ആർ. സി. സി. യെ രക്ഷിക്കണം

സം​സ്ഥാ​ന​ത്തെ ഏ​റ്റ​വും വ​ലു​തും ഏ​റെ ജ​ന​വി​ശ്വാ​സ​മാർ​ജ്ജി​ച്ച​തു​മായ ഉ​ന്നത ചി​കി​ത്സാ​കേ​ന്ദ്ര​മായ ആർ.​സി.​സി​ക്കെ​തി​രെ സ​മീ​പ​കാ​ല​ത്തു പു​റ​ത്തു​വ​ന്നു​കൊ​ണ്ടി​രി​ക്കു​ന്ന വി​വാദ ക​ഥ​കൾ ഉ​ത്‌​ക​ണ്ഠ​യു​ള​വാ​ക്കു​ന്ന​താ​ണ്. സം​സ്ഥാ​ന​ത്ത് അ​ങ്ങോ​ള​മി​ങ്ങോ​ള​മു​ള്ള പ​തി​നാ​യി​ര​ക്ക​ണ​ക്കി​ന് അർ​ബുദ രോ​ഗി​ക​ളു​ടെ ആ​ശാ​കേ​ന്ദ്ര​മായ ഈ മ​ഹ​ദ് സ്ഥാ​പ​നം വി​വാ​ദ​ങ്ങ​ളിൽ നി​ന്ന് ഒ​ഴി​ഞ്ഞു​നിൽ​ക്കേ​ണ്ട​തും വ​ളർ​ന്നു വ​ലു​താ​കേ​ണ്ട​തും മു​ഴു​വൻ ജ​ന​ങ്ങ​ളു​ടെ​യും ആ​വ​ശ്യ​മാ​ണ്. സ്ഥാ​പ​ന​ത്തി​നെ​തി​രെ ഉ​ണ്ടാ​കു​ന്ന അ​പ​വാദ പ്ര​ച​ര​ണ​ങ്ങൾ​ക്കു പി​ന്നിൽ തീർ​ച്ച​യാ​യും നി​ക്ഷി​പ്ത താ​ത്‌​പ​ര്യ​ക്കാ​രും കാ​ണും. എ​ന്നാൽ വ​സ്തു​ത​കൾ മ​ന​സി​ലാ​ക്കാ​തെ​യും കേ​ട്ടു​കേ​ഴ്‌​വി​യു​ടെ അ​ടി​സ്ഥാ​ന​ത്തി​ലും ക​ള്ള​ക്ക​ഥ​കൾ പ​ട​ച്ചി​റ​ക്കു​ന്ന​വർ സം​സ്ഥാ​ന​ത്തി​ന് അ​ഭി​മാ​ന​മായ ഈ സ്ഥാ​പ​ന​ത്തോ​ട് വ​ലിയ ക്രൂ​ര​ത​യാ​ണ് ചെ​യ്യു​ന്ന​തെ​ന്ന​തിൽ തർ​ക്ക​മൊ​ന്നു​മി​ല്ല.
സർ​ക്കാ​രി​ന്റെ കീ​ഴിൽ ന​ട​ക്കു​ന്ന ഏ​തൊ​രു സ്ഥാ​പ​ന​ത്തി​ലും ഉ​ണ്ടാ​കാ​വു​ന്ന പാ​ക​പ്പി​ഴ​ക​ളും പോ​രാ​യ്മ​ക​ളു​മൊ​ക്കെ ആർ.​സി.​സി​യി​ലും ക​ണ്ടേ​ക്കാം. അ​തി​നെ ആ​ധാ​ര​മാ​ക്കി അ​വി​ടെ ന​ട​ക്കു​ന്ന​തി​നെ​യെ​ല്ലാം അ​ട​ച്ചാ​ക്ഷേ​പി​ക്കാ​നും അ​പ​വാ​ദം അ​ഴി​ച്ചു​വി​ടാ​നും ശ്ര​മി​ക്കു​ന്ന​വർ ഇ​വി​ടെ ചി​കി​ത്സ​യ്ക്കെ​ത്തു​ന്ന രോ​ഗി​ക​ളു​ടെ ആ​ത്മ​വീ​ര്യ​മാ​ണ് ത​കർ​ക്കു​ന്ന​ത്. മാ​തൃ​കാ​പ​ര​മായ നി​ല​യിൽ ന​ട​ന്നു​കൊ​ണ്ടി​രി​ക്കു​ന്ന ആർ.​സി.​സി പോ​ലു​ള്ള ഒ​രു സ്ഥാ​പ​ന​ത്തി​നെ​തി​രെ വി​മർ​ശ​ന​ത്തി​നു മു​തി​രു​മ്പോൾ അവ ആ​രി​ലാ​ണ് ആ​ത്യ​ന്തി​ക​മാ​യി ചെ​ന്നു ത​റ​യ്ക്കു​ന്ന​തെ​ന്ന് ര​ണ്ടു​വ​ട്ടം ആ​ലോ​ചി​ക്കേ​ണ്ട​തു​ണ്ട്.
ആർ.​സി.​സി​യിൽ ചി​കി​ത്സ​യ്ക്കെ​ത്തിയ ഒ​രു ബാ​ലിക അ​വി​ടെ നി​ന്ന് ര​ക്തം സ്വീ​ക​രി​ച്ച​തി​ലൂ​ടെ എ​ച്ച്.​ഐ.​വി ബാ​ധി​ച്ച് മ​ര​ണ​മ​ട​ഞ്ഞ സ​മീ​പ​കാല സം​ഭ​വ​മാ​ണ് പു​തിയ വി​വാ​ദ​ങ്ങൾ​ക്കു തു​ട​ക്ക​മി​ട്ട​ത്. സ​മാ​ന​മായ മ​റ്റൊ​രു കേ​സ് കൂ​ടി ഉ​ണ്ടാ​യ​ത് സ്ഥി​തി കൂ​ടു​തൽ വ​ഷ​ളാ​ക്കു​ക​യും ചെ​യ്തു. ഡോ​ക്ട​റായ ത​ന്റെ പ​ത്നി ആർ.​സി.​സി​യി​ലെ ചി​കി​ത്സ​യ്ക്കി​ടെ മ​ര​ണ​പ്പെ​ട്ട​ത് ചി​കി​ത്സ​യി​ലെ പോ​രാ​യ്മ കൊ​ണ്ടാ​ണെ​ന്നു പ​രാ​തി​പ്പെ​ട്ടു​കൊ​ണ്ട് ഒ​രു ഡോ​ക്ടർ ത​ന്നെ രം​ഗ​ത്തു വ​ന്ന​ത് കൂ​ടു​തൽ മോ​ശ​മായ പ്ര​തി​ച്ഛായ സൃ​ഷ്ടി​ക്കാൻ കാ​ര​ണ​വു​മാ​യി. ഇ​തി​നോ​ടൊ​പ്പം സ്ഥാ​പ​ന​ത്തി​ന്റെ ഡ​യ​റ​ക്ട​റും ഏ​താ​നും മേ​ധാ​വി​ക​ളും സ്ഥാ​ന​മൊ​ഴി​യാ​നൊ​രു​ങ്ങു​ന്നു എ​ന്ന വാർ​ത്ത കൂ​ടി പു​റ​ത്തു​വ​ന്ന​ത് ആർ.​സി.​സി​യിൽ അ​രു​താ​ത്ത​തെ​ന്തെ​ല്ലാ​മോ ന​ട​ക്കു​ന്നു എ​ന്ന പ്ര​തീ​തി​യും ജ​ന​ങ്ങൾ​ക്കി​ട​യിൽ സൃ​ഷ്ടി​ച്ചു. സ​മൂ​ഹ​മ​ദ്ധ്യേ സം​ശയ നി​ഴ​ലി​ലാ​യി​ട്ടും ഇ​ട​പെ​ടാൻ ബാ​ദ്ധ്യ​ത​യു​ള്ള സർ​ക്കാർ ഇ​ട​പെ​ടാ​തെ മാ​റി​നിൽ​ക്കു​ന്ന​താ​ണ് മ​റ്റൊ​രു ദൗർ​ഭാ​ഗ്യം.
രോ​ഗി​ക​ളു​ടെ ബാ​ഹു​ല്യ​ത്തി​നൊ​പ്പം വ​ള​രാൻ ക​ഴി​യാ​ത്ത​താ​ണ് ആർ.​സി.​സി നേ​രി​ടു​ന്ന പ്ര​ധാന പ്ര​ശ്നം. സം​സ്ഥാ​ന​ത്ത് അർ​ബുദ ബാ​ധി​ത​രാ​കു​ന്ന​വ​രു​ടെ സം​ഖ്യ ഓ​രോ വർ​ഷ​വും ഉ​ത്ക​ണ്ഠ​ജ​ന​ക​മാം വി​ധം വർ​ദ്ധി​ച്ചു​കൊ​ണ്ടി​രി​ക്കു​ക​യാ​ണ്. എ​ന്നാൽ ചി​കി​ത്സാ സൗ​ക​ര്യ​ങ്ങ​ളാ​ക​ട്ടെ അ​ത​നു​സ​രി​ച്ച് വർ​ദ്ധി​ക്കു​ന്നു​മി​ല്ല. ഏ​റ്റ​വും മെ​ച്ച​പ്പെ​ട്ട ചി​കി​ത്സ ല​ഭി​ക്കു​മെ​ന്ന​തി​നാൽ കാ​സർ​കോ​ട് നി​ന്ന് പോ​ലും ഏ​റെ രോ​ഗി​കൾ എ​ത്തു​ന്ന​ത് ആർ.​സി.​സി​യി​ലാ​ണ്. സ്ഥ​ല​പ​രി​മി​തി​യിൽ വീർ​പ്പു​മു​ട്ടു​ന്ന ആർ.​സി.​സി ദി​വ​സ​വും ര​ണ്ടാ​യി​ര​ത്തോ​ളം രോ​ഗി​ക​ളെ​യാ​ണ് കൈ​കാ​ര്യം ചെ​യ്യേ​ണ്ടി​വ​രു​ന്ന​ത്. രോ​ഗി​ക​ളു​ടെ ബാ​ഹു​ല്യ​ത്തി​ന​നു​സ​രി​ച്ച് കി​ട​ക്ക​ക​ളും മ​റ്റു സൗ​ക​ര്യ​ങ്ങ​ളും വർ​ദ്ധി​ക്കാ​ത്ത​തി​നാൽ രോ​ഗി​ക​ളു​ടെ ദു​രി​ത​വും സ​മാ​ന​ത​ക​ളി​ല്ലാ​ത്ത​താ​ണ്. കൂ​ടു​തൽ വി​ശാ​ല​മായ സ്ഥ​ലം ക​ണ്ടെ​ത്തി സ്ഥാ​പ​നം അ​ങ്ങോ​ട്ടു മാ​റ്റാ​നു​ള്ള ആ​ലോ​ചന ഉ​ണ്ടാ​യെ​ങ്കി​ലും ഫ​ല​പ്രാ​പ്തി​യി​ലെ​ത്തി​യി​ല്ല. സം​സ്ഥാന ആ​രോ​ഗ്യ വ​കു​പ്പ് അ​ധി​കൃ​തർ മ​ന​സു​വ​ച്ചാ​ലേ ആർ.​സി.​സി വി​ക​സ​നം മു​ന്നോ​ട്ടു​കൊ​ണ്ടു​പോ​കാ​നാ​വൂ. അർ​ബുദ ചി​കി​ത്സ​യ്ക്ക് മെ​ഡി​ക്കൽ കോ​ളേ​ജ് ആ​ശു​പ​ത്രി​ക​ളി​ലും വി​പുല സൗ​ക​ര്യ​ങ്ങൾ ഏർ​പ്പെ​ടു​ത്താൻ പ​ദ്ധ​തി ഒ​രു​ക്കു​ന്ന സർ​ക്കാർ ആ​ദ്യം ചെ​യ്യേ​ണ്ട​ത് ആർ.​സി.​സി ഇ​ന്ന് നേ​രി​ടു​ന്ന പോ​രാ​യ്മ​കൾ പ​രി​ഹ​രി​ക്കാ​നാ​ണ്.
സർ​ക്കാ​രി​ന്റെ ത​ന്നെ മ​റ്റ് ആ​ശു​പ​ത്രി​ക​ളിൽ നി​ന്ന് ആർ.​സി.​സി​യെ വ്യ​ത്യ​സ്ത​മാ​ക്കു​ന്ന ഘ​ട​ക​ങ്ങൾ നി​ര​വ​ധി​യാ​ണ്. ആ​ശ​യ​റ്റു പോ​കു​ന്ന അർ​ബുദ രോ​ഗി​ക​ളു​ടെ ഏ​റ്റ​വും വ​ലിയ ആ​ശ്രയ സ്ഥാ​ന​മാ​ണി​ത്. കു​ബേര കു​ചേല വ്യ​ത്യാ​സ​മി​ല്ലാ​തെ സ​മൂ​ഹ​ത്തി​ന്റെ നാ​നാ​തു​റ​ക​ളി​ലു​ള്ള​വർ​ക്കും ഏ​റ്റ​വും മെ​ച്ച​പ്പെ​ട്ട ചി​കി​ത്സ​യും പ​രി​ച​ര​ണ​വു​മാ​ണ് ഇ​വി​ടെ നൽ​കു​ന്ന​ത്. എ​ല്ലാം ചി​ട്ട​യോ​ടും പ​ര​മാ​വ​ധി വേ​ഗ​ത്തി​ലും എ​ന്ന​താ​ക​ണം ഇ​തു​പോ​ലു​ള്ള ആ​ശു​പ​ത്രി​ക​ളു​ടെ മു​ദ്രാ​വാ​ക്യം. എ​ന്നാൽ സർ​ക്കാർ സ്ഥാ​പ​ന​മെ​ന്ന പ​രാ​ധീ​ന​ത​ക​ളിൽ നി​ന്ന് പൂർണ മോ​ച​നം ആർ.​സി.​സി​ക്കു​മി​ല്ല എ​ന്ന​താ​ണ് സ​ത്യം. അ​തു​കൊ​ണ്ടാ​ണ് വർ​ഷ​ങ്ങ​ളാ​യി വ​ലിയ വി​ക​സ​ന​മൊ​ന്നു​മി​ല്ലാ​തെ, ഏ​റെ ഇ​ല്ലാ​യ്മ​ക​ളു​മാ​യി സ്ഥാ​പ​ന​ത്തി​ന് മു​ന്നോ​ട്ടു പോ​കേ​ണ്ടി​വ​രു​ന്ന​ത്. സ​മൂ​ഹ​ത്തിൽ ഏ​റെ അ​നു​ക​മ്പ​യും പ​രി​ഗ​ണ​ന​യും അർ​ഹി​ക്കു​ന്ന അർ​ബുദ രോ​ഗി​ക​ളു​ടെ കാ​ര്യ​ത്തിൽ ആ​രോ​ഗ്യ വ​കു​പ്പ് കൂ​ടു​തൽ ഉ​ത്ത​ര​വാ​ദി​ത്വ​പൂർ​ണ​മായ സ​മീ​പ​നം സ്വീ​ക​രി​ക്കേ​ണ്ട​തു​ണ്ട്. രോ​ഗി​കൾ​ക്കു​ള്ള സ​ഹായ പ​ദ്ധ​തി​കൾ പോ​ലും യ​ഥാ​വി​ധി ന​ട​പ്പാ​ക്കു​ന്നി​ല്ലെ​ന്ന ആ​ക്ഷേ​പം വ്യാ​പ​ക​മാ​ണ്. സൂ​ക്ഷ്മ​മായ ര​ക്ത​പ​രി​ശോ​ധ​ന​യ്ക്കാ​വ​ശ്യ​മായ അ​ത്യാ​ധു​നിക യ​ന്ത്ര​ങ്ങൾ വാ​ങ്ങു​ന്ന​തിൽ പോ​ലും സർ​ക്കാ​രി​ന്റെ സ്വ​ത​സി​ദ്ധ​മായ മെ​ല്ലെ​പ്പോ​ക്ക് എ​ത്ര​മാ​ത്രം ദോ​ഷം ചെ​യ്യു​മെ​ന്ന് സ​മീ​പ​കാ​ല​ത്തെ എ​ച്ച്.​ഐ.​വി ബാധ കാ​ട്ടി​ത്ത​രു​ന്നു. ആർ.​സി.​സി​യു​ടെ കാ​ര്യ​ശേ​ഷി​യും യ​ശ​സ്സും വാ​നോ​ളം ഉ​യർ​ത്താ​നു​ള്ള ന​ട​പ​ടി​ക​ളാ​ണ് സർ​ക്കാ​രി​ന്റെ ഭാ​ഗ​ത്തു​നി​ന്ന് ഉ​ണ്ടാ​കേ​ണ്ട​ത്.