എവിടെ കിട്ടും ചക്ക വാങ്ങാൻ ആളുണ്ട്..കിട്ടാനില്ല

കൊല്ലം: എവിടെ കിട്ടും ചക്ക വാങ്ങാൻ ആളുണ്ട്..കിട്ടാനില്ല 

ലോക്ക്ഡൌൺ സമയത്ത് ജനങ്ങളുടെ പട്ടിണി മാറ്റിയിരുന്ന നാടൻ കായഫലമായ ചക്കയെ കൈവിടാൻ ഇപ്പോൾ ജനങ്ങൾ ഒരുക്കമല്ല അത് കൊണ്ട് തന്നെ ചക്കവിപണിയിൽ മാന്ദ്യമാണ്. 

കോവിഡാനന്തര 

ഇടവേളയ്ക്ക് ശേഷം ചക്കവിപണി വീണ്ടും സജീവമായിയെങ്കിലും കച്ചവടം വളരെയേറെ മന്ദഗതിയിലാണെന്ന് വ്യാപരികൾ പറയുന്നു. മുൻ വർഷങ്ങളിൽ നിന്നും വിഭിന്നമായി ഇപ്പോൾ ചക്ക വിൽക്കുന്നതിന് വീട്ടുകാർ തയ്യാറാകുന്നില്ല. ഈ വർഷം നാട്ടിൻപുറത്തെ പ്ലാവുകളിൽ വളരെ നേരത്തേതന്നെ മികച്ച വിളവാണ്. ചക്ക സുലഭമായതോടെ മികച്ച വിപണി പ്രതീക്ഷിച്ചെങ്കിലും ഇപ്പോൾ വീട്ടുകാർ ചക്ക കൊടുക്കാത്ത അവസ്ഥയിലാണ് ഒപ്പം കുടുംബശ്രീ യുണിറ്റുകൾ ചക്ക കൊണ്ടുള്ള ആഹാരസാധനങ്ങൾ ഉണ്ടാക്കി വില്പന നടത്തുന്നതിനാലും ഇപ്പോൾ ചക്ക വിൽക്കാൻ വീട്ടുകാർ തയ്യാറാകുന്നില്ല. ഒപ്പം 

വിലയിടിവും സാമ്പത്തികപ്രശ്നങ്ങളും പ്രാദേശിക വിൽപ്പനയെ ബാധിക്കുകയാണ്. ഇത്തിക്കരയിലെ ചക്ക വിപണിയിൽ 

കോവിഡ് കാലത്തിന് മുൻപ് വരെ 

ദിവസം മൂന്നും നാലും ലോഡ് ചക്ക പോയിരുന്നിടത്ത് ഒന്നോ രണ്ടോ ലോഡ് മാത്രമാണ് ഇപ്പോൾ കയറ്റിവിടാനാകുന്നത് എന്ന് കച്ചവടക്കാർ പറയുന്നു. സാധാരണ ജനുവരി അവസാനത്തോടെ സജീവമാകാറുള്ള ചക്കവിപണനകേന്ദ്രം ഇപ്പോൾ വലിയ അനക്കമില്ലാത്ത അവസ്ഥയിലാണ്. ഏജന്റുമാർ വീടുകളിൽ നിന്നും അഞ്ചു രൂപയ്ക്കും ആറ് രൂപയ്ക്കും സംഭരിച്ഛ് ഇത്തിക്കരയിലെ മൊത്തവ്യാപാര കേന്ദ്രത്തിൽ എത്തിക്കുന്നു.

ചക്ക കിലോയ്ക്ക്‌ 10 രൂപ നിരക്കിലാണ് എജന്റുമാരിൽനിന്ന്‌ മൊത്ത വ്യാപാരികൾ വാങ്ങുന്നത്. ഇവിടെ ശേഖരിക്കുന്ന ചക്ക തമിഴ്നാട് മുതൽ ഡൽഹി അടക്കമുള്ള ഉത്തരേന്ത്യൻ മാർക്കറ്റുകൾ ലക്ഷ്യമിട്ടാണ് നിങ്ങിയിരുന്നത്. ഇടിയൻചക്കയോ അതിലും പരുവം ആയതോ ആയ ചക്കകളാണ് ഇവിടെനിന്ന്‌ കയറ്റി അയച്ചിരുന്നത്. ഇപ്പോൾ ചക്കവിപണി കച്ചവടം കുറവാണ് എന്ന് മൊത്തകച്ചവടക്കാർ പറയുന്നു.

ഒപ്പം തന്നെ ലഭ്യത കുറവും ഉണ്ടെന്ന് വ്യാപാരികൾ പറയുന്നു.

ചക്കയുടെ ലഭ്യതക്കുറവിന്‌ കാരണം കാലവസ്ഥാ വ്യതിയാനമാണെന്നാണ്‌ വ്യാപാരികൾ പറയുന്നത്. ഇതിനു പുറമേ നാട്ടിൻപുറത്ത് തന്നെയുള്ള വിപണനസാധ്യതയും കയറ്റുമതി മേഖലയെ ബാധിക്കുന്നുണ്ട്. അതേസമയം മാർച്ച് മാസത്തോടെ സ്ഥിതി മെച്ചപ്പെടുമെന്ന പ്രതീക്ഷയിലാണ് ചക്കവിപണിയിലെ വ്യാപരികൾ.

ഫോട്ടോ : കേരളത്തിന്‌ പുറത്തേക്ക്‌ കൊണ്ടുപോകാനായി ചക്ക ലോറിയിൽ കയറ്റുന്നു. ഇത്തിക്കരയിൽ നിന്നുള്ള കാഴ്ച.