ധർമ്മശാസ്താവിനെ
വണങ്ങി ബി.ബി. ഗോപകുമാറിന്റെ പര്യടനം
ചാത്തന്നൂർ: പൂതക്കുളം ധർമ്മശാസ്താവിനെ
വണങ്ങി ബി.ബി.ഗോപകുമാറിന്റെ തിരഞ്ഞെടുപ്പ് പര്യടനം തുടങ്ങി.
സൂര്യൻ ഉച്ചസ്ഥായിയിൽ ആകുന്ന മീനം രാശിയിലേക്ക് മാറിയ മുഹൂർത്തത്തിലാണ് ഗോപകുമാറും സഹപ്രവർത്തകരും പൂതക്കുളം ധർമ്മ ശാസ്താവിനെ
ദർശനം നടത്തിയത്. തുടർന്ന് പൂതക്കുളം ജംഗ്ഷനിലെ വ്യാപാര സ്ഥാപനങ്ങളിലും പൊതു മാർക്കറ്റിലും എത്തി ഓരോരുത്തരോടും വോട്ട് അഭ്യർത്ഥിച്ചു. തുടർന്ന് കലയ്ക്കോട് ലിറ്റിൽ ഫ്ളവർ കത്തോലിക്കാ ദേവാലയത്തിലെത്തി അനുഗ്രഹം തേടി. ഫാ. ജോസ് ജോണി ഗോപകുമാറിനേയും സംഘത്തേയും ആശിർവദിച്ച് വിജയം നേർന്നു. പൂതക്കുളം പഞ്ചായത്തിനെ നാല് ഭാഗങ്ങളായി തിരിച്ച് ഓരോ വീടുകളും കയറിയിറങ്ങിയുള്ള പ്രചരണമാണ് നടത്തുന്നത്. യുവ മോർച്ചാ ജില്ലാ വൈസ് പ്രസിഡൻ്റ് നവീൻ. ജി. കൃഷ്ണ , പൂതക്കുളം പഞ്ചായത്ത് സമിതി പ്രസിഡൻ്റ് സുജിത്, ജനറൽ സെക്രട്ടറി ഷില്ലോക്, പഞ്ചായത്തംഗങ്ങളായ സജീഷ് അപ്പു മാങ്കൂട്ടം, രാഖി.ആർ.എസ്, മഞ്ജുഷ മണ്ഡലം കമ്മറ്റി അംഗങ്ങളായ എസ്.ശ്രീകുമാർ , രാമൻ, മഹിളാ മോർച്ച മണ്ഡലം ജനറൽ സെക്രട്ടറി അശ്വതി, മഹിളാ മോർച്ച പഞ്ചായത്ത് സമിതി പ്രസിഡൻ്റ് ഷൈമ രാജ് എന്നിവരുടെ നേതൃത്വത്തിലായിരുന്നു പര്യടനം.
ഫോട്ടോ:
No comments:
Post a Comment