ്ഞിട്ടും തെരുവു നായ പ്രശ്നത്തിനും ഫലിക്കാത്ത വാക്സിനും ഒരു പ്രതിവിധി നിശ്ചയിക്കാൻ നമുക്ക് കഴിഞ്ഞിട്ടില്ല . ഇനിയും എത്ര കുഞ്ഞു മക്കളുടെ ജീ വൻ നമ്മൾ നൽകേണ്ടി വരും ? ആർക്കറിയാം.. കാരണം നമ്മുടെ നാട്ടിലും തെരുവ് നായകളുടെ അതിപ്രസരമാണ് 

നമ്മൾ ഇലയിട്ടൂണ്ണുമ്പോൾ കണ്ണീരോണമാണ് കെ. എസ്. ആർ ടി സിയിലെ ആയിരക്കണക്കിന് ജീവനക്കാർക്ക് പണിയെടുത്തതിന് കൂലി കിട്ടാതെ പട്ടിണിയിലായവർ. പി.എസ്.സി പരീക്ഷ എഴുതി ജോലി നേടിയ അവർക്ക് പട്ടിണി ഓണമായത് അവർ പണിയെടുക്കാത്തതു കൊണ്ടല്ല എന്നത് അവരുടെ കുഞ്ഞു മക്കൾക്കു പോലും അറിയാം. ആഘോഷ തിമിർപ്പിൽ അവരെയും നാം ഓർമ്മിക്കേണ്ടതുണ്ട്. എന്നാൽ, കെ.എസ്. ആർ.ടി.സി. യുടെ പ്രശ്ന പരിഹാരത്തിനും പതിവു പോലെ നമ്മുടെ പക്കൽ പോം വഴിയില്ല.

ചാത്തന്നൂർ നാട്ടിലാണെങ്കിൽ ദേശിയപാത വികസനത്തിന്റെ പേരിൽ കെട്ടിടങ്ങളെല്ലാം പൊളിച്ചിട്ടിരിക്കുന്നു. യുദ്ധഭൂമിയെന്നോണമാണ് നമ്മുടെ നാട് അതിൽ നിന്നും കരകയറി വരണമെങ്കിൽ ഇനിയും നാളെടുക്കും.

മാനുഷരെല്ലാരും ഒന്നു പോലെ കഴിയുന്ന നാളുകളെ ക്കുറിച്ച് നൊസ്റ്റാൾജിക്ക് പാട്ടുകൾ പാടിയതു കൊണ്ടു മാത്രം കാര്യമില്ല. നമ്മളും നമ്മുടെ സംവിധാനങ്ങളും ശീലങ്ങളുമെല്ലാം മാറുകയും മാറ്റുകയും ചെയ്യുന്നില്ലെ ങ്കിൽ കണ്ണീരോണങ്ങളുടെ ഘോഷയാത്ര തന്നെ കാണാമറയത്തുണ്ട് എന്നത് നമ്മൾ തിരിച്ചറിയേണ്ടതുണ്ട്. അത്തരം തിരിച്ചറിവിലൂടെ സ്വയം നവീകരിക്കാനും മാറാനും കഴിയട്ടെ എന്ന പ്രാർത്ഥനകളോടെ എല്ലാവർക്കും ഹൃദ്യമായ ഓണാശംസകൾ

അരുൺസതീശൻ ചാത്തന്നൂർ 🙏

ഒന്നരലക്ഷം രൂപയടങ്ങിയ ബാഗ് തിരികെ നൽകി ഓട്ടോറിക്ഷാ ഡ്രൈവർ മാതൃകയായി

ഒന്നരലക്ഷം രൂപയടങ്ങിയ ബാഗ് തിരികെ നൽകി 

ഓട്ടോറിക്ഷാ ഡ്രൈവർ മാതൃകയായി 

ചാത്തന്നൂർ: ഒട്ടോഡ്രൈവറുടെ സത്യസന്ധത യാത്രക്കാരൻ 

ഓട്ടോറിക്ഷയിൽ മറന്ന് വച്ച ഒന്നരലക്ഷം രൂപ വരുന്ന ബാഗ് യാത്രക്കാർക്ക് കൈമാറി.ചാത്തന്നൂർ ശീമാട്ടി ജംഗഷനിൽ ഗുഡ് ഈയർ 

ഓട്ടോ ഓടിക്കുന്ന സന്തോഷ്‌ 

ആണ് ചാത്തന്നൂർ വയലിൽ ഭഗവതി ക്ഷേത്രം പ്രസിഡന്റ്‌ കൂടിയായ റിട്ട. സർവേയർ കൂടിയായ കലാധരൻ ഓട്ടോറിക്ഷയിൽ മറന്നു വച്ച ഒന്നരലക്ഷം രൂപയടങ്ങുന്ന ബാഗ് തിരികെ നൽകിയത്.

ഇന്നലെ രാവിലെ പതിനൊന്നു മണിയോടെ ക്ഷേത്രത്തിലെ ഓണം ആഘോഷത്തിന്റെയും മറ്റും ആവശ്യത്തിനായി കലാധരൻ ബാങ്കിൽ നിന്നും പൈസയുമായി ഓട്ടോയിൽ കയറിയത് സന്തോഷ്‌ കലാധരനെ വീട്ടിൽ കൊണ്ടാക്കി തിരികെ സ്റ്റാന്റിൽ വന്ന് വരിഞ്ഞം ഭാഗത്തേക്ക് ഓട്ടം പോകുന്നതിനിടെയാണ് ബാഗ് ഓട്ടോറിക്ഷയിൽ ഇരിക്കുന്ന കാര്യം ശ്രദ്ധിക്കുന്നത് തുടർന്ന് ബാഗുമായി തിരികെ കലാധരന്റെ വീട്ടിൽ എത്തുമ്പോൾ ആണ് ബാഗ് മറന്ന കാര്യം അറിയുന്നതും ബാഗിൽ ഒന്നരലക്ഷത്തോളം രൂപയുണ്ടെന്നും അറിയുന്നതും തുടർന്ന് കലാദരന്റെയും ടീച്ചർ കൂടിയായ ഭാര്യയുടെയും സ്നേഹ സമ്മാനങ്ങൾ നിരസിച്ചു കൊണ്ട് ഒരു സെൽഫി മാത്രം എടുത്തു ഓട്ടോകൂലിയും വാങ്ങി മടങ്ങുകയായിരുന്നു. തുടർന്ന് സംഭവം അറിഞ്ഞ ക്ഷേത്രത്തിന്റെ കാര്യദർശി സെൽഫി സോക്ഷ്യൽ മീഡിയയിൽ പങ്കുവച്ചതോടെ സംഭവം ലോകം അറിയുന്നത്. പത്ത് വർഷത്തിലധികമായി ശീമാട്ടി ജംഗഷനിൽ ഓട്ടോറിഷാ ഡ്രൈവറായ സന്തോഷ്‌ നിരവധി ജീവകാരുണ്യ പ്രവർത്തനങ്ങളിലും പങ്കാളിയാണ്.

ഫോട്ടോ:സന്തോഷ്‌ കലാദരനോടൊപ്പം എടുത്ത സെൽഫി.

 

കുലദേവത അമ്മ വഴിയോ അച്ഛൻ വഴിയോ

കുലദേവത അമ്മ വഴിയോ അച്ഛൻ വഴിയോ 

കുലത്തെ സംരക്ഷിക്കുന്ന ദേവതയാണ് കുലദേവത...കുമ്മല്ലൂർ കുടുംബത്തിൽ നാഗദൈവങ്ങൾ ആണ് കുലദൈവങ്ങൾ..

ഓരോ കുടുംബക്കാരും പരമ്പരാഗതമായി ഓരോ ദേവതയെ കുടിയിരുത്തി ആരാധിക്കുന്നു.നമ്മൾ ആരാധിക്കുന്നത് നാഗദൈവങ്ങളെയാണ് കുമ്മല്ലൂർ തോണികടവ് നാഗര് കാവിൽ കുടികൊള്ളുന്ന നാഗ ദൈവങ്ങൾ നമ്മളെ കാത്തരുളുന്നു.നമ്മുടെ 

കുടുംബ പ്രശ്നങ്ങളുടെ പരിഹാരത്തിനും , അഭീഷ്ടസിദ്ധിക്കും ഈ നാഗദൈവങ്ങൾക്ക് പൂജകളും വഴിപാടുകളും സമര്‍പ്പിക്കുന്നു. ആരാധനകളിൽ അതിവേഗം ഫലസിദ്ധിയുണ്ടാകുന്നത് കുലദേവതാ പൂജയിലാണ്.

പാരമ്പര്യം തെറ്റിക്കാതെ ആചാരാനുഷ്ഠാനങ്ങൾ പാലിച്ച് ജീവിക്കുന്ന കുടുംബത്തെ നാഗദൈവങ്ങൾ 

ഐശ്വര്യത്തോടെ കാത്തുരക്ഷിക്കും എന്നാണ് വിശ്വാസം. കുടുംബത്തിലെ അംഗങ്ങളെയും അവരെ ചുറ്റിപ്പറ്റി ജീവിക്കുന്ന സമൂഹത്തെയും നാഗദൈവങ്ങൾ സംരക്ഷിച്ചു പോരുന്നതു കൊണ്ടാണ് കുലദേവൻ അല്ലെങ്കിൽ ദേവത നാഗദൈവങ്ങൾ ആണ് അത് കൊണ്ട് തന്നെ ആ ദൈവങ്ങൾക്ക് മുന്നിൽ 

പൂജ കുടുംബാംഗങ്ങള്‍ കൃത്യതയോടെ ചെയ്യുന്നത്.

"കുലം ച കുലധർമ്മം ച മാം ച പാലയ പാലയ " എന്നൊരു ചൊല്ലു തന്നെയുണ്ട്. കുലധർമ്മങ്ങൾ പാലിക്കുന്നതിനാൽ പരദേവത ധർമ്മദേവതയും ആകുന്നു. വംശം പാരമ്പര്യമായി സേവിച്ചു വരുന്ന ദേവതയെന്നാണ് ധർമ്മ ദേവതയും നമ്മൾക്ക് നാഗദൈവങ്ങളും..

ശബ്ദതാരാവലിയിൽ വിശദീകരിക്കുന്നത്.

പരദേവത, ഭരദേവത, കുലദേവത, ധർമ്മദേവത

എന്നീ പദങ്ങൾക്കെല്ലാം ഒരേ അർത്ഥം തന്നെയാണ്.

രണ്ടു വഴിയും ഒരുപോലെ

മാതൃവഴിയാണോ പിതൃവഴിയാണോ പരദേവതയെ ആരാധിക്കേണ്ടത് എന്ന് പലർക്കും സംശയമുണ്ട്. എന്നാൽ *ഇതിന് ഒരു പ്രസക്തിയുമില്ല.* കാരണം പൂർവ്വികാചാര്യന്മാർ പരദേവതയെ പൂജിക്കണമെന്നു മാത്രമേ പറഞ്ഞിട്ടുള്ളൂ. മാതൃവഴിയാണോ പിതൃവഴിയാണോ എന്ന് പ്രത്യേകം പറയാത്തതിനാൽ രണ്ടു വഴിയുമുള്ള ആരാധനയും അർത്ഥവത്താണ്. കേരളത്തിൽ ഭൂരിപക്ഷം കുടുംബങ്ങളിലും ഭദ്രകാളിയെയാണ് പരദേവതയായി പൂജിക്കുന്നത്. മിക്ക കുടുംബക്ഷേത്രങ്ങളോടും ചേർന്ന് സർപ്പക്കാവും സർപ്പാരാധനയും നടക്കുന്നു.നമ്മൾ പൂജിക്കുന്നത് നാഗ ദൈവങ്ങളെയാണ്.

ദുരിതങ്ങൾ ഒഴിവാക്കാൻ

പരദേവതാപൂജ ചെയ്തില്ലെങ്കിൽ കുടുംബങ്ങളിൽ ദുരിതങ്ങൾ ഒഴിയില്ല എന്നാണ് വിശ്വാസം.

കുടുംബാംഗങ്ങൾക്ക് ഒഴിയാത്ത രോഗദുരിതങ്ങളും ദാമ്പത്യപ്രശ്നങ്ങളും സന്താനപ്രശ്നങ്ങളും തൊഴിൽ

തടസങ്ങളും ഐശ്വര്യക്ഷയവുമുണ്ടാകും. കടുത്ത

ദോഷങ്ങളുണ്ടെങ്കിൽ അകാല മരണങ്ങളും ദുർമ്മരണങ്ങളും സംഭവിക്കാം.

 എന്നാൽ വിധി പ്രകാരം ആരാധിച്ചാൽ കുലദേവത എപ്പോഴും പ്രസാദിക്കും. അതുകൊണ്ടാണ് ‘ധർമ്മദൈവം പ്രസാദിച്ചേ കുളിർപ്പൂ തറവാടുകൾ’ എന്ന് പ്രശ്ന രീതിയിൽ പറയുന്നത്. അതായത് പരദേവത പ്രസാദിച്ചാലേ കുടുംബത്തിൽ ഐശ്വര്യമുണ്ടാവൂ

 എന്ന് സാരം. ധർമ്മദേവതയെ കഴിയുമെങ്കിൽ

 എല്ലാ മാസവും അല്ലെങ്കിൽ വർഷം തോറുമെങ്കിലും

 വിശേഷാൽ പൂജിക്കേണ്ടതാണ്. അതിലൂടെ മാത്രമേ കുടുംബ ഐശ്വര്യം സമൃദ്ധമായി ഉണ്ടാവുകയുള്ളൂ....കുമ്മല്ലൂർ വാഴുന്ന നാഗദൈവങ്ങൾ.. നമ്മളെ കാക്കും കാരണം... നമ്മുടെ അമ്മമാർ പൂർവികർ അവിടെയുണ്ട്...

അരുൺസതീശൻ ചാത്തന്നൂർ 

മരമടി കർഷക സംഘം സമ്മേളനത്തിൽനേതൃത്വത്തിനും സി പി ഐ യ്ക്കും രക്ഷവിമർശനം

മരമടി  കർഷക സംഘം സമ്മേളനത്തിൽ

നേതൃത്വത്തിനും സി പി ഐ യ്ക്കും രക്ഷവിമർശനം

ചാത്തന്നൂർ: കേരള കർഷക സംഘത്തിന്റെ ചിറക്കരയിൽ നടന്ന ഏരിയാ സമ്മേളനത്തിൽ സി പി എം നേതൃത്വത്തിനും സി പി ഐ യ്ക്കുമെതിരെ സമ്മേളന പ്രതിനിധികൾ രൂക്ഷ വിമർശനം നടത്തി. സി പി എം നേതൃത്വത്തിലുള്ള കർഷക സംഘത്തിന്റെ സമ്മേളനം ഗംഭീരമാക്കാനും കാർഷികോത്സവമായി ആഘോഷിക്കാനും കാർഷിക സംസ്കാരത്തിന്റെ ഗരിമ പ്രകടിപ്പിക്കാനുമാണ് കാർഷിക മേഖലയായ ചിറക്കരയിലെ സംഘാടക സമിതി പദ്ധതി തയാറാക്കിയത്.

കാർഷിക ഉത്സവമായ മരമടിയും കർഷക ചന്തയുമൊക്കെ സംഘാടകർ ആസൂത്രണം ചെയ്തു. മരമടി ആസൂത്രണം ചെയ്തപ്പോൾ മുതൽ പ്രാദേശിക സി പി ഐക്കാർ വെല്ലുവിളിച്ചിരുന്നതായി ചിറക്കരയിൽ നിന്നുള്ള പ്രതിനിധി ചൂണ്ടിക്കാട്ടി. മരമടിയ്ക്കെതിരെ ജില്ലാ കളക്ടർക്ക് പരാതി നല്കിയത് സി പി ഐ ക്കാരിയായ സ്ത്രീയാണെന്നും പ്രതിനിധി ചൂണ്ടിക്കാട്ടി. ചിറക്കര ഗ്രാമ പഞ്ചായത്തിൽ ഏറെ നാളുകളായി സി പി എമ്മും സി പി ഐ യും ഒരു മുന്നണിയിലാണെങ്കിലും വിരുദ്ധ ധ്രുവങ്ങളിലാണ്. പഞ്ചായത്ത് ഭരണത്തിൽ ഉൾപ്പെടെ അഭിപ്രായ ഭിന്നതകളുമായാണ് മുന്നോട്ടു പോകുന്നതു്.

മരമടി നിശ്ചയിച്ചതിനെ തുടർന്ന് എല്ലാ ഒരുക്കങ്ങളും പൂർത്തിയാക്കി. ലക്ഷക്കണക്കിന് രൂപയാണ് സമ്മേളന സ്വാഗത സംഘത്തിന്റെ ഉപസമിതിയായ മരമടി കമ്മിറ്റി ചില വഴിച്ചത്. മരമടി നടത്തുന്നതിനുള്ള തടസ്സങ്ങൾ നീക്കം ചെയ്യാൻ നേതൃത്വം ഇടപെട്ടില്ലെന്നാണ് പ്രധാന ആരോപണം. മരമടി ദിവസം സംഘർഷം മൂർച്ഛിച്ചു നിന്നപ്പോഴും കർഷക സംഘത്തിന്റെയോ സി പി എമ്മിന്റെയോ നേതാക്കൾ ചിറക്കരയിലേയ്ക്ക് തിരിഞ്ഞു നോക്കിയതുമില്ല. അനാഥാവസ്ഥയിലായിരുന്നു സംഘാടക സമിതി എന്നും പ്രതിനിധികൾ വിലപിച്ചു.

സമ്മേളന പ്രതിനിധികൾക്ക് ചർച്ചയിൽ പങ്കെടുക്കാൻ നാല് മിനിട്ട് വീതമാണ് അനുവദിച്ചിരുന്നത്. ചിറക്കരയിൽ നിന്നുള്ള  സമ്മേളന പ്രതിനിധികൾക്ക് ചർച്ചയിൽ പങ്കെടുക്കാൻ നാല് മിനിട്ട് വീതമാണ് അനുവദിച്ചിരുന്നത്. ചിറക്കരയിൽ നിന്നുള്ള ഒരു പ്രതിനിധി ആറ് മിനിട്ടിലധികം സമയമെടുത്താണ് വൈകാരികമായി സംസാരിച്ചത്. ജില്ലാ നേതൃത്വത്തിൽ നിന്നെത്തിയ ഒരു നേതാവും മരമടി മുടങ്ങിയതിൽ ദുഃഖം പ്രകടിപ്പിച്ചു. കർഷകരുടെ നാടായ , കാർഷിക സംസ്കാരത്തിന്റെ ഈറ്റില്ലമായ ചിറക്കരയിൽ മരമടി നടത്താൻ കഴിയാതെ പോയതു് സങ്കടകരമാണെന്ന് അദ്ദേഹം പറഞ്ഞു. പ്രതിനിധി സമ്മേളനം ഹാളിനുള്ളിൽ നടക്കുമ്പോഴും ഹാളിന് മുന്നിൽ പ്രവർത്തകരും സംഘാടക സമിതി അംഗങ്ങളും നേതൃത്വത്തിന്റെ നിസ്സംഗ മനോഭാവത്തിനെതിരെ പ്രതി ഷേധം പ്രകടിപ്പിക്കുന്നുണ്ടായിരുന്നു.

കർഷക റാലിയോടനുബന്ധിച്ച് നടത്തിയ പൊതുസമ്മേളനത്തിൽ ധന്യമന്ത്രി കെ.എൻ.ബാലഗോപാൽ പങ്കെടുക്കുമെന്നറിയിച്ചിരുന്നെങ്കിലും മന്ത്രി പങ്കെടുക്കാതിരുന്നതും സംഘാടക സമിതിയെ ആകുലപ്പെടുത്തിയിരുന്നു.

.

ഭർത്താവ് ഉപേക്ഷിച്ച അമ്മയ്ക്കും മകൾക്കും നേരെ നിരന്തര ആക്രമണം താമസിക്കുന്ന വീട് തകർത്തു ആക്രമികളെ പേടിച്ചു അമ്മയും മകളും ഉറങ്ങുന്നത് ഹോട്ടലിലെ അടുക്കളയിൽ

പരവൂർ : ഭർത്താവ് ഉപേക്ഷിച്ച അമ്മയ്ക്കും മകൾക്കും നേരെ നിരന്തര ആക്രമണം താമസിക്കുന്ന വീട് തകർത്തു ആക്രമികളെ പേടിച്ചു 

അമ്മയും മകളും ഉറങ്ങുന്നത് ഹോട്ടലിലെ അടുക്കളയിൽ.പരവൂർ കുറുമണ്ഡൽ ബി ഡിവിഷനിൽ മാങ്ങാംകുന്ന് വടക്കതിൽ വെട്ടികുന്ന് വിളയിൽ ഗീതയും പ്രായപൂർത്തിയാകാത്ത മകളുമാണ് ജോലി ചെയ്യുന്ന ഹോട്ടലുകളുടെ അടുക്കളയിൽ അന്തിയുറങ്ങുന്നത്. ഭർത്താവുമായി ഉണ്ടായ വിവാഹമോചനകേസിന്റെ അവസാനം കോടതി ഉത്തരവിൻ പ്രകാരം കിട്ടിയ നാല് സെന്റ് വസ്തുവും വീടുമാണ് ഇവർക്ക് ആകെ ആശ്രയമായി ഉള്ളത്.ഇ വീടിന്റെ അയൽവക്കത്ത് താമസിക്കുന്ന കള്ളൻബാബു എന്ന് വിളിക്കുന്ന പൗലോസ് മകൻ റോമി എന്നിവരാണ് ഇവരെ നിരന്തരമായി ആക്രമിക്കുകയും വീട് നശിപ്പിക്കുകയും ചെയ്യുന്നത്.

2020 ആറാം മാസം മുതൽ ഗീതയ്ക്ക് നേരെ നിരന്തരമായ ആക്രമണമാണ് ഉണ്ടായിട്ടുള്ളത് ഓരോ തവണയും കേസ് കൊടുക്കും പോലീസിൽ എഴുതി വയ്ക്കും ഒരു തവണ കേസ് എടുത്തത് ഒഴിച്ചാൽ പോലീസിന്റെ ഭാഗത്ത് നിന്നും യാതൊരു നടപടിയും ഉണ്ടാകുന്നില്ല ഇവരുടെ വസ്തു കൈയ്യേറുകയും വീടിന്റെ മേൽക്കൂര തകർക്കുകയും കിണറിൽ ഇരുന്ന മോട്ടോർ എടുത്തു കൊണ്ട് പോകുകയും ചെയ്തു. പ്രായപൂർത്തിയാകാത്ത കുഞ്ഞിനെ കയറിപിടിക്കുകയും ഗീതയെ ക്രൂരമായി മർദ്ധിക്കുകയും ചെയ്തതിൽ കേസും കോടതിയിലുണ്ട്. പരവൂർ സ്റ്റേഷൻ മുതൽ സിറ്റി പോലിസ് കമ്മീഷണർക്ക് വരെ പരാതി നൽകിയിട്ടും യാതൊരു നടപടിയും ഉണ്ടായിട്ടില്ല. വീട്ടിൽ ഉറങ്ങാൻ പറ്റാതായതോടെ ചെറു തട്ട് കടയുമായി ഗീത ജോലിക്കായി ഇറങ്ങി തട്ടുകടയിലെ അടുക്കളകളയിൽ അമ്മയും മകളും അന്തിയുറങ്ങി ജീവിതം തള്ളി നീക്കുന്ന ഗീതയുടെ രണ്ട് പെൺമക്കളിൽ അഞ്ചു വർഷം മുൻപ് മൂത്തമകൾ കായലിൽ വീണ് മരിച്ചിരുന്നു മകളുടെ മരണവാർഷികത്തിനായി കഴിഞ്ഞ. ദിവസം വീട്ടിൽ ചെന്നപ്പോൾ ആണ് വീടിന്റെ ഓടുകൾ തകർത്തു മഴയിൽ മുഴുവൻ സാധനങ്ങളും നശിച്ച നിലയിൽ കണ്ടത് തുടർന്ന് പരവൂർ പോലീസിൽ അറിയിച്ചുവെങ്കിലും പോലിസ് തിരിഞ്ഞു നോക്കിയില്ല.ഒരു സൈഡിൽ നിന്നും ഭർത്താവിന്റെ ഭീഷണിയും മറുസൈഡിൽ നിന്നും മദ്യത്തിനും മയക്കുമരുന്നിനും അടിമകളായ അച്ഛന്റെയും മകന്റെയും ഭീഷണിയും വീട് പൂർണ്ണമായും തകർക്കപെട്ട് കഴിഞ്ഞു തട്ട് കടയിൽ കച്ചവടവും ഇല്ല അന്തിയുറങ്ങാൻ സുരക്ഷിത സ്ഥലവുമില്ല മകൾ ഒൻപതാം ക്ലാസിൽ പഠിക്കുന്നു മകൾ ഉറങ്ങുമ്പോൾ ഉറങ്ങാതെ കാവലിരിക്കുന്ന ഇ അമ്മയ്ക്ക് തങ്ങളുടെ വീട്ടിൽ മൂത്തമകൾ അന്തിയുറങ്ങുന്ന മണ്ണിൽ ഭയമില്ലാതെ ഉറങ്ങണം.

@ഭർത്താവുമായുള്ള കേസിൽ കോടതി ഉത്തരവിൽ നൽകിയ വീട്ടിലും ഭർത്താവ് വരുത്തി വച്ച് നാല് ലക്ഷം രൂപയുടെ സഹകരണ ബാങ്കിലെ ബാധ്യത ഭർത്താവ് തീർക്കാത്തതും കോടതിയിൽ വിവാഹമോചനവുമായി ബന്ധപ്പെട്ട നടപടികൾ പൂർത്തിയാകാത്തതും ഇ അമ്മയ്ക്കും മകൾക്കും തീരാവേദനയായി അവശേഷിക്കുമ്പോൾ മൂത്തമകളുടെ ചിത്രവും നെഞ്ചോട് ചേർത്ത് പൂറ്റിങ്ങലമ്മയുടെ സുരക്ഷിതത്വത്തിലാണ് ഇ അമ്മയും മകളും ഓരോ ദിവസവും തള്ളിനീക്കുന്നത്.9633268839,6238633136