കുപ്പത്തൊട്ടികളാക്കുന്ന പൊതു കിണറുകൾ

കുപ്പത്തൊട്ടികളാക്കുന്ന പൊതു കിണറുകൾ

കൊല്ലം : വേനൽ കനക്കുമ്പോൾ പൊതുകിണറുകൾ സംരക്ഷിക്കാതെ തദ്ദേശസ്വയംഭരണസ്ഥാപനങ്ങൾ.

ഗ്രാമീണ മേഖലകളിൽ ഒരുകാലത്ത് ജനങ്ങൾക്ക് കുടിവെള്ളം നൽകിയിരുന്ന പൊതുകിണറുകൾ ഇന്ന് മാലിന്യംതള്ളൽ കേന്ദ്രങ്ങളായി മാറി. കാലങ്ങളോളം തുടർച്ചയായി മാലിന്യംനിറച്ച് കിണറുകൾ മൂടിയശേഷം പൊതു സ്ഥലം സമീപവാസികൾ കൈയേറുകയും ചെയ്യുന്നു.

വേനൽക്കാലമെന്നോ മഴക്കാലമെന്നോ വ്യത്യാസമില്ലാതെ കുടിവെള്ളക്ഷാമം രൂക്ഷമാകുമ്പോഴും ഇത്തരം പൊതുകിണറുകൾ വീണ്ടെടുത്ത് കുടിവെള്ളക്ഷാമത്തിന് പരിഹാരം കാണുവാൻ പഞ്ചായത്ത്‌ അധികൃതർ തയ്യാറാകുന്നില്ല.

1970 മുതൽ എൺപതുകളിലാണ് കുടിവെള്ള ക്ഷാമത്തിനു പരിഹാരം കാണുന്നതിനായി സംസ്ഥാനത്ത് കേന്ദ്ര-സംസ്ഥാന സർക്കാരുകളും, പഞ്ചായത്തുകളും വ്യാപകമായി കിണറുകൾ നിർമിച്ചത്. ഇത്തരത്തിൽ നിർമിച്ച പൊതു കിണറുകളാണ് കുടിവെള്ള പ്രശ്നം പരിഹരിച്ചിരുന്നത്. വീടുകളിൽ സ്വന്തമായി കിണറുകൾ കുഴിക്കുകയും ജല അതോറിറ്റിയുടെ പൈപ്പ് കണക്ഷനുകൾ വീടുകളിൽ ലഭിക്കുകയും ചെയ്തതോടെ പൊതുകിണറുകളെ ജനങ്ങൾ ഉപേക്ഷിക്കുകയായിരുന്നു. തുടർന്ന് 

കുടിവെള്ളത്തിനായി ആശ്രയിച്ചിരുന്ന ഇത്തരം ജലസ്രോതസ്സുകളെ മാലിന്യങ്ങൾ നിക്ഷേപിക്കുന്നതിനുള്ള സ്ഥലമായി മാറ്റുകയായിരുന്നു ജനങ്ങൾ. ഇപ്പോൾ ഓരോ പഞ്ചായത്തിലും അവശേഷിക്കുന്ന ഉപയോഗ യോഗ്യമായി കിണറുകളുടെ എണ്ണം വിരലിലെണ്ണാവുന്നവ മാത്രമാണ്. മറ്റ് പൊതു കിണറുകളെല്ലാം തന്നെ ഇന്ന് മാലിന്യകേന്ദ്രങ്ങളായി മാറിക്കഴിഞ്ഞു.

അടുത്തിടെ കല്ലുവാതുക്കലിൽ ഒരു പൊതുകിണർ ശുചീകരിച്ചപ്പോൾ ഒരു മിനി ലോറിയോളം പ്ലാസ്റ്റിക് മാലിന്യങ്ങളാണ് കോരിമാറ്റിയത്.കൂടാതെ 

പൊതുകിണറുകൾമൂടി കിണർ നിലനിന്ന ഭൂമി കൈയേറുന്ന സംഭവങ്ങളും നിരവധിയുണ്ട്. പൊതുകിണറുകളുടെ സമീപത്തെ വസ്തു ഉടമകളാണ് ഇത്തരത്തിൽ കിണറുകൾ മൂടി ഭൂമി കൈയേറുന്നത്. ഇതിലേക്കായി കിണറുകളിൽ മാലിന്യം ഇട്ട് മൂടുകയാണ് ആദ്യഘട്ടം. തുടർന്ന് മണ്ണ് ഉപയോഗിച്ച് സ്ഥലം നികത്തി സമീപത്തെ ഭൂമിയോടു ചേർക്കുന്ന രീതിയാണ് നടന്നുവരുന്നത്.

Itth

ചാത്തന്നൂർ നിയോജക മണ്ഡലത്തിലെ വിവിധ ഭാഗങ്ങളിൽ 

പാതയോടുചേർന്ന് സ്ഥിതിചെയ്തിരുന്ന പൊതുകിണറുകൾ പഞ്ചായത്ത് അധികൃതരുടെ അറിവോടുകൂടി സ്വകാര്യ വ്യക്തികൾ മതിൽകെട്ടി സ്വകാര്യ ഭൂമിക്കുള്ളിലാക്കിയിട്ട് വർഷങ്ങളായിട്ടും യാതൊരു നടപടിയും അധികൃതർ സ്വീകരിച്ചിട്ടില്ല. ഓരോ പഞ്ചായത്ത് പ്രദേശത്തും എത്ര പൊതുകിണറുകൾ ഉണ്ടെന്ന് പഞ്ചായത്ത് അധികൃതർക്കുപോലും അറിവില്ല അറുപതു വർഷത്തിലധികം പഴക്കമുള്ളതാണ് ചാത്തന്നൂർ ഊറാംവിള ജംഗഷനിലെ 

പൊതുകിണർ. വേനൽക്കാലത്ത് വിദൂരങ്ങളിൽനിന്നുപോലും ആളുകളെ ത്തി പാളകൊണ്ട് വെള്ളംകോരുന്നത് ഇന്നും പലരുടെയും 

ഓർമയിലുണ്ട്. ഇപ്പോൾ ആ കിണർ കാട് മൂടി മാലിന്യങ്ങൾ നിേക്ഷപിക്കുന്ന വെറും കുഴി മാത്രമായി മാറിയിരിക്കുന്നു. കുടിവെള്ള ക്ഷാമം പരിഹരിക്കുന്നതിന് 

 പൊതുകിണറുകൾ കണ്ടെത്തി സംരഷിക്കണം 

ഒരുകാലത്ത് കുടിവെള്ളത്തിനായി ആശ്രയിച്ചിരുന്നവയാണ് ഇന്ന് നശിപ്പിക്കുന്ന പൊതു കിണറുകൾ. ശുദ്ധജലം ലഭിക്കുന്ന ഇത്തരം കിണറുകൾ വീണ്ടെടുത്ത് സംരക്ഷിക്കേണ്ടതാണ്.

ഒപ്പം തന്നെ പൊതുകിണറിൽ നിന്നുള്ള കുടിവെള്ള വിതരണ പദ്ധതികൾ വിജയകരമായി നടപ്പാക്കണം 

ജല അതോറിറ്റിയുടെ പൈപ്പുകളിൽ ജല വിതരണം തടസ്സപ്പെട്ടാൽ അതിന് പരിഹാരമാകും.

@ കിണറുകൾ വീണ്ടെടുത്ത് ചെറുകിട കുടിവെള്ള പദ്ധതികൾ ആരംഭിക്കണം 

വീടുകളിൽ പൈപ്പ് കണക്ഷനുകൾ ലഭ്യമായതോടു കൂടിയാണ് പൊതുകിണറുകൾ അപ്രസക്തമായത്.

കിണറുകൾ വലിപ്പമേറിയവയും ജലസമൃദ്ധവുമായ 

പൊതുകിണറുകൾ കണ്ടെത്തി അവ വീണ്ടെടുത്ത് വീണ്ടും ഉപയോഗയോഗ്യമാക്കി മാറ്റി കിണറിനു സമീപത്തായി ടാങ്കുകൾ നിർമിച്ച് ഇവിടെനിന്ന് സമീപ വാസികൾക്ക് കുടിവെള്ള വിതരണം ചെയ്യാവുന്ന പദ്ധതികൾ നടപ്പിലാക്കുവാൻ തദ്ദേശ സ്വയംഭരണ സ്ഥാപനങ്ങൾ മുന്നോട്ടുവന്നാൽ  കുടിവെള്ളക്ഷാമത്തിന് പരിഹാരമാകും.

തദ്ദേശ സ്വയം ഭരണ സ്ഥാപനങ്ങൾ വഴി ഇത്തരം ചെറുകിട കുടിവെള്ള പദ്ധതികൾ ആരംഭിക്കാവുന്നതാണ്.

ഫോട്ടോ:ചാത്തന്നൂർ ഊറാംവിള ജംഗഷനിൽ ദേശീയപാതയോരത്കാട് പിടിച്ചു ഉപയോഗ ശൂന്യമായി കിടക്കുന്ന പൊതുകിണർ.

.