സൈബർ പോരാട്ടത്തിൽ രാക്ഷ്ട്രീയ പാർട്ടികൾ

സൈബർ പോരാട്ടത്തിൽ രാക്ഷ്ട്രീയ പാർട്ടികൾ 

കൊല്ലം : അണികൾ മൈബൈലുമായി രാക്ഷ്ട്രിയ പാർട്ടികൾക്ക് വേണ്ടിയുള്ള സൈബർ പോരാട്ടത്തിൽ ചുക്കാൻ പിടിച്ചു നേതാക്കൾ. കോവിഡ് പശ്ചാത്തലത്തിൽ തിരഞ്ഞെടുപ്പിൽ നിയന്ത്രണങ്ങൾ വന്നതോടെ ഓൺലൈനിൽ അങ്കംകുറിച്ച് രാഷ്ട്രീയ പാർട്ടികൾ. സ്ഥാനാർഥികൾ അണിനിരക്കും മുൻപേ ബിജെപി 

ഓൺലൈൻ പ്ളാറ്റ്‌ഫോമിൽ കളംനിറഞ്ഞ് പ്രചാരണം കൊഴുപ്പിക്കാനുള്ള ഒരുക്കങ്ങൾ അണിയറയിൽ ആരംഭിച്ചുകഴിഞ്ഞു.

സംസ്ഥാനതലത്തിൽ പരിശീലനം നേടിയ അഞ്ചംഗ കമ്മിറ്റിയാണ് ജില്ലയിൽ ഐ ടി സെല്ലിനെ നിയന്ത്രിക്കുന്നത്. എല്ലാ മണ്ഡലാടിസ്ഥാനത്തിലും രൂപവത്‌കരിച്ച ഐ ടി സെല്ലിലും പരീശീലനം നേടിയവർക്കാണ് നിയന്ത്രണം.

പ്രധാന സോഷ്യൽ മീഡിയ പ്ലാറ്റ്‌ഫോമുകളായ വാട്സാപ്പ്, ഫേസ്ബുക്ക്, ട്വിറ്റർ, ടെലഗ്രാം എന്നിവയിലെല്ലാം അക്കൗണ്ടുകളുണ്ട്. ജില്ലാതലം മുതൽ ബൂത്തുതലംവരെ പ്രത്യേകം വാട്ട്സാപ്പ് ഗ്രൂപ്പുകളും ഫേസ് ബുക്ക് ഗ്രൂപ്പുകളുമുണ്ട്. കൂടാതെ

നിയമസഭാ തിരഞ്ഞെടുപ്പിൽ ട്വിറ്ററിനാണ് ബി ജെ പി മുഖ്യപരിഗണന നൽകിയിരിക്കുന്നത്. ജില്ലയിലുള്ള മുഴുവൻ പ്രവർത്തകരുടെയും അനുഭാവികളെയും ട്വിറ്ററിൽ അക്കൗണ്ട് തുറപ്പിക്കാനുള്ള തീവ്രശ്രമത്തിലാണ് ഐ ടി സെൽ പ്രവർത്തകർ. 'പുതിയ കേരളം മോദിയോടൊപ്പം' തുടങ്ങി നിരവധി വിഷയങ്ങളാണ് ട്രെൻഡിങ് ആക്കുന്നത്. തദ്ദേശ തിരഞ്ഞെടുപ്പ് സമയത്ത് താഴേത്തട്ടുവരെയുള്ള വാട്സാപ്പ്, ഫേസ്ബുക്ക് ഗ്രൂപ്പുകളും സജീവമാക്കിയിട്ടുണ്ട്. കേന്ദ്ര സർക്കാരിന്റെ പദ്ധതികളും അതിന്റെ ഗുണഭോക്താക്കളെയും പ്രതിപാദിക്കുന്ന വീഡിയോകളും പോസ്റ്ററുകളുമാണ് പ്രധാനം. അതോടൊപ്പം ശബരിമല വിഷയം, മറ്റ് രാഷ്ട്രീയ വിഷയങ്ങൾ എന്നിവയൊക്കെ ഗ്രൂപ്പുകളിൽ ഷെയർ ചെയ്യും.അതോടൊപ്പം സംസ്ഥാന സർക്കാരിന്റെ നടപടികളെ വിമർശിക്കുന്ന പോസ്റ്ററുകളും തയ്യാറാക്കുന്നുണ്ട്. സ്ഥാനാർഥികളായതോടെ അതത് മണ്ഡലാടിസ്ഥാനത്തിൽ സ്ഥാനാർഥികൾക്കുള്ള ഔദ്യോഗിക ഫേസ്‌ബുക്ക് പേജുകളും പുത്തൻരീതിയിലുള്ള പോസ്റ്ററുകളും നിർമിക്കുന്നുണ്ട്.

ജില്ലാതലത്തിനു പുറമേ പ്രാദേശിക വിഷയങ്ങളിൽ പോസ്റ്ററുകളും വീഡിയോകളും തയ്യാറാക്കുന്നതിനായി

മണ്ഡലം പഞ്ചായത്ത്‌  തലത്തിലും വൊളന്റിയർമാർ പ്രവർത്തിക്കുന്നുണ്ടെന്ന്

 സോഷ്യൽ മീഡിയയുടെ ചുമതലവഹിക്കുന്ന ആശ്രമം ഗിരീഷ് പറഞ്ഞു. ബിജെപിയുടെ സോഷ്യൽ മീഡിയ വിഭാഗത്തിൽനിന്ന്‌ താഴേത്തട്ടുവരെ സന്ദേശങ്ങളെത്തിക്കുന്നത് ഈ സമൂഹമാധ്യമങ്ങൾ വഴിയാണ്. എല്ലാ ബൂത്തുകളും കേന്ദ്രീകരിച്ച് വാട്സാപ്പ് ഗ്രൂപ്പുകളും നിയോജകമണ്ഡലാടിസ്ഥാനത്തിൽ ഫേസ്ബുക്ക് പേജുകളും ആരംഭിച്ചിട്ടുണ്ട്. ശബരിമല വിഷയം, സ്പ്രിംഗ്ളർ, സ്വർണക്കടത്ത്, പമ്പമണൽക്കടത്ത്, ആഴക്കടൽ മത്സ്യബന്ധനകരാർ എന്നിവയും പോസ്റ്ററുകളിലെയും വീഡിയോകളിലെയും വിഷയങ്ങളാണ്.

കോൺഗ്രസിന്റെ സോഷ്യൽ മീഡിയ സംവിധാനം ഇത്തവണ വാട്സാപ്പിനും ഫേസ്ബുക്കിനും പുറമേ ട്വിറ്റർ, ടെലഗ്രാം തുടങ്ങിയ സമൂഹമാധ്യമങ്ങളിലെല്ലാം സാന്നിധ്യം അറിയിച്ചിട്ടുണ്ട്. കെ പി സി സി യുടെ സോഷ്യൽ മീഡിയ വിഭാഗത്തിൽനിന്ന്‌ താഴേത്തട്ടുവരെ സന്ദേശങ്ങളെത്തിക്കുന്നത് ഈ സമൂഹമാധ്യമങ്ങൾ വഴിയാണ്.

സി പി എമ്മിന്റെ നേതൃത്വത്തിൽ 98-അംഗ കമ്മിറ്റിയാണ് ജില്ലാതലത്തിൽ സോഷ്യൽ മീഡിയ വിഭാഗം കൈകാര്യം ചെയ്യുന്നത്. പ്രധാന സോഷ്യൽ മീഡിയ പ്ലാറ്റ്‌ഫോമുകളായ വാട്സാപ്പ്, ഫേസ്ബുക്ക്, ട്വിറ്റർ, ടെലഗ്രാം എന്നിവയിലെല്ലാം അക്കൗണ്ടുകളുണ്ട്. ജില്ലാതലം മുതൽ ബൂത്തുതലംവരെ പ്രത്യേകം വാട്ട്സാപ്പ് ഗ്രൂപ്പുകളും ഫേസ് ബുക്ക് ഗ്രൂപ്പുകളുമുണ്ട്. കഴിഞ്ഞ അഞ്ചുവർഷത്തെ ഭരണനേട്ടം വിശദീകരിച്ചുള്ള പോസ്റ്ററുകളും വീഡിയോകളുമാണ് പ്രധാന ഉള്ളടക്കം.